Ադամ Լևին

Վիքիպեդիայից՝ ազատ հանրագիտարանից
Ադամ Լևին
AdamLevine2011.jpg
Լևինը 2011 թվականի ապրիլի 25-ին Սինգապուրում
Հիմնական տվյալներ
Բնօրինակ անուն Adam Levine
Ի ծնե անուն Ադամ Նոա Լևին
Ծնվել է մարտի 18, 1979({{padleft:1979|4|0}}-{{padleft:3|2|0}}-{{padleft:18|2|0}})[1] (37 տարեկան)
Լոս Անջելես, Կալիֆորնիա
Երկիր Flag of the United States.svg ԱՄՆ
Ժանրեր Փոփ ռոք
Մասնագիտություն
Գործիքներ
Գործունեություն 1994-ներկա
Լեյբլ
Կապված Maroon 5
Կայք maroon5.com

Ադամ Նոա Լևին (անգլ.՝ Adam Noah Levine, մարտի 18, 1979[1], Լոս Անջելես), ամերիկացի երգիչ, երգերի հեղինակ, մուլտի գործիքավորող և դերասան: Հանդիսանում է Maroon 5 փոփ ռոք խմբի գլխավոր վոկալիստը:

Երաժշտական կարիերան սկսել է 1994 թվականին՝ հիմնադրելով Kara's Flowers ալտերնատիվ ռոք խումբը, որի գլխավոր վոկալիստն ու կիթառահարն է եղել[2]: 1997 թվականին խումբը «The Fourth World» կոչվող առաջին ալբոմի գրանցած վաճառքի ցածր արդյունքի պատճառով այլևս չշարունակեց իր գործունեությունը[3]: 2001 թվականին խմբի անդամները որոշեցին վերամիավորվել[4], և նրանց միացավ կիթառահար Ջեյմս Վալենթայնը[5]: Նրանք ձևավորեցին Maroon 5 խումբը, որն ունեցել է զգալի հաջողություններ: 2002 թվականին խումբը թողարկեց «Songs About Jane» անվանումը կրող առաջին ալբոմը, որը մի քանի անգամ պլատինե սերտիֆիկատ է ստացել Միացյալ Նահանգներում[6]: Այդ ալբոմին հաջորդեցին «It Won't Be Soon Before Long» (2007)[7], «Hands All Over» (2010)[8], «Overexposed» (2012)[9] և «V» (2014)[10] ալբոմները: Որպես Maroon 5 խմբի անդամ՝ Լևինը ստացել է բազմաթիվ մրցանակներ, այդ թվում՝ երեք Գրեմմի[11], երեք Ամերիկյան երաժշտական մրցանակ[12][13][14] և մեկ MTV երաժշտական տեսահոլովակի մրցանակ[15]:

2011 թվականից սկսած Լևինը հանդիսանում է NBC հեռուստաընկերության տաղանդներ փնտրող The Voice նախագծի ժյուրիի անդամ[16]: Այդ նախագծի առաջին, հինգերորդ և իններորդ եթերաշրջանի հաղթողները եղել են իր թիմից[17][18]: 2012 թվականին նա նկարահանվել է «Ամերիկյան սարսափ պատմություն» հեռուստասերիալի երկրորդ եթերաշրջանում[19], իսկ նույն տարում ստացել է «Սկսել նորից» ֆիլմի գլխավոր դերերից մեկը[20]: Maroon 5 խմբից առանձին (որպես անհատ կատարող) համագործակցել է այնպիսի կատարողների հետ, ինչպիսիք են Քանյե Ուեսթ[21], Ալիշա Քիզ[22], Սլեշ[23], Ֆիֆթի Սենթ[24], Gym Class Heroes[25] և այլք:

Լևինը զբաղվում է ձեռնարկատիրությամբ: 2013 թվականին հիմնադրել է օծանելիքի իր սեփական հավաքածուն[26]: Նույն տարում համագործակցել է Sears Holdings ընկերության հետ՝ որպեսզի մշակի հագուստի և աքսեսուարների իր հավաքածուն[27]: Լևինը նաև ունի իր ձայնագրման լեյբլը՝ 222 Records[28]:

Վաղ կյանք[խմբագրել | խմբագրել կոդը]

Լևինի ծննդավայր Լոս Անջելես քաղաքը, Կալիֆորնիա:

Ադամ Նոա Լևինը[29] ծնվել է 1979 թվականի մարտի 18-ին Լոս Անջելեսում, Կալիֆորնիա[30]: Նրա հայրը՝ Ֆրեդ Լևինը, M. Fredric հագուստի ապրանքանիշի հիմնադիրն է, իսկ մայրը՝ Փեթսի Նոան, ընդունարանի խորհրդատու է[31][32]: Նա ունի երկու եղբայր՝ Մայքլը և Սեմը[33]: Լևինի ծնողներն ամուսնալուծվել են, երբ նա 7 տարեկան էր: Նրանց ամուսնալուծության պատճառով Լևինն անցել է թերապիա, սակայն դա անվանել է «ժամանակի անիմաստ կորուստ»՝ բացատրելով․ «Նրանք (ծնողները) չէին կարող ընդունել այն փաստը, որ ես կարող էի նորմալ վերաբերվել դրան: Ես լալիս էի, գոռում ու ասում էի. «Ինչու՞»»[34]: Ծնողների ամուսնալուծությունից հետո նա ապրել է մոր հետ, իսկ հանգստյան օրերին՝ հոր հետ[35]: Լրագրող Թիմոթի Նոան և հեռուստասերիալների պրոդյուսեր Փիթեր Նոան Լևինի քեռիներն են[36][37]:

Լևինն իր ընտանիքը «շատ երաժշտական»[38] է համարում: Լևինի մայրը, ով The Beatles-ի, Simon & Garfunkel-ի և Fleetwood Mac-ի երկրպագու է, նրա մեջ սերմանել է երաժշտության նկատմամբ սերը[39]: Ըստ Լևինի՝ The Beatles խումբը ձևավորել է իր երաժշտական ճաշակը[35]: Լևինը հաճախել է այն նույն մանկապարտեզը, որտեղ նաև հաճախել են դերասաններ Ջեյսոն Սիգելը և Ջեյք Ջիլենհոլը[40]: Նա սովորել է Լոս Անջելեսի Բրենտվուդի դպրոցում, որտեղ էլ հանդիպել է իր ապագա խմբի անդամներ Ջեսսի Կարմայքլին, Միքի Մեդենին ու Ռայան Դուսիկին[41]: Դեռահասության շրջանում Լևինը օգտագործել է հալյուցինոգեն թմրամիջոցներ: «Q» ամսագրին տված հարցազրույցում նա խոստովանել է, որ օգտագործել է ցնորածին սնկեր, սակայն դրանք անվանել է «աղբ» և նշել է, որ երբեք թմրամիջոցները չի չարաշահել[42][43]:

Լևինի հայրը և մոր կողմից պապը հրեաներ են[35], իսկ նրա մորական կողմից տատը եղել է բողոքական[44]: Լևինն իրեն նույնպես հրեա է համարում[45]՝ չնայած «The Jewish Chronicle» շաբաթաթերթի հետ հարցազրույցում ասել է, որ մերժում է ձևական կրոնական պրակտիկան և նախընտրում է ավելի ընդհանրացված հոգևոր կյանքի ճանապարհը[35]: Մանուկ հասակում նա որոշել է չընդունել Բար Միցվա՝ բացատրելով, որ չի կարծում, թե դա Աստծու հետ հաղորդակցվելու ամենահարգալից ձևն է[35]:

Kara's Flowers[խմբագրել | խմբագրել կոդը]

1995 թվականի սեպտեմբերին Լևինը Ջեսսի Կարամայքլի, Միքի Մեդենի և Ռայան Դուսիկի հետ միասին հիմնադրեց Kara's Flowers ալտերնատիվ ռոք խումբը, որտեղ նա հանդես էր գալիս որպես վոկալիստ և կիթառահար[2]: Նրանք առաջին անգամ ելույթ ունեցան Արևմտյան Հոլիվուդի Whisky a Go Go գիշերային ակումբում[46]: 1997 թվականին, երբ նրանք ելույթ էին ունենում Մալիբու քաղաքում, խմբին բացահայտեց պրոդյուսեր Թոմի Ալենը, ով առաջարկեց նրանց համագործակցել իր և Ջոն Դենիկոլայի հետ: Նրանք օգնեցին խմբին երգ ձայնագրել, որն այնուհետև լսեց պրոդյուսեր Ռոբ Կավալլոն և խմբին օգնեց պայմանագիր ստորագրել Reprise Records ձայնագրման լեյբլի հետ[47]: 1997 թվականի օգոստոսին թողարկվեց խմբի առաջին՝ «The Fourth World» ալբոմը[48]: Նույն տարում խումբը հայտնվեց «Բևերլի Հիլզ, 90210» հեռուստասերիալի դրվագներից մեկում[31]: Ալբոմն ունեցավ մոտավորապես 5000 օրինակի վաճառք[49], իսկ ալբոմի գլխավոր սինգլը՝ «Soap Disco» երգը, չունեցավ որևէ կոմերցիոն հաջողություն: Անհաջողությունից հետո Reprise Records լեյբլը դադարեցրեց խմբի հետ իր աշխատանքը[50], իսկ խմբի անդամները որոշեցին այլևս չշարունակել իրենց համագործակցությունը[3]:

Maroon 5[խմբագրել | խմբագրել կոդը]

    1rightarrow.png Հիմնական հոդված՝ Maroon 5
Լևինը ելույթ է ունենում 2007 թվականին:
Լևինը ելույթ է ունենում 2007 թվականին:
Maroon 5 խումբը 2011 թվականին:
Maroon 5 խումբը 2011 թվականին:
Լևինը 2011 թվականի մայիսին Հոնկոնգում, Չինաստան:
Լևինը 2011 թվականի մայիսին Հոնկոնգում, Չինաստան:
{{{box_caption}}}
Լևինը 2013 թվականի օգոստոսին:

Kara's Flowers խմբի գործունեության դադարից հետո Լևինը և Ջեսսի Կարմայքլը որոշեցին լքել Լոս Անջելեսը և հետագա ուսումը շարունակել Նյու Յորքում[46]: Այնտեղ նրանք ընդունվեցին Ֆայվ Թաունս քոլեջ, սակայն որոշ ժամանակ անց դուրս եկան քոլեջից ու կարճ ժամանակով աշխատեցին որպես մատուցող Johnny Rockets ռեստորանում[51]: Ավելի ուշ նրանք որոշեցին վերամիավորվել Միքի Մեդենի և Ռայան Դուսիկի հետ՝ ևս մեկ անգամ խումբ ձևավորելով[4]: Մինչև երաժշտական ժանրն ընտրելը՝ նրանք իրենց փորձում էին մի քանի ժանրերում, այդ թվում՝ քանթրի և ֆոլկ[41]: Ավելի ուշ Octone Records ձայնագրման լեյբլի աշխատակից Բեն Բերկմանի խորհրդով խմբի հինգերորդ անդամ դարձավ Ջեյմս Վալենթայնը, և խումբը վերանվանվեց Maroon 5[5]:

Այս ընթացքում Լևինն աշխատում էր որպես սցենարիստի օգնական CBS հեռուստաալիքի «Դատելով Էմիին» (անգլ.՝ Judging Amy) շոուի համար, որի պրոդյուսեր Բարբարա Հոլը նրա ընտանիքի բարեկամն էր[31]: Այդ շոուի ընթացքում Լևինն իր ժամանակն անցկացնում էր գրելով երգեր իր նախկին ընկերուհու՝ Ջեյնի մասին: Այդ երգերն ընդգրկվեցին խմբի առաջին՝ «Songs About Jane» ալբոմում, որը թողարկվեց 2002 թվականի հունիսին[6]: Ալբոմը սկզբում շատ դանդաղ էր վաճառվում, սակայն շուտով դարձավ հիթ և Billboard 200 հիթ շքերթում զբաղեցրեց վեցերորդ հորիզոնականը[52]: 2005 թվականին խումբը ստացավ Գրեմմի մրցանակ «Լավագույն նոր արտիստ» անվանակարգում[53], իսկ հաջորդ տարի իր «This Love» երգի համար ստացավ Գրեմմի «Լավագույն փոփ վոկալ կատարում զուգերգի կամ խմբի կողմից» անվանակարգում[54]:

2006 թվականին երբ խումբը ձայնագրում էր իր երկրորդ՝ «It Won't Be Soon Before Long» ալբոմը, Ռայան Դուսիկը հայտարարեց խմբից դուրս գալու իր որոշման մասին[55]: Ալբոմը թողարկվեց 2007 թվականի մայիսին[7]: Այն Billboard 200 հիթ շքերթում զբաղեցրեց առաջին հորիզոնականը[52], իսկ ալբոմի վաճառքին նպաստելու համար խումբն ունեցավ համերգային շրջագայություն, որի ընթացքում համերգներով հանդես եկավ Բոստոնի, Սան Ֆրանցիսկոյի, Լոս Անջելեսի, Մինեապոլիսի, Մայամիի և Նյու Յորքի փոքրիկ համերգասրահներում[56]: Ալբոմի «Makes Me Wonder», «Won't Go Home Without You» և «If I Never See Your Face Again» սինգլները առաջադրվեցին Գրեմմի մրցանակաբաշխության տարբեր անվանակարգերում, սակայն միայն «Makes Me Wonder» երգը ստացավ մրցանակ[57][58]:

2009 թվականին խումբը սկսեց ձայնագրել իր երրորդ ալբոմը Շվեյցարիայում, որտեղ համագործակցում էր պրոդյուսեր Ռոբերտ Ջոն Լանգի հետ[59]: «Hands All Over» ալբոմը թողարկվեց 2010 թվականի օգոստոսին և զբաղեցրեց երկրորդ հորիզոնականը Billboard 200-ում[8][52]: Ալբոմի առաջին 3 սինգլների հաջողությունից հետո 2011 թվականին «Moves like Jagger» երգը թողարկվեց որպես ալբոմի չորրորդ սինգլ: Այդ երգը, որը անգլիացի երաժիշտ Միք Ջագերի մասին է, և որում իր մասնակցությունն ունի նաև ամերիկացի երգչուհի Քրիստինա Ագիլերան, Լևինը համարել է «այն մի քանի երգերից մեկը, որ իսկապես ռիսկ էր»[60]: Այն գլխավորեց Billboard Hot 100 հիթ շքերթը[61] և դարձավ 2011 թվականի իններորդ ամենաշատ վաճառված թվային սինգլը[62], իսկ 2016 թվականի դրությամբ համարվում է բոլոր ժամանակների ութերորդ ամենավաճառված թվային սինգլը[63]:

2012 թվականին հայտնի դարձավ, որ ստեղնաշարային գործիքներ նվագող ՓիՋեյ Մորտոնը, ով 2010 թվականից սկսած մասնակցել էր խմբի համերգային շրջագայություններին, պաշտոնապես դարձել է խմբի անդամ[64]: Նույն տարվա հունիսին վաճառքի դուրս եկավ խմբի չորրորդ ալբոմը, որը կրում է «Overexposed» անվանումը: Ալբոմը Billboard 200 հիթ շքերթում զբաղեցրեց երկրորդ հորիզոնականը[9], իսկ Գրեմմիի 55-րդ մրցանակաբաշխությունում առաջադրվեց «Լավագույն փոփ վոկալ ալբոմ» անվանակարգում[65]: Ըստ Լևինի՝ այդ ալբոմի երգերը «հին ոճով դիսկո մեղեդի» ունեն: Ալբոմի «One More Night» սինգլը գլխավորել է Billboard Hot 100 հիթ շքերթը, իսկ «Payphone» սինգլը, որում ռեփ հատվածով է հանդես գալիս Վիզ Խալիֆան, զբաղեցրել է երկրորդ հորիզոնականը այդ հիթ շքերթում[61]: Ալբոմը գովազդելու նպատակով խումբը 2012 թվականի օգոստոսից մեկնեց համաշխարհային շրջագայությունների[66], որոնք ավարտվեցին 2014 թվականի հունվարին: Ըստ «Billboard» ամսագրի կազմած ցանկի՝ այդ շրջագայությունը եղել է 2013 թվականի 18-րդ ամենավաճառված շրջագայությունը[67]: Խումբը համերգային շրջագայություններով է հանդես եկել նաև ամերիկացի երգչուհի Քելլի Քլարկսոնի հետ[68]:

2014 թվականի օգոստոսին խումբը թողարկեց իր հինգերորդ՝ «V» անվանումը կրող ալբոմը, որը գլխավորեց Billboard 200-ը և դարձավ խմբի երկրորդ ալբոմը, որը գլխավորել է այդ հիթ շքերթը[10]: Ալբոմի «Animals» և «Sugar» սինգլները դարձան հիթեր և զբաղեցրեցին համապատասխանաբար երրորդ և երկրորդ հորիզոնականները Billboard Hot 100-ում[61]: Ալբոմի միակ համագործակցությունը՝ «My Heart Is Open» երգը, որում իր մասնակցությունն ունի նաև ամերիկացի երգչուհի Գվեն Ստեֆանին, Լևինը և Ստեֆանին կատարել են Գրեմմի մրցանակաբաշխության ժամանակ, որը անցկացվել է 2015 թվականի փետրվարի 8-ին[69]: Այդ ելույթից մեկ շաբաթ հետո, ալբոմը գովազդելու նպատակով խումբը սկսեց իր նոր համերգային շրջագայությունը[70]:

Այլ աշխատանքներ[խմբագրել | խմբագրել կոդը]

Երաժշտական համագործակցություններ[խմբագրել | խմբագրել կոդը]

Լևինը Maroon 5-ի անդամ Ջեսսի Կարմայքլի հետ 2007 թվականին:

Լևինը համագործակցել է բազմաթիվ երաժիշտների հետ: 2005 թվականին նա իր մասնակցությունն է ունեցել Ying Yang Twins հիփ հոփ դուետի «Live Again» երգում[71]: Նույն տարում նա նաև իր մասնակցությունն է ունեցել ռեփեր Քանյե Ուեսթի «Heard 'Em Say» սինգլում, որն ընդգրկվել է նրա «Late Registration» ալբոմում[21]: Այդ երգի գաղափարը ծնվել է այն ժամանակ, երբ Լևինը և Ուեսթը միասին ինքնաթիռով ուղևորվելիս են լինում[72]: Այդ երգի կրկներգը օգտագործվել է Maroon 5-ի «Nothing Lasts Forever» երգում: 2005 թվականին Լևինը և երգչուհի Ալիշա Քիզը The Rolling Stones խմբի «Wild Horses» երգով ելույթ են ունեցել միասին, իսկ այդ ելույթը տեղ է գտել երգչուհու «Alicia Keys: MTV Unplugged» համերգային ալբոմում[22]: 2008 թվականին Լևինն իր մասնակցությունն է ունեցել կանադացի ռեփեր K'naan-ի «Bang Bang» սինգլում[73], իսկ հաջորդ տարի նաև Սլեշի «Gotten» երգում[23]: 2010 թվականին Լևինը եղել է այն 80 երաժիշտներից մեկը, ովքեր կատարել են Հաիթիի երկրաշարժին նվիրված «We Are the World 25 for Haiti» երգը[74]: 2011 թվականին Gym Class Heroes ռեփ ռոք խումբը Լևինի հետ համագործակցությամբ թողարկել է իր «Stereo Hearts» սինգլը[25], որը Billboard Hot 100 հիթ շքերթում զբաղեցրել է չորրորդ հորիզոնականը և դարձել է այդ խմբի ամենամեծ հաջողություն ունեցած երգը[75]: 2012 թվականին Լևինն իր մասնակցությունն է ունեցել ռեփեր Ֆիֆթի Սենթի «My Life» սինգլում, որն ընդգրկվել է նրա «Street King» ալբոմում[24]: 2015 թվականին ամերկյան Rock City պրոդյուսերական դուետը թողարկեց իր «Locked Away» սինգլը, որում Լևինը նույնպես ունի իր մասնակցությունը[76]: Այդ ստեղծագործությունը Billboard Hot 100-ում զբաղեցրել է վեցերորդ հորիզոնականը[77]:

Հեռուստատեսություն և մամուլ[խմբագրել | խմբագրել կոդը]

Լևինը The Voice հեռուստանախագծի ժյուրի Բլեյք Շելթոնի հետ:

2007 թվականին Լևինը մասնակցեց «Շաբաթ երեկոյան ուղիղ եթերում» (անգլ.՝ Saturday Night Live) հեռուստածրագրի 33-րդ եթերաշրջանի շնորհանդեսին, որտեղ ներկայացրեց իր, Էնդի Սեմբերգի, Ջեյք Ջիլենհոլի և Ֆրեդ Արմիսենի համատեղ «Iran So Far» հումորային երգը[78]: 2013 թվականին Լևինը և ամերիկացի ռեփեր Քենդրիկ Լամարը իրենց մասնակցությունն ունեցան Lonely Island հումորային խմբի «YOLO» երգում և այդ երգի տեսահոլովակում, որը ներկայացվել է «Շաբաթ երեկոյան ուղիղ եթերում» հեռուստածրագրի եթերում[79]: Այդ երգը զբաղեցրել է 60-րդ հորիզոնականը Billboard Hot 100 հիթ շքերթում և ընդգրկվել է Lonely Island-ի «The Wack Album» ալբոմում[80]:

2011 թվականի ապրիլից սկսած Լևինը հանդիսանում է NBC հեռուստաընկերության The Voice նախագծի ժյուրիի անդամ[16]: Առաջին եթերաշրջանի հաղթող Խավիեր Քոլոնը, հինգերորդ եթերաշրջանի հաղթող Թեսան Չինը և իններորդ եթերաշրջանի հաղթող Ջորդան Սմիթը եղել են նրա թիմից[17][18]: Երկրորդ եթերաշրջանի ավարտից հետո Լևինը հարցազրույցներից մեկում ասել է, որ հույս ունի, որ այս շոուի միջոցով մարդիկ կփոխեն իր մասին իրենց կարծիքը, քանի որ ըստ նրա՝ հանդիսատեսն իրեն ընկալում է որպես «երգիչ, ով հանդիպում է գեղեցիկ աղջիկների հետ», սակայն նա ցանկանում է, որպեսզի մարդիկ իմանան, որ «ես ունեմ ուղեղ»[33]: Երրորդ եթերաշրջանում #TeamAdam և @AdamLevine հեշթեգները Թվիթթերում ունեցել են 2 միլիոնից ավել հիշատակում, որն ավելի շատ է, քան մյուս 3 ժյուրիների թիմերի մասին հիշատակումները: 2013 թվականին «The Hollywood Reporter» ամսագիրը հրապարակել է, որ յուրաքանչյուր եթերաշրջանի համար Լևինը վաստակում է 10-12 միլիոն դոլար[31]: 2014 թվականին այդ հեռուստաշոուում նկարահանվելու համար նա ստացել է «Լավագույն հեռուստատեսային անձ․ Տղամարդ» մրցանակը Teen Choice Awards մրցանակաբաշխությունում[81]:

2012 թվականին Լևինը նկարահանվել է «Ամերիկյան սարսափ պատմություն» հեռուստասերիալի երկրորդ եթերաշրջանի 5 սերիայում, որոնցում մարմնավորել է Լեո Մորիսոնի կերպարը[19]: Հարցազրույցներից մեկում նա նշել է, որ չի դիտել իր մասնակցությամբ սերիաները, քանի որ այդ հեռուստասերիալի երկրպագու չէ և չի սիրում սարսափ ժանրի կինոնկարներ[82]: 2012 թվականին նաև նկարահանվել է ռեժիսոր Ջոն Քարնիի «Սկսել նորից» երաժշտական ռոմանտիկ դրամայում, որտեղ մարմնավորել է Դեյվ Քոլին[20][83][84]: Կատարել է նաև այդ ֆիլմի սաունդթերքը՝ «Lost Stars» երգը, որը 2015 թվականին առաջադրվել է Օսկար մրցանակաբաշխության «Լավագույն օրիգինալ երգ» անվանակարգում, սակայն չի հաղթել[85]:

Լևինը «People» ամսագրի «Տարվա ամենասեքսուալ տղամարդ» համարի շապիկին:

2013 թվականի նոյեմբերին «People» ամսագիրը նրան ճանաչել է «Տարվա ամենասեքսուալ տղամարդ»[86]: Նա դարձել է առաջին երաժիշտը, ով ստացել է այդ տիտղոսը[86]: 2008 թվականին նա հայտնվել էր այդ ամսագրի «Չամուսնացած սեքսուալ տղամարդիկ» ցանկում[87]: Լևինը զբաղեցրել է 41-րդ հորիզոնականը «Glamour» ամսագրի կազմած «2012-ի ամենասեքսուալ տղամարդիկ» ցանկում[88]: 2012 թվականի ապրիլին «Shalom Life» կայքը հրապարակեց իր «Աշխարհի 50 ամենակրակոտ հրեա տղամարդիկ» ցանկը, որում Լևինը զբաղեցրել է յոթերորդ հորիզոնականը[89]: 2011 թվականի հունվարին նա նկարահանվել է բրիտանական «Cosmopolitan» ամսագրի կազմակերպած քաղցկեղի իրազեկմանը նվիրված մերկ ֆոտոշարքում[90]:

Ձեռնարկատիրական գործունեություն[խմբագրել | խմբագրել կոդը]

2008 թվականի հոկտեմբերին Լևինը համագործակցել է First Act ընկերության հետ և ստեղծել է իր «First Act 222 Guitar» կիթառների հավաքածուն, որոնք վաճառվում էին Target խանութների ցանցում[91]: Երկու տարի հետո Լաս Վեգասում նա հիմնադրել է իր «222» կոչվող հագուստի ապրանքանիշը, որը ջինսերի, շապիկների և կաշվե բաճկոնների հավաքածու է[92][93]: Այն հիմնադրելու համար Լևինին օգնել են նրա հայրն ու զարմիկը՝ Սեմի Քուփերը[93][94]: Այդ հավաքածուն Լևինը անվանել է «պարզ, մաքուր և դիմացկուն»[92]:

2011 թվականի հունիսին Լևինը մասնակցել է Shire ընկերության կողմից կազմակերպված «Own It» կրթական արշավին, որի նպատակն է բարձրացնել իրազեկությունը ուշադրության պակասի և հիպերակտիվության համախտանիշի մասին: Նախագծի նպատակն է եղել իրազեկել նախկինում դրանով ախտորոշված մարդկանց, քանի որ դա կարող է կրկնվել: Լևինը, ով դեռահասության տարիքում նույնպես ախտորոշվել է դրանով, ասել է․ «Այս քարոզարշավը շատ կարևոր է ինձ համար, քանի որ այն կարող է օգնել երիտասարդներին և մեծահասակներին՝ գիտակցելու, որ կա հավանականություն, որ նրանք դեռ կարող են ունենալ ADHD, ինչպես որ ունեցել են մանուկ հասակում»[95][96]: Այս մասին Լևինը նաև հոդված է գրել «ADDitude» ամսագրի համար, որում պատմել է այդ ախտորոշման հետ կապված իր սեփական փորձի մասին[97]:

2012 թվականի փետրվարին Լևինը հիմնադրեց 222 Records անվանումը կրող իր սեփական ձայնագրման լեյբլը[28]: Այդ լեյբլի առաջին անդամ դարձավ երգչուհի Ռոզի Քրեյնը, իսկ հետագայում նաև «Glee» հեռուստասերիալի դերասան-երգիչ Մեթյու Մորիսոնը, մեքսիկացի երգիչ Դիեգո Բոնետան և The Voice-ի երկրորդ եթերաշրջանի մասնակից Թոնի Լուկան: Մեթյու Մորիսոնը դարձավ առաջին արտիստը, ով այդ լեյբլի միջոցով թողարկեց ալբոմ («Where It All Began»)[98]: 2013 թվականին Լևինը ID Perfumes ընկերության հետ հիմնադրեց իր օծանելիքի տեսականին[99], որը ներկայացվեց նույն տարվա փետրվարին Լոս Անջելեսում[26]: Օծանելիքի հավաքածուն, որոնք շշալցված են խոսափողի տեսք ունեցող սրվակներում և նախատեսված են կանանց ու տղամարդկանց համար, վաճառվում էր Macy's խանութների ցանցում: 2013 թվականին Լևինը դարձավ Proactiv ապրանքանիշի գովազդի խոսնակը, որում նա պատմում է երիտասարդ տարիքում կորյակներ ունենալու մասին և գովազդում է դրանք վերացնող քսուքը[100]:

2013 թվականին հայտնի է դարձավ, որ Լևինը հագուստի հավաքածու ստեղծելու նպատակով համագործակցելու է Sears Holdings ընկերության հետ[27]: Այդ ընկերությունը, որին պատկանում է Kmart և ShopYourWay խանութների ցանցը, նույն ժամանակահատվածում նաև համագործակցել է ռեփեր Նիքի Մինաժի հետ: Տղամարդկանց համար նախատեսված հագուստի և աքսեսուարների ապրանքանիշը ներկայացվեց նույն տարվա հոկտեմբերի 1-ին[101]: Հավաքածուի առաջին տեսականին վաճառքի է ներկայացվում Միացյալ Նահանգներում գործող Kmart-ի 500 խանութներում, ինչպես նաև առցանց տարբերակով[101]:

Կատարողական արվեստ[խմբագրել | խմբագրել կոդը]

Լևինը 2007 թվականին կիթառ նվագելիս:
Լևինը 2007 թվականին կիթառ նվագելիս:
Լևինը 2013 թվականին ելույթ ունենալիս:
Լևինը 2013 թվականին ելույթ ունենալիս:

Լևինը երաժշտությամբ սկսել է հետաքրքրվել 10 տարեկանից, երբ սովորում է նվագել կիթառ: Նա իր առաջին պրոֆեսիոնալ ելույթը հանրության առաջ ունեցել է 12 տարեկանում Արևմտյան Հոլիվուդի Troubadour ակումբում[31][102]: Մանկության տարիներին ոգեշնչվել է այնպիսի խմբերի երաժշտությամբ, որոնցից են՝ The Beatles, Nirvana, Fleetwood Mac, The Who, Pearl Jam, Soundgarden և Alice in Chains, իսկ ավագ դպրոցում՝ Բոբ Մառլի, Մայքլ Ջեքսոն, Սթիվի Ուանդեր, Բիլ Ուեզերս, Էլ Գրին և Մարվին Գեյ[103][104]: Լևինն իր երաժշտության մեջ նաև ներառել է տարրեր The Police խմբի և երգիչ Փրինսի երաժշտությունից[105]: Իրեն ոգեշնչող կատարողների բազմազանության մասին Լևինը «Billboard» ամսագրի հետ հարցազրույցում նշել է, որ սիրում է «ցանկացած տեսակի երաժշտություն»[106]:

Նյու Յորք տեղափոխվելուց հետո Լևինը սկսեց ավելի շատ հետաքրքրվել հիփ հոփ, R&B, գոսպել և սոուլ ժանրերի երաժշտությամբ: Լևինը հիշում է, որ լսում էր երգչուհի Ալիյայի «Are You That Somebody?» երգը, որի շնորհիվ սկսեց ավելի շատ հոգի դնել Maroon 5-ի երգերում: Նրա երաժշտական ոճի փոփոխության վրա նաև ազդեցություն է ունեցել Սթիվի Ուանդերը: Maroon 5-ի դեբյուտային «Songs About Jane» ալբոմի թողարկումից հետո քննադատները սկսեցին խմբի ոճը համեմատել Busted խմբի[107], իսկ Լևինին համեմատեցին Jamiroquai խմբի վոկալիստ Ջեյ Քեյի հետ[108]:

Լևինն ունի չորս օկտավայի հասնող տենոր/կոնտրատենոր ձայն[109][110] և հայտնի է իր ֆալցետներով[111]: «It Won't Be Soon Before Long» ալբոմի վերլուծական հոդվածում Allmusic կայքի լրագրողներից մեկը գրել է, որ Լևինը ստեղծում է «մեղեդային, նորաձև և հոգուց բխող» երաժշտություն[112]: Չնայած Լևինի հին երգերի մեծ մասը հիմնականում ֆանկ, սոուլ և ռոք ժանրերի ուղղվածության են եղել[108], սակայն նրա վերջին աշխատանքները ներառում են տարրեր ռեգգի և փոփ ժանրերից[113]: Քննադատներից ոմանք նրա նոր աշխատանքները համեմատել են Coldplay խմբի երաժշտության հետ[114]: Լևինը չի ցանկանում իր երաժշտությունը կոնկրետ որևէ ժանրի դասել՝ ասելով, որ երաժշտության մեջ կա մեծ բազմազանություն, և «անհեթեթություն է» կոնկրետ ժանրի պատկանելը[105]:

Լևինին անվանել են «միայնակ կանգնած աստղ» (անգլ.՝ stand-alone star), ում ոչինչ անհրաժեշտ չէ աչքի ընկնելու համար, քանի որ նա արդեն հայտնի է իր սեփական անձով[115]: Երաժշտական քննադատներից ոմանք նշել են, որ Լևինի հայտնիությունը Maroon 5-ի մյուս անդամներին մղում է հետին պլան, նույնիսկ իրենց սեփական երաժշտության մեջ[116]: Քննադատներից որոշների կարծիքով էլ խմբի մեծ հաջողություն ունենալու ետևում հենց Լևինի համբավն է[117]: «The Boston Globe» թերթը գրել է, որ խմբի հաջողությունն ու պարտությունը կախված է Լևինի մատուցման ձևից[118]:

Անձնական կյանք[խմբագրել | խմբագրել կոդը]

Լևինն ամուսնացած է նամիբիացի մոդել Բեհատի Փրինսլուի հետ:

2010 թվականին Լևինը սկսել է հանդիպել Victoria's Secret-ի մոդել Աննա Վյալիցինայի հետ, ում հետ ծանոթացել է Maroon 5-ի ելույթներից մեկի ժամանակ Լաս Վեգասում[119]: Վյալիցինան նկարահանվել է խմբի «Misery» և «Never Gonna Leave This Bed» երգերի տեսահոլովակներում[120]: 2012 թվականի ապրիլին զույգը հայտարարեց իրենց բաժանման մասին[121], իսկ հաջորդ ամիս Լևինը սկսեց հանդիպել Victoria's Secret-ի նամիբիացի մոդել Բեհատի Փրինսլուի հետ[122][123]: Նրանք 2013 թվականի մարտին բաժանվեցին[124], սակայն նույն տարվա հուլիսից կրկին շարունակեցին հանդիպել[125][126]: 2014 թվականի հուլիսի 19-ին Մեքսիկայի Կաբո Սան Լուկաս քաղաքում կայացավ նրանց ամուսնական արարողությունը[127]: Փինսլուն նկարահանվել է Maroon 5-ի «Animals» երգի տեսահոլովակում[128]:

2013 թվականին Լևինի դեմ մեղադրանք է ներկայացվել Լոս Անջելեսի վերադաս դատարանում, որտեղ Universal Music Publishing Group ընկերության անվտանգության աշխատակիցը պնդում էր, որ այդ ընկերության ներսում մարիխուանա են օգտագործում: Անվտանգության աշխատակիցը պնդում էր, որ կանեփի ծխի հոտը գալիս է ամբողջ գրասենյակից, և երբ բողոքել է այդ մասին, նրան ասել են, որ դա Լևինն է, և եթե նա ցանկանում է ծխել դա, ապա կարող է անել դա, որտեղ ուզի: Universal Music Publishing Group ընկերությունը պաշտոնական հայտարարություն է տարածել, որում այդ մեղադրանքը անվանել է «անհեթեթ»[129][130]:

Լևինը զբաղվում է յոգայով, ինչը նրան օգնում է «ֆիզիկապես հանգստանալ»[131]: Լևինն ունի բազմաթիվ դաջվածքներ մարմնի վրա: Նա իր առաջին դաջվածքը արել է 19 տարեկանում, որն ընդամենը մի դատարկ վանդակ էր: Նա հետագայում այդ վանդակի մեջ թռչնանիշ է դաջել, քանի որ նրա կյանքի նպատակը եղել է երաժշտական կարիերա սկսելը[132]: Լևինը դաջվածքներից մի քանիսը նվիրվել է իր մորը[133]:

Լևինը, ում եղբայրը համասեռական է, աջակցում է ԼԳԲՏ իրավունքներին[134]: 2011 թվականին Լևինը տեսանյութ է տեղադրել Maroon 5-ի ՅուԹյուբի պաշտոնական էջում, որում աջակցում է «It Gets Better» ԼԳԲՏ նախագծին[135]:

Սկավառակագրություն[խմբագրել | խմբագրել կոդը]

    1rightarrow.png Հիմնական հոդված՝ Maroon 5-ի սկավառակագրություն

Սինգլներ[խմբագրել | խմբագրել կոդը]

Սինգլներ, որոնցում Ադամ Լևինը ունեցել է իր մասնակցությունը որպես անհատ կատարող
Տարի Անվանում Ալբոմ
2005 «Heard 'Em Say»[21]
(Քանյե Ուեսթի սինգլը՝ Ադամ Լևինի մասնակցությամբ)
«Late Registration»
2007 «Say It Again»[136]
(Նատաշա Բեդինգֆիլդի սինգլը՝ Ադամ Լևինի մասնակցությամբ)
«N.B.» և «Pocketful of Sunshine»
2008 «Bang Bang»[73]
(K'naan-ի սինգլը՝ Ադամ Լևինի մասնակցությամբ)
«Troubadour»
2011 «Stereo Hearts»[25]
(Gym Class Heroes-ի սինգլը՝ Ադամ Լևինի մասնակցությամբ)
«The Papercut Chronicles II»
2012 «My Life»[24]
(Ֆիֆթի Սենթի սինգլը՝ Ադամ Լևինի և Էմինեմի մասնակցությամբ)
«Street King Immortal»
2013 «YOLO»[79]
(The Lonely Island-ի սինգլը՝ Ադամ Լևինի և Քենդրիկ Լամարի մասնակցությամբ)
«The Wack Album»
2014 «Heavy»[137]
(ՓիՋեյ Մորտոնի սինգլը՝ Ադամ Լևինի մասնակցությամբ)
«New Orleans»
2015 «Locked Away»[76]
(Rock City-ի սինգլը՝ Ադամ Լևինի մասնակցությամբ)
«What Dreams Are Made Of»

Այլ երգեր[խմբագրել | խմբագրել կոդը]

Ոչ-սինգլ երգեր, որոնցում Ադամ Լևինը ունեցել է իր մասնակցությունը որպես անհատ կատարող
Տարի Անվանում Ալբոմ Այլ կատարող(ներ)
2005 «Live Again»[71] «U.nited S.tate of A.tlanta» Ying Yang Twins
2005 «Wild Horses»[22] «Unplugged» Ալիշա Քիզ
2010 «Gotten»[23] «Slash» Սլեշ
2011 «Stand Up»[138] «Come Through for You» Խավիեր Քոլոն
2014 «Lost Stars»[139] «Begin Again (սաունդթրեք)»
2014 «No One Else Like You»[139] «Begin Again (սաունդթրեք)»
2014 «A Higher Place»[139] «Begin Again (սաունդթրեք)»
2014 «Lost Stars (Into the Night Mix)»[139] «Begin Again (սաունդթրեք)»
2015 «Painkiller»[140] «Space» Ռոզի Քրեյն
2016 «Go Now»[141] «Sing Street (սաունդթրեք)»

Ֆիլմագրություն[խմբագրել | խմբագրել կոդը]

Ֆիլմեր[խմբագրել | խմբագրել կոդը]

Տարի Անվանում Բնօրինակ անվանում Դեր Նշումներ
2013 «Սկսել նորից»[20] Begin Again Դեյվ Քոլ
2015 «Միասնություն»[142] Unity պատմող վավերագրական ֆիլմ
2015 «Հիանալի ձայն 2»[143] Pitch Perfect 2 ինքը

Հեռուստասերիալներ[խմբագրել | խմբագրել կոդը]

Տարի Անվանում Բնօրինակ անվանում Դեր Նշումներ
1997 «Բևերլի Հիլզ, 90210»[31] Beverly Hills, 90210 ինքը 1 սերիա
2009 «30 Ռոք»[144] 30 Rock ինքը 1 սերիա
2012 «Ամերիկյան սարսափ պատմություն․ Հոգեբուժարան»[19] American Horror Story: Asylum Լեո Մորիսոն 5 սերիա
2013 «Գրիֆինների ընտանիքը»[145] Family Guy ինքը (հնչյունավորում) 1 սերիա

Ծանոթագրություններ[խմբագրել | խմբագրել կոդը]

  1. 1,0 1,1 Record #13543520X // Gemeinsame Normdatei Ստուգված է ապրիլի 27-ին 2014:
  2. 2,0 2,1 «Kara's Flowers» (անգլերեն)։ Allmusic։ Վերցված է Օգոստոսի 6, 2015 
  3. 3,0 3,1 «Maroon5 Stays Grounded Amid the Hype, Hoopla» (անգլերեն)։ Orlando Sentinel։ Մարտի 25, 2003։ Վերցված է Օգոստոսի 6, 2015 
  4. 4,0 4,1 «Maroon 5 – Bio» (անգլերեն)։ Maroon 5, Website։ Վերցված է Օգոստոսի 11, 2015 
  5. 5,0 5,1 «Maroon 5's James Valentine: 'Adam Levine Is An Amazing Lead Player'» (անգլերեն)։ Ultimate Guitar Archive։ Վերցված է Օգոստոսի 11, 2015 
  6. 6,0 6,1 «Songs About Jane by Maroon 5»։ iTunes (անգլերեն)։ Վերցված է Հոկտեմբերի 5, 2015 
  7. 7,0 7,1 «It Won't Be Soon Before Long by Maroon 5» (անգլերեն)։ iTunes։ Վերցված է Հոկտեմբերի 5, 2015 
  8. 8,0 8,1 «Hands All Over by Maroon 5» (անգլերեն)։ iTunes։ Վերցված է Հոկտեմբերի 5, 2015 
  9. 9,0 9,1 «Linkin Park Squeaks By Maroon 5, Hits No. 1 on Billboard 200»։ Billboard (անգլերեն)։ Հուլիսի 4, 2012։ Վերցված է Օգոստոսի 11, 2015 
  10. 10,0 10,1 «Maroon 5 Tops Billboard 200 With V» (անգլերեն)։ Billboard։ Սեպտեմբերի 10, 2014 
  11. «Watch Adam Levine, Gwen Stefani Get Emotional at Grammys» (անգլերեն)։ Rolling Stone։ Փետրվարի 8, 2015։ Վերցված է Օգոստոսի 13, 2015 
  12. «Taylor Swift, Adele, Nicki Minaj Win Big at American Music Awards» (անգլերեն)։ Rolling Stone։ Նոյեմբերի 21, 2011։ Վերցված է Օգոստոսի 13, 2015 
  13. «American Music Awards 2012: Complete Winners List» (անգլերեն)։ MTV։ Նոյեմբերի 18, 2012։ Վերցված է Օգոստոսի 13, 2015 
  14. «American Music Awards 2013: Full Winners List» (անգլերեն)։ Billboard։ Նոյեմբերի 24, 2012։ Վերցված է Օգոստոսի 13, 2015 
  15. «MTV VMAs: Maroon 5's Adam Levine Slams the Award Show» (անգլերեն)։ Hollywood Reporter։ Օգոստոսի 27, 2011։ Վերցված է Օգոստոսի 13, 2015 
  16. 16,0 16,1 «Cee Lo Green, Maroon 5's Adam Levine Join NBC's 'The Voice'» (անգլերեն)։ The Hollywood Reporter։ Փետրվարի 28, 2011։ Վերցված է Օգոստոսի 11, 2015 
  17. 17,0 17,1 «'The Voice' Season 5 Winner Named»։ The Hollywood Reporter (անգլերեն)։ Դեկտեմբերի 17, 2013։ Վերցված է Օգոստոսի 11, 2015 
  18. 18,0 18,1 «'The Voice' season finale: Jordan Smith crowned winner»։ NY Daily (անգլերեն)։ Դեկտեմբերի 15, 2015։ Վերցված է Դեկտեմբերի 16, 2015 
  19. 19,0 19,1 19,2 «Adam Levine Confirms American Horror Story Role»։ E! Online (անգլերեն)։ Ապրիլի 2, 2012։ Վերցված է Օգոստոսի 11, 2015 
  20. 20,0 20,1 20,2 «‘The Voice’s Adam Levine To Star In ‘Can A Song Save Your Life?’» (անգլերեն)։ Deadline.com։ Հունիսի 14, 2012։ Վերցված է Օգոստոսի 11, 2015 
  21. 21,0 21,1 21,2 «Move Over, Justin: Adam Levine Is Hip-Hop's New Favorite White Boy» (անգլերեն)։ MTV News։ Դեկտեմբերի 19, 2005։ Վերցված է Օգոստոսի 11, 2015 
  22. 22,0 22,1 22,2 «Alicia Keys - MTV Unplugged [Enhanced]» (անգլերեն)։ Amazon.com։ Հոկտեմբերի 11, 2005։ Վերցված է Օգոստոսի 11, 2015 
  23. 23,0 23,1 23,2 «Slash solo album interview: the track-by-track guide» (անգլերեն)։ MusicRadar։ Մարտի 4, 2010։ Վերցված է Օգոստոսի 11, 2015 
  24. 24,0 24,1 24,2 «Interview: 50 Cent Talks Working With Eminem, the Threat of Falling Off, and How Social Media Changed Hip-Hop» (անգլերեն)։ Complex։ Դեկտեմբերի 7, 2012։ Վերցված է Օգոստոսի 11, 2015 
  25. 25,0 25,1 25,2 «Gym Class Heroes' "Stereo Hearts" Single Will Feature Adam Levine» (անգլերեն)։ About.com։ Հունիսի 4, 2011։ Վերցված է Օգոստոսի 11, 2015 
  26. 26,0 26,1 «Adam Levine Launches First Fragrance with Arty Installation in LA» (անգլերեն)։ Haute Living։ Փետրվարի 7, 2013։ Վերցված է Օգոստոսի 12, 2015 
  27. 27,0 27,1 «Kmart goes glitzy in new fashion deal with Adam Levine and Nicki Minaj» (անգլերեն)։ American City Business Journals։ Հունվարի 9, 2013։ Վերցված է Օգոստոսի 12, 2015 
  28. 28,0 28,1 «Adam Levine offered to launch label for aspiring singer/songwriter»։ World Entertainment News Network (անգլերեն)։ Հունիսի 17, 2013։ Վերցված է Օգոստոսի 12, 2015 
  29. «California, Birth Index, 1905-1995» (անգլերեն)։ FamilySearch։ Վերցված է Օգոստոսի 5, 2015 
  30. «Monitor» (անգլերեն)։ Entertainment Weekly։ Մարտի 22, 2013։ Վերցված է Օգոստոսի 5, 2015 
  31. 31,0 31,1 31,2 31,3 31,4 31,5 «Inside Adam Levine's $35 Million-Plus a Year Empire» (անգլերեն)։ The Hollywood Reporter։ Մարտի 6, 2013։ Վերցված է Օգոստոսի 5, 2015 
  32. «Maroon 5: They will be loved» (անգլերեն)։ The Daily Telegraph։ Օգոստոսի 26, 2007։ Վերցված է Օգոստոսի 5, 2015 
  33. 33,0 33,1 «Adam Levine: The New King of Pop» (անգլերեն)։ Details։ Հունիս, 2012։ Վերցված է Օգոստոսի 5, 2015 
  34. «Adam Levine Talks Marriage Doubts, Divorce in Nylon Guys» (անգլերեն)։ The Huffington Post։ Ապրիլի 2, 2012։ Վերցված է Օգոստոսի 5, 2015 
  35. 35,0 35,1 35,2 35,3 35,4 «Interview: Adam Levine»։ The Jewish Chronicle (անգլերեն)։ Փետրվարի 11, 2011։ Վերցված է Օգոստոսի 5, 2015 
  36. «Inaugorophobia, Part 2» (անգլերեն)։ Slate։ Հունվարի 20, 2009։ Վերցված է Օգոստոսի 22, 2015 
  37. «Get to Know Adam Levine» (անգլերեն)։ NBC։ Վերցված է Փետրվարի 22, 2016 
  38. «Maroon 5's Adam Levine's Playlist: Top 5 Songs That Impacted Rocker's Style» (անգլերեն)։ ABC News։ Նոյեմբերի 17, 2011։ Վերցված է Օգոստոսի 5, 2015 
  39. «Piers Morgan Tonight Transcript» (անգլերեն)։ CNN։ Օգոստոսի 13, 2011։ Վերցված է Օգոստոսի 5, 2015 
  40. «Adam Levine Turns 36: 25 Interesting Facts and Candid Photos of 'Sexiest Man Alive'» (անգլերեն)։ International Business Times։ Մարտի 17, 2015։ Վերցված է Սեպտեմբերի 3, 2015 
  41. 41,0 41,1 «Maroon 5 Aspire to Inspire Sexuality, Crying» (անգլերեն)։ MTV News։ Օգոստոսի 28, 2002։ Վերցված է Օգոստոսի 5, 2015 
  42. «Adam Levine recalls wasted therapy» (անգլերեն)։ The Belfast Telegraph։ Հուլիսի 2, 2012։ Վերցված է Օգոստոսի 5, 2015 
  43. «Maroon 5's Adam Levine opens up about 'beneficial' magic mushroom experience» (անգլերեն)։ NME։ Հուլիսի 4, 2012։ Վերցված է Օգոստոսի 5, 2015 
  44. «Happy Valentine's Day Music!» (անգլերեն)։ InterfaithFamily.com։ Փետրվարի 1, 2011 
  45. «Adam Levine on Twitter»։ Թվիթթեր (անգլերեն) 
  46. 46,0 46,1 «Maroon 5 Biography» (անգլերեն)։ notablebiographies.com։ Վերցված է Օգոստոսի 11, 2015 
  47. «Kara's Flowers – The Fourth World» (անգլերեն)։ The A.V Club։ Մարտի 29, 2002։ Վերցված է Օգոստոսի 6, 2015 
  48. «How Maroon 5 found the courage to let its heart show» (անգլերեն)։ Los Angeles Times։ Հոկտեմբերի 20, 2010։ Վերցված է Օգոստոսի 6, 2015 
  49. «Interview with BEN BERKMAN, A&R at Octone Records for Maroon 5 (US plat)» (անգլերեն)։ HitQuarters։ Ապրիլի 13, 2004։ Վերցված է Օգոստոսի 6, 2015 
  50. «Adam Levine speaks» (անգլերեն)։ CBS News։ Հուլիսի 28, 2013։ Վերցված է Օգոստոսի 6, 2015 
  51. «Adam Levine: 40 facts about the Maroon 5 singer» (անգլերեն)։ Newsday։ Փետրվարի 27, 2015։ Վերցված է Սեպտեմբերի 3, 2015 
  52. 52,0 52,1 52,2 «Maroon 5 - Chart history»։ Billboard (անգլերեն)։ Վերցված է Հոկտեմբերի 5, 2015 
  53. «2005 Grammy Award Winners» (անգլերեն)։ CBS News։ Փետրվարի 14, 2005։ Վերցված է Օգոստոսի 11, 2015 
  54. «Grammy Awards 2006: Key winners» (անգլերեն)։ BBC։ Փետրվարի 9, 2006։ Վերցված է Օգոստոսի 11, 2015 
  55. «Radio success fuels Maroon5's "Wonder" year» (անգլերեն)։ Reuters։ Ապրիլի 22, 2007։ Վերցված է Օգոստոսի 29, 2015 
  56. «Jessica Biel Wants Respect, Plus Nelly Furtado, Hilary Duff, Sum 41, Borat, Eve, Diddy, Ozzy & More in For the Record» (անգլերեն)։ MTV News։ Մայիսի 4, 2007։ Վերցված է Օգոստոսի 11, 2015 
  57. «Grammy 2009 Winners List» (անգլերեն)։ MTV News։ Փետրվարի 8, 2009։ Վերցված է Օգոստոսի 11, 2015 
  58. «Grammy 2008 Winners List» (անգլերեն)։ MTV News։ Փետրվարի 16, 2008։ Վերցված է Օգոստոսի 11, 2015 
  59. «Inside Maroon 5's Sessions for Fall Album 'Hands All Over'» (անգլերեն)։ Rolling Stone։ Մայիսի 18, 2010։ Վերցված է Օգոստոսի 11, 2015 
  60. «Adam Levine Calls 'Moves Like Jagger' a 'Risk' for Maroon 5: Video Interview» (անգլերեն)։ Billboard։ Սեպտեմբերի 8, 2011։ Վերցված է Օգոստոսի 11, 2015 
  61. 61,0 61,1 61,2 «Maroon 5 - Chart history» (անգլերեն)։ Billboard։ Վերցված է Օգոստոսի 11, 2015 
  62. «IFPI DIGITAL MUSIC REPORT 2012 - KEY FACTS AND FIGURES» (անգլերեն)։ International Federation of the Phonographic Industry։ Վերցված է Օգոստոսի 11, 2015 
  63. «MAROON 5 PREMIERES LATEST SINGLE “ANIMALS” OFF UPCOMING ALBUM V» (անգլերեն)։ maroon5.com։ Վերցված է Օգոստոսի 11, 2015 
  64. «Band Announcement - Jesse Carmichael» (անգլերեն)։ maroon5.com։ Մարտի 9, 2012։ Արխիվացված օրիգինալից-ից Ապրիլի 14, 2012-ին։ Վերցված է Օգոստոսի 29, 2015 
  65. «Maroon 5, fun. among early Grammy nominees» (անգլերեն)։ Google News։ Դեկտեմբերի 5, 2012 
  66. «Maroon 5 postpone UK arena tour due to "scheduling conflicts"» (անգլերեն)։ DigitalSpy։ Մայիսի 20, 2013։ Վերցված է Օգոստոսի 11, 2015 
  67. «Top 25 Tours of 2013» (անգլերեն)։ Billboard։ Դեկտեմբերի 13, 2013։ Վերցված է Սեպտեմբերի 3, 2015 
  68. «Maroon 5, Kelly Clarkson Team Up For Honda Civic Tour» (անգլերեն)։ Billboard։ Ապրիլի 1, 2013։ Վերցված է Օգոստոսի 11, 2015 
  69. «Watch Adam Levine and Gwen Stefani Duet at the Grammys» (անգլերեն)։ Time։ Վերցված է Օգոստոսի 29, 2015 
  70. «MAROON 5 announce 2015 world tour + V is aviable now!» (անգլերեն)։ maroon5.com։ Սեպտեմբերի 2, 2014 
  71. 71,0 71,1 «Usa (United State of Atlanta)» (անգլերեն)։ Amazon.com։ Հունիսի 28, 2005։ Վերցված է Օգոստոսի 11, 2015 
  72. «This Is What Happens When You Share A Plane Ride With Kanye West (And You’re Adam Levine)» (անգլերեն)։ MTV։ Հունիսի 16, 2015։ Վերցված է Օգոստոսի 11, 2015 
  73. 73,0 73,1 «Bang Bang (feat. Adam Levine) - Single by K'naan» (անգլերեն)։ iTunes։ Վերցված է Սեպտեմբերի 2, 2015 
  74. «We Are The World: 25 For Haiti' Unites Music's Biggest Names» (անգլերեն)։ MTV News։ Փետրվարի 12, 2010։ Վերցված է Օգոստոսի 11, 2015 
  75. «Gym Class Heroes - Chart history» (անգլերեն)։ Billboard։ Վերցված է Օգոստոսի 30, 2015 
  76. 76,0 76,1 «Locked Away (feat. Adam Levine) - Single by R. City» (անգլերեն)։ iTunes։ Վերցված է Օգոստոսի 11, 2015 
  77. «R. City - Chart history» (անգլերեն)։ Billboard։ Վերցված է Սեպտեմբերի 2, 2015 
  78. «Andy Samberg, Adam Levine Serenade Iran President on SNL» (անգլերեն)։ People։ Հոկտեմբերի 1, 2007։ Վերցված է Օգոստոսի 11, 2015 
  79. 79,0 79,1 «Adam Levine Hosts 'SNL,' Drops 'YOLO' with Lonely Island & Kendrick Lamar» (անգլերեն)։ Billboard։ Հունվարի 27, 2013։ Վերցված է Օգոստոսի 11, 2015 
  80. «EXCLUSIVE PREMIERE: THE LONELY ISLAND'S "YOLO" SINGLE, FT. A REMIX BY SAM F» (անգլերեն)։ Vice։ Վերցված է Օգոստոսի 11, 2015 
  81. «Teen Choice Awards: The Complete Winners List»։ The Hollywood Reporter (անգլերեն)։ Օգոստոսի 10, 2014։ Վերցված է Օգոստոսի 22, 2015 
  82. «Adam Levine Was Too Scared To Watch His 'American Horror Story' Episodes In Full (VIDEO)» (անգլերեն)։ The Huffington Post։ Հոկտեմբերի 25, 2012։ Վերցված է Օգոստոսի 11, 2015 
  83. «Can a Song Save Your Life?» (անգլերեն)։ The Hollywood Reporter։ Սեպտեմբերի 8, 2013։ Վերցված է Օգոստոսի 11, 2015 
  84. «Adam Levine Makes His Movie Debut in Begin Again-Watch the Trailer!»։ E!։ Մարտի 28, 2014։ Վերցված է Օգոստոսի 11, 2015 
  85. «The 87th Academy Awards (2015) Nominees and Winners»։ Academy of Motion Picture Arts and Sciences (անգլերեն) (AMPAS)։ Վերցված է Օգոստոսի 11, 2015 
  86. 86,0 86,1 «Adam Levine Is PEOPLE's Sexiest Man Alive» (անգլերեն)։ People։ Նոյեմբերի 11, 2013։ Վերցված է Օգոստոսի 11, 2015 
  87. «Single & Sexy Men of 2008» (անգլերեն)։ People։ Հունիսի 18, 2008։ Վերցված է Օգոստոսի 11, 2015 
  88. «Sexiest Men of 2012: The Results» (անգլերեն)։ Glamour։ Հունիս, 2012։ Վերցված է Օգոստոսի 11, 2015 
  89. «Top 50 Hottest Jewish Men (10–1)» (անգլերեն)։ Shalom Life։ Ապրիլի 20, 2012։ Վերցված է Օգոստոսի 28, 2015 
  90. «Adam Levine Nude: Maroon 5 Singer Gets Naked For Cancer In Cosmo UK» (անգլերեն)։ The Huffington Post։ Հունվարի 6, 2010։ Վերցված է Օգոստոսի 11, 2015 
  91. «ADAM LEVINE BIOGRAPHY» (անգլերեն)։ realitytvworld.com։ Վերցված է Օգոստոսի 12, 2015 
  92. 92,0 92,1 «Maroon 5's Adam Levine Launches Fashion Line» (անգլերեն)։ Women's Wear Daily։ Օգոստոսի 17, 2010։ Վերցված է Օգոստոսի 12, 2015 
  93. 93,0 93,1 «Adam Levine from Maroon 5 launches fashion line» (անգլերեն)։ Sun-Sentinel։ Օգոստոսի 17, 2010։ Վերցված է Օգոստոսի 12, 2015 
  94. «Maroon 5's Adam Levine Launches Fashion Line» (անգլերեն)։ Women's Wear Daily։ Օգոստոսի 17, 2010։ Վերցված է Սեպտեմբերի 2, 2015 
  95. «Maroon 5 Lead Singer Adam Levine Raises Awareness of Attention-Deficit/Hyperactivity Disorder in Young Adults and Adults With "Own It"» (անգլերեն)։ PR Newswire։ Հունիսի 20, 2011։ Վերցված է Օգոստոսի 12, 2015 
  96. «Pills Don't Teach Skills» (անգլերեն)։ Psychology Today։ Հունիսի 30, 2011։ Վերցված է Օգոստոսի 12, 2015 
  97. «Maroon 5's Adam Levine: "ADHD Isn't a Bad Thing"» (անգլերեն)։ ADDitude։ Վերցված է Օգոստոսի 12, 2015 
  98. «Where It All Began by Matthew Morrison» (անգլերեն)։ iTunes։ Վերցված է Օգոստոսի 31, 2015 
  99. «Adam Levine Launches Eponymous Line of Fragrances» (անգլերեն)։ US Weekly։ Փետրվարի 6, 2013։ Վերցված է Օգոստոսի 12, 2015 
  100. «Inside Adam Levine's $35 Million-Plus a Year Empire» (անգլերեն)։ The Hollywood Reporter։ Վերցված է Օգոստոսի 12, 2015 
  101. 101,0 101,1 «Adam Levine is Back in Fashion With New Menswear Line» (անգլերեն)։ Billboard։ Սեպտեմբերի 5, 2013։ Վերցված է Օգոստոսի 12, 2015 
  102. «How Adam Levine finds strength, focus and balance» (անգլերեն)։ Men's Health։ Վերցված է Օգոստոսի 13, 2015 
  103. «Michael Jackson Remembered: Adam Levine on the Rhythm King» (անգլերեն)։ Rolling Stone։ Հուլիսի 9, 2009։ Վերցված է Օգոստոսի 13, 2015 
  104. «Hot Tracks: Adam Levine» (անգլերեն)։ Vanity Fair։ Փետրվարի 2013։ Վերցված է Օգոստոսի 13, 2015 
  105. 105,0 105,1 «Catching Up With Maroon 5's Adam Levine» (անգլերեն)։ Out։ Սեպտեմբերի 9, 2011։ Վերցված է Օգոստոսի 13, 2015 
  106. «Q&A With Maroon5's Adam Levine» (անգլերեն)։ Billboard։ Հունիսի 4, 2005։ Վերցված է Օգոստոսի 13, 2015 
  107. «Maroon 5, Songs About Jane» (անգլերեն)։ The Guardian։ Դեկտեմբերի 5, 2003։ Վերցված է Օգոստոսի 13, 2015 
  108. 108,0 108,1 «Maroon 5 - Songs About Jane» (անգլերեն)։ Rolling Stone։ Մարտի 11, 2003։ Վերցված է Օգոստոսի 13, 2015 
  109. http://www.criticofmusic.com/2013/06/vocal-range-and-profile-adam-levine.html
  110. «Macho Rock on the Surface, With Wimpiness Underneath» (անգլերեն)։ The New York Times։ Ապրիլի 8, 2005։ Վերցված է Օգոստոսի 13, 2015 
  111. «Maroon 5's Falsetto Singing: An Act of Cultural Defiance (?!)» (անգլերեն)։ The Atlantic։ Սեպտեմբերի 28, 2012։ Վերցված է Օգոստոսի 13, 2015 
  112. «Review by Stephen Thomas Erlewine» (անգլերեն)։ Allmusic։ Վերցված է Օգոստոսի 13, 2015 
  113. «Maroon 5 – Overexposed» (անգլերեն)։ MusicOMH։ Հունիսի 25, 2012։ Վերցված է Օգոստոսի 13, 2015 
  114. «Album Review: Overexposed by Maroon 5» (անգլերեն)։ The Herald Sun։ Հունիսի 20, 2012։ Վերցված է Օգոստոսի 13, 2015 
  115. «Overexposed (2012)» (անգլերեն)։ Entertainment Weekly։ Հունիսի 27, 2012։ Վերցված է Օգոստոսի 13, 2015 
  116. «Quick spin: 'Overexposed,' by Maroon 5» (անգլերեն)։ The Washington Post։ Հունիսի 26, 2012։ Վերցված է Օգոստոսի 13, 2015 
  117. «Voice Male» (անգլերեն)։ Paper։ Ապրիլի 23, 2013։ Վերցված է Օգոստոսի 13, 2015 
  118. «They sound glad to be sad» (անգլերեն)։ The Boston Globe]։ Սեպտեմբերի 19, 2010։ Վերցված է Օգոստոսի 13, 2015 
  119. «Adam Levine, Anne Vyalitsyna split: Maroon 5 frontman and Victoria’s Secret model call it quits after two years together» (անգլերեն)։ New York Daily News։ Ապրիլի 2, 2012։ Վերցված է Օգոստոսի 13, 2015 
  120. «'Die Hard 5' casts Adam Levine's ex Anne Vyalitsyna for acting debut» (անգլերեն)։ Digital Spy։ Հունիսի 1, 2012։ Վերցված է Օգոստոսի 29, 2015 
  121. «Adam Levine and Anne V Split» (անգլերեն)։ People։ Ապրիլի 2, 2012։ Վերցված է Օգոստոսի 13, 2015 
  122. «Adam Levine, Behati Prinsloo Engaged: Why He Proposed So Quickly» (անգլերեն)։ US Weekly։ Հուլիսի 17, 2013։ Վերցված է Օգոստոսի 13, 2015 
  123. «Adam Levine and Behati Prinsloo Attend First Event as a Couple» (անգլերեն)։ US Weekly։ Հոկտեմբերի 26, 2012։ Վերցված է Օգոստոսի 13, 2015 
  124. «Adam Levine Dating Nina Agdal After Behati Prinsloo Split» (անգլերեն)։ US Weekly։ Մայիսի 28, 2013։ Վերցված է Օգոստոսի 13, 2015 
  125. «Adam Levine Engaged to Behati Prinsloo» (անգլերեն)։ People։ Հունվարի 14, 2013։ Վերցված է Օգոստոսի 13, 2015 
  126. «Behati Prinsloo engaged to Maroon 5's Adam Levine» (անգլերեն)։ The Daily Telegraph։ Հուլիսի 17, 2013։ Վերցված է Օգոստոսի 13, 2015 
  127. «Adam Levine and Behati Prinsloo Are Married!»։ E! News (անգլերեն)։ Հուլիսի 19, 2014։ Վերցված է Օգոստոսի 13, 2015 
  128. «Adam Levine Plays Behati Prinsloo's Stalker in Maroon 5's Creepy, Bloody "Animals" Music Video»։ Us Weekly (անգլերեն)։ Սեպտեմբերի 29, 2014։ Վերցված է Սեպտեմբերի 1, 2015 
  129. «Universal Music Group West Coast Office Alleged to Be Drug Hotspot» (անգլերեն)։ The Hollywood Reporter։ Ապրիլի 10, 2013։ Վերցված է Օգոստոսի 13, 2015 
  130. «Adam Levine + T.I. Linked to Drug Lawsuit» (անգլերեն)։ PopCrush։ Ապրիլի 12, 2013։ Վերցված է Օգոստոսի 13, 2015 
  131. «Adam Levine's Rock-Star Yoga» (անգլերեն)։ Details։ Դեկտեմբերի 1, 2011։ Վերցված է Օգոստոսի 22, 2015 
  132. «‘The Voice’ Contestants: Coach Adam Levine Had 'An Integral Part’ In Matt McAndrew’s Check Mark Tattoo [VIDEO]» (անգլերեն)։ ENSTARZ։ Փետրվարի 14, 2015։ Վերցված է Օգոստոսի 22, 2015 
  133. «Blake Shelton and Adam Levine Explain Their Tattoos» (անգլերեն)։ Cambio։ Հունիսի 5, 2013։ Վերցված է Օգոստոսի 22, 2015 
  134. «Adam Levine And Maroon 5 Boycotting Mexican Restaurant For Anti-Gay Marriage Stance» (անգլերեն)։ The Huffington Post։ Հունվարի 25, 2012։ Վերցված է Օգոստոսի 13, 2015 
  135. «Adam Levine (Maroon 5) – It Gets Better» (անգլերեն)։ ՅուԹյուբ։ Հուլիսի 11, 2011։ Վերցված է Օգոստոսի 13, 2015 
  136. «Whether solo or in collaboration, Natasha Bedingfield is one prolific artist» (անգլերեն)։ AXS։ Սեպտեմբերի 23, 2014։ Վերցված է Սեպտեմբերի 2, 2015 
  137. «New Orleans (Deluxe Version by PJ Morton» (անգլերեն)։ iTunes։ Վերցված է Սեպտեմբերի 2, 2015 
  138. «Come Through for You by Javier Colon» (անգլերեն)։ iTunes։ Վերցված է Սեպտեմբերի 2, 2015 
  139. 139,0 139,1 139,2 139,3 «Begin Again (Music From and Inspired By the Original Motion Picture) [Deluxe Version] by Various Artists» (անգլերեն)։ iTunes։ Վերցված է Սեպտեմբերի 2, 2015 
  140. «Space - EP by Rozzi Crane» (անգլերեն)։ iTunes։ Վերցված է Սեպտեմբերի 2, 2015 
  141. «Sing Street (Original Motion Picture Soundtrack) by Various Artists» (անգլերեն)։ iTunes։ Վերցված է Ապրիլի 10, 2016 
  142. «Documentary ‘Unity’ Set for Aug. 12 Release with 100 Star Narrators» (անգլերեն)։ Variety։ Ապրիլի 22, 2015։ Վերցված է Սեպտեմբերի 4, 2015 
  143. «Video: Watch Pitch Perfect 2's Surprise Scene: Adam DeVine's Voice Audition» (անգլերեն)։ People։ Մայիսի 18, 2015։ Վերցված է Սեպտեմբերի 4, 2015 
  144. «30 Rock, "Kidney Now!": Sheryl Crow, Adam Levine, Clay Aiken and company come to save Alan Alda» (անգլերեն)։ NJ.com։ Մայիսի 15, 2009։ Վերցված է Սեպտեմբերի 4, 2015 
  145. «Family Guy - Season 12, Episode 3: Quagmire's Quagmire» (անգլերեն)։ TV.com։ Վերցված է Սեպտեմբերի 4, 2015 

Գրականություն[խմբագրել | խմբագրել կոդը]

  • Դեն Քիմփել (2006), «How They Made It: True Stories of How Music's Biggest Stars Went from Start to Stardom!». Location unknown:Hal Leonard Corporation. ISBN 0-634-07642-6

Արտաքին հղումներ[խմբագրել | խմբագրել կոդը]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են