Ռամկավար ազատական կուսակցություն
Ռամկավար ազատական կուսակցություն (ՌԱԿ) |
|
| alt= | |
| Հիմնադրված | 1885` որպես Արմենական կազմակերպություն 1921-էն սկսյալ՝ Ռամկավար ազատական կուսակցություն |
|---|---|
| Գաղափարախոսություն | Միացյալ Հայաստան Լիբերալիզմ Ազգայնականություն |
| Կրոնք |  Հայ Առաքելական եկեղեցի |
| Լիբանանի խորհրդարան | 1 |
| Կայք | Պաշտոնական կայքէջ |
Ռամկավար ազատական կուսակցություն (ՌԱԿ) հայ քաղաքական կուսակցություն է: Հիմնվել է 1921 թվականին: Նկատվում է շարունակությունը Մ. Փորթուգալյանի հիմնած Արմենական կազմակերպություն կուսակցության որը հիմնվել է 1885 թվականին Վան քաղաքին մէջ:
Բովանդակություն |
[խմբագրել] Արմենական կազմակերպություն (1885-1921)
Արմենական կազմակերպություն, Արմենականներ - ազգային-ազատագրական կազմակերպություն, առաջին քաղաքական կուսակցությունը հայ իրականության մեջ: Հիմնել են 1885 թվականին Վանում, Մ. Փորթուգալյանը և նրա «Արմենիա» (Մարսել) թերթի (այստեղից էլ՝ կազմակերպության անվանումը) գաղափարակիցներ Մկրտիչ Ավետիսյանը, Գրիգորիս Թերլեմեզյանը, Ռուբեն Շատվորյանը, Գրիգոր Աճեմյանը և ուրիշներ:
[խմբագրել] Նպատակը
«Արմենական կազմակերպության» նպատակն էր՝
 |
հեղափոխությամբ Թուրքիայի հայ ժողովրդյան համար իրավունք ձեռք բերել, ինքզինք ազատորեն կառավարելու, որով միայն կարող կլինի իբրև մարդ ապրելու միջոցներ գիտնալ և զանոնք գործադրել ժամանակի պահանջմամբց համեմատ |  |
Այդ նպատակին հասնելու համար կազմակերպությունը պետք է ներքին ուժ գոյացներ՝ միավորելով միևնույն գաղափարին ծառայող հայ հայրենասերներին, ժողովրդին արթնացներ հեղափոխական գրականությամբ, կազմակերպեր և զենքի ու կարգապահության վարժեցներ, նախապատրաստեր ինքնապաշտպանության, զենք հայթայթեր, զինված խմբեր ստեղծեր և ընդհանուր շարժում առաջ բերեր, մանավանդ, երբ արտաքին հանգամանքները նպաստավոր կհամարվեին: Թեև արմենականների ծրագրի հիմքում ընկած էր Արևմտյան Հայաստանի ազատագրման և անկախության գաղափարը, այդ ծրագիրը դեռևս հեղհեղուկ էր, իսկ նրա կազմողները հստակ պատկերացում չունեին ապագա Հայաստանի սոցիալ-քաղաքական հարաբերությունների ու նրա ազատագրման ուղիների մասին: Քաջածանոթ լինելով Արևմտյան Հայաստանի իրադրությանը՝ արմենակյանները որդեգրել էին զուսպ ու շրջահայաց գործելակերպ սուլթանական Թուրքիայի ցեղասպան քաղաքականության դեմ:
Իր ժամանակի պատմական պայմաններում «Արմենական կազմակերպության» գործունեությունը առաջադիմական էր և արտահայտում էր լայն խավերի շահերը:
[խմբագրել] Տարածումն ու գործունեությունը
«Արմենական կազմակերպություն»-ը մասնաճյուղեր ու խմբեր ուներ Վանում, Մուշում, Բիթլիսում, Կոստանդնուպոլսում, ինչպես նաև Թավրիզում, Սալմաստում, Խոյում, Ուրմիայում, Թիֆլիսում, Բուլղարիայում:
Արմենակյանները գործուն մասնակցություն ունեցան Վանի 1896 և 1915 թվականների ինքնապաշտպանական կռիվներին: 1921 թվականի հոկտեմբերին «Արմենական կազմակերպություն»-ը «Վերակազմյալ հնչակյանների» (Ազատական կուսակցություն) և ռամկավարների («Սահմանադիր ռամկավար կուսակցություն») հետ միավորվեց «Ռամկավար ազատական կուսակցության» մեջ:
[խմբագրել] Ռամկավար ազատական կուսակցություն (1921-Այսօր)
1921 թվականի հոկտեմբերին հետեվյալ կուսակցությունները միավորվեցին կազմելու «Ռամկավար ազատական կուսակցություն»ը:
- «Արմենական կազմակերպություն»-ը
- «Վերակազմյալ հնչակյանների» (Ազատական կուսակցություն»-ը
- Ռամկավարների («Սահմանադիր ռամկավար կուսակցություն»)-ը
Կուսակցությունը գործում է Հայաստանում և սփյուռքում
[խմբագրել] Մամուլ
(Արեվմտահայերեն անունը պահպանված)
- Արգենտինա: Սարդարապատ [1]
- Հայաստան: Ազգ (հիմնադրման օրերին - հիմա՝ անկուսակցական անկախ թերթ) [2]
- Կանադա: Ապագայ
- Եգիպտոս: Արեւ
- Հունաստան: Նոր Աշխարհ
- Լիբանան: Զարթօնք [3]
- ԱՄՆ:
[խմբագրել] Նմանանուն կուսակցություններ
Ռամկավար ազատական անունով կը գործեն 2 այլ կուսակցություններ
Հայաստանի Ռամկավար Ազատական Կուսակցություն (ՀՌԱԿ) հայ քաղաքական կուսակցություն է: Հիմնվել է 1991 թվականին: Կուսակցությունը գործում է Հայաստանում և գործակցում է սփյուռքի Ռամկավար Ազատական Կուսակցության (ՌԱԿ)-ի հետ:
Արմենական-Ռամկավար Ազատական Կուսակցություն հայ քաղաքական կուսակցություն է: Հիմնվել է 2009 թվականին կուսակցության ներքին պառակտումի արդյունք: Կուսակցությունը գործում է Հայաստանում և սփյուռքում բաղկացած մասնավորապես նախկին Ռամկավար Ազատական Կուսակցության անդամներէ:
[խմբագրել] Գրականություն
- Լ. Ա. Խուրշուդյան, «Սփյուռքահայ կուսակցությունները ժամանակակից էտապում», Երևան 1964
- Հ. Գ. Վարդանյան, «Արևմտահայերի ազատագրության հարցը և հայ հասարակական-քաղաքական հոսանքները XIX դարի վերջին քառորդում» Երևան 1967
[խմբագրել] Արտաքին հղումներ
- Ռամկավար ազատական կուսակցության համացանց
- Ռամկավար Մամուլ Facebook-ի վրա
- Արմեն Կարապետյան, «Արմենակյան կուսակցության ծագումը»
|
||||||||||||||||||||
|
|||||||||||||||||||||||
