Հայերը Նորվեգիայում
| Հայերը Նորվեգիայում | ||||||
|---|---|---|---|---|---|---|
 | ||||||
| Ընդհանուր քանակ | ||||||
|
1000 - 2000 | ||||||
| Բնակեցում | ||||||
| ||||||
| Լեզու(ներ) | ||||||
| հայերեն, անգլերեն, նորվեգերեն | ||||||
| Հավատք(ներ) | ||||||
Հայերը Նորվեգիայում, Սկանդինավյան թերակղզու արևմուտքում գտնվող երկրի՝ Նորվեգիայի հայ համայնք։ 2003 թվականի դրությամբ նրանց քանակը հասնում էր 1000 մարդու[1][2]։
Պատմություն[խմբագրել | խմբագրել կոդը]
Հայերը Նորվեգիայի տարածքում առաջին անգամ սկսել են հաստատվել 1970-ական, իսկ երկրորդ ալիքը՝ 1990-ական թվականներից։ Ներգաղթյալների առաջին խումբը Իրանից ու Լիբանանից էին։ Կենտրոնացած են մայրաքաղաք Օսլոյում, որտեղ գործում է կիրակնօրյա հայկական դպրոց՝ հայոց լեզվի և պատմության դասավանդմամբ, և հայ-նորվեգական միությունը[3]։
Հայերի երկրորդ ալիքը Նորվեգիա պայմանավորված էր 1990-ականներին Հայաստանում տեղի ունեցող ճգնաժամով։ Նորվեգիան առաջիններից էր, որ ճանաչեց Հայաստանի անկախությունը և 1992 թվականից սկսեց դիվանագիտական հարաբերություններ հաստատել Հայաստանի հետ։
2007 թվականի ապրիլի 21-ին Բերգեն քաղաքում դրվել է հայկական խաչքար, որը նվիրված էր հայասեր Ֆրիտյոֆ Նանսենին։ Ի երախտագիտություն վերջինիս՝ ցեղասպանությունից տուժած հայ ժողովրդին մեծ օգնություն ցույց տալու, Երևանում բացվել է իր անունը կրող թանգարան, որի առջև դրված է նրա կիսանդրին։
Քաղաքականություն[խմբագրել | խմբագրել կոդը]
Հայ-նորվեգական միությունը հանդիսանում է հայ համայնքի ներկայացուցիչը պետության առջև։ Այն ղեկավարում է Ֆրեդ Սահակյանը։
2001 և 2012 թվականներին միությունը պաշտոնապես դիմել է Նորվեգիայի կառավարությանը՝ ճանաչելու Հայոց ցեղասպանությունը[4], մինչդեռ Նորվեգիան պաշտոնապես չի ճանաչել այն[5]։
Կրոն[խմբագրել | խմբագրել կոդը]
Նորվեգիայում հայկական եկեղեցի չկա, և համայնքի հոգևոր կարիքները հոգում է հայ առաքելական եկեղեցու Կենտրոնական Եվրոպայի հայրապետական պատվիրակությունը, որի կենտրոնը տեղակայված է Ավստրիայի մայրաքաղաք Վիեննայում։
Նորվեգիայում որոշակի թիվ են կազմում նաև հայ կաթոլիկները, որոնք հիմնականում Լիբանանից ներգաղթած հայերի սերունդներն են։
Ծանոթագրություններ[խմբագրել | խմբագրել կոդը]
- ↑ «ԵՊՀ Հայագիտական հետազոտությունների ինստիտուտ, սփյուռքի հանրագիտարան - Նորվեգիա». Արխիվացված է օրիգինալից 2017 թ․ մարտի 26-ին. Վերցված է 2016 թ․ նոյեմբերի 13-ին.
- ↑ Հովհաննես Մնացականի Այվազյան, Արամ Սարգսյան, Հայ սփյուռք հանրագիտարան։ «Հայկական հանրագիտարան», Երևան, 2003։ 730 էջ։ ISBN 5897000204, 9785897000203: Էջեր 420-421:
- ↑ «Հայկական հանրագիտարան - Նորվեգիա». Արխիվացված է օրիգինալից 2016 թ․ նոյեմբերի 14-ին. Վերցված է 2016 թ․ նոյեմբերի 13-ին.
- ↑ «Армяне Норвегии добиваются рассмотрения вопроса Геноцида армян в парламенте - yerkramas.org». www.yerkramas.org. Վերցված է 2016 թ․ մարտի 8-ին.
- ↑ «#ArmGenocide100 | Пришло время для Норвегии и других стран официально признать Геноцид армян: нансенист». СТОЛЕТИЕ ГЕНОЦИДА АРМЯН. Արխիվացված է օրիգինալից 2017 թ․ մարտի 5-ին. Վերցված է 2016 թ․ մարտի 8-ին.
