Սենթ Լուիս

Վիքիպեդիայից՝ ազատ հանրագիտարանից
Քաղաք
Սենթ Լուիս
անգլ.՝ St. Louis
ֆր.՝ Saint-Louis
Դրոշ
Flag of St. Louis, Missouri.svg

StLouisMontage.jpg
Կոորդինատներ: 38°37′00″ հս․ լ. 90°12′00″ ամ. ե. / 38.61667° հս․. լ. 90.20000° ավ. ե. / 38.61667; 90.20000
Երկիր Ամերիկայի Միացյալ Նահանգներ ԱՄՆ
Նահանգ Միսուրի
Ղեկավար քաղաքապետ
Հիմնադրված է 1763 թ.
Մակերես 171,3 կմ²
ԲԾՄ 142 մ
Բնակչություն 316 450 մարդ (2016)
Խտություն 2065,6 մարդ/կմ²
Ագլոմերացիա 2 866 517
Ժամային գոտի UTC-6, ամառը UTC-5
Հեռախոսային կոդ 314
Պաշտոնական կայք stlouis.missouri.org
##Սենթ Լուիս (ԱՄՆ)
Red pog.png

Սենթ Լուիս (անգլ.՝ St. Louis [seɪnt ˈluːɪs] կամ [sænt ˈluː.iː], ֆր.՝ Saint-Louis [sɛ̃ ˈlwi]), անկախ քաղաք ԱՄՆ-ում[1], Միսսուրի նահանգում: Իր անվանումը ստացել է ֆրանսիացի գաղութարարների կողմից Լյուդովիկոս 9-րդի պատվին: Բնակչությունը` 316 540 մարդ (2016 թվակականի տվյալներով)[2]: Ոչ պաշտոնական անվանումներն են`«Քաղաք-դարպաս» և «Դամբարանաբլուրների քաղաք»:

Պատմություն[խմբագրել | խմբագրել կոդը]

Մինչ ֆրանսիական գաղութարարների գալը, այնտեղ, որտեղ այժմ գտնվում է քաղաքը, բնակվում էին հնդկացիները` դամբարանաբլուրների շինարարների մշակույթի ներկայացուցիչները, որոնց շնորհիվ Սենթ Լուիսը ստացել է իր «Դամբարանաբլուրների քաղաք» անվանումը:

Բնակավայրը, որտեղ այժմ գտնվում է Սենթ Լուիս քաղաքը, հիմնադրվել է 1763 թվականին ֆրանսիացիների կողմից:

1766-1768 թվականներին բնակավայրը ղեկավարել է ֆրանսիացի նահանգապետ Լուի Սենտ Անժ դե Բելրիվ: Այնուհետև վերահսկողությունն անցել է իսպանացի նահանգապետերին: 1800 թվականին բնակավայրի բնակչությունը կազմում էր մոտ 1000 մարդ: ԱՄՆ-ն Սենթ Լուիսը ձեռքբերեց Ֆրանսիայից 1803 թվականին գործարքի արդյունքում, որը ստացել է «Լուիզիանական գործարք» անվանումը:

Սենթ Լուիս

Սենթ Լուիսը պաշտոնապես գրանցվել է որպես քաղաք 1809 թվականի նոյեմբերի 9-ին:

Աշխարհագրություն[խմբագրել | խմբագրել կոդը]

Քաղաքը գտնվում է Միսսիսիպի գետի ափին, նրա մեջ Միսսուրի (գետ) գետի թափվելու վայրից դեպի հարավ: Սահմանակցում է Սենթ Լուիս շրջանի հետ, սակայն դրա մասը չի համարվում: Ավարձաններում գտնվում են բլրապատ պրերիաները և Կահոկիա կրաքարային դամբարանաբլուրները:

Կլիմա[խմբագրել | խմբագրել կոդը]

Քաղաքում գերակշռում են չափավոր ցամաքային կլիման, քանի որ քաղաքի մոտ չկան ոչ բարձր լեռնազանգվածներ, ոչ էլ խոշոր ջրային տարածություններ: Տարածքը գտնվում է ինչպես Կանադայից եկող սառը արկտիկական հոսանքների, այնպես էլ Մեքսիկական ծոցի խոնավ արևադարձային զանգվածների ազդեցության տակ:

Միջին ջերմաստիճանը կազմում է 13,5 °C, տեղումների տարեկան քանակը` 980 մմ: Ամռանը ջերմաստիճանը հասնում է 32 °C-ի, իսկ ձմռանը սովորաբար իջնում մինչև −6 °C: Դիտվել է ռեկորդային ցածր ջերմաստիճան` −30 °C և ռեկորդային բարձր ջերմաստիճան` 47,2 °C:

1995 և 1999 թվականներին շոգ եղանակի և բարձր խոնավության պատճառով հարյուրավոր մարդիկ են մահացել:

Տարվա ընթացքում 40-50 օրը կարող են լինել ամպրոպային և երբեմն ուղեկցվել մրրկասյուներով:

Nuvola apps kweather.svg Ջերմաստիճանի և տեղումների տարեկան միջին ցուցանիշները Սենթ Լուիս
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ տարին
միջին առավելագույնը (°C) 3,1 5,8 12,5 19,3 24,5 29,5 31,8 30,7 26,6 20,2 12,6 5,3 18,5
միջին ջերմաստիճանը (°C) -1,5 1,0 7,2 13,7 18,9 24,1 26,5 25,3 21,2 14,6 7,8 1,0 13,3
միջին նվազագույնը (°C) -6,2 -3,8 1,9 8,0 13,3 18,7 21,3 19,9 15,8 9,0 3,1 -3,3 8,1
տեղումների քանակը (մմ) 45,9 53,8 90,9 88,9 100,8 94,4 97,7 72,3 79,2 68 83,3 76,9 952,7
Աղբյուր՝ World Climate

Քաղաքի համայնապատկեր[խմբագրել | խմբագրել կոդը]

Սենթ Լուիսի համայնապատկեր
Սենթ Լուիսի համայնապատկեր


Տրանսպորտ[խմբագրել | խմբագրել կոդը]

Սենթ Լուիսը սպասարկում է երեք օդանավակայան: Հասարակական տրանսպորտի համակարգի մեջ մտնոմ է մետրոպոլիտենը, միջքաղաքային, քաղաքային և մերձքաղաքային ավտոբուսները, տաքսի ծառայությունները:

Ծանոթագրություններ[խմբագրել | խմբագրել կոդը]

  1. Missouri QuickFacts from the US Census Bureau.
  2. «American FactFinder»։ U.S. Census Bureau։ July 1, 2015։ Վերցված է May 23, 2016