Գաբրիել Գարսիա Մարկես

Գաբրիել Գարսիա Մարկես

Գաբրիել Ժոզե դե լա Կոնկորդիա Գարսիա Մարկես (իսպաներեն՝ Gabriel José de la Concordia García Márquez) (ծնվ. 1927 թ. մարտի 6-ին Արակատակա, Մագդալենա, Կոլումբիա), կոլումբիացի գրող, նովելիստ, սցենարիստ, լրագրող։ Իսպանախոս աշխարհում հայտնի է նաև Գաբո` Գաբրիելի կրճատ (իսպաներեն՝ Gabo) անվամբ։ Գրականության բնագավառում 1982թ. Նոբելյան մրցանակի դափնեկիր: «Մոգական ռեալիզմ» գեղարվեստական ուղղության ներկայացուցիչ: Առավել հայտնի են նրա «Գնդապետին ոչ ոք չի գրում» (լույս է տեսել 1961թ.), «Չարաբաստիկ ժամը» (1966թ.), «Սերը ժանտախտի ժամանակ» (1985թ.) վեպերը ։ Գրողին համաշխարհային ճանաչում է բերել և լատինաամերիկյան ու համաշխարհային գրականության գլուխգործոց է համարվում «Հարյուր տարվա մենություն» վեպը (1967թ.)։