Լյուսի Բոյնտոն

Լյուսի Բոյնտոն
Ծնվել է	հունվարի 17, 1994(1994-01-17) (29 տարեկան)
Ծննդավայր	Նյու Յորք, Նյու Յորք, ԱՄՆ
Կրթություն	James Allen's Girls' School? և Blackheath High School?
Քաղաքացիություն	Միացյալ Թագավորություն
Մասնագիտություն	կինոդերասանուհի, հեռուստատեսային դերասանուհի և դերասանուհի
Համատեղ ապրող(ներ)	Ռամի Մալեք

Լյուսի Բոյնտոն (անգլ.՝ Lucy Boynton, հունվարի 17, 1994(1994-01-17), Նյու Յորք, Նյու Յորք, ԱՄՆ), բրիտանացի դերասանուհի ՝ հեռուստատեսության և կինեմատոգրաֆիայի ոլորտում։

Մանկություն

Լյուսի Բոյնտոնը ծնվել է բրիտանացի հայտնի լրագրող ՝ Գրահամ Բոյնտոնի, և նրա կնոջ ՝ Ադրիանա Պիելուի ընտանիքում։ Նա ունի ավագ քույր ՝ Էմմա Լուիզան։ Երբ նա հինգ տարեկան էր, նրա ընտանիքը Նյու Յորքից Լոնդոն վերադարձավ, որտեղ Գրեհեմ Բոյնտոնը զբաղեցրել է Telegraph Media Group-ի ՝ ճանապարհորդության բաժնի գլխավոր խմբագրի պաշտոնը։ Լյուսին կրթություն է ստացել աղջիկների մասնավոր ՝ James Allen's Girls' School և Blackheath High School դպրոցներում։

Կարիերա

Լյուսի Բոյնտոնի առաջին մասնագիտական դերը ստացել է Քրիս Նունանի ՝ «Միսս Փոթեր» ֆիլմում, որտեղ խաղացել է երիտասարդ Բեատրիս Փոթերի դերը։ Այնուհետև սկսեց հեռուստատեսությունում գլխավոր դերեր ստանալ․ 2007 թվականին նա խաղացել է բալետի պարուհի Փոուզի Ֆոսսիլի դերը ՝  «Բալետային կոշիկներ» ֆիլմում, 2009 թվականին խաղացել է Դեշվուդ քույրերից կրտսերի ՝ Մարգարետի դերը ՝ «Զգացում և զգացմունքայնություն» հեռուստասերիալում, որը նկարահանվել է Ջեյն Օսթինի վեպի հիման վրա։

2011 և 2014 թվականներին Բոյնտոնին կարելի է տեսնել «Բորջիա» սերիալի սերիաներում։ 2015 թվականին BBC -ն թողարկել է բազմասերիանոց ՝ «Կյանքը հրապարակներում» (անգլ. Life in Squares) հեռուստաֆիլմը, որը պատմում է Բլումսբերի խմբի կյանքի մասին, որտեղ Բոյնտնը խաղացել է արվեստագետներ ՝ Վանեսսա Բելլի և Դունկանա Գրանտանի դստեր ՝ Անգելիկա Բելլի դերը։ 2016 թվականին նա խաղացել է սկսնակ մոդել Ռաֆինայի դերը ՝ «Սինգ սթրիթ» երաժշտական մելոդրամայում և «Մի՛ բախիր երկրորդ անգամ» (անգլ. Don't Knock Twice) սարսափ ֆիլմի գլխավոր ՝ Քլոեի դերում։

2017 թվականը Բոյնտոնի ֆիլմագրությունում ավելացվեց այնպիսի ծրագրեր, ինչպիսիք են ՝ Ջերոմ Սելինջերի մասին պատմող «Փրկիչը տարեկանի արտում» ֆիլմը և «Սպանություն „Արևելյան ճեպընթացում“» Քեննեթ Բրանայի դետեկտիվ ֆիլմը ՝ նկարահանված Ագաթա Քրիստիի վեպի հիման վրա, որտեղ նա խաղացել է երիտասարդ կոմսուհի Հելենա Անդրենի դերը։ 2018 թվականին թողարկվել է «Բոհեմական ռապսոդիա» ֆիլմը, որտեղ Բոյնտոնը կատարել է Ֆրեդի Մերկուրիի սիրուհու ՝ Մերի Օսթինի դերը։

Անձնական կյանք

2018 թվականից Բոյնտոնը սկսել է հանդիպել «Բոհեմական ռապսոդիա» ֆիլմի խաղընկեր ՝ Ռամի Մալեքի հետ։

Ֆիլմագրություն

Ֆիլմ

Տարեթիվ	Անվանում	Դեր
2006	Miss Potter	Երիտասարդ Բեատրիս Փոթեր
2013	Hymn to Pan	Հոլիդեյ
2013	Copperhead	Էսթեր Հագադորն
2015	The Blackcoat's Daughter	Ռոզի
2016	Lock In	Լյուսի
2016	Sing Street	Ռաֆինա
2016	I Am the Pretty Thing That Lives in the House	Փոլլի Փարսոնս
2016	Don't Knock Twice	Խլոյա
2017	Rebel in the Rye	Քլեիրի Դուգլաս
2017	Let Me Go	Էմիլի
2017	Murder on the Orient Express	Կոմսուհի Հելենա Անդրենի
2018	Apostle	Անդրեա Հոուի
2018	Bohemian Rhapsody	Մերի Օսթին

Հեռուստատեսություն

Տարեթիվ	Անվանում	Դեր	Նշումներ
2007	Ballet Shoes	Փոուզի Ֆոսսիլ	Հեռուստաֆիլմ
2008	Sense & Sensibility	Մարգարետ Դեշվուդ	Հեռուստատեսային մինիսերիալ
2010	Mo	Հենրիետտա Նորտոն	Հեռուստաֆիլմ
2011	Lewis	Զոե Սուսկին	Սերիա։ "The Gift of Promise"
2011, 2014	Borgia	Քույր Լուսիա	Սերիա։ "God's Monster", "1497"
2014	Endeavour	Փետրա Բրիերս	Սերիա։ "Nocturne"
2014	Law & Order: UK	Գորգիա Հաթոն	Սերիա։ "Bad Romance"
2015	Life in Squares	Անգելիկա Բելլ	Հեռուստատեսային մինիսերիալ
2017	Gypsy	Ալլիսոն Ադամս	Գլխավոր դեր
2019	The Politician (TV series)	TBA	Գլխավոր դեր