Կուբացիներ

Վիքիպեդիայից՝ ազատ հանրագիտարանից

Կուբացիներ (ինքնանվանումը՝ կուբանո, հոգնակին՝ կուբանոս), ազգ, Կուբայի Հանրապետության հիմնական բնակչությունը (9, 7 մլն, 1977թ.)։ Խոսում են իսպաներեն՝ տեղական առանձնահատկություններով։ Հավատացյալները կաթոլիկներ են կամ բողոքականներ և աֆրիկա-քրիստոնեական սինկրետիկ պաշտամունքների հետևորդներ են։ Մարդաբանական կազմով միատարր չեն, կան եվրոպեոիդ և նեգրոիդ ռասաների ներկայացուցիչներ, ինչպես և խառնածիններ։ Կուբացիները հիմնականում իսպանացիների և նեգրերի խառնուրդ են։ Սկզբում կուբացիների կազմավորմանը մասնակցել են նաև հնդկացի բնիկները, որոնց, սակայն, XVI դ. կեսին ոչնչացրին իսպանացի գաղութարարները։ Կուբայի ազգային համախմբման համար կարևոր նշանակություն ունեցան 1868—1898թթ.-ի ազգային-ազատագրական 30-ամյա պատերազմը, 1933թ.-ի հեղափոխությունը և 1959թ.-ի ժողովրդական հեղափոխությունը, որը վերաճեց սոցիալիստականի։ Կուբացիները ձևավորվում են որպես սոցիալիստական ազգ։

Տես նաև[խմբագրել]

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png