Jump to content

Ռամի Մալեք

Վիքիպեդիայից՝ ազատ հանրագիտարանից
Ռամի Մալեք
անգլ.՝ Rami Malek
Ծնվել էմայիսի 12, 1981(1981-05-12)[1] (43 տարեկան)
ԾննդավայրԼոս Անջելես, Կալիֆոռնիա, ԱՄՆ[2]
ԿրթությունԷվանսվիլի համալսարան և Notre Dame High School?
Քաղաքացիություն ԱՄՆ և  Եգիպտոս
Մասնագիտությունհեռուստատեսային դերասան, կինոդերասան, հնչյունավորող, դերասան և կինոպրոդյուսեր
Համատեղ ապրող(ներ)Լյուսի Բոյնտոն[3] և Emma Corrin?[3]
Պարգևներ և մրցանակներ
Մալեքը 2012 թվականի San Diego Comic-Con International փառատոնին

Ռամի Մալեք (անգլ.՝ Rami Said Malek, մայիսի 12, 1981(1981-05-12)[1], Լոս Անջելես, Կալիֆոռնիա, ԱՄՆ[2]), եգիպտա-ամերիկացի դերասան։ Նրան մեծ ճանաչում բերեց Էլիոթ Անդերսենի դերը «Պարոն Ռոբոտ» հեռուստասերիալում, որի համար նա ստացել է «Էմմի» մրցանակ։ Մալեքը նաև արժանացել է «Ոսկե գլոբուս» մրցանակի, «Կինոդերասանների Գիլդիա մրցանակ»-ի (2019), BAFTA մրցանակի (2019) և «Օսկար» (2019) մրցանակի՝ «Բոհեմական ռապսոդիա»[4] ֆիլմում՝ տղամարդկային լավագույն դերի համար։

Մալեքը, որպես երկրորդ պլանի դերասան, նաև հայտնի է այնպիսի ֆիլմերում և սերիալներում, ինչպիսիք են՝ «Գիշերը թանգարանում» եռերգությունը (2006-2014), «Խաղաղ օվկիանոս» (2010), «Մթնշաղ. Լուսաբաց՝ Մաս 2» (2012) և «Կարճ ժամանակահատված 12» (2013)։ 2018 թվականին Մալեքը «Բոհեմական ռապսոդիա» կենսագրական դրամայում հանդես է եկել երաժիշտ Ֆրեդի Մերկուրիի դերում, որը քննադատների կողմից գովասանքի է արժանացել։

Անձնական կյանք

[խմբագրել | խմբագրել կոդը]

Ռամին Մալեքը ծնվել է Լոս Անջելեսում, ԱՄՆ։ Ծնողները ղպտիներ են՝ ծնունդով Եգիպտոսից։ Դերասանը կիսով չափ հույն է[5]։ Հայրը աշխատել է Կահիրեում՝ որպես էքսկուրսավար[6]։ Ռամին ունի երկվորյակ եղբայր՝ Սամի անունով։ Ռամին նրանից մեծ է 4 րոպեով։ Դերասանը նաև ունի ավագ քույր։ Սովորել է Կալիֆորնիայի Notre Dame High School-ում։ 2003 թվականին ավարտել է Էվանսվիլի համալսարանը (Ինդիանա նահանգ) և ստացել է բակալավրի աստիճան՝ կերպարվեստի բնագավառում։

Կարիերա

[խմբագրել | խմբագրել կոդը]

Իր կարիերան Մալեքը սկսել է 2004 թվականին, երբ խաղում էր մի քանի հեռուստասերիալներում, որոնց թվում են՝ «Գիլմորի աղջիկները», «Այնտեղ և Մեդիում»[7]։ 2005 թվականին նա մեծ համբավ ձեռք բերեց՝ Fox հեռուստաընկերության «Պատերազմ տանը» կատակերգական սերիալում խաղալով դեռահաս համասեռամոլ Քենիի դերում[8][9]։

2006 թվականին Ռամին նկարահանվել է «Գիշերը թանգարանում» ֆիլմում՝ խաղալով փարավոն Ակմենրայի դերում, այնուհետև կրկնել է իր դերը «Գիշերը թանգարանում 2» կատակերգությունում[7]։ 2007 թվականի գարնանը նա հայտնվել է Elephant Theatre բեմի վրա՝ Vitality Productions թատերական ներկայացման մեջ մարմնավորելով Ջեյմի[10] կերպարը։ 2010 թվականին դերասանը կրկին հայտնվել է հեռուստատեսությունում՝ Մարկոս Ալ-Զաքար մահապարտ-ահաբեկչի դերում (անգլ.՝ Marcos Al-Zacar) «24» հեռուստասերիալի ութերորդ սեզոնում[7]։ Ավելի ուշ նա քննադատների կողմից ստացել է լավ արձագանքներ՝ «Խաղաղ օվկիանոս» սերիալում կապրալ Մերիալ Շելտոնի դերի համար[11][12][13][14][15]։

2010 թվականին՝ «Խաղաղ օվկիանոս» սերիալի նկարահանման ժամանակ, Մալեքը հանդիպում է պրոդյուսեր Թոմ Հենքսին, ում դուր է գալիս Մալեքի խաղը։ Վերջինս հրավիրում է նրան խաղալ «Լարրի Քրաուն» գեղարվեստական ֆիլմում՝ Սթիվ Դիբիասի քոլեջի ուսանողի դերում։

2010 թվականի օգոստոսին հայտարարվել է, որ Մալեքը հաստատվել է եգիպտացի վամպիր Բենջամինի դերում «Մթնշաղ. Լուսաբաց՝ Մաս 2» հանրաճանաչ ֆիլմում[16][17][18]։

2014 թվականին նրա մասնակցությամբ էկրան է բարձրանում «Արագության ծարավ» ֆիլմը։

2015 թվականին կինոթատրոններում ցուցադրվում է նրա մասնակցությամբ երրորդ ֆիլմը՝ «Գիշերը թանգարանում։ Դամբարանի գաղտնիքը», որտեղ Ռամին խաղում էր փարավոնի դեր։

2015 թվականին հունիսին հեռարձակվում է «Պարոն Ռոբոտ» ֆիլմը, որի գլխավոր դերակատարն էր Մալեքը։

2016 թվականին այս դերի համար նա ստացել է «Էմմի» մրցանակ։

2015 թվականին նաև թողարկվել է «Until Dawn» խաղը, որում նա ևս մասնակցություն է ունեցել, հնչունավորել է և իր դեմքը «տվել» Ջոշ Վաշինգտոնին։

2017 թվականին Մալեքը հաստատվել է Բրայան Սինգերի «Բոհեմական ռապսոդիա» ֆիլմի գլխավոր հերոսի դերում։ Մարմնավորել է «Քուին» բրիտանական ռոք խմբի մենակատար Ֆրեդի Մերկուրիին[19][20][21]։

Ֆիլմագրություն

[խմբագրել | խմբագրել կոդը]

Ֆիլմեր

[խմբագրել | խմբագրել կոդը]
Տարի Հայերեն անվանում Բնօրինակ անվանում Դեր
2006 ֆ Գիշերը թանգարանում Night at the Museum Ակմենրա
2009 ֆ Գիշերը թանգարանում 2 Night at the Museum: Battle of the Smithsonian Ակմենրա
2011 ֆ Լարի Քրաուն Larry Crowne Սթիվ Դիբիասի
2012 ֆ Ծովային ճակատամարտ Battleship լեյտենանտ Հիլ
2012 ֆ Վարպետը The Master Կլարկ
2012 ֆ Մթնշաղ. Լուսաբաց՝ Մաս 2 The Twilight Saga: Breaking Dawn – Part 2 Բենջամին
2013 ֆ В бегах Ain't Them Bodies Saints Ուիլ
2013 կֆ Ընթացքում վերադառնալ Back Beyond Կլարկ
2013 ֆ Կարճ ժամանակահատված 12 Short Term 12 Նեյթ
2013 ֆ Օլդբոյ Oldboy Բրաունինգ
2014 ֆ Need for Speed՝ արագության ծարավ Need for Speed Ֆին
2014 ֆ Գիշերը թանգարանում։ Դամբարանի գաղտնիքը Night at the Museum: Secret of the Tomb Ակմենրա
2014 ֆ Հիսուսի քաղցր արյունը Da Sweet Blood of Jesus Սենեշալ Հիգիհգբոթոմ
2016 ֆ Բաստերի վատ սիրտը Buster's Mal Heart Ջոն Բաստեր
2017 ֆ Թիթեռնիկը Papillon Լուիս Դեգա
2018 ֆ Բոհեմական ռապսոդիա Bohemian Rhapsody Ֆրեդի Մերկուրի

Հեռուստատեսություն

[խմբագրել | խմբագրել կոդը]
Տարի Հայերեն անվանում Բնօրինակ անվանում Դեր
2004 ս Գիլմորի աղջիկները Gilmore Girls Էնդի
2005 ս Այնտեղ Over There Հասան
2005 ս Մեդիում Medium Տիմոտի Քյորչեր
2005 ս Պատերազմ տանը The War at Home Քենի
2010 ս 24 ժամ 24 Մարկուս Ալ Զաքար
2010 ս Խաղաղ օվկիանոս The Pacific կապրալ Մերիել Շելթոն
2012 ս Ալկատրաս Alcatraz Ուեբ Պորտեր
2012 մս Լեգենդ Քորայի մասին The Legend of Korra Տանո (հնչյունավորում)
2014 ս Հավատա Believe բժիշկ Ադամ Թերի
2015 ս Պարոն Ռոբոտ Mr. Robot Էլիոթ Անդերսոն

Տեսախաղեր

[խմբագրել | խմբագրել կոդը]
Տարի Անվանում Դեր Նշումներ
2004 Halo 2 տարբեր ձայներ Տիտրերում նշված չէ
2014 The Legend of Korra Tahno
2015 Until Dawn Ջոշ Վաշինգտոն Հնչյունավորում՝ նախատիպ

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Munzinger Personen (գերմ.)
  2. ↑ 2,0 2,1 2,2 http://www.cineplex.com/People/rami-malek
  3. ↑ 3,0 3,1 Rami Malek and Emma Corrin Go On PDA-Filled Beach Stroll With Dog — 2023.
  4. ↑ «Winners & Nominees 2019» (անգլերեն). www.goldenglobes.com. Վերցված է 2019 թ․ հունվարի 7-ին.
  5. ↑ «The Summer TV Heartthrob No One Saw Coming». BuzzFeed. Վերցված է 2016 թ․ հունվարի 12-ին.
  6. ↑ Drumming, Neil (2015 թ․ օգոստոսի 25). «Looking Back on 'Mr. Robot' and a Season of Hacker Drama». The New York Times. 0362-4331. Վերցված է 2016 թ․ հունվարի 12-ին.
  7. ↑ 7,0 7,1 7,2 «IMDb – Rami Malek». IMDb.com. Արխիվացված օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  8. ↑ «Interview with Rami Malek of "The War At Home"». AfterElton.com. Արխիվացված օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  9. ↑ «Interview with Rami Malek of "The War At Home"». Starry Constellation Magazine. Արխիվացված օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  10. ↑ «The Credeaux Canvas». Backstage. Արխիվացված է օրիգինալից 2013 թ․ հունվարի 18-ին. Վերցված է 2011 թ․ հունվարի 6-ին.
  11. ↑ «Rami Malek Matures With War Role». The Globe and Mail. Արխիվացված է օրիգինալից 2010 թ․ նոյեմբերի 21-ին. Վերցված է 2011 թ․ հունվարի 6-ին.
  12. ↑ «The Verge: Rami Malek». Movie Line. Արխիվացված է օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  13. ↑ «Interview: Rami Malek – The Pacific». Entertainment Focus. Արխիվացված է օրիգինալից 2010 թ․ դեկտեմբերի 15-ին. Վերցված է 2011 թ․ հունվարի 6-ին.
  14. ↑ «'The Pacific' star Rami Malek has friends in high places». Cineplex.com. Արխիվացված է օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  15. ↑ «Q&A With Actor Rami Malek – 'The Pacific'». Criticize This!. Արխիվացված է օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  16. ↑ «'Breaking Dawn' Casting News: Rami Malek To Play Benjamin». MTV.com: Hollywood Crush. Արխիվացված է օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  17. ↑ «Rami Malek Joins Summit's 'Twilight' Sequel 'Breaking Dawn'». The Wrap. Արխիվացված օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  18. ↑ «Rami Malek joins 'Breaking Dawn'». Entertainment Weekly. Արխիվացված օրիգինալից 2013 թ․ սեպտեմբերի 2-ին. Վերցված է 2011 թ․ հունվարի 6-ին.
  19. ↑ «GAY.RU - Начались съемки фильма о Фредди Меркьюри - в роли рок-легенды Рами Малек». www.gay.ru. Վերցված է 2017 թ․ հուլիսի 22-ին.
  20. ↑ «GAY.RU - "Мистер Робот" Рами Малек стал новым претендентом на роль Фредди Меркьюри». www.gay.ru. Վերցված է 2017 թ․ հուլիսի 22-ին.
  21. ↑ «Mr. Robot star Rami Malek to portray rocker Freddie Mercury». Gay Star News (բրիտանական անգլերեն). 2016 թ․ նոյեմբերի 4. Արխիվացված է օրիգինալից 2017 թ․ հուլիսի 19-ին. Վերցված է 2017 թ․ հուլիսի 22-ին.
Վիքիպահեստն ունի նյութեր, որոնք վերաբերում են «Ռամի Մալեք» հոդվածին։
Թեմատիկ կայքեր
Բառարաններ և հանրագիտարաններ
1928–1950
1951–1975
1976–2000
2001–այժմ
1 Այդ տարի հրաժարվել է մրցանակից։
Ստացված է «https://hy.wikipedia.org/w/index.php?title=Ռամի_Մալեք&oldid=9824976» էջից