Լոռու ձորում

Լոռու ձորում
Տեսակ	բանաստեղծություն
Ձև	բանաստեղծություն
Հեղինակ	Հովհաննես Թումանյան
Բնագիր լեզու	հայերեն
Գրվել է	1892-1893
Վիքիդարան	Լոռու ձորում

«Լոռու ձորում», Հովհաննես Թումանյանի անավարտ բանաստեղծություններից մեկը։ Այս բանաստեղծության ինքնագիրը պահվում է Եղիշե Չարենցի անվան գրականության և արվեստի թանգարանի Թումանյանի ֆոնդի №18-ում։

Հրատարակում

Առաջին անգամ տպագրվել է «Երկերի լիակատար ժողովածու»-ի 4-րդ հատորի հավելվածում։ Առաջին քառյակը ջնջված է շեղ գծով։ Ստեղծագործությունը գրված է այն նույն թղթի վրա, որտեղ ավարտվում է «Հաշտություն» բանաստեղծության ինքնագիրը։ Ըստ Էդվարդ Ջրբաշյանի՝ գրվել է 1892-1893 թվականներին, քանի որ նրա «Հաշտություն» բանաստեղծությունը գրվել է վերոնշյալ թվականներին և համարակալված է 7, իսկ «Լոռու ձորում» բանաստեղծությունը՝ 8 թվով։ Հետևաբար Թումանյանը մտադիր է եղել այդ բանաստեղծությունները զետեղել մի շարքի մեջ, որոնց նախորդող 6 բանաստեղծությունները հայտնի չեն։