Ֆիդել Կաստրո

Ֆիդել Կաստրո
Կուբայի առաջնորդ
Բնագիր ԱԱՀ՝	Fidel Alejandro Castro Ruz
Ծննդյան օր՝	13 օգոստոս, 1926
Ծննդավայր՝	Բիրան, Օրյենտե նահանգ
Քաղաքացիություն՝	Կուբա
Աշխատանք՝	Կուբայի նախկին նախագահ

Ֆիդել Ալեխանդրո Կաստրո Ռուզ (ծնվել օգոստոսի 13, 1926) կուբացի հեղափոխական է և Կուբայի նախկին նախագահը։

Կենսագրություն

Երիտասարդություն

Ֆիդել Ալեխանդրո Կաստրո Ռուզը ծնվել է 1926 թվականի օգոստոսի 13-ին, Կուբայի Օրյենտե նահանգի Բիրան փոքր քաղաքում: Կաստրոյի ծնողները անգրագետ էին, սակայն նրանք ամեն ինչ արել են իրենց երեխաներին լավ կրթության տալու համար: Ֆիդելը դպրոցում լավագույն աշակերտներից մեկն էր` շնորհիվ իր բացառիկ հիշողության: Հենց դպրոցում էլ նրա մոտ ի հայտ են եկել հեղափոխականի հակումները. տասներեք տարեկանում նա մասնակցում է իր հոր շաքարի պլանտացիաների բանվորների ապստամբությանը:

Տասներկու տարեկանում Ֆիդելը նամակ է գրում ԱՄՆ-ի այն ժամանակվա նախագահ Ֆրանկլին Ռուզվելտին: Նամակում նա նախագահին շնորհավորում է վերընտրման առթիվ և խնդրում է. "Եթե Ձեզ համար դժվար չէ, ուղարկեք ինձ, խնդրում եմ, ամերիկյան 10-դոլարանոց թղթադրամ: Ես այն երբեք չեմ տեսել, բայց շատ կուզենայի ունենալ: Ձեր ընկեր:" 2004 թվականին երիտասարդ Ֆիդելի նամակը Վաշինգտոնում գտել են Ազգային արխիվային ծառայության աշխատակիցները:

1945 թվականին Ֆիդել Կաստրոն գերազանցությամբ ավարտեց քոլեջը և ընդունվեց Հավանայի համալսարանի իրավունքի ֆակուլտետը:

1950 թվականին Կաստրոն ավարտել է Հավանայի համալսարանի իրավաբանական ֆակուլտետը, ապա` ասպիրանտուրան: Համալսարանն ավարտելուց հետո Հավանայում զբաղվել է մասնավոր փաստաբանական գործունեությամբ, մասնավորապես, անվճար վարել է աղքատների գործերը: Այդ ժամանակ նա անդամագրվեց "Կուբայի ժողովրդի կուսակցությանը":

Պայքար և բանտարկություն

1952 թվականի մարտի 10-ին տեղի ունեցավ ռազմական հեղաշրջում և երկրի ղեկավարումն անցավ Բատիստային: Ֆիդել Կաստրոն հայտնվեց դիկտատուրայի դեմ պայքարողների առաջին շարքերում:

Բատիստայի կառավարության դեմ պայքարի ընթացքում "Օրթոդոքսների" կուսակցությունը ցրվեց: Ֆիդել Կաստրոյին հաջողվեց միավորել այդ կուսակցության նախկին անդամների ոչ մեծ խմբի, որոնք էլ սկսեցին Բատիստայի իշխանությունը տապալելուն ուղղված աշխատանքների պատրաստությունը: Ֆիդել Կաստրոն ու իր ընկերները որոշեցին գրավել Մոնկադայի զորանոցները, սակայն այդ նախաձեռնությունը հաջողություն չունեցավ: Գրոհից հետո շատ հարձակվողներ թաքնվեցին: Ռաուլ Կաստրոն ձերբակալվեց հուլիսի 29-ին, իսկ Ֆիդելը կարողացավ թաքնվել մինչև օգոստոսի 1-ը: Հաջորդ օրը նա ձերբակալվեց և տեղափոխվեց Բոնիտա քաղաքի նահանգային բանտ:

Դատարանը նրան դատապարտեց 15 տարվա բանտարկության: 1954-ի փետրվարի կեսերին այն բանտը, որտեղ պահվում էր Կաստրոն, այցելում է Բատիստան: Այդ առթիվ Ֆիդել Կաստրոն կազմակերպում է բողոքի աղմկոտ ակցիա:

1955 թվականի Ֆիդելն ազատվում է համընդհանուր համաներմամբ: Հենց նույն տարում նա արտագաղթում է Մեքսիկա:

Հեղափոխություն

Ֆիդել Կատրոն ղեկավարել է Կուբական Հեղափոխությունը որ կործանել է Կուբայի դիկտատոր՝ գեներալ Ֆուլգենսիո Բատիստայի 1959-թվին։ Նույն տարին, Կաստրո դարձել է Կուբայի վարչապետ։ 1965 թվին, Ֆիդել Կաստրո նշանակվել է առաջին քարտուղար Կուբայի Կոմունիստ Կուսակցության և հետևաբար ղեկավարել է Կուբայի փոխակերպությունը դեպի սոցիալիստ հանրապետության մը բաղկացած մեկ կուսակցությունից։ 1976 թվին, նա նշանակվել է Կուբայի նախագահ։ Կաստրոն Կուբայի զինված ուժերի գլխավոր հրամանատարն է և ունի զինված ուժերի ամենաբարձր աստիճանը՝ Comandante en Jefe («գլխավոր հրամանատար»)։ Կաստրո ղեկավարել է Կուբան իբրև նախագահ մինչև փետրվարի 24, 2008թ.։