Jump to content

Պոետների անկյուն

Վիքիպեդիայից՝ ազատ հանրագիտարանից
Պոետների անկյունը Վեստմինստերյան աբբայությունում

Պոետների անկյուն (անգլ.՝ Poets' Corner), Վեստմինստերյան աբբայության հարավային տրանսեպտի մաս, որտեղ ավանդաբար թաղվում են բանաստեղծներ, դրամատուրգներ և գրողներ[1]։ Վերջիններից մեկը եղել է 2009 թվականին Թագավորական բալետի (անգլ.՝ The Royal Ballet) հիմնադիրների հիշատակին նվիրված հատակադիր հուշաքարի, Էլիզաբեթ Գասկելլի հուշատախտակի տեղադրումը։ 2011 թվականին նախատեսվել է տեղադրել բրիտանացի բանաստեղծ Թեդ Հյուզին նվիրված հուշատախտակ[2], սակայն նրա աճյունը Պոետների անկյուն չի տեղափոխվելու[3]։

Պատմություն

[խմբագրել | խմբագրել կոդը]

Պոետների անկյունում առաջինը թաղվել է Ջեֆրի Չոսերը։ Դա տեղի է ունեցել 1400 թվականին ոչ այնքան նրա գրական փառքի, որքան Վեստմինստերյան պալատի շինարարության ժամանակ որպես աշխղեկ (անգլ.՝ Clerk of Works) հանդես գալու շնորհիվ։ Հուշարձանը տեղադրվել է 150 տարի անց՝ 1556 թվականին։ Սակայն Չոսերի թաղումից հետո անցել է գրեթե երկու հարյուր տարի, մինչև այդ վայրում թաղվել է մեկ այլ բանաստեղծ՝ Էդմունդ Սպենսերը, որը մահացել է 1599 թվականին և թաղվել Չոսերից մի քանի յարդ հեռավորության վրա։ Այդպես սկիզբ է առել ավանդույթ, և հարավային կցաշենքը դարձել է բանաստեղծների թաղման վայր[4]։ Ժամանակի ընթացքում Պոետների անկյունում սկսել են տեղադրել հուշատախտակներ, հուշաքարեր ու հուշարձաններ աբբայությունում չթաղված գրական գործիչների համար[5]։

Անձի մահվան ու Պոետների անկյունում նրա թաղման (հուշարձանի տեղադրման) միջև կարող է ընկած լինել երկար ժամանակահատված։ Օրինակ՝ Ջորջ Բայրոնը, որի պոեզիան ժողովրդականություն է վայելել արդեն իր կենդանության օրոք, բայց որը վարել է սկանդալային կենսակերպ, մահացել է 1824 թվականին, իսկ Պոետների անկյունում նրա հուշարձանը տեղադրվել է միայն 1961 թվականին։ Վիլյամ Շեքսպիրը թաղվել է Ստրատֆորդ ըփոն Էյվոնում 1616 թվականին, իսկ նրա հուշարձանը Պոետների անկյունում տեղադրվել է 1740 թվականին անգլիացի քանդակագործ Ուիլյամ Քենտի նախագծով։

Վերջին թաղումը վերաբերում է 1989 թվականին, երբ այնտեղ թաղվել է բրիտանացի հայտնի դերասան Լորենս Օլիվիեն։ Դրանից հետո հայտարարվել է, որ գերեզմանատունը գերծանրաբեռնված է[6]։

Մինչ այժմ անհայտ է, թե ինչ չափանիշների հիման վրա է թույլատրվել այս կամ այն գրական գործչի թաղումը Պոետների անկյունում։ Օրինակ՝ աբբայությունում թաղվելու պատվին չեն արժանացել հայտնի ու կանոնիկ այնպիսի գրողներ, ինչպիսիք են Ջոնաթան Սվիֆթը, Էլիզաբեթ Բարեթ Բրաունինգը և Սամուել Թեյլոր Քոլրիջը[5]։

Հուշարձանների տեսակներ

[խմբագրել | խմբագրել կոդը]

Հուշարձանները կարող են լինել մի քանի տիպի։ Դրանցից մի քանիսը գետնին տեղադրված սալեր են, որոնց վրա փորագրված են նրանց անունները, մյուսները հուշարձաններ են, քանդակներ, կիսանդրիներ և հուշատախտակներ՝ տեղադրված պատերի ու որմնախորշերում։ Դրանցից մի քանիսը խմբավորված են, օրինակ՝ Բրոնտե քույրերինը (տեղադրվել են 1939 թվականին, բայց պատերազմի պատճառով բացվել են 1947 թվականին)։

Բեն Ջոնսոնի շիրմաքարի վրա փորագրված է «O Rare Ben Johnson» (sic)։ Գոյություն ունի կարծիք, որ դա կարող է նշանակել «Orare Ben Jonson» (բառացիորեն՝ Աղոթիր Բեն Ջոնսոնի համար), որը կնշանակեր, որ նա մահվան մահճում անցել է կաթոլիկության, բայց О տառի և «rare» բառի միջև տարածություն կա[7]։ Այն փաստը, որ նա թաղվել է ուղղահայաց գերեզմանում, վկայում է մահվան պահին նրա ունեցած համեստ հնարավորությունների մասին[8]։

Երբ հատակի ու պատերի վրա ազատ տեղերը վերջացել են, որոշվել է տեղադրել վիտրաժային պատուհան՝ ի հիշատակ ճարտարապետության պատմաբան Էդվարդ Հաբարդի (անգլ.՝ Edward Hubbard), հենց այնտեղ էլ տեղադրվել են նոր հուշատախտակներ։

Թաղումներ

[խմբագրել | խմբագրել կոդը]
Նկար Անուն Ծնվել է Մահացել է Տարիք Նշումներ Զբաղմունք
Ռոբերտ Ադամ 1728 1792 63 Ճարտարապետ
Իսահակ Բարրոու 1630 1677 46 Մաթեմատիկոս
Ֆրենսիս Բոմոնթ 1584 1616 31-32 Գերեզմանը չի պահպանվել։ Անունը փորագրված է Քոուլիի շիրմաքարի վրա։ Դրամատուրգ
Ջոն Բոմոնտ
(John Beaumont) 		1583 1627 43-44 Բանաստեղծ
Ուիլյամ Բենսոն
(William Benson) 		անհայտ 1549 անհայտ Վեստմինստերյան աբբայության վանահայր
Մերի Էլինոր Բոուզ
(Mary Eleanor Bowes) 		1749 1800 51 Որոշ աղբյուրներում նշվում է, որ նա թաղվել է արքունական զգեստով և թագավորական ունկնդրության համար նախատեսված բոլոր աքսեսուարներով, ըստ այլ տեղեկության՝ իր հարսանեկան զգեստով[9]։ Բանաստեղծ և դրամատուրգ
Ռոբերտ Բրաունինգ 1812 1889 77 Բրաունինգի գերեզմանը գտնվում է Ալֆրեդ Թեննիսոնի շիրմի կողքին։ Բանաստեղծ և դրամատուրգ
Ռիչարդ Բասբի
(Richard Busby) 		1606 1695 88-89 Գիտնական և ուսուցիչ
Ուիլյամ Քեմդեն 1551 1623 72 Պատմաբան և հնահավաք
Թոմաս Քեմփբել
(Thomas Campbell) 		1777 1844 66 Թաղվել է 1844 թվականի հուլիսի-ին։ Շոտլանդացի բանաստեղծ
Հենրի Ֆրենսիս Քերի 1772 1844 72 Թաղվել է 1844 թվականի օգոստոսի 14-ին։ Գրող և թարգմանիչ
Իսահակ դե Կազոբոն 1559 1614 55 Գիտնական
Ուիլյամ Չեմբերս 1723 1796 75 Ճարտարապետ
Ջեֆրի Չոսեր c. 1343 1400 56-57 Գերեզմանը նշած չէ։ Անունը փորագրված է Քոուլիի շիրմաքարի վրա։ Գրող, բանաստեղծ
Աբրահամ Քոուլի 1618 1667 48-49 Բանաստեղծ
Ռիչարդ Քամբերլենդ 1732 1811 79 Դրամատուրգ
Ուիլյամ Դավենանտ 1606 1668 62 Բանաստեղծ և դրամատուրգ
Ջոն Դենհամ
(John Denham) 		1614 or 1615 1669 63-65 Գերեզմանը նշված չէ։ Անունը փորագրված է Քոուլիի շիրմաքարի վրա։ Բանաստեղծ
Չարլզ Դիքենս 1812 1870 58 Չարլզ Դիքենսի կտակի համաձայն՝ շքեզ թաղում չի կազմակերպվել, այլ միայն անցկացվել է համեստ արարողություն աբբայությունում 1870 թվականի հունիսի 14-ին[10]։ Գրող
Մայքլ Դրեյթոն
(Michael Drayton) 		1563 1631 67-68 Բանաստեղծ
Ջոն Դրայդեն 1631 1700 68 Գերեզմանը նշված չէ։ Անունը փորագրված է Քոուլիի շիրմաքարի վրա։ Բանաստեղծ և դրամատուրգ
Ադամ Ֆոքս 1883 1977 93-94 Պոեզիայի պրոֆեսոր Օքսֆորդի համալսարանում, Վեստմինստերյան աբբայության կանոնիկոս
Դևիդ Գարրիք 1717 1779 61 Դրամատուրգ
Եվա Մարիա Վիգել 1724 1822 98 Դևիդ Գարրիքի կինը Պարուհի
Ջոն Գեյ 1685 1732 47 Բանաստեղծ և դրամատուրգ
Ուիլյամ Գիֆորդ
(William Gifford) 		1756 1826 70 Բանաստեղծ և հրատարակիչ
Ջորջ Գրոտ
(George Grote) 		1794 1871 76 Պատմաբան և քաղաքական գործիչ
Ռիչարդ Հաքլյույթ c.1552 1616 63-64 Գրող
Գեորգ Ֆրիդրիխ Հենդել 1685 1759 74 Կոմպոզիտոր
Թոմաս Հարդի 1840 1928 87 Հարդիի թաղումը տեդի է ունեցել 1928 թվականի հունվարի 16-ին և եղել ոչ միանշանակ իրադարձություն, որովհետև ըստ Հարդիի կտակի՝ նրան պետք է թաղեին Ստինսֆորդում (անգլ.՝ Stinsford)՝ կնոջ կողքին։ Հարդիի կտակակատարը պնդել է, որ նա թաղվի Վեստմինստերյան աբբայությունում՝ Պոետների անկյունում։ Փոխզիջումների արդյունքում Հարդիի սիրտը թաղվել է կնոջ կողքին, աճյունը՝ աբբայությունում։ Գրող, բանաստեղծ
Հենրի Իրվինգ 1838 1905 67 Դերասան
Սեմյուել Ջոնսոն 1709 1784 75 Գրող, բանաստեղծ և բառարանագիր
Ռեդյարդ Քիփլինգ 1865 1936 70 Գրող, բանաստեղծ
Նիկոլաս Լիթլինգտոն
(անգլ.՝ Nicholas Litlington) 		before 1315 1386 70+ Աբբա
Թոմաս Բաբինգտոն Մաքոլեյ 1800 1859 59 Թաղվել է 1860 թվականի հունվարի 9-ին[11]։ Բանաստեղծ, պատմաբան
Ջեյմս Մաքֆերսոն 1736 1796 59 Գրող, բանաստեղծ
Ջոն Մեյսֆիլդ 1878 1967 88 Ըստ իր կտակի՝ դիակիզվել է, և աճյունը թաղվել է Պոետների անկյունում։ Գրող, բանաստեղծ
Ռոբերտ Մորեյ
(Robert Moray) 		1608/9 1673 63-65 Գերեզմանը նշված չէ։ Անունը փորագրված է Քոուլիի շիրմաքարի վրա։ Պետական գործիչ, փիլիսոփա
Գիլբերտ Մյուրրեյ
Gilbert Murray 		1866 1957 91 Գիտնական, թարգմանիր
Լոուրենս Օլիվիե 1907 1989 82 Դերասան
Թոմաս Պար (Old Tom Parr) 1483 1635 152 Ենթադրաբար՝ անգլիացի երկարակյաց
Մեթյու Փրայոր
Matthew Prior 		1664 1721 57 Գերեզմանը նշված չէ։ Անունը փորագրված է Քոուլիի շիրմաքարի վրա։ Բանաստեղծ, դիվանագետ
Նիկոլաս Ռոու
Nicholas Rowe 		1674 1718 44 Դրամատուրգ, բանաստեղծ
Շառլ դե Սենտ Էվրեմոնտ
Charles de Saint-Évremond 		1610 1703 93 Գերեզմանը նշված չէ։ Անունը փորագրված է Քոուլիի շիրմաքարի վրա։ էսսեիստ, գրական քննադատ
Ռիչարդ Բրինսլի Շերիդան 1751 1816 64 Դրամատուրգ, բանաստեղծ
Ռոբերտ Սաութ
Robert South 		1634 1716 81 Աստվածաբան, բանաստեղծ
Էդմունդ Սպենսեր c. 1552 1599 46-47 Բանաստեղծ
Ռոբերտ Ստեպլտոն
(Robert Stapylton) 		c.1607 1669 61-62 Դրամատուրգ
Մերի Ստիլ (Mary Steele) 1678 1718 40 Օրագրերի հեղինակ
Ալֆրեդ Թեննիսոն 1809 1892 83 Շքեղ հուղարկավարություն է անցկացվել 1892 թվականի հոկտեմբերի 12-ին[12]։ 1893 թվականին կառավարությունը պատվիրել է Թեննիսոնի կիսանդրու տեղադրումը Պոետների անկյունում։ Բանաստեղծ
Քոննոպ Թիրվոլ
(Connop Thirlwall) 		1797 1875 78 Եպիսկոպոս, պատմաբան
Թոմաս Տրիպլետ
(անգլ.՝ Thomas Triplet) 		c.1601 1670 68-69 Հոգևորական
Օուեն Թուդոր
(անգլ.՝ Owen Tudor) 		1429 1501 71-72 Վանական

Հուշարձաններ

[խմբագրել | խմբագրել կոդը]
Պատկեր Անուն Ծնվել է Մահացել է Տարիք Հուշարձանի
տեղադրման ամսաթիվ 		Հուշարձանի
նկարագրություն 		Գործունեություն
Ջոզեֆ Ադիսոն 1672 1719 47 1809 Քանդակ Բանաստեղծ
Քրիստոֆեր Էնստի
(Christopher Anstey) 		1724 1805 80 1807 Հուշաքար Բանաստեղծ, գրող
Մեթյու Առնոլդ 1822 1888 65 1891 Կիսանդրի Բանաստեղծ
Պեգգի Էշքրոֆթ 1907 1991 83 2005 Հատակադիր քար Դերասանուհի
Ուիսթեն Հյու Օդեն 1907 1973 66 1974 Հատակադիր քար Բանաստեղծ
Ջեյն Օսթին 1775 1817 41 1967 Հուշատախտակ Գրող
Ջոն Բետժեման
John Betjeman 		1906 1984 77 1996 Հատակադիր քար Բանաստեղծ, գրող
Ուիլյամ Բլեյք 1757 1827 69 1957 Կիսանդրի Բանաստեղծ, նկարիչ
Բարտոն Բութ
Barton Booth 		1681 1733 51-52 1772 Հուշարձան Դերասան
Շառլոթ Բրոնտե 1816 1855 38 1947 Հուշատախտակ Գրող
Էնն Բրոնտե 1820 1849 29 1947 Հուշատախտակ Գրող
Էմիլի Բրոնտե 1818 1848 30 1947 Հուշատախտակ Գրող
Էլիզաբեթ Բարեթ Բրաունինգ 1806 1861 55 1906 Հատակադիր քար Բանաստեղծ
Ֆաննի Բյոռնի 1752 1840 87 2002 Հուշատախտակ Գրող, դրամատուրգ
Ռոբերտ Բըրնս 1759 1796 37 1885 Կիսանդրի, որի հեղինակն է Ջոն Ստիլը (John Steell)։ Բացվել է 1885 թվականի մարտի 7-ին Արչիբալդ Ֆիլիպ Փրիմռոզի կողմից[13]։ Բանաստեղծ
Սեմյուել Բաթլեր
(Samuel Butler) 		1612 1680 68 1721 Կիսանդրի Բանաստեղծ
Ջորջ Գորդոն Բայրոն 1788 1824 36 1969 Հատակադիր քար Բանաստեղծ
Քեդմոն
Caedmon 		մոտ 657 մոտ 680 անհայտ 1966 Հատակադիր քար Բանաստեղծ
Ջոն Քեմփբել 1678 1743 64 1749 Հուշարձան Ռազմական գործիչ
Լուիս Քերոլ 1832 1898 65 1982 Հատակադիր քար Գրող
Ջոն Քլեր 1793 1864 70 1989 Հատակադիր քար Բանաստեղծ
Սամուել Քոլրիջ 1772 1834 61 1885 Կիսանդրի Բանաստեղծ
Ջորջ Էլիոթ 1819 1880 61 1980 Հատակադիր քար Գրող
Թոմաս Սթեռնս Էլիոթ 1888 1965 76 1967 Հատակադիր քար Բանաստեղծ, դրամատուրգ
Օլիվեր Գոլդսմիթ 1728 1774 45 1776 Հուշատախտակ, կիսանդրի Բանաստեղծ, դրամատուրգ
Ադամ Լինդսեյ Գորդոն 1833 1870 36 1934 Կիսանդրի Բանաստեղծ
Ջոն Էռնստ Գրաբե
John Ernest Grabe 		1666 1711 44-45 1727 Հուշարձան Հոգևորական, աստվածաբան
Թոմաս Գրեյ 1716 1771 54 1778 Հուշարձան Բանաստեղծ, բատմաբան
Ստիվեն Գեյլս 1677 1761 83 1761 Հուշարձան Հոգևորական, գիտնական
Ռոբերտ Գերրիկ 1591 1674 83 1994 Հուշատախտակ Բանաստեղծ
Ջերարդ Մենլի Հոփքինս 1844 1889 44 1975 Հատակադիր քար Բանաստեղծ
Ալֆրեդ Էդվաչդ Հաուսման 1859 1936 77 1996 Հուշատախտակ Բանաստեղծ
Հենրի Ջեյմս 1843 1916 72 1976 Հատակադիր քար Գրող
Բենջամին Ջոնսոն 1572 1637 65 1723 Հատակադիր քար Դրամատուրգ, բանաստեղծ
Ջոն Քիթս 1795 1821 25 1954 Հուշատախտակ Բանաստեղծ
Ջոն Քեբլ 1792 1866 73 1873 Կիսանդրի Բանաստեղծ
Դեյվիդ Հերբերթ Լոուրենս 1885 1930 44 1985 Հատակադիր քար Գրող, բանաստեղծ
Էդվարդ Լիր 1812 1888 75 1988 Հատակադիր քար Գրող, բանաստեղծ
Ջեննի Լինդ
(Jenny Lind) 		1820 1887 67 1894 Հուշատախտակ Օպերային երգչուհի
Հենրի Լոնգֆելո 1807 1882 75 1884 Կիսանդրին, որի հեղինակն է Թոմաս Բրոքը (անգլ.՝ Thomas Brock), բացվել է 1884 թվականի մարտի 1-ին[14]։ Բանաստեղծ
Ֆրեդերիկ Ուիլյամ Մեյթլանդ
(F. W. Maitland) 		1850 1906 56 2001 Հատակադիր քար Պատմաբան
Քրիստոֆեր Մառլո 1564 1593 29 2002 Հուշատախտակ Դրամատուրգ, բանաստեղծ
Ուիլյամ Մեյսոն
William Mason 		1725 1797 72-73 1799 Հուշարձան Բանաստեղծ
Թոմաս Մեյ
Thomas May 		1595 1650 54-56 1880 Հուշաքար Բանաստեղծ և դրամատուրգ
Ջոն Միլթոն 1608 1674 65 1737 Հուշարձան Բանաստեղծ, գրող
Ջոն Ֆիլիպս
(John Phillips) 		1676 1709 32 1710 Հուշարձան Բանաստեղծ
Ալեքսանդր Փոփ 1688 1744 56 1994 Հուշաքար Բանաստեղծ
Ջոն Փրինգլ 1707 1782 74 Հուշարձան Բժիշկ-ֆիզիոլոգ
Հաննա Փրիչարդ
Hannah Pritchard 		1711 1768 56-57 Հուշարձան, հետագայում տեղափոխվել է տրիֆորիում Դերասանուհի
Ջոն Ռասկին 1819 1900 80 1902 Բրոնզե դիմանկար-մեդալյոն, որի հեղինակն է Էդվարդ Օնսլոու Ֆորդը (Onslow Ford)։ Բացվել է 1902 թվականի փետրվարի 8-ին՝ մի ծարք տարաձայնություններից հետո, որոնք պայմանավորված էին նմանատիպ հուշարձանների նկատմամբ Ռասկինի վերաբերմունքով, որը դրանք համարում էր փողի վատնում և ճարտարապետական շինության տեսքի աղավաղում[15]։ Բանաստեղծ, քննադատ
Վալտեր Սքոթ 1771 1832 61 1897 Կիսանդրին, որի հեղինակն է շոտլանդացի քանդակագործ Հատչինսոնը, «գեղեցիկ կատարված պատճենն է Շանտրիի (անգլ.՝ Francis Chantrey) հայտնի կիսանդրու, որը գտնվում է Էբոտսֆորդում»[16]։ Գրող, բանաստեղծ
Թոմաս Շեդվել
(Thomas Shadwell) 		մոտ 1642 1692 ~50 c.1700 Հուշարձան Բանաստեղծ, դրամատուրգ
Ուիլյամ Շեքսպիր 1564 1616 52 1740 Հուշարձան Դրամատուրգ, բանաստեղծ
Գրանվիլ Շարպ
Granville Sharp 		1735 1813 77 1816 Հուշարձան Աբոլիցիոնիստ, պայքարել է ստրկավաճառության դեմ
Պերսի Բիշի Շելլի 1792 1822 29 1954 Հուշատախտակ Բանաստեղծ
Ռոբերտ Սաութի 1774 1843 68 1845 Հուշարձան Բանաստեղծ
Ուիլյամ Մեյքփիս Թեքերեյ 1811 1863 52 1865 Կիսանդրի Գրող
Ջեյմս Թոմսոն 1700 1748 47 1762 Հուշարձան Բանաստեղծ և դրամատուրգ
Դիլան Թոմաս 1914 1953 39 1982 Հատակադիր քար Բանաստեղծ, գրող
Էնթոնի Թրոլոփ 1815 1882 67 1993 Հատակադիր քար Գրող
Ուիլյամ Վինցենտ
William Vincent 		1739 1815 76 շուրջ 1815[17] Հուշարձան Վեստմինստերյան աբբայության վանահայր
Օսկար Ուայլդ 1854 1900 46 1995 Հուշատախտակ Դրամատուրգ, գրող
Ուիլյամ Վորդսվորթ 1770 1850 80 1854 Հուշարձան Բանաստեղծ
Ջեյմս Ուայեթ 1746 1813 67 Հուշարձան Ճարտարապետ

Առաջին աշխարհամարտի տարիների բանաստեղծներ

[խմբագրել | խմբագրել կոդը]

Վեստմինստերյան աբբայության Պոետների անկյունում տեղադրվել է Առաջին համաշխարհային պատերազմի տարիների 16 բանաստեղծներին նվիրված հուշարձան՝ թերթաքարի սալ, որի վրա փորագրված են նրանց անունները։ Հուշարձանը բացվել է 1985 թվականի նոյեմբերի 11-ին, երբ նշվել է Կոմպիենի զինադադարի 67-րդ տարին։

Պատկեր Բանաստեղծ Ծնվել է Մահացել է Տարիքը պատերազմի
սկսվելու պահին[18] 		Տվյալներ զինվորական
ծառայության մասին
Ռիչարդ Օլդինգթոն 1892 1962 22 Զինվորական ծառայության է անցել 1916 թվականին։
Զորացրվել է 1917 թվականին։
Կրտսեր լեյտենանտ
Սասեքսի թագավորական գունդ
Լոուրենս Բինյոն
(Laurence Binyon) 		1869 1943 44 Կամավոր մեկնել է պատերազմ 1915 և 1916 թվականներին։
Բրիտանական հոպիտալ ֆրանսիացի զինվորների համար
Էդմունդ Բլանդեն
(Edmund Blunden) 		1896 1974 17 Զորակոչվել է 1915 թվականի օգոստոսին։
Կրտսեր լեյտենանտ
Սասեքսի թագավորական գունդ
Ռուպերտ Բրուկ 1887 1915 27 Զորակոչվել է 1914 թվականի օգոստոսին։
Նավատորմի կրտսեր լեյտենանտ
Թագավորական ռազմական նավատորմ
Ուիլֆրիդ Գիբսոն
(Wilfrid Gibson) 		1878 1962 35 Մի քանի մերժումներից հետո գրանցվել է 1917 թվականի հոկտեմբերին։
Թիկունքային ապահովման ծառայություն
(Տրանսպորտային զորքեր)
Ռազմաճակատում չի եղել
Ռոբերտ Գրեյվս 1895 1985 19 Կոչում է ստացել 1914 թվականին։
Ուելսի կայծքարային հրացանակիրների թագավորական գունդ
Ջուլիան Գրինֆել
(Julian Grenfell) 		1888 1915 26 Զորակոչվել է 1910 թվականին։
Կապիտան (մահվան պահին)
Թագավորական դրագունական գունդ
Այվոր Գեռնի
Ivor Gurney 		1890 1937 23 Շարքային
Գլոստերշիրյան գունդ
Դևիդ Ջոնս
(David Jones) 		1895 1974 18 Ուելսի կայծքարային հրացանակիրների թագավորական գունդ
Ռոբերտ Նիքոլս
(Robert Nichols) 		1893 1944 20 Կոչում է ստացել 1914 թվականին։
Թագավորական հրետանի
Ուինֆրեդ Օուեն
Wilfred Owen 		1893 1918 21 Զորակոչվել է 1915 թվականին։
Կոչում է ստացել 1916 թվականին։
Կրտսեր լեյտենանտ
Մանչեսթերի գունդ
Հերբերտ Ռիդ 1893 1968 20 Կապիտան
Green Howards
Այզեկ Ռոզենբերգ 1890 1918 23 Զորակոչվել է 1915 թվականի հոկտեմբերին։
12-րդ Սաֆոլյան գունդ
Սեփական թագավորական գունդ Լանքասթերում
Զիգֆրիդ Սասուն
(Siegfried Sassoon) 		1886 1967 27 Զորակոչվել է 1914 թվականին։
Կոչում է ստացել 1915 թվականի մայիսին։
Կապիտան (պատերազմն ավարտվելու պահին)
Ուելսի կայծքարային հրացանակիրների թագավորական գունդ
Չարլզ Սորլի
(Charles Sorley) 		1895 1915 19 Զորակոչվել է 1914 թվականին։
Կապիտան (մահվան պահին)
Սաֆոլյան գունդ
Թոմաս Էդվարդ 1878 1917 36 Զորակոչվել է 1915 թվականի հուլիսին։
Կոչում է ստացել 1916 թվականի հոկտեմբերին։
Անգլիական զորքերի հրետանային կայազոր

Թագավորական բալետ

[խմբագրել | խմբագրել կոդը]

Քարե տախտակի տեսքով հուշարձանը տեղադրվել է 2009 թվականի նոյեմբերի 17-ին՝ ի հիշատակ Թագավորական բալետի չորս հիմնադիրների։

Պատկեր Անուն Ծնվել է Մահացել է Տարիք Ներդրում
Նինեթ դե Վալուա 1898 2001 102
Ֆրեդերիկ Էշտոն
(Frederick Ashton) 		1904 1988 84
Կոնստանտ Լամբեր
Constant Lambert 		1905 1951 45
Մարգո Ֆոնտեյն 1919 1991 71

Աբբայության այլ հատվածներում

[խմբագրել | խմբագրել կոդը]

Բանաստեղծների ու գրողների հուշարձաններ են տեղադրվել նաև աբբայության այլ հատվածներում՝ Պոետների անկյան սահմաններից դուրս[19][20]։

Պատկեր Անուն Ծնվել է Մահացել է Տարիք Հուշարձանի
տեղադրման թվական 		Հուշարձանի
նկարագրության 		Գործունեություն
Ռոբերտ Այթոն
(Robert Ayton) 		1570 1638 67-68 Կիսանդրի Բանաստեղծ
Աֆրա Բեն 1640 1689 48 Շիրմաքար Գրող, դրամատուրգ
Էդվարդ Բուլվեր-Լիտոն 1803 1873 69 Շիրմաքար Գրող, բանաստեղծ
Ջոն Բանյան 1628 1688 59 1912 Հուշատախտակ Գրող
Մարգարետ Քևենդիշ 1623 1673 69-70 Հուշարձան Գրող, բանաստեղծ
Ուիլյան Քավենդիշ 1592 1676 84 Հուշարձան Դրամատուրգ, բանաստեղծ
Ուիլյան Կոնգրիվ 1670 1729 58 շուրջ 1730 Հուշարձան Դրամատուրգ, բանաստեղծ
Նոել Քաուարդ 1899 1973 73 1984 Հատակադիր հուշաքար Դրամատուրգ, կոմպոզիտոր
Ուիլյամ Կուպեր 1731 1800 68 1876 Հուշատախտակ Բանաստեղծ, հիմների հեղինակ
Ուենթրոութ Դիլլոն 1637 1685 47-48 Գերեզմանը չի պահպանվել Բանաստեղծ
Բենջամին Դիզրայելի 1804 1881 76 1884 Հուշարձան Պետական գործիչ, գրող
Ջորջ Հերբերտ
(George Herbert) 		1593 1633 39 1876 Հուշատախտակ Բանաստեղծ, հռետոր
Ռոբերտ Հովարդ
(Robert Howard) 		1626 1698 72 Դրամատուրգ
Չարլզ Քինգսլի 1819 1875 55 1875 Կիսանդրի Գրող
Ջեյմս Ռասել Լոուել 1819 1891 72 Հուշատախտակ Բանաստեղծ
Ֆրեդերիկ Դենինսոն Մորիս
(F. D. Maurice) 		1805 1872 66 1932 Կիսանդրի Գրող
Էնն Պլդֆլիդ
(Anne Oldfield) 		1683 1730 47 Շիրմաքար Դերասանուհի
Հենրի Սպիլման
(Henry Spelman) 		շուրջ 1564 1641 76-77 Շիրմաքար Հնահավաքորդ
Արթուր Փենրին Սթենլի
(Arthur Penrhyn Stanley) 		1815 1881 65 1884 Գերեզման և քանդակ Գրող
Իսահակ Ուոթս
(Isaac Watts) 		1674 1748 74 1779 Հուշարձան Եկեղեց. հիմների ստեղծող

Ծանոթագրություններ

[խմբագրել | խմբագրել կոդը]
  1. ↑ Официальный сайт Вестминстерского аббатства
  2. ↑ «Poets' Corner memorial for Ted Hughes», BBC News, 22 марта 2010
  3. ↑ Ted Hughes joins literary greats at Poets' Corner, The Guardian, 23 марта 2010
  4. ↑ История Вестминстерского аббатства Արխիվացված 2010-09-29 Wayback Machine(անգլ.)
  5. ↑ 5,0 5,1 David Thorley, Poets Corner London Արխիվացված 2011-06-14 Wayback Machine, 2007
  6. ↑ История Уголка поэтов на сайте The Shady Old Lady
  7. ↑ «Monuments & Gravestones: Ben Jonson». Westminster Abbey 1065 to today. Dean and Chapter of Westminster Abbey. Արխիվացված է օրիգինալից 2008 թ․ հունվարի 7-ին. Վերցված է 2008 թ․ մայիսի 26-ին.
  8. ↑ Adams, J. Q. The Jonson Allusion Book. New Haven: Yale University Press, 1922: 195-6.
  9. ↑ Биография Мэри Элинор Боуз на портале Sunniside Local History Society Արխիվացված 2008-05-17 Wayback Machine
  10. ↑ «Похороны г-на Чарльза Диккенса», The Times, 15 июня 1870.
  11. ↑ The Times, 9 հունվարի, 1860, էջ 10; 10 հունվարի, 1860, էջ 9
  12. ↑ The Times, 13 հոկտեմբերի, 1892
  13. ↑ The Times, 9 մարտի, 1885
  14. ↑ The Times, 2 նոյեմբերի, 1992, էջ 6; 26 փետրվարի, 1884, էջ 10; 3 մարտի, 1884, էջ 8
  15. ↑ Սինդի Քոքլերի (Sydney C. Cockerell) նամակը The Times-ի հրատարակչությանը, 22 օգոստոսի, 1900, The Times, 7 փետրվարի, 1902, էջ 9, 10 փետրվարի, 1902, էջ 8։
  16. ↑ The Times, 22 մայիսի, 1897, էջ 16։
  17. ↑ The Times, 30 դեկտեմբերի, 1815, էջ 3։
  18. ↑ 1914 թվականի օգոստոսի 4-ի դրությամբ, երբ պատերազմին միացել է Մեծ Բրիտանիան։
  19. ↑ Poets' Corner in Westminster Abbey (James Wilkinson, 2007), inside back page
  20. ↑ Treasures of Westminster Abbey (Tony Trowles, 2008)
Վիիքպահեստ
Ստացված է «https://hy.wikipedia.org/w/index.php?title=Պոետների_անկյուն&oldid=10278759» էջից