Գևորգ Հանեսօղլյան
| Գևորգ Հանեսօղլյան | |
|---|---|
 | |
| Ծնվել է | նոյեմբերի 8 (20), 1891[1] |
| Ծննդավայր | Ալեքսանդրապոլ, Երևանի նահանգ, Ռուսական կայսրություն[1] |
| Մահացել է | 1938[2] |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Մասնագիտություն | հեղափոխական, կուսակցական աշխատող և պետական գործիչ |
| Զբաղեցրած պաշտոններ | Երևանի քաղաքապետ և Երևանի քաղաքապետ |
| Կուսակցություն | ԽՄԿԿ[1] |
Գևորգ Սարիբեկի Հանեսօղլյան (նոյեմբերի 8 (20), 1891[1], Ալեքսանդրապոլ, Երևանի նահանգ, Ռուսական կայսրություն[1] - 1938[2]), Հայաստանում հեղափոխական շարժումների մասնակից, կուսակցական և պետական աշխատող։ ԽՄԿԿ անդամ 1917 թվականից, 1928-1930 թվականներին Երևանի քաղաքային խորհրդի գործադիր կոմիտեի նախագահ։
Գործունեություն
[խմբագրել | խմբագրել կոդը]
1904-1920 թվականներին աշխատել է Հայաստանի տարբեր տպարաններում և մասնակցել քաղաքական ցույցերի ու գործադուլների։ 1920 թվականին գործուն մասնակցություն է ունեցել Մայիսյան ապստամբությանը, որի համար հեռակա կարգով դատապարտվել է մահապատժի։ 1921 թվականին նշանակվել է Հայաստանի արհմիությունների կազմբյուրոյի պատասխանատու քարտուղար։ Դաշնակցության 1921 թվականի փետրվարյան խռովության ժամանակ կռվել է Ղամարլուի (Արտաշատ) ճակատում։ 1924-1930 թվականներին կուսակցական աշխատանք է տարել Երևանում ու Գյումրիում։ Եղել է Գյումրիի քաղաքապետ (1926-1928) և Երևանի քաղաքապետ (1928-1930 և 1936 թվականի օգոստոսի 1-ից մինչև նոյեմբերի 15-ը)[3]։
1930-1931 թվականներին եղել է ՀԽՍՀ Ժողտնտխորհի, 1933-1934 թվականներին՝ Հայաստանի Արհմիությունների խորհրդի նախագահ։ 1934-1936 թվականներին Հայաստանի ՀԿ (բ) կ Երևանի քաղկոմի քարտուղարն էր, իսկ 1936 թվականի նոյեմբերից՝ ՀԽՍՀ-ի Կենտգործկոմի նախագահ։ Եղել է ՀԿ (բ) կ Կենտկոմի բյուրոյի, ՀամԿ (բ) կ Անդրերկրկոմի անդամ։ Ընտրվել է Անդրֆեդերացիայի և ՀԽՍՀ Կենտգործկոմների անդամ։
1938 թվականին գնդակահարվել է[3]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,0 2,1 2,2 minfin.am
- ↑ 3,0 3,1 «Gevorg Hanesoghlyan». www.minfin.am. Վերցված է 2021 թ․ նոյեմբերի 28-ին.
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 221)։ 
|
.svg)
.svg){kind=spacer}
.svg)
