.no
| .no | |
|---|---|
 | |
| Տեսակ | վերին մակարդակի ազգային դոմեն |
| Երկիր |  Նորվեգիա |
| Ներդրվել է | մարտի 17, 1987 |
| Փյունիկոդ | no |
| Կայք | norid.no/en/(անգլ.) |
.no Նորվեգիայի վերին մակարդակի ազգային դոմենն է, որի գոտում գրանցումներ կատարողը նորվեգական պետական Uninett Norid AS ընկերությունն է: Վերջինս, ինչպեսև իր մայր ընկերությունը՝ UNINETT-ը, գտնվում է Տրոնդհայմում և պատկանում է Նորվեգիայի կրթության և հետազոտությունների նախարարությանը: Norid-ը գործում է ամերիկյան IANA ընկերության հետ կնքված պայմանագրի համաձայն և կառավարվում է նաև Նորվեգիայի փոստի և հեռահաղորդակցության վարչության կողմից:
Պատմություն և վիճակագրություն
[խմբագրել | խմբագրել կոդը]Ազգային դոմեյնի ստեղծման տարեթիվ է համարվում 1983 թվականը: Դրա գոտում առաջինը գրանցվել են Նորվեգիայի հեռահաղորդակցության վարչության (tor.nta.no) և Օսլոյի համալսարանի համակարգչային գիտությունների ամբիոնի (ifi.uio.no) հասցեները: 1991-1992 թվականներին բոլոր պետական համալսարաններն ու քոլեջները միացան ինտերնետին և ստացան դոմեյնային անուններ, ինչը գրանցումների բում առաջացրեց: 1995 թվականին արդեն գրանցվել էր հազարերորդ անունը: Սկզբնական շրջանում գործում էին գրանցման բարդ կանոններ, որոնք կազմակերպությանը թույլ էին տալիս գրանցել միայն մեկ դոմեյնային հասցե: 2001 թվականին գրանցման կանոնները ազատականացվեցին, և դա գրանցումների երկրորդ ու մինչ օրս ամենանշանակալին համարվող բումի հանգեցրեց: Երրորդ բումը տեղի ունեցավ 2004 թվականի փետրվարին, երբ թույլատրվեց նորվեգերենին բնորոշ նիշերի (æ-ի, ø-ի, å-ի և 20 այլ գրանիշերի) օգտագործումը[1]: 2011 թվականի հունվարին գրանցվեց 500.000-րդ դոմեյնը: 2012 թվականի նոյեմբերի 1-ի դրությամբ գրանցվել էր 557.991 դոմեյն[2]:
Նորվեգական այլ դոմեյններ
[խմբագրել | խմբագրել կոդը]1997 թվականից Norid-ը պատասխանատու է նաև .bv և .sj դոմեյնների համար, որոնք Բուվե, Շպիցբերգեն և Յան Մայեն կղզիների վերին մակարդակի դոմեյններն են: Դրանք ներկա պահին չեն օգտագործվում: Այդուհանդերձ՝ .bv և .sj դոմեյններով անունները կարող են ի պահ թողնվել ապագայում օգտագործելու համար[3]:
Ծանոթագրություններ
[խմբագրել | խմբագրել կոդը]- ↑ «Uninett Norid — Статистика домена .no» (անգլերեն). Արխիվացված է օրիգինալից 2012-05-02-ին. Վերցված է 2012-11-01-ին.
{{cite web}}: no-break space character in|title=at position 14 (օգնություն) - ↑ «Norid — Статистика» (անգլերեն). Արխիվացված է օրիգինալից 2013-07-04-ին. Վերցված է 2012-11-01-ին.
{{cite web}}: no-break space character in|title=at position 6 (օգնություն) - ↑ Norid Uninett — The .bv and .sj top level domains Արխիվացված է Հոկտեմբեր 5, 2010 Wayback Machine-ի միջոցով: Արխիվացված 2010-10-05 Wayback Machine
Գրականություն
[խմբագրել | խմբագրել կոդը]- «.no eller aldri...» (PDF) (նորվեգերեն). Norwegian Post and Telecommunications Authority. 2002 թ․ մարտի 21. Արխիվացված է օրիգինալից (PDF) 2012-03-05-ին. Վերցված է 2012 թ․ սեպտեմբերի 24-ին.
Արտաքին հղումներ
[խմբագրել | խմբագրել կոդը]- IANA .no whois տեղեկություն Արխիվացված 2008-12-03 Wayback Machine
- Norid դոմեյնների գրանցամատյանի պաշտոնական կայք
- .no դոմեյնների քանակական վիճակագրություն
 | Վիքիպահեստն ունի նյութեր, որոնք վերաբերում են «.no» հոդվածին։ |
| ||||||||||||||||||||||||||||||||||||||
