Շեյմաս Հինի

Շեյմաս Հինի
ԱԱՀ՝	Շեյմաս Հինի
Ծննդյան օր՝	ապրիլի 13, 1939
Ծննդավայր՝	Դերրի կոմսություն (Հյուսիսային Իռլանդիա)

Շեյմաս Հինի (Seamus Heaney, 1939, ապրիլի 13), իռլանդացի բանաստեղծ, արձակագիր, թարգմանիչ, Նոբելյան մրցանակի դափնեկիր (1995)։

Ծնվել է Հյուսիսային Իռլանդիայի Դերրի կոմսությունում։ Հայրը հողագործ է եղել։ Սովորել է Սուրբ Կոլումբոսի քոլեջում, ապա Բելֆաստի թագավորական համալսարանում։ Ավարտելուց հետո դասավանդել է դպրոցում, ինչպես նաև նույն համալսարանում։ Օլստերի արյունալի իրադարձություններից մի քանի տարի անց` 1973-ին, տեղափոխվում է Իռլանդիա։

Հինին Օքսֆորդի համալսարանում ընտրվել է պոեզիայի պրոֆեսոր։

Մրցանակները

Գրական վաստակի համար արժանացել է Ս. Մոեմի, Ջ. Ֆեյրերի, Դ. Դեյվինի և այլ մրցանակների, իսկ 1995-ին` Նոբելյան մրցանակի։

Հրատարակած գրքերը

• Բնագետի մահը (1966)
• Խավարի դուռը (1969)
• Ձմեռում ենք (1972)
• Հյուսիս (1975)
• Դաշտային աշխատանքներ (1979)
• Զղջումի կղզի (1984)
• Ալոճենու լապտերը (1987)
• Իրերի տեսիլքը (1991)
• Հոգու մակարդակ (1996) և այլն

Թարգմանական գործունեությունը

2000-ին, երկարամյան ճգնումից հետո, Հինիի թարգմանությամբ լույս է տեսնում «Բեովուլֆ» անգլոսաքսոնական միջնադարյան էպոսը, որը դարձավ բեսթսելլեր։

Շեյմաս Հինին հայերեն

• Բանաստեղծություններ (գրքում տեղ է գտել նաև «Տուրք պոեզիային» նոբելյան բանախոսությունը), Երևան, «Գրական էտալոն» հրատարակչություն, 80 էջ ( թարգմանեց, կազմեց և ծանոթագրեց Շանթ Մկրտչյանը)։

Աղբյուրներ

• Շեյմաս Հինի, Բանաստեղծություններ, Երևան, «Գրական էտալոն» հրատարակչություն, էջ 78։