Քըրք Դուգլաս

Քըրք Դուգլաս
Բնագիր ԱԱՀ	Իսուր Գերշելևիչ Դանիելևիչ Issur Danielovitch
Հասակը`	175 սմ
Ծնվել է`	դեկտեմբերի 9, 1916 (1916-12-09)
Ծնվելու վայր`	Ամստերդամ, Նյու Յորք,  ԱՄՆ
Ազգություն`	ԱՄՆ
Այլ անուն(ներ)	Izzy Demsky
Մասնագիտություն	Դերասան, Պրոդյուսեր, Ռեժիսոր
Ակտիվ շրջան	1942 - 2004
Ժանրեր	Վեստեռն, Դրամա, Մարտական
Ընտրանի	"Չարերը և գեղեցիկները", "Սպարտակ", "Վիկինգները"
Ամուսին(ներ)	Դայան Դիլլ (1943–51; բաժանվել են) (2 երեխա), Էննի Բայդենս (1954–ից մինչ օրս) (2 երեխա)
Երեխա(ներ)	Մայքլ Դուգլաս (ծն. 1944) Ջոել Դուգլաս (ծն. 1947) Պիտեր Դուգլաս (ծն. 1955) Էրիկ Դուգլաս (1958–2004)
էջ IMDb-ում	ID 0000018
էջ ԿինոՊոիսկ-ում	ID 32087
Ստացած պարգևներ Օսկար 1996 Ոսկե Գլոբուս 1957

Քիրք Դուգլաս (անգլ.՝ Kirk Douglas, իսկական անուն ազգանունը` Իսեր Դանիելովիչ, 1916թ. դեկտեմբերի 9, Ամստերդամ, Նյու Յորք (նահանգ), ԱՄՆ), ամերիկացի հանրահայտ դերասան, Հոլիվուդյան կենդանի լեգենդներից մեկը: Ճանաչված դերասան Մայքլ Դուգլասի հայրը:

Ամերիկյան կինոակադեմիան իր կողմից հրապարակված Ամերիկյան բոլոր ժամանակների ֆիլմերի 100 մեծագույն աստղերի ցանկում նրան ընդգրկել է 17-րդ տեղում:

Կենսագրություն

Քիրք Դուգլասը (Իսեր Դանիելովիչ) ծնվել է ԱՄՆ-ի Նյու Յորք նահանգի Ամստերդամ քաղաքում: Նա ընտանիքի 4-րդ երեխան էր: Ծնողները հրեա էին և ԱՄՆ էին գաղթել իրենց ամուսնությունից հետո` 1908 թվականին: Հայրը` Գերշլ Դանիելովիչը և մայրը Բրայնա Սանգլելը ապրում էին աղքատ պայմաններում: Քիրքը նրանց միակ տղա երեխան էր և ուներ վեց քույր: Ծնողները ԱՄՆ-ում բնակվելու ժամանակ փոխեցին անուն ազգանունները` Հարրի և Բերտ Դամսկի:

Երիտասարդ տարիքում զբաղվում է ըմբշամարտով, մասնակցում է Երկրորդ համաշխարհային պատերազմին ռազմածովային ուժերում: 1943 թվականին ամուսնանում է դերասանուհի Դայան Դիլլի հետ, ով ծնունդով Բերմուդյան կղզիներից էր: Սկսած 1945 թվականից հանդես է գալիս Բրոդվեյում Իզի Դեմսկի կեղծանունով, իսկ նրւա համադասարանցի Հոլիվուդյան աստղ Լորեն Բեքոլը օգնում է նրան հասնել Հոլիվուդ:

Կարիերա

Նրա համար առաջին աստղային դերը 1949 թվականի «Չեմպիոն» ֆիլմն էր, որտեղ նա խաղում էր բռնցքամարտիկ Միջ Քելլի դերը, որին հաջորդեցին «Չարերը և գեղեցիկները», «Կյանքի ծարավ» ֆիլմը, որտեղ նա մարմնավորում էր հոլանդացի հայտնի նկարիչ Վինսենթ Վան Գոգին, «Վիկինգները», ապա Կուբրիկի «Փառքի արահետներ» և վերջապես իր թերևս ամենաստղային ֆիլմը` «Սպարտակը», որից հետա նա հայտնի դարձավ ամբողջ աշխարհում:

1980-ական թթ. Դուգլասը գրեթե չէր նկարահանվում է զբաղվում էր քաղաքականությամբ և բարեգործական աշխատանքներով: Գրել է երկու վեպ և հիշողությունների ինքնակենսագրական «Let’s face it: 90 years of living, loving, and learning» գիրքը, որտեղ նկարագրում է իր դերասանական կարիերայի մասին: Երկար ժամանակ նա ցանկանում էր նկարահանել «Թռիչք կկվի բնի վրայով» ֆիլմը, որի նկարահանման հեղինակային իրավունքը պատկանում էր իրեն: Վերջիվերջո այն հանձնում է որդուն` Մայքլ Դուգլասին:

2011 թվականի փետրվարի 27-ին 94-ամյա Քիրք Դուգլասը մասնակցեց Օսկարի 83-րդ մրցանակաբաշխությանը: Դուգլասը ունի սեփական բլոգ Myspace կայքում և 94 տարեկան հասակում ճանաչվել է աշխարհի ամենատարեց բլոգերը:

9-ական ֆիլմի պրոդյուսեր և երաժշտության հեղինակ է, 2 ֆիլմի ռեժիսոր:

Ֆիլմագրություն

Խաղացել է ընդհանուր թվով 90-ից ավելի գեղարվեստական և հեռուստատեսային ֆիլմերում ու սերիալներում:
Առավել նշանավոր ֆիլմերն են`

տարի	ֆիլմ	բնօրինակ անվանում	ռեժիսոր	խաղընկերներ
1946	«Մարթա Այվերսի տարօրինակ սերը»	The Strange Love of Martha Ivers	Լուիս Մայլսթոուն	Բարբարա Սթենվիկ
1947	«Անցյալից»	Out of the Past	Ժակ Տուրներ	Ռոբերտ Միտչեմ
1949	«Չեմպիոն»	Champion	Մարկ Ռոբսոն	Արթուր Քենեդի
1949	«Նամակ երեք կանանց»	A Letter to Three Wives	Ջոզեֆ Լեո Մանկևիչ	Սելեստա Հոլմ
1950	«Ապակյա գազանանոց»	The Glass Menagerie	Իրվինգ Ռապպեր	Արթուր Քենեդի
1952	«Չարերը և գեղեցիկները»	The Bad and the Beautiful	Վինսենթ Մինելլի	Գլորիա Գրեհեմ
1954	«Ոդիսևսի ճանապարհորդությունները»	Ulisse	Մարիո Բավա Մարիո Կամերինի	Էնթոնի Քուին
1956	«Կյանքի ծարավ»	Lust for Life	Վինսենթ Մինելլի	Էնթոնի Քուին
1956	«Փառքի արահետներ»	Paths Of Glory	Սթենլի Կուբրիկ
1958	«Վիկինգները»	The Vikings	Ռիչարդ Ֆլեյշեր	Թոնի Քերթիս Էռնեստ Բորգնայն
1960	«Սպարտակ»	Spartacus	Սթենլի Կուբրիկ	Ջին Սիմոնս Պիտեր Ուստինով Լոուրենս Օլիվյե Չառլզ Լոուտոն Թոնի Քերթիս
1963	«Ադրիան Մեսենջերի ցուցակը»	List of Adrian Messenger	Ջոն Հյուսթոն	Բերտ Լանկաստեր Թոնի Քերթիս Ռոբերտ Միտչեմ Ֆրենկ Սինատրա
1967	«Ռազմական կառքը»	The War Wagon	Բերտ Քենեդի	Ջոն Ուեյն
1967	«Գործարք»	The Arrangement	Էլիա Կազան	Ֆեյ Դանաուեյ Դեբոր Քեր
1971	«Վտանգավոր լույս երկրի ծայրին»	The Light at the Edge of the World	Քեվին Բիլինգտոն	Յուլ Բրիններ Ֆերնանդո Ռեյ
1978	«Ցասում»	The Fury	Բրայան դե Պալմա	Ջոն Կասսավետիս Էմի Իրվինգ
1980	«Սատուրն 3»	Saturn 3	Սթենլի Դոունեն	Հարվի Քեյթլ
1986	«Ուժեղ տղաներ»	Tough Guys	Ջեֆ Քենյու	Բերտ Լանկաստեր Էլի Ուոլլակ
1991	«Օսկար»	Oscar	Ջեն Լենդիս	Սիլվեստր Ստալոնե Օռնելա Մուտի Չեզզ Պալմինտերի Ջո Դանթե
1994	«Ագահություն»	Greedy	Ջոնաթան Լինն	Մայքլ Ջեյ Ֆոքս Քիրստեն Դանստ

Մրցանակներ

կնոջ Էննի Բայդենսի հետ ԱՄՆ նախագահ Ռոնալդ Ռեյգանի հետ հանդիպման ժամանակ,
1987 թ. լուսանկար

Ընդհանուր թվով ստացել է 27 տարբեր կինոմրցանակ, ներկայացված է եղել ևս 16-ի, որոնց թվում

• 3 անգամ ներկայացվել է Օսկարի, ստացել 1 պատվավոր Օսկար կինոյում ունեցած ավանդի համար
• 3 անգամ ներկայացվել է Ոսկե Գլոբուսի, ստացել 2-ը
• 1 անգամ ներկայացվել է BAFTA-ի
• 3 անգամ ներկայացվել է Էմմիի
• մեկական անգամ ստացել է Սեզար և Բեռլինի կինոփառատոնի մրցանակ և այլն

Ստացել է ԱՄՆ-ի նախագահի ազատության շքանշան, Ֆրանսիայի Պատվավոր Լեգեոնի շքանշան կավալեր է:

1960 թվականին Հոլիվուդյան փառքի ծառուղում բացվել է նրա աստղը:

Գրականություն

• The Ragman's Son. Simon & Schuster, 1988. ISBN 0-671-63717-7.
• Dance With the Devil. Random House, 1990. ISBN 0-394-58237-3.
• The Gift. Warner Books, 1992. ISBN 0-446-51694-5.
• Last Tango in Brooklyn. Century, 1994. ISBN 0-7126-4852-6.
• The Broken Mirror: A Novella. Simon & Schuster Books for Young Readers, 1997. ISBN 0-689-81493-3.
• Young Heroes of the Bible. Simon & Schuster Children's Publishing, 1999. ISBN 0-689-81491-7.
• Climbing The Mountain: My Search For Meaning. Simon and Schuster, 2001. ISBN 0-7432-1438-2.
• My Stroke of Luck. HarperCollins, 2003. ISBN 0-06-001404-0.
• Let's Face It – 90 Years of Living, Loving, and Learning. John Wiley & Sons, 2007. ISBN 0-470-08469-3.

Արտաքին հղումներ

Վիքիպահեստում՝

Քիրք Դուգլաս

• Internet Broadway Database կայքում
• movies.yahoo կայքում