Համբարձում Գալստյան

Համբարձում Փայլակի Գալստյան
Դրոշ Երևանի քաղաքային խորհրդի գործադիր կոմիտեի նախագահ Դրոշ
դեկտեմբերի 4, 1990 - դեկտեմբերի 22, 1992
Նախորդող	Արտաշես Գեղամյան
Հաջորդող	Վահագն Խաչատրյան
Կրթություն՝	ԵՊՀ պատմության ֆակուլտետ
Գիտական աստիճան՝	պատմական գիտությունների թեկնածու
Մասնագիտություն՝	քաղաքական գործիչ
Ծննդյան օր	դեկտեմբերի 14, 1955(1955-12-14)
Ծննդավայր	Երևան, Հայկական ԽՍՀ, ԽՍՀՄ
Վախճանի օր	դեկտեմբերի 17, 1994(1994-12-17) (39 տարեկան)
Վախճանի վայր	Երևան, Հայաստան
Քաղաքացիություն	ԽՍՀՄ, Հայաստան
Կայք՝	hambardzum.am

Համբարձում Փայլակի Գալստյան (դեկտեմբերի 14, 1955(1955-12-14), Երևան, Հայկական ԽՍՀ, ԽՍՀՄ - դեկտեմբերի 17, 1994(1994-12-17), Երևան, Հայաստան), հայ քաղաքական գործիչ, Երևանի քաղաքային խորհրդի գործադիր կոմիտեի նախագահ (1990-1992)։

Կենսագրություն

Համբարձում Գալստյանը ծնվել է 1955 թվականին, Երևանում։ Ավարտել է Երևանի Հովհաննես Հովհաննիսյանի անվան թիվ 52 միջնակարգ դպրոցը, ապա՝ Երևանի պետական համալսարանի պատմության ֆակուլտետը, որակավորումը՝ պատմաբան-ազգագրագետ։

Աշխատանքային գործունեություն

• 1978-1983 թվականներին աշխատել է Հայաստանի ազգագրության թանգարանում որպես ավագ գիտաշխատող։
• 1983 թվականին ԽՍՀՄ ԳԱ Միկլուխո-Մակլայի անվան ազգագրության և մարդաբանության ինստիտուտում պաշտպանել է թեկնածուական թեզ, ստացել պատմական գիտությունների թեկնածուի գիտական աստիճան։
• 1988 թվականին գործուն մասնակցություն է ունեցել Ղարաբաղյան շարժմանը, դարձել է շարժման առաջամարտիկներից մեկը՝ «Ղարաբաղ» կոմիտեի անդամ։
• 1989 թվականի դեկտեմբերին «Ղարաբաղ» կոմիտեի անդամների հետ ձերբակալվել է և վեց ամիս անցկացրել Մոսկվայի Բուտիրյան բանտում, որտեղ գրել է իր առաջին ժողովածուն՝ «Չուղարկված նամակներ»-ը, որի հայերեն ու անգլերեն տարբերակների շնորհանդեսը տեղի է ունեցել 2013 թվականին։ Բանտից ազատվելուց հետո աշխատել է Գիտությունների ակադեմիայի պատմության ինստիտուտում՝ որպես ավագ գիտաշխատող։
• 1990 թվականի դեկտեմμերի 4-ին ընտրվել է Երևանի քաղաքային խորհրդի պատգամավոր, մինչև 1992 թվականի դեկտեմբերը Երևանի քաղխորհրդի նախագահն էր, միաժամանակ՝ ՀՀ կառավարության նախագահության անդամը։
• 1992-1994 թվականներին եղել է «Տիեզերք» ՍՊԸ նախագահ։

Մահ

Համբարձում Գալստյանը սպանվել է 1994 թվականի դեկտեմբերի 19-ին, Երևանում։

Հիշատակ

Երևանի թիվ 83 դպրոցը անվանակոչվել է Համբարձում Գալստյանի անունով։

Համբարձում Գալստյանի անվան թիվ 83 դպրոց

Արտաքին հղումներ

• Պաշտոնական կայք Արխիվացված 2016-01-29 Wayback Machine

Նախորդող Արտաշես Գեղամյան

Երևանի քաղաքային խորհրդի գործադիր կոմիտեի նախագահ Համբարձում Գալստյան 4 դեկտեմբերի 1990 թ. - 22 դեկտեմբերի 1992 թ.

Հաջորդող Վահագն Խաչատրյան