Ադամ Լևին

Վիքիպեդիայից՝ ազատ հանրագիտարանից
Picto infobox music.png
Ադամ Լևին
Adam Levine
Ադամ Լևինը 2011 թվականին
Հիմնական տվյալներ
Ի ծնե անուն Ադամ Նոա Լևին
Ծնվել է մարտի 18, 1979 (36 տարեկան)
Լոս Անջելես, Կալիֆորնիա
Երկիր Flag of the United States.svg ԱՄՆ
Ժանրեր Փոփ ռոք
Մասնագիտություն Երգիչ, երգերի հեղինակ, մուլտի ինստրումենտալիստ,
դերասան
Գործիքներ Վոկալ, կիթառ, դաշնամուր, հարվածային գործիքներ, բաս կիթառ
Գործունեություն 1994-ներկա
Լեյբլ J Records, A&M Octone Records, Interscope Records
Կապված Maroon 5
Կայք www.maroon5.com

Ադամ Նոա Լևին (անգլ.՝ Adam Noah Levine, ծնվ. 1979թ. մարտի 18, Լոս Անջելես, Կալիֆորնիա), ամերիկացի երգիչ, երգերի հեղինակ, մուլտի ինստրումենտալիստ և դերասան։ Հանդիսանում է Maroon 5 փոփ ռոք խմբի գլխավոր վոկալիստը։

Իր պատանեկության տարիներին Լևինը հիմնադրել է Kara's Flowers ալտերնատիվ ռոք խումբը և եղել է այդ խմբի մենակատարն ու կիթառահարը։ Խումբը իր առաջին ալբոմի թողարկումից հետո, առևտրային անհաջողությունների պատճառով այլևս չի շարունակում իր գործունեությունը։ Հետագայում խմբի անդամներին միանում է ևս մեկը և ձևավորվում է Maroon 5 խումբը, որը ունենում է զգալի հաջողություններ։ Մինչև այժմ Maroon 5-ը թողարկել է 5 ստուդիական ալբոմ, ստացել է երեք Գրեմմի, երկուական BMA և AMA, և մեկական MTV VMA և WMA։

2011 թվականից սկսած Լևինը եղել է NBC հեռուստաընկերության տաղանդներ փնտրող The Voice հեռուստանախագծի մարզիչ։ 2012 թվականին նա հանդես է եկել «Ամերիկյան սարսափ պատմություն» հեռուստասերիալի երկրորդ եթերաշրջանում, իսկ ավելի ուշ նաև ստանում է «Սկսել նորից» ֆիլմի գլխավոր դերերից մեկը։

Լևինը նաև ձեռնարկատեր է։ 2013 թվականից սկսած նա ունի օծանելիքի իր սեփական գիծը։ Նույն տարում նա նաև համագործակցել է Sears Holdings-ի հետ, որպեսզի մշակի հագուստի և աքսեսուարների իր հավաքածուն։ Լևինը նաև ունի իր ձայնագրման լեյբլը, որը անվանված է 222 Records։

Վաղ կյանք[խմբագրել]

Ադամ Նոա Լևինը[1] ծնվել է 1979 թվականի մարտի 18-ին Լոս Անջելեսում[2]։ Նրա ծնողները` Ֆրեդ Լևինը և Փաթսի Նոան[3][4], ամուսնալուծվել են երբ նա եղել է 7 տարեկան։ Լևինը ունի երկու եղբայր` Մայքլը և Սեմը[5]։ Ծնողների ամուսնալուծությունից հետո նա ապրել է մոր հետ, իսկ հանգստյան օրերին՝ հոր հետ[6]։ Նրանց ամուսնալուծության պատճառով, Լևինը անցել է թերապիա, սակայն նա դա անվանել է «ժամանակի անիմաստ կորուստ»[7]։ Լևինը հաճախել է Լոս Անջելեսի Բրենտվուդի դպրոց, որտեղ էլ հանդիպել է իր ապագա խմբի անդամներ Ջեսսի Կարմայքլին և Միքի Մեդենին[8]։

Լևինի հայրը և մայրական պապը հրեաներ են[6]։ Չնայած նա իրեն նույնպես հրեա է համարում[9], սակայն «The Jewish Chronicle» շաբաթաթերթի հետ հարցազրույցում ասել է, որ մերժում է ձևական կրոնական պրակտիկան և նախընտրում է ավելի ընդհանրացված, հոգևոր կյանքի ճանապարհը[6]։

Kara's Flowers[խմբագրել]

1995 թվականի սեպտեմբերին Լևինը, Ջեսսի Կարմայքլի, Ջեյմս Վալենթայնի և Ռայան Դասիկի հետ հիմնադրում է Kara's Flowers խումբը[10]։ Սկզբնական շրջանում նրանք համերգներ էին տալիս ակումբներում[11]։ 1997 թվականին կնքելով պայմանագիր Reprise Records ձայնագրման լեյբլի հետ[12], խումբը թողարկում է իր առաջին` «The Fourth World» ալբոմը[13], իսկ նույն տարում նաև հայտնվում է «Բևերլի Հիլզ, 90210» հեռուստասերիալի էպիզոդներից մեկում[3]։ Խմբի ալբոմը ունենում է մոտավորապես 5000 օրինակի վաճառք[14], իսկ ալբոմի գլխավոր սինգլը` «Soap Disco» երգը, գրեթե չի ունենում որևե կոմերցիոն հաջողություն։ Reprise Records լեյբլը դադարեցնում է խմբի հետ իր աշխատանքը[15], իսկ խումբը որոշում է այլևս չշարունակել իր գործունեությունը[16][17]։

Maroon 5[խմբագրել]

    1rightarrow.png Հիմնական հոդված՝ Maroon 5
Լևինը 2011 թվականի մայիսին Հոնկոնգում, Չինաստան

Kara's Flowers խմբի գործունեության դադարից հետո, Լևինը և Ջեսսի Կարմայքլը որոշում են լքել Լոս Անջելեսը և հետագա ուսումը շարունակել Նյու Յորքում[11]։ Այնտեղ նրանք ընդունվում են Five Towns քոլեջ, սակայն որոշ ժամանակ անց թողնում են քոլեջը և որոշում են վերամիավորվել Միքի Մեդենի և Ռայան Դուսիկի հետ և ևս մեկ անգամ ձևավորել խումբ[18]։ Մինչև իրենց երաժշտական ժանրը ընտրելը, նրանք փորձում են մի քանի ժանրերում, այդ թվում` քանթրի և ֆոլկ[8]։ Ավելի ուշ Octone Records ձայնագրման լեյբլի աշխատակից Բեն Բերկմանի խորհրդով խմբի հինգերորդ անդամ է դառնում Ջեյմս Վալենթայնը, և խումբը վերանվանվում է Maroon 5[17]։

Լևինը ելույթ է ունենում 2007 թվականին

2002 թվականի հունիսին խումբը թողարկում է իր դեբյուտային` «Songs About Jane» ստուդիական ալբոմը, որը Billboard 200 ալբոմների հիթ շքերթում զբաղեցրել է 6-րդ հորիզոնակը։ 2005 թվականին խումբը ստանում է Գրեմմի մրցանակ «Լավագույն նոր արտիստ» անվանակարգում[19], իսկ հաջորդ տարի իր «This Love» երգի համար ստանում է Գրեմմի «Լավագույն փոփ վոկալ կատարում դուետի կամ խմբի կողմից» անվանակարգում[20]։

2006 թվականին խումբը սկսում է ձայնագրել իր երկրորդ` «It Won't Be Soon Before Long» ալբոմը, որը թողարկվում է 2007 թվականի մայիսին։ Այն Billboard 200 հիթ շքերթում զբաղեցնում է առաջին հորիզոնականը[21], իսկ ալբոմի վաճառքին նպաստելու համար խումբը ունենում է համերգային շրջագայություն, որի ընթացքում ելույթներ է ունենում Բոստոնի, Սան Ֆրանցիսկոյի, Լոս Անջելեսի, Մինեապոլիսի, Մայամիի և Նյու Յորքի փոքրիկ համերգասրահներում[22]։ Ալբոմի «Makes Me Wonder», «Won't Go Home Without You» և «If I Never See Your Face Again» սինգլները առաջադրվում են Գրեմմի մրցանակաբաշխության տարբեր անվանակարգերում, սակայն միայն «Makes Me Wonder» երգն է ստանում մրցանակ[23][24]։

Լևինը 2013 թվականին

2009 թվականին խումբը սկսում է ձայնագրել իր երրորդ ալբոմը Շվեյցարիայում, որտեղ համագործակցում է երաժշտական պրոդյուսեր Ռոբերտ Ջոն Լանգի հետ[25]։ «Hands All Over» ալբոմը թողարկվում է 2010 թվականի օգոստոսին և զբաղեցնում է 2-րդ հորիզոնականը Billboard 200-ում[26]։ Ալբոմի առաջին 3 սինգլների հաջողությունից հետո, 2011 թվականին խումբը թողարկում է իր «Moves Like Jagger» սինգլը, որը Լևինը համարել է «այն մի քանի երգերից մեկը, որ իսկապես ռիսկ էր»[27]։ Այդ երգը բավականին մեծ հաջողություն է ունենում և դառնում է 2011 թվականի 9-րդ ամենաշատ վաճառված թվային սինգլը[28], իսկ 2004 թվականի դրությամբ համարվում է բոլոր ժամանակների 6-րդ ամենաշատ վաճառված թվային սինգլը[29]։

2012 թվականի հունիսին խումբը թողարկում է իր չորրորդ ալբոմը, որը կրում է «Overexposed» անվանումը։ Ալբոմը Billboard 200 հիթ շքերթում զբաղեցնում է 2-րդ հորիզոնականը[30], իսկ Գրեմմիի 55-րդ մրցանակաբաշխությունում այն առաջադրվում է «Լավագույն փոփ վոկալ ալբոմ» անվանակարգում[31]։ Ալբոմի «One More Night» սինգլը գլխավորել է Billboard Hot 100 հիթ շքերթը, իսկ «Payphone» սինգլը զբաղեցրել է 2-րդ հորիզոնականը։ Ալբոմը գովազդելու նպատակով խումբը 2012 թվականի օգոստոսից մեկնում է համաշխարհային շրջագայությունների[32][33]։

2014 թվականի օգոստոսին խումբը թողարկում է իր հինգերորդ` «V» անվանումը կրող ալբոմը, որը Billboard 200 ալբոմների հիթ շքերթում զբաղեցնում է առաջին հորիզոնականը[34]։

Այլ նախագծեր[խմբագրել]

Երաժշտական համագործակցություններ[խմբագրել]

Լևինը համագործակցել է բազմաթիվ երաժիշտների հետ։ 2005 թվականին նա իր մասնակցությունն է ունեցել Ying Yang Twins հիփ հոփ դուետի «Live Again» երգում[35]։ 2005-ին նա նաև իր մասնակցությունն է ունեցել ռեփեր Քանյե Ուեսթի «Heard 'Em Say» սինգլում, որը ընդգրկվել է նրա «Late Registration» ալբոմում[36]։ Նույն տարում նա և երգչուհի Ալիշա Քիզը, The Rolling Stones խմբի «Wild Horses» երգով ելույթ են ունեցել միասին, իսկ այդ ելույթը տեղ է գտել երգչուհու «Alicia Keys: MTV Unplugged» համերգային ալբոմում[37]։ 2008 թվականին Լևինը իր մասնակցությունն է ունեցել կանադացի ռեփեր K'naan-ի «Bang Bang» սինգլում, իսկ հաջորդ տարի նաև Սլեշի «Gotten» երգում[38]։ 2010-ին Լևինը եղել է այն 80 երաժիշտներից մեկը, ովքեր կատարել են Հաիթիի երկրաշարժին նվիրված «We Are the World 25 for Haiti» երգը[39]։ 2011 թվականին Gym Class Heroes ռեփ ռոք խումբը համագործակցությամբ Լևինի հետ թողարկել է իր «Stereo Hearts» սինգլը[40]։ 2012 թվականին նա իր մասնակցությունն է ունեցել ռեփեր Ֆիֆթի Սենթի «My Life» սինգլում, որը ընդգրկվել է նրա «Street King» ալբոմում[41]։ 2015 թվականին ամերկյան Rock City պրոդյուսերական դուետը թողարկում է իր «Locked Away» սինգլը, որում Լևինը նույնպես ունի իր մասնակցությունը[42]։

Հեռուստատեսություն և մամուլ[խմբագրել]

Լևինը իր խմբի անդամ Ջեսսի Կարմայքլի հետ 2007 թվականին

2011 թվականի ապրիլից սկսած Լևինը հանդիսանում է NBC հեռուստաընկերության The Voice նախագծի մարզիչ/ժյուրի[43]։ Առաջին եթերաշրջանի հաղթող Խավիեր Քոլոնը և հինգերորդ եթերաշրջանի հաղթող Տեսան Չինը եղել են նրա թիմից[44]։ 2013 թվականին The Hollywood Reporter-ը հրապարակել է, որ յուրաքանչյուր եթերաշրջանի համար Լևինը վաստակում է 10-12 միլիոն դոլար[3]։

2012 թվականին Լևինը նկարահանվել է «Ամերիկյան սարսափ պատմություն» հեռուստասերիալի երկրորդ եթերաշրջանի 5 էպիզոդում[45]։ Նույն տարում նա նկարահանվել է ռեժիսոր Ջոն Քարնիի «Սկսել նորից» երաժշտական ռոմանտիկ դրամայում, որտեղ մարմնավորել է Դեյվ Քոլին[46][47][48]։ Նա նաև կատարել է այդ ֆիլմի սաունդթերքը` «Lost Stars» երգը, որը 2015-ին առաջադրվել է Գրեմմի մրցանակաբաշխության «Լավագույն օրիգինալ երգ» անվանակարգում, սակայն չի հաղթել[49]։

2013 թվականի նոյեմբերին «People» ամսագիրը նրան ճանաչել է «Տարվա ամենասեքսուալ տղամարդ»[50]։ Նա դարձել է առաջին երաժիշտը, ով ստացել է այդ տիտղոսը[50]։ 2008-ին նա նաև հայտնվել էր այդ ամսագրի «Միայնակ և սեքսուալ տղամարդիկ» ցանկում[51]։ Լևինը զբաղեցրել է 41-րդ հորիզոնակը «Glamour» ամսագրի կազմած «2012-ի ամենասեքսուալ տղամարդիկ» ցանկում[52]։ 2011 թվականի փետրվարին նա նկարահանվել է բրիտանական «Cosmopolitan» ամսագրի կազմակերպած քաղցկեղի իրազեկմանը նվիրված մերկ ֆոտոշարքում[53]։

Բիզնես[խմբագրել]

2008 թվականի հոկտեմբերին Լևինը համագործակցում է First Act ընկերության հետ և ստեղծում է իր կիթառների հավաքածուն[54]։ Երկու տարի հետո Լաս Վեգասում նա հիմնադրում է իր «222» կոչվող նորաձևության բրենդը, որը ջինսերի, շապիկների և կաշվե բաճկոնների հավաքածու է[55][56]։ 2012 թվականի փետրվարին Լևինը հիմնադրում է իր 222 Records անվանումը կրող սեփական ձայնագրման լեյբլը[57]։

2013 թվականին Լևինը համագործակցությամբ ID Perfumes ընկերության հետ ստեղծում է իր օծանելիքի գիծը[58], որը ներկայացվում է նույն տարվա փետրվարին Լոս Անջելեսում[59]։ 2013-ին իր հագուստի գիծը ստեղծելու համար նա նաև համագործակցում է Sears Holdings ընկերության հետ[60]։ Տղամարդկանց համար նախատեսված հագուստի և աքսեսուարների բրենդը վաճառքի է դուրս գալիս նույն տարվա հոկտեմբերի 1-ին[61]։

Կատարողական արվեստ[խմբագրել]

Լևինը հետաքրքրությունը երաժշտության նկատմամբ սկսվել է 10 տարեկանից, երբ նա սկսում է կիթառ նվագել սովորել։ Իր մանկության տարիներին նա ոգեշնչվել է այնպիսի խմբերի երաժշտությամբ, ինչպիսիք են՝ The Beatles, Nirvana, Fleetwood Mac, The Who, Pearl Jam, Soundgarden և Alice in Chains, իսկ ավագ դպրոցում՝ Բոբ Մառլի, Մայքլ Ջեքսոն, Բիլ Ուեզերս, Էլ Գրին, Սթիվի Ուանդեր և Մարվին Գեյ[62][63]։

Անձնական կյանք[խմբագրել]

2010 թվականին Լևինը սկսել է հանդիպել Victoria's Secret-ի մոդել Աննա Վյալիցինայի հետ, ում հետ նա ծանոթացել է Maroon 5-ի ելույթներից մեկի ժամանակ` Լաս Վեգասում[64]։ 2012 թվականի ապրիլին զույգը հայտարարում է իրենց բաժանման մասին[65], իսկ նույն տարվա մայիսից Լևինը սկսում է հանդիպել Victoria's Secret-ի մոդել Բեհատի Փրինսլուի հետ[66][67]։ Նրանք 2013-ի մարտին բաժանվում են[68], սակայն նույն տարվա հուլիսից կրկին շարունակում են հանդիպել[69][70]։ 2014 թվականի հուլիսի 19-ին Մեքսիկայում կայանում է նրանց ամուսնական արարողությունը[71]։

Սկավառակագրություն[խմբագրել]

    1rightarrow.png Հիմնական հոդված՝ Maroon 5-ի սկավառակագրություն


Սինգլներ[խմբագրել]

Սինգլներ, որոնցում Ադամ Լևինը ունեցել է իր մասնակցությունը որպես անհատ կատարող
Անվանում Տարի Ալբոմ
«Heard 'Em Say»
(Քանյե Ուեսթը համագործակցությամբ Ադամ Լևինի հետ)
2005 «Late Registration»
«Say It Again»
(Նատաշա Բեդինգֆիլդը համագործակցությամբ Ադամ Լևինի հետ)
2007 «N.B.» և «Pocketful of Sunshine»
«Bang Bang»
(K'naan-ը համագործակցությամբ Ադամ Լևինի հետ)
2008 «Troubadour»
«Stereo Hearts»
(Gym Class Heroes-ն համագործակցությամբ Ադամ Լևինի հետ)
2011 «The Papercut Chronicles II»
«My Life»
(Ֆիֆթի Սենթը համագործակցությամբ Ադամ Լևինի և Էմինեմի հետ)
2012 «Street King Immortal»
«YOLO»
(The Lonely Island-ը համագործակցությամբ Ադամ Լևինի և Քենդրիկ Լամարի հետ)
2013 «The Wack Album»
«Heavy»
(ՓիՋեյ Մորտոնը համագործակցությամբ Ադամ Լևինի հետ)
2014 «New Orleans»
«Locked Away»
(Rock City-ն համագործակցությամբ Ադամ Լևինի հետ)
2015 Ոչ ալբոմային սինգլ

Ֆիլմագրություն[խմբագրել]

Հեռուստասերիալներ
Տարի Անվանում Դեր Նշումներ
1997 «Բևերլի Հիլզ, 90210» ինքը 1 էպիզոդ
2009 «30 Ռոք» ինքը 1 էպիզոդ
2012 «Ամերիկյան սարսափ պատմություն։ Ապաստարան» Լեո Մորիսոն 5 էպիզոդ
2013 «Գրիֆինների ընտանիքը» ինքը (հնչյունավորում) 1 էպիզոդ
Ֆիլմեր
Տարի Անվանում Դեր Նշումներ
2013 «Սկսել նորից» Դեյվ Քոլ
2015 «Միասնություն» պատմող վավերագրական ֆիլմ
2015 «Հիանալի ձայն 2» ինքը

Ծանոթագրություններ[խմբագրել]

  1. «California, Birth Index, 1905-1995»։ FamilySearch։ https://familysearch.org/pal:/MM9.1.1/VLRY-5Y5։ Վերցված է 24 February 2014։ 
  2. Naoreen, Nuzhat (March 22, 2013). «Monitor». Entertainment Weekly. http://www.ew.com/ew/article/0,,20683708,00.html։ Վերցված է January 3, 2014. 
  3. 3,0 3,1 3,2 Rose, Lacey (March 6, 2013). «Inside Adam Levine's $35 Million-Plus a Year Empire». The Hollywood Reporter. http://www.hollywoodreporter.com/news/adam-levine-the-voice-maroon-5-426002?page=show։ Վերցված է March 16, 2013. 
  4. Patterson, Sylvia (August 26, 2007). «Maroon 5: They will be loved». London: The Daily Telegraph. http://www.telegraph.co.uk/culture/3667504/Maroon-5-They-will-be-loved.html։ Վերցված է January 2, 2013. 
  5. Marks, Craig (June 2012)։ «Adam Levine: The New King of Pop»։ Details։ http://www.details.com/celebrities-entertainment/cover-stars/201206/adam-levine-maroon-5-voice-interview?currentPage=3։ Վերցված է March 8, 2013։ 
  6. 6,0 6,1 6,2 Lester, Paul (February 11, 2011)։ «Interview: Adam Levine»։ The Jewish Chronicle։ http://www.thejc.com/arts/music/45058/interview-adam-levine։ Վերցված է September 5, 2011։ 
  7. Borresen, Kelsey (April 2, 2012). «Adam Levine Talks Marriage Doubts, Divorce in Nylon Guys». The Huffington Post. http://www.huffingtonpost.com/2013/04/02/adam-levine-marriage_n_3000663.html։ Վերցված է April 7, 2013. 
  8. 8,0 8,1 Moss, Corey (August 28, 2002)։ «Maroon 5 Aspire to Inspire Sexuality, Crying»։ MTV News։ http://www.mtv.com/news/articles/1457217/maroon-5-want-make-cry.jhtml։ Վերցված է April 6, 2013։ 
  9. «Adam Levine on Twitter»։ Twitter։ https://twitter.com/adamlevine/status/415943004445089792։ 
  10. Leahey, Andrew։ «Kara's Flowers»։ Allmusic։ http://www.allmusic.com/artist/karas-flowers-mn0000855690։ Վերցված է January 2, 2013։ 
  11. 11,0 11,1 Kimpel, Dan (2006)։ How they made it: true stories of how music's biggest stars went from start to stardom!։ Milwaukee: Hal Leonard Corporation, 87։ ISBN 0-634-07642-6։ 
  12. Thompson, Stephen (March 29, 2002)։ «Kara's Flowers – The Fourth World»։ The A.V Club։ http://www.avclub.com/articles/karas-flowers-the-fourth-world,20949/։ Վերցված է April 7, 2013։ 
  13. Appleford, Steve (October 20, 2010). «How Maroon 5 found the courage to let its heart show». Los Angeles Times. http://articles.latimes.com/2010/oct/20/entertainment/la-et-maroon-5-20101020։ Վերցված է April 7, 2013. 
  14. Bouwman, Kimbel (April 13, 2004)։ «Interview with BEN BERKMAN, A&R at Octone Records for Maroon 5 (US plat)»։ HitQuarters։ http://www.hitquarters.com/index.php3?page=intrview/2004/April13_2_38_8.html։ Վերցված է March 30, 2013։ 
  15. «Adam Levine speaks». CBS News. July 28, 2013. http://www.cbsnews.com/news/adam-levine-speaks/2/։ Վերցված է January 1, 2014. 
  16. Barrera, Sandra (March 25, 2003)։ «Maroon5 Stays Grounded Amid the Hype, Hoopla»։ Orlando Sentinel։ http://articles.orlandosentinel.com/2005-03-25/entertainment/0503240446_1_levine-stevie-songs-about-jane։ Վերցված է March 30, 2013։ 
  17. 17,0 17,1 Rosen, Craig (June 4, 2005). «Gold 5». Billboard. 
  18. «Maroon 5 – Bio»։ Maroon 5, Website։ http://www.maroon5.com/bio/։ Վերցված է April 2, 2013։ 
  19. McDermott, Tricia (February 14, 2005). «2005 Grammy Award Winners». CBS News. http://www.cbsnews.com/2100-500150_162-673822.html։ Վերցված է April 6, 2013. 
  20. «Grammy Awards 2006: Key winners». BBC. February 9, 2006. http://news.bbc.co.uk/2/hi/entertainment/4510682.stm։ Վերցված է April 6, 2013. 
  21. Katie Hasty, "Maroon 5 Nudges Linkin Park From Atop Billboard 200", Billboard.com, May 30, 2007.
  22. «Jessica Biel Wants Respect, Plus Nelly Furtado, Hilary Duff, Sum 41, Borat, Eve, Diddy, Ozzy & More in For the Record»։ MTV News։ May 4, 2007։ http://www.mtv.com/news/articles/1558812/biel-struggling-get-respect-actress.jhtml։ Վերցված է April 6, 2013։ 
  23. «Grammy 2009 Winners List»։ MTV News։ February 8, 2009։ http://www.mtv.com/news/articles/1604545/grammy-2009-winners-list.jhtml։ Վերցված է April 6, 2013։ 
  24. «Grammy 2008 Winners List»։ MTV News։ February 16, 2008։ http://www.mtv.com/news/articles/1581272/grammy-2008-winners.jhtml։ Վերցված է April 6, 2013։ 
  25. «Inside Maroon 5's Sessions for Fall Album 'Hands All Over'»։ Rolling Stone։ May 18, 2010։ http://www.rollingstone.com/music/news/inside-maroon-5s-sessions-for-fall-album-hands-all-over-20100518։ Վերցված է April 6, 2013։ 
  26. Maroon 5 debuts at number 2 on the Billboard 200 Billboard. Retrieved 2010-09-29.
  27. Benjamin, Jeff (September 8, 2011)։ «Adam Levine Calls 'Moves Like Jagger' a 'Risk' for Maroon 5: Video Interview»։ Billboard։ http://www.billboard.com/articles/news/467561/adam-levine-calls-moves-like-jagger-a-risk-for-maroon-5-video-interview։ Վերցված է April 6, 2013։ 
  28. «IFPI DIGITAL MUSIC REPORT 2012 - KEY FACTS AND FIGURES»։ International Federation of the Phonographic Industry։ http://ifpi.com/content/library/DMR2012_key_facts_and_figures.pdf։ Վերցված է January 23, 2012։ 
  29. «MAROON 5 PREMIERES LATEST SINGLE “ANIMALS” OFF UPCOMING ALBUM V»։ maroon5.com։ http://www.maroon5.com/news/maroon-5-premieres-latest-single-%E2%80%9Canimals%E2%80%9D-upcoming-album-v։ Վերցված է 2015 թ․ փետրվարի 14։ 
  30. Caulfield, Keith (July 4, 2012). «Linkin Park Squeaks By Maroon 5, Hits No. 1 on Billboard 200». Billboard. http://www.billboard.com/articles/news/482106/linkin-park-squeaks-by-maroon-5-hits-no-1-on-billboard-200։ Վերցված է July 5, 2012. 
  31. «Maroon 5, fun. among early Grammy nominees». Google News. December 5, 2012. http://www.google.com/hostednews/ap/article/ALeqM5jWxU9wK6Fy1NdZltlBmxyCpC1PBw?docId=7141e1d4ba2c449c8f8e5bdd8ae5e7aa. 
  32. Copsey, Robert (May 20, 2013)։ «Maroon 5 postpone UK arena tour due to "scheduling conflicts"»։ DigitalSpy։ http://www.digitalspy.co.uk/music/news/a482898/maroon-5-postpone-uk-arena-tour-due-to-scheduling-conflicts.html։ Վերցված է August 7, 2013։ 
  33. Lipshutz, Jason (April 1, 2013)։ «Maroon 5, Kelly Clarkson Team Up For Honda Civic Tour»։ Billboard։ http://www.billboard.com/articles/columns/pop-shop/1555246/maroon-5-kelly-clarkson-team-up-for-honda-civic-tour։ Վերցված է 2014 թ․ հունվարի 11։ 
  34. «Maroon 5 Tops Billboard 200 With V»։ Billboard։ September 10, 2014։ http://www.billboard.com/articles/news/6244197/maroon-5-tops-billboard-200-with-v։ 
  35. «Usa (United State of Atlanta)»։ Amazon.com։ June 28, 2005։ http://www.amazon.com/United-State-Atlanta-Chopped-Screwed/dp/B000A1IKHY/։ Վերցված է March 3, 2014։ 
  36. Moss, Corey (December 19, 2005)։ «Move Over, Justin: Adam Levine Is Hip-Hop's New Favorite White Boy»։ MTV News։ http://www.mtv.com/news/articles/1518508/adam-levine-hip-hops-new-favorite-white-boy.jhtml։ Վերցված է 2014 թ․ հունվարի 4։ 
  37. «Alicia Keys - MTV Unplugged [Enhanced»]։ Amazon.com։ October 11, 2005։ http://www.amazon.com/Alicia-Keys-Mtv-Unplugged/dp/B000B5IPLK։ Վերցված է 2014 թ․ մարտի 3։ 
  38. Vinnicombe, Chris (March 4, 2010)։ «Slash solo album interview: the track-by-track guide»։ MusicRadar։ http://www.musicradar.com/news/guitars/slash-solo-album-interview-the-track-by-track-guide-238767/8։ Վերցված է 2014 թ․ մարտի 3։ 
  39. Johnston, Maura (February 12, 2010)։ «We Are The World: 25 For Haiti' Unites Music's Biggest Names»։ MTV News։ http://www.mtv.com/news/articles/1631895/we-world-25-haiti-unites-musics-biggest-names.jhtml։ Վերցված է February 10, 2013։ 
  40. Lamb, Bill (June 4, 2011)։ «Gym Class Heroes' "Stereo Hearts" Single Will Feature Adam Levine»։ About.com։ http://top40.about.com/b/2011/06/04/gym-class-heroes-stereo-hearts-single-will-feature-adam-levine.htm։ Վերցված է 2011-06-22։ 
  41. Drake, David (December 7, 2012)։ «Interview: 50 Cent Talks Working With Eminem, the Threat of Falling Off, and How Social Media Changed Hip-Hop»։ Complex։ http://www.complex.com/music/2012/12/50-cent-interview-eminem-fall-off-social-media։ Վերցված է 2014 թ․ հունվարի 27։ 
  42. «Locked Away (feat. Adam Levine) - Single by R. City»։ iTunes։ https://itunes.apple.com/us/album/locked-away-feat.-adam-levine/id1009559990։ Վերցված է Հուլիսի 18, 2015։ 
  43. Ng, Philiana (February 28, 2011). «Cee Lo Green, Maroon 5's Adam Levine Join NBC's 'The Voice'». The Hollywood Reporter. http://www.hollywoodreporter.com/blogs/live-feed/cee-lo-green-maroon-5s-162469։ Վերցված է October 30, 2011. 
  44. Lee, Ashley (December 17, 2013). «'The Voice' Season 5 Winner Named». The Hollywood Reporter. http://www.hollywoodreporter.com/live-feed/voice-season-5-winner-named-666508։ Վերցված է January 3, 2013. 
  45. Mullins, Jenna (April 2, 2012)։ «Adam Levine Confirms American Horror Story Role»։ E! Online։ http://uk.eonline.com/news/watch_with_kristin/adam_levine_confirms_american_horror/305721։ Վերցված է January 3, 2013։ 
  46. Fleming Jr., Mike (June 14, 2012)։ «‘The Voice’s Adam Levine To Star In ‘Can A Song Save Your Life?’»։ Deadline.com։ http://www.deadline.com/2012/06/the-voices-adam-levine-to-star-in-can-a-song-save-your-life/։ Վերցված է 2014 թ․ մարտի 2։ 
  47. Rooney, David (September 8, 2013). «Can a Song Save Your Life?». The Hollywood Reporter. http://www.hollywoodreporter.com/review/can-a-song-save-your-624080։ Վերցված է October 17, 2013. 
  48. Simone, Chima (March 28, 2014)։ «Adam Levine Makes His Movie Debut in Begin Again—Watch the Trailer!»։ E!։ http://uk.eonline.com/news/526407/adam-levine-makes-his-movie-debut-in-begin-again-watch-the-trailer։ Վերցված է 2014 թ․ ապրիլի 4։ 
  49. «The 87th Academy Awards (2015) Nominees and Winners». Academy of Motion Picture Arts and Sciences (AMPAS). http://www.oscars.org/oscars/ceremonies/2015։ Վերցված է February 23, 2015. 
  50. 50,0 50,1 Jordan; Coulton, Julie; Antoinette (November 11, 2013)։ «Adam Levine Is PEOPLE's Sexiest Man Alive»։ People։ http://www.people.com/people/package/article/0,,20315920_20757452,00.html?xid=rss-topheadlines։ Վերցված է November 20, 2013։ 
  51. «Single & Sexy Men of 2008»։ People։ June 18, 2008։ http://www.people.com/people/package/gallery/0,,20283823_20207326_20471378,00.html#20471378։ Վերցված է March 16, 2013։ 
  52. «Sexiest Men of 2012: The Results»։ Glamour։ June 2012։ http://www.glamourmagazine.co.uk/celebrity/celebrity-galleries/2012/07/sexiest-hottest-men-2012#!image-number=41։ Վերցված է March 16, 2013։ 
  53. Zakarin, Jordan (January 6, 2010). «Adam Levine Nude: Maroon 5 Singer Gets Naked For Cancer In Cosmo UK». The Huffington Post. http://www.huffingtonpost.com/2011/01/06/adam-levine-nude-marron-5-singer-gets-naked-for-cancer-in-cosmo-uk_n_805399.html։ Վերցված է January 8, 2010. 
  54. «Adam Levine Interview: First Act 222 Guitar»։ YouTube։ October 9, 2008։ http://www.youtube.com/watch?v=7tvJCe33pJY։ Վերցված է 2014 թ․ հունվարի 4։ 
  55. Lipke, David (August 17, 2010)։ «Maroon 5's Adam Levine Launches Fashion Line»։ Women's Wear Daily։ http://www.wwd.com/markets-news/ready-to-wear-sportswear/maroon-5s-adam-levine-launches-line-3221486։ Վերցված է April 3, 2013։ 
  56. Hagwood, Rog (August 17, 2010)։ «Adam Levine from Maroon 5 launches fashion line»։ Sun-Sentinel։ http://blogs.sun-sentinel.com/features_fashion/2010/08/adam-levine-from-maroon-5-launches-fashion-line.html։ Վերցված է 2014 թ․ մարտի 2։ 
  57. Simpson, Dave (June 17, 2013)։ «Adam Levine offered to launch label for aspiring singer/songwriter»։ World Entertainment News Network։ http://www.starpulse.com/news/Dave_Simpson/2013/06/17/adam_levine_offered_to_launch_label_fo։ Վերցված է 2014 թ․ հունվարի 12։ 
  58. Wischhover, Cheryl (February 6, 2013)։ «Adam Levine Launches Eponymous Line of Fragrances»։ US Weekly։ http://www.usmagazine.com/celebrity-beauty/news/adam-levine-launches-eponymous-line-of-fragrances-201362#ixzz2K8z6Ufig։ Վերցված է March 29, 2013։ 
  59. Schreffle, Laura (February 7, 2013)։ «Adam Levine Launches First Fragrance with Arty Installation in LA»։ Haute Living։ http://hauteliving.com/2013/02/adam-levine-launches-first-fragrance-with-arty-installation-in-la/340031/։ Վերցված է 2014 թ․ մարտի 20։ 
  60. Lazare, Lewis (January 9, 2013). «Kmart goes glitzy in new fashion deal with Adam Levine and Nicki Minaj». American City Business Journals. http://www.bizjournals.com/chicago/news/2013/01/09/kmart-goes-glitzy-in-new-fashion-deal.html։ Վերցված է 2014 թ․ մարտի 2. 
  61. «Adam Levine is Back in Fashion With New Menswear Line»։ Billboard։ September 5, 2013։ http://www.billboard.com/articles/columns/the-hook/5680157/adam-levine-is-back-in-fashion-with-new-menswear-line։ Վերցված է 2014 թ․ մարտի 2։ 
  62. «Michael Jackson Remembered: Adam Levine on the Rhythm King»։ Rolling Stone։ July 9, 2009։ http://www.rollingstone.com/music/news/michael-jackson-remembered-adam-levine-on-the-rhythm-king-20090709։ Վերցված է September 1, 2013։ 
  63. Robinson, Lisa (February 2013)։ «Hot Tracks: Adam Levine»։ Vanity Fair։ http://www.vanityfair.com/hollywood/2013/02/adam-levine-the-voice-character-damage։ Վերցված է September 1, 2013։ 
  64. Everett, Christina (April 2, 2012). «Adam Levine, Anne Vyalitsyna split: Maroon 5 frontman and Victoria’s Secret model call it quits after two years together». New York Daily News. http://www.nydailynews.com/entertainment/gossip/adam-levine-anne-vyalitsyna-split-maroon-5-frontman-victoria-secret-model-call-quits-years-article-1.1054506։ Վերցված է 2014 թ․ մարտի 2. 
  65. Nudd, Tim (April 2, 2012)։ «Adam Levine and Anne V Split»։ People։ http://www.people.com/people/article/0,,20583733,00.html։ Վերցված է January 4, 2014։ 
  66. Ravitz, Justin (July 17, 2013)։ «Adam Levine, Behati Prinsloo Engaged: Why He Proposed So Quickly»։ US Weekly։ http://www.usmagazine.com/celebrity-news/news/adam-levine-behati-prinsloo-engaged-why-he-proposed-so-quickly-2013177։ Վերցված է 2014 թ․ մարտի 2։ 
  67. Johnson, Zach (October 26, 2012)։ «Adam Levine and Behati Prinsloo Attend First Event as a Couple»։ US Weekly։ http://www.usmagazine.com/celebrity-news/news/adam-levine-and-behati-prinsloo-attend-first-event-as-a-couple-20122610։ Վերցված է March 20, 2013։ 
  68. Johnson, Zach (May 28, 2013)։ «Adam Levine Dating Nina Agdal After Behati Prinsloo Split»։ US Weekly։ http://www.usmagazine.com/celebrity-news/news/adam-levine-dating-nina-agdal-after-behati-prinsloo-split-2013285։ Վերցված է 2014 թ․ մարտի 1։ 
  69. Dam, Julie (January 14, 2013)։ «Adam Levine Engaged to Behati Prinsloo»։ People։ http://www.people.com/people/article/0,,20718058,00.html։ Վերցված է July 17, 2013։ 
  70. Sowray, Bibby (July 17, 2013). «Behati Prinsloo engaged to Maroon 5's Adam Levine». London: The Daily Telegraph. http://fashion.telegraph.co.uk/news-features/TMG10184450/Behati-Prinsloo-engaged-to-Maroon-5s-Adam-Levine.html։ Վերցված է 24 February 2014. 
  71. Nessif, Bruna (19 July 2014). «Adam Levine and Behati Prinsloo Are Married!». E! News. http://www.eonline.com/news/561010/adam-levine-and-behati-prinsloo-are-married։ Վերցված է 2014 թ․ հուլիսի 21. 

Արտաքին հղումներ[խմբագրել]