Հրանտ Թավաքալյան

Վիքիպեդիայից՝ ազատ հանրագիտարանից
Jump to navigation Jump to search
Հրանտ Թավաքալյան
 
Կրթություն՝ Ներսիսեան դպրոց
Մասնագիտություն՝ պետական գործիչ, քաղաքական գործիչ և հեղափոխական
Ազգություն հայ
Ծննդյան օր 1892
Ծննդավայր Մադրասա, Shamakhi District, ԱԽՍՀ

Հրանտ (Մնացական) Մկրտչի Թավաքալյան (1892, Մադրասա, Shamakhi District, ԱԽՍՀ), հայ հեղափոխական, պետական գործիչ, 1920 թվականի դեկտեմբերի 4-ից մինչև 1921 թվականի փետրվարի 25-ը եղել է Երևան քաղաքի և գավառի հեղկոմի նախագահ[1]։

Կենսագրություն[խմբագրել | խմբագրել կոդը]

Ծնվել է 1892 թվականին Բաքվի նահանգի Մադրասա գյուղում: Սկզբնական կրթությունն ստացել է Թիֆլիսի Ներսիսյան դպրոցում, որն ավարտելուց հետո վերադարձել է Մադրասա և զբաղվել ուսուցչությամբ: 1917 թվականին ընդունվել է Կիևի առևտրի ինստիտուտը, այնուհետև ուսումը շարունակել Կիևի համալսարանի իրավաբանական ֆակուլտետում[2]:

1917 թվականի Հոկտեմբերյան հեղափոխությունից հետո ընտրվել է Կիևի զինվորական կոմիտեի անդամ, 1918-1919 թվականներին եղել է Հայկական գործերի կոմիսարիատի ներկայացուցիչը Ցարիցինում և Աստրախանում: Մասնակցել է քաղաքացիական կռիվներին: 1920 թվականի հունվարին Ռուսաստանի կոմկուսի Անդրկովկասյան երկրային կոմիտեի կողմից աշխատանքի է ուղարկվել Հայաստան: Բանտարկվել է Մայիսյան ապստամբությանը մասնակցելու համար: Խորհրդային կարգերի հաստատումից հետո ազատվել է բանտից: 1920-1921 թվականներին եղել է Երևան քաղաքի և գավառի հեղկոմի նախագահը: 1921 թվականին նշանակվել է կոմկուսի Երևանի գավառային կոմիտեի քարտուղար[3]։

1921 թվականից մինչև 1923 թվականը եղել է ՀԿ(բ)Կ Զանգեզուրի գավառային կոմիտեի քարտուղար: 1923 թվականի սեպտեմբերին գործուղվել է ԱՄՆ՝ Հայաստանի օգնության կոմիտեի (ՀՕԿ) աշխատանքները կազմակերպելու նպատակով: 1924 թվականի օգոստոսին հեռացվել է կոմկուսի շարքերից և Արտակարգ հանձնաժողովի միջոցով մեկուսացվել է:

Ծանոթագրություններ[խմբագրել | խմբագրել կոդը]

  1. Երևանի նախկին քաղաքապետներ // Երևանի քաղաքապետարանի պաշտոնական կայք
  2. Հրանտ Թավաքալյան // Երևանի քաղաքապետարանի պաշտոնական կայք
  3. Հրանտ Թավաքալյանի մասին ru.hayazg.info կայքում
Նախորդող
Մկրտիչ Մուսինյանց
Երևան քաղաքի և գավառի հեղկոմի նախագահ
Հրանտ Թավաքալյան

04.12.1920 – 25.02.1921
Հաջորդող
Գևորգ Սարգսյան