Ռուպերտ Բրուկ
Ռուպերտ Բրուկ | |
|---|---|
 | |
| Ծնվել է | օգոստոսի 3, 1887[1][2][3][4][5] |
| Ծննդավայր | Rugby[6] |
| Վախճանվել է | ապրիլի 23, 1915[7][1][2][3][4][5] (27 տարեկանում) |
| Վախճանի վայր | Skyros, Skiros Municipality, Կենտրոնական Հունաստան, Հունաստան |
| Մասնագիտություն | բանաստեղծ |
| Լեզու | անգլերեն[7] |
| Քաղաքացիություն |  Միացյալ Թագավորություն[8] |
| Կրթություն | Ռագբի դպրոց, Թագավորական քոլեջ, Քեմբրիջ և Hillbrow School? |
| Գրական ուղղություններ | Bloomsbury խումբ |
| Աշխատավայր | Sidgwick & Jackson? |
| Կայք | rupertbrooke.com |
| Rupert Brooke Վիքիպահեստում | |
Ռուպերտ Չոուներ Բրուկ (անգլ.՝ Rupert Chawner Brooke, օգոստոսի 3, 1887[1][2][3][4][5], Rugby[6] - ապրիլի 23, 1915[7][1][2][3][4][5], Skyros, Skiros Municipality, Կենտրոնական Հունաստան, Հունաստան) - անգլիացի պոետ, հայտնի է առաջին համաշխարհային պատերազմի ընթացքում գրված իր իդեալիստական ռազմական սոնետներով:
Բովանդակություն
Կենսագրություն[խմբագրել | խմբագրել կոդը]
Ծնվել է ուսուցիչ Ուիլիամ Պարկեր Բրուկի և Ռուտ Մերի Բրուկի (ծննդյամբ Կոտտերիլ) ընտանիքում, երեք երեխաներից երկրորդն էր: Կրթություն է ստացել Հիլլբրոուի և Ռագբիի դպրոցներում: Եվրոպայով շրջագայելու ընթացքում Բրուկը գրել է «Ջոն Ուեբստեր և Ելիզավետյան ողբերգությունը» վերնագրով թեզը, որի շնորհիվ ստացել է կրթաթոշակ Քեմբրիջի թագավորական քոլեջում սովորելու համար, որտեղ դարձել է «Քեմբրիջի առաքյալներ» ինտելեկտուալ ընկերության անդամ և մասնակցել թատերական «Մարլոյի ընկերության» ստեղծմանը: Բրուկն ընկերներ և գաղափարակիցներ է գտել Բլումսբերրի խմբում, որի անդամներից ոմանք բացահայտորեն հիանում էին երիտասարդ պոետի տաղանդով: Նա նաև պոետների գեորգյանց (մինչմոդեռնիստական գրական ուղղություն Անգլիայում 1910-ական թթ) ընկերության անդամ էր: 1913 թվականին Բրուկը լուրջ էմոցիոնալ ճգնաժամ է ապրել՝ իր ընկերուհի՝ Քեթրին Լերդ Կոկսի հետ երկարատև հարաբերությունների խզման պատճառով: Ուժերը վերականգնելու համար՝ նա ճամփորդել է ԱՄՆ-ում և Կանադայում՝ կատարելով ճանապարհորդական նշումներ «Westminster Gazette»-ի համար: Այդ նույն ժամանակահատվածում նա ծանոթացել է անգլիացի դերասանուհի Քեթլին Նեսբիթթի հետ, ում էլ նվիրել է մի քանի սիրային սոնատներ: Առաջին համաշխարհային պատերազմի ժամանակ նա ընդգրկվել է ռազմածովային ուժերի պահեստազորում, որտեղ էլ ստացել է կրտսեր լեյտենանտի կոչում: 1914 թվականի հոկտեմբերին Բրուկը մասնակցել է դեպի Անթվերբեն արշավին: 1915 թվականին միացել է միջերկրածովյան արշավախմբի ուժերին Դարդանելի ռազմական գործողությանը մասնակցելու համար: Սակայն փետրվարին սեպսիսով հիվանդանում է: 1915 թվականի ապրիլի 23-ին Բրուկը մահանում է ֆրանսիական լողացող հիվանդանոցում, որը գտնվում է Սկիրոս կղզուց ոչ հեռու, որտեղ էլ թաղվել է: Բրուկի հիշատակին ծառայակիցներից մեկը՝ երգահան Ֆրեդերիկ Կելլին, նվիրել է եղերերգություն (էլեգիա) լարային երգչախմբի համար: Ռուպերտ Բրուկ կյանքից վաղ է հեռացել՝ թողնելով մի շարք վառ ստեղծագործություններ: Առավել հայտնի են Առաջին աշխարհամարտի տարիներին գրված սոնետները, որոնցից, հատկապես, աչքի է ընկնում «Զինվոր» վերնագրով սոնետը (անգլ.՝ The Soldier):
Գրականություն[խմբագրել | խմբագրել կոդը]
- Christopher Hassall. Rupert Brooke: A Biography (Faber and Faber, 1964)
- Nigel Jones. Rupert Brooke: Life, Death and Myth (Metro Books, 1999)
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Encyclopædia Britannica
- ↑ 2,0 2,1 2,2 2,3 2,4 SNAC — 2010.
- ↑ 3,0 3,1 3,2 3,3 3,4 International Music Score Library Project — 2006.
- ↑ 4,0 4,1 4,2 4,3 4,4 Internet Speculative Fiction Database — 1995.
- ↑ 5,0 5,1 5,2 5,3 5,4 Discogs — 2000.
- ↑ 6,0 6,1 6,2 http://www.poemhunter.com/rupert-brooke/biography/
- ↑ 7,0 7,1 7,2 7,3 data.bnf.fr: տվյալների բաց շտեմարան — 2011.
- ↑ http://www.bbc.co.uk/history/historic_figures/brooke_rupert.shtml
Արտաքին հղումներ[խմբագրել | խմբագրել կոդը]
- Rupert Brooke Society (անգլ.)
- Երաժշտություն Ռուպերտ Բրուկի բանաստեղծության հիման վրա (անգլ.)
- Ռուպերտ Բրուկ. Անցնող դարի վերջին ռոմանտիկը (ռուս.)
- Ռուպերտ Բրուկի բանաստեղծությունները (ռուս.)
| ||||||||||
