Կանցնեն օրերն, Անուշ ջան...
| Կանցնեն օրերն, Անուշ ջան... | |
|---|---|
| Ժանր | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1917 |
| Հրատարակվել է | 1932 |
| Վիքիդարան | Կանցնեն օրերն, Անուշ ջան... |
«Կանցնեն օրերն, Անուշ ջան...», Հովհաննես Թումանյանի բանաստեղծություններից՝ գրված 1917 թվականին[1]։
Պատմություն[խմբագրել | խմբագրել կոդը]
Հովհաննես Թումանյանն այս բանաստեղծությունը գրել է 1917 թվականի նոյեմբերի 7-ին։ Բանաստեղծությունը նվիրված է Թումանյանի դուստր Անուշին։
Թումանյանի դուստր Անուշի ալբոմը, դրա մեջ գտնվող ինքնագիրը և Թումանյանի դուստր Աշխենի արտագրած մեկ օրինակը պահվում է Թումանյանի ընտանեկան արխիվում[1]։
Բանաստեղծությունն առաջին անգամ տպագրվել է 1932 թվականին «Հոկտեմբեր-Նոյեմբեր» տարեգրքում (էջ133), այնուհետև՝ Երևանում՝ 1940-1959 թվականներին լույս տեսած Հովհաննես Թումանյանի երկերի ժողովածուի գիտական հրատարակության առաջին հատորում (էջ 534)[1]։
Հովհաննես Թումանյանի երկերի լիակատար ժողովածուի 1-ին հատորում արտատպվել է ինքնագրից։
