Թեոդորոս Մոփսուեստացի (մոտ 350, Անտիոք — 428, Մոպսուեստիա, Կիլիկիա), քրիստոնյա աստվածաբան։ Մոփսուեստիա քաղաքի եպիսկոպոս 392 թվականից մինչև մահը։ Թեոդորոս Մոփսուեստացու քրիստոսաբանական հայացքները հետագայում դրվել են Նեստորականության հիմքում։ Ուսմունքը կազմում է Արևելքի ասորական եկեղեցու վարդապետության հիմքը։
Գրել է բազմաթիվ աստածաբանական, մեկնողական և ջատագովական երկեր, որոնց մեծ մասը կորել է կամ մեզ է հասել հատվածաբար, հիմնականում՝ ասորերեն թարգմանություններով։