Դանիել Վացեկ

Դանիել Վացեկ
Սեռ	արական
Քաղաքացիություն	Չեխիա
Բնակվելու վայր	Զարնեն
Ծննդյան ամսաթիվ	ապրիլի 1, 1971 (53 տարեկան)
Ծննդավայր	Պրահա, Չեխոսլովակիա
Հասակ	190 սմ
Քաշ	81 կգ
Կարիերայի սկիզբ	1990 թվական
Կարիերայի ավարտ	2003 թվական
Աշխատող ձեռք	աջ
Հարված ձախից	մեկձեռքանի
Պարգևավճար, USD	4 803 388
Մենախաղ
Խաղեր Հ/Պ	176–225
Ամենաբարձր վարկանիշ	26 (1996 թվականի հունվարի 29)
Մեծ Սաղավարտի մրցաշարեր
Ավստրալիա	3-րդ շրջան (1994)
Ֆրանսիա	3-րդ շրջան (1994, 1998)
Ուիմբլդոն	4-րդ շրջան (1994)
ԱՄՆ	4-й круг (1995, 1997)
Զուգախաղ
Խաղեր Հ/Պ	335–258
Ամենաբարձր վարկանիշ	3 (1997 թվականի սեպտեմբերի 8)
Մեծ Սաղավարտի մրցաշարեր
Ավստրալիա	1/4 եզրափակիչ (1999)
Ֆրանսիա	Հաղթանակ (1996, 1997)
Ուիմբլդոն	3-րդ շրջան (1998)
ԱՄՆ	Հաղթանակ (1997)
Ավարտել է կարիերան

Դանիել Վացեկ (չեխ․՝ Daniel Vacek, ապրիլի 1, 1971(1971-04-01), Պրահա, Չեխոսլովակիա, Չեխոսլովակիա), չեխ նախկին պրոֆեսիոնալ թենիսիստ, Մեծ Սաղավարտի մրցաշարերի տղամարդկանց զուգախաղի եռակի հաղթող (բոլոր երեք անգամներն էլ Եվգենի Կաֆելնիկովի հետ)։

Մարզական կարիերա

Դանիել Վացեկը թենիս սկսել է խաղալ 11 տարեկանում, այդ ձեռնարկմանը նրան աջակցում է հայրը՝ Վացլավ Վացեկը։ Պրոֆեսիոնալ կարիերայում իր առաջին խաղը Վացեկը անց է կացրել 1989 թվականի հուլիսին։ 1990 թվականին Վացեկը հաղթում է ATP զուգախաղի առաջին երեք մրցաշարերում։ Բոլոր երեք մրցաշարերում նրա խաղընկերն էր հայրենակից Վոյտեխ Ֆլեգլը։ Արդեն տարվա ավարտին մոտ Վացեկը սերտորեն մոտենում է զուգախաղի լավագույն թենիսիստների հարյուրյակին։ Հաջորդ տարի, երկու անգամ հասնելով ATP մրցաշարերի եզրափակիչ և նույնքան անգամ էլ «չելենջերներում», նա արդեն մոտենում է Թոփ-50-ին։ Այդ մրցաշրջանում նրա հաշվին է գրանցվում նաև առաջին հաղթանակը աշխարհի լավագույն զույգի նկատմամբ՝ Տոկիոյում նրանք Միլան Շրեյբերի հետ հաղթում են Սքոթ Դևիսին և Դևիդ Փեյթին, սակայն կիսաեզրափակիչում զիջում են Թոդ Վուդբրիջին և Ստեֆան Էդբերգին։

Սակայն 1992 թվականին զույգում Վացեկի խաղը չի ստացվում։ Տարվա ամենասկզբում դուրս գալով Վելինգտոնի մրցաշարի եզրափակիչ, հետագայուս նա չի փայլում, նույնիսկ «չելենջերներում» միայն մեկ անգամ է հասնում եզրափակիչ։ Միևնույն ժամանակ մենախաղում նա երեք անգամ խաղում է «չելենջերների» եզրափակիչներում, հաղթելով նրանցից երկուսում և ընդհուպ մոտենում է վարկանիշային աղյուսակի առաջին հարյուրյակին։ 1993 թվականին նա կրկին վստահ խաղ է ցուցադրում զուգախաղում և մարզական ձեռք բերելով «չելենջերներում», օգոստոսին Նյու Հեյվենում Ցիրիլ Սուկի հետ հաղթում է կարիերայում առաջին ATP Championship Series դասի մրցաշարում։ 1994 թվականի ընթացքում նա չորս անգամ խաղում է ATP մրցաշարերի զուգախաղի եզրափակիչներում, այդ թվում Մոնտե Կարլոյի բարձր մակարդակի մրցաշարում և երկու անգամ հաղթանակի է հասնում։ Մրցաշրջանի վերջում նա առաջին անգամ մտնում է զուգախաղի 20 լավագույնք թենիսիստների մեջ։ Մենախաղում նա սկզբում հաղթանակ է տանում առաջին տասնյակից մրցակցի նկատմամբ՝ հաղթելով Թոմաս Մուստերին, այդ պահին աշխարհում 9-րդը, իսկ փետրվարի սկզբին հաղթում է Ռենի «չելենջերում», հետո դուրս է գալիս Կոպենհագենի АТР մրցաշարի եզրափակիչ, իսկ այնուհետև Ուիմբլդոնի մրցաշարի չորրորդ շրջան, ռևանշ վերցնելով Եվգենի Կաֆելնիկովից՝ այդ պահին աշխարհի 16-րդ ռակետին և կոպենհագենյան իր վիրավորողին, և պարտվելով միայն աշխարհի առաջին ռակետ Փիթ Սամփրասին։ Ուիմբլդոնից հետո նա մտնում է համաշխարհային թենիսի մենախաղի Թոփ-50։

Հաջորդ երեք տարիները Վացեկի կարիերայում դառնում են լավագույնները։ Այդ ժամանակահատվածում նա երեք անգամ խաղում է ATP մրցաշարերի մենախաղի եզրափակիչներում, 1996 թվականի հունվարին հասնելով վարկանիշային աղյուսակի 26-րդ հորիզոնականին, բարձրագույնը կարիերայի ընթացքում։ Նրան ևս չորս անգամ հաջողվում է հաղթանակ տանել առաջին տասնյակից մրցակիցներին, այդ թվում ևս երկու անգամ Եվգենի Կաֆելնիկովին։ Զուգախաղում, հենց Կաֆելնիկովի հետ, նա հասնում է կարիերայում գլխավոր հաջողություններին, երկու անգամ անընդմեջ՝ 1996 և 1997 թվականներին, հաղթելով Ֆրանսիայի բաց առաջնությունում (այդ թվում երբ 1997 թվականին նրանք հերթականությամբ հաղթում են առաջին երկու «դասակարգված» զույգի), իսկ 1997 թվականին նրանց ավելացնելով նաև հաղթանակը ԱՄՆ բաց առաջնությունում։ Ընդհանուր առմամբ Վացեկը և Կաֆելինկովը համագործակցության այդ երկու տարիների ընթացքում հաղթում են յոթ մրցաշարերում, իսկ մինչ այդ, 1995 թվականին, Վացեկը Ցիրիլ Սուկի հետ հաղթում են չորս մրցաշարերում, ներառյալ իր հեղինակությամբ աշխարհում երկրորդ գրունտային մրցաշարը՝ Իտալիայի բաց առաջնությունը և հասնում է մինչև ATP Աշխարհի առաջնության կիսաեզրափակիչ։ Արդյունքում նա 1995 թվականի մրցաշրջանի ավարտում է զուգախաղի դասակարգման 11-րդ հորիզոնականում, 1996 թվականը 8-րդում և 1997 թվականը 5-րդում, ընթացքում, 1997 թվականի սեպտեմբերին, բարձրանալով մինչև 3-րդ հորիզոնական։ 1995 և 1996 թվականներին նա Չեխիայի հավաքականի կազմում Դևիսի Գավաթում անց է կացնում 12 հանդիպում, թիմի հետ 1996 թվականին հասնելով մինչև Համաշխարհային խմբի կիսաեզրափակիչ։ Նույն թվականին նա հավաքականի հետ դուրս է գալիս Դյուսելդորֆում Աշխարհի թիմային գավաթի եզրափակիչ, սակայն այնհեղ չեխերը զիջում են Շվեյցարիային։ Նա նաև մասնակցություն է ունեցել Ատլանտայի Օլիմպիադային, սակայն այնտեղ մենախաղում նա պայքարից դուրս է մնում արդեն երկրորդ շրջանում, իսկ Իրժի Նովակի հետ զույգով՝ քառորդ եզրափակիչում։

Հետագայում Վացեկը շարունակում է հավասար խաղ ցուցադրել ևս երկու տարի, մնալով մենախաղի 100 լավագույն թենիսիստների շարքում և զուգախաղի Թոփ-50-ում։ Եվ 1998 թվականին, և 1999 թվականին նա չորսական անգամ խաղում է զուգախաղի մրցաշարերի եզրափակիչներում, առաջին տարում հաղթելով մեկ (Եվգենի Կաֆելնիկովի հետ), իսկ երկրորդ տարում բոլոր չորս մրցաշարերում (նրանցից երեքը Ջեֆ Տարանգոյի հետ)։ 1999 թվականի ընթացքում Վացեկը նաև երկու անգամ հասնում է մինչև Մեծ Սաղավարտի մրցաշարերի քառորդ եզրափակիչ՝ սկզվում Ավստրալիայում Կաֆելնիկովի հետ, իսկ այնուհետև Ֆրանսիայում Դավիդ Պրինոսիլի հետ։ 1998 թվականին նա մեկ մրցաշրջանի ընթացքում նա առավելության է հասնում մենախաղի աշխարհի առաջին և երկրորդ ռակետների նկատմամբ (համապատասխանաբար, Մարսելո Ռիոսի և Պատրիկ Ռաֆտերի)։ 1999 թվականի ընթացքում նա երեք անգամ հաղթում է մենախաղի առաջին տասնյակի թենիսիստների, ներառյալ կարիերայում չորրորդ անգամ հաղթանակ Եվգենի Կաֆելնիկովի նկատմամբ՝ այդ պահին արդեն աշխարհի 2-րդ ռակետ, իսկ տարվա ավարտին վերջին անգամ դուրս է գալիս ATP մրցաշարի մենախաղի եզրափակիչ։ Այդ տարիներին են գալիս նաև նրա երկրորդ եզրափակիչը հավաքականի հետ Աշխարհի գավաթում և խաղերը Դևիսի Գավաթում։ Այդ երկու տարիների ընթացքում նա երկու անգամ դառնում է ATP տուրի խաղացողների շրջանում խաղացած խաղերի քանակով երկրորդը։

Զուգախաղում իր վերջին եզրափակիչին և ATP վերջին տիտղոսին Վացեկը դրանից հետո սպասում էր երկու տարուց ավել։ 2000 թվականի մայիսին նա վնասվածք է ստանում և կորտը լքում է մինչև մրցաշրջանի վերջը։ Նա վերադառնում է ուղիղ մեկ տարի անց, սակայն երկար ժամանակ մրցաշարերում չէր կարողանում երկրորդ շրջանից այն կողմ անցնել, արդյունքում մրցաշրջանն ավատելով միայն կիսաեզրափակիչներով Տաշքենդում և Վիեննայում։ 2002 թվականին մոտ նա վերկանգնվում է այնքան, որ Ավստրալիայի բաց առաջնությունում, Տոմաշ Ցիբուլեցի հետ, առավելության է հասնում աշխարհի առաջին զույգի նկատմամբ՝ Յոնաս Բյորկմանի և Թոդ Վուդբրիջի, իսկ ապրիլին հաղթում է Բարսելոնայի ATP Gold դասակարգի մրցաշարում։ Դրանից հետո նրա խաղը խախտվում է, հունիսից նա միայն երկու անգամ, ութ մրցաշարի ընթացքում, հաղթում է մեկնարկային խաղում և օգոստոսին Ցինցինատիում խաղում է մրցաշրջանում իր վերջին խաղը։ Հաջորդ տարի կորտ վերադառնալու փորձը հաջողություն չի ունենում։ Վացեկը պարտվում է Ֆրանսիայի բաց առաջնության առաջին իսկ շրջանում, իսկ այնուհետև նաև Ուիմբլդոնի մրցաշարում և դրանից հետո վերջնականապես վայր է դնում ռակետը։

2003 թվականին Դանիել Վացեկը այն գումարներով, որոնք նա շահել էր ելույթների ընթացքում, ձեռք է բերում «Բանիկ» (Օստրավա) ֆուտբոլային ակումբի բաժնետոմսերի վերահսկիչ փաթեթը։ Հաջորդ մրցաշրջանում ակումբը հեղթում է Չեխիայի առաջնությունում և դուրս է գալիս Չեխիայի Գավաթի եզրափակիչ։ Դրանից հետո, սակայն, ակումբի ֆինանսական վաճակը ստիպում է հրաժարվել մի շարք առաջատար ֆուտբոլիստներից և այդ պահից ի վեր նմանատիպ հաջողություններ արդեն չեն կրկնվում։

Դիրքը ATP վարկանիշում տարվա վերջին

Թվական	Մենախաղային	Զուգախաղային
2002	749	65
2001	393	113
2000	238	143
1999	39	20
1998	50	26
1997	53	5
1996	71	8
1995	27	11
1994	45	21
1993	114	58
1992	107	160
1991	470	54
1990	607	103

Կարիերայի ընթացքում Մեծ Սաղավարտի և ATP մրցաշարերում եզրափակիչներ (45)

Մենախաղ (5)

Պարտություններ (5)

№	Ամսաթիվ	Մրցաշար	Ծածկույթ	Մրցակից	Հաշիվ
1.	1994 փետրվարի 28	Կոպենհագեն, Դանիա	Գորգ	Եվգենի Կաֆելնիկով	3-6, 5-7
2.	1995 փետրվարի 6	Մարսել, Ֆրանսիա	Գորգ	Բորիս Բեկկեր	7-62, 4-6, 5-7
3.	1995 նոյեմբերի 6	Կրեմլի Գավաթ, Մոսկվա, Ռուսաստան	Գորգ	Կարլ-Ուվե Շտեբ	6-75, 6-3, 6-76
4.	1997 մարտի 3	ABN AMRO World Tennis Tournament, Ռոտերդամ, Նիդերլանդներ	Գորգ	Ռիխարդ Կրայչեկ	6-74, 6-75
5.	1999 սեպտեմբերի 27	Թուլուզա, Ֆրանսիա	Հարդ (i)	Նիկոլա Էսկյուդե	5-7, 1-6

Զուգախաղ (40)

Հաղթանակներ (25)

Մրցաշար Մեծ Սաղավարտ (3) Մասթերս գավաթ (0) ATP Մասթերս (1) ATP International Series Gold (5) ATP Tour (16)

Տիտղոսներ ըստ ծածկույթի Հարդ (10) Գրունտ (10) Խոտածածկ (0) Գորգ (5)

№	Ամսաթիվ	Մրցաշար	Ծածկույթ	Խաղընկեր	Մրցակիցներ	Հաշիվ
1.	1990 մայիսի 14	Հարավսլավիայի բաց առաջնություն, Ումագ	Գրունտ	Վոյտեխ Ֆլեգլ	Անդրեյ Օլխովսկի Անդրեյ Չերկասով	6-4, 6-4
2.	1990 օգոստոսի 6	Չեխոսլովակիայի բաց առաջնություն, Պրահա	Գրունտ	Վոյտեխ Ֆլեգլ	Ջորջե Կոսակ Ֆլորին Սեգերչանու	5-7, 6-4, 6-3
3.	1990 օգոստոսի 20	Սան Մարինոյի բաց առաջնություն Սան Մարինո	Գրունտ	Վոյտեխ Ֆլեգլ	Խորդի Բուրիլյո Մարկոս Աուրելիո Գորիս	6-1, 4-6, 7-6
4.	1993 օգոստոսի 16	Volvo International, Նյու Հեյվեն, ԱՄՆ	Հարդ	Ցիրիլ Սուկ	Սթիվ Դևրիզ Դեյվիդ Մակֆերսոն	7-5, 6-4
5.	1994 հունվարի 31	Մարսել, Ֆրանսիա	Գորգ	Յան Սիմերինկ	Մարտին Դամ Եվգենի Կաֆելնիկով	6-7, 6-4, 6-1
6.	1994 հոկտեմբերի 3	Թուլուզա, Ֆրանսիա	Հարդ (i)	Մենո Օստինգ	Պատրիկ Մաքինրոյ Ջարեդ Պալմեր	7-6, 6-7, 6-3
7.	1995 ապրիլի 17	Philips Open, Նիցցա, Ֆրանսիա	Գրունտ	Ցիրիլ Սուկ	Լյուկ Ջենսեն Դևիդ Ուիտոն	3-6, 7-6, 7-6
8.	1995 մայիսի 15	Իտալիայի բաց առաջնություն, Հռոմ	Գրունտ	Ցիրիլ Սուկ	Յան Ապել Յոնաս Բյորկման	6-3, 6-4
9.	1995 օգոստոսի 21	Waldbaum's Hamlet Cup, Լոնգ Այլենդ, ԱՄՆ	Հարդ	Ցիրիլ Սուկ	Ռիկ Լիչ Սքոթ Մելվիլ	5-7, 7-6, 7-6
10.	1995 սեպտեմբերի 25	Davidoff Swiss Indoors, Բազել, Շվեյցարիա	Հարդ (i)	Ցիրիլ Սուկ	Մարկ Կեյլ Պետեր Նյուբորգ	3-6, 6-3, 6-3
11.	1996 ապրիլի 29	Tento Czech Open Պրահա (2)	Գրունտ	Եվգենի Կաֆելնիկով	Լուիս Լոբո Խավիեր Սանչես	6-3, 6-7, 6-3
12.	1996 մայիսի 27	Ֆրանսիայի բաց առաջնություն, Փարիզ	Գրունտ	Եվգենի Կաֆելնիկով	Գի Ֆորժե Յակոբ Հլասեկ	6-2, 6-3
13.	1996 սեպտեմբերի 23	Davidoff Swiss Indoors Բազել, Շվեյցարիա (2)	Հարդ (i)	Եվգենի Կաֆելնիկով	Դևիդ Ադամս Մենո Օստինգ	6-3, 6-4
14.	1996 հոկտեմբերի 7	CA-Tennis Trophy, Վիեննա, Ավստրիա	Գորգ	Եվգենի Կաֆելնիկով	Պավել Վիզներ Մենո Օստինգ	7-6, 6-4
15.	1997 ապրիլի 7	Հոնկոնգի բաց առաջնություն Հոնկոնգ	Հարդ	Մարտին Դամ	Կարստեն Բրաշ Ջեֆ Տարանգո	6-3, 6-4
16.	1997 ապրիլի 14	Ճապոնիայի բաց առաջնություն, Տոկիո	Հարդ	Մարտին Դամ	Ջաստին Հիմելստոբ Պատրիկ Ռաֆտեր	2-6, 6-2, 7-6
17.	1997 մայիսի 26	Ֆրանսիայի բաց առաջնություն Փարիզ (2)	Գրունտ	Եվգենի Կաֆելնիկով	Թոդ Վուդբրիջ Մարկ Վուդֆորդ	7-6, 4-6, 6-3
18.	1997 հուլիսի 7	Շվեյցարիայի բաց առաջնություն, Գշտադ	Գրունտ	Եվգենի Կաֆելնիկով	Թրևոր Կրոնեման Դեյվիդ Մակֆերսոն	4-6, 7-6, 6-3
19.	1997 օգոստոսի 25	ԱՄՆ բաց առաջնություն, Նյու Յորք	Հարդ	Եվգենի Կաֆելնիկով	Յոնաս Բյորկման Նիկլաս Կուլտի	7-6, 6-3
20.	1998 հոկտեմբերի 12	CA-Tennis Trophy (2)	Գորգ	Եվգենի Կաֆելնիկով	Դևիդ Ադամս Ջոն-Լաֆնի դե Յագեր	7-5, 6-3
21.	1999 հունվարի 11	Heineken Open, Օքլենդ, Նոր Զելանդիա	Հարդ	Ջեֆ Տարանգո	Իրժի Նովակ Դավիդ Ռիկլ	7-5, 7-5
22.	1999 փետրվարի 8	Սանկտ Պետերբուրգի բաց առաջնություն, Սանկտ Պետերբուրգ, Ռուսաստան	Գորգ	Ջեֆ Տարանգո	Մենո Օստինգ Անդրեյ Պավել	3-6, 6-3, 7-5
23.	1999 ապրիլի 12	Ճապոնիայի բաց առաջնություն Տոկիո (2)	Հարդ	Ջեֆ Տարանգո	Ուեյն Բլեյկ Բրայան Մակֆի	4-3 հրաժարում
24.	1999 նոյեմբերի 8	Կրեմլի Գավաթ, Մոսկվա, Ռուսաստան	Գորգ	Ջասթին Հիմելստոբ	Անդրեյ Մեդվեդև Մարատ Սաֆին	6-2, 6-1
25.	2002 ապրիլի 22	Open SEAT, Բարսելոնա, Իսպանիա	Գրունտ	Մայքլ Հիլլ	Լուկաս Առնոլդ-Կեր Գաստոն Էտլիս	6-4, 6-4

Պարտություններ (15)

№	Ամսաթիվ	Մրցաշար	Ծածկույթ	Խաղընկեր	Մրցակիցներ	Հաշիվ
1.	1991 օգոստոսի 5	Tento Czech Open, Պրահա	Գրունտ	Լիբոր Պիմեկ	Ցիրիլ Սուկ Վոյտեխ Ֆլեգլ	4-6, 2-6
2.	1991 հոկտեմբերի 7	Բեռլին, Գերմանիա	Գորգ	Յան Սիմերինկ	Պետր Կորդա Կարել Նովաչեկ	6-3, 5-7, 5-7
3.	1991 դեկտեմբերի 30	Վելինգտոն, Նոր Զելանդիա	Հարդ	Միխիլ Սհապերս	Ջարեդ Պալմեր Ջոնաթան Սթարկ	3-6, 3-6
4.	1993 մարտի 1	Կոպենհագեն, Դանիա	Գորգ	Մարտին Դամ	Դևիդ Ադամս Անդրեյ Օլխովսկի	3-6, 6-3, 3-6
5.	1994 ապրիլի 18	Monte-Carlo Open, Մոնտե Կարլո, Մոնակո	Գրունտ	Եվգենի Կաֆելնիկով	Նիկլաս Կուլտի Մագնուս Լարսոն	6-3, 6-7, 4-6
6.	1994 հուլիսի 4	Շվեյցարիայի բաց առաջնություն, Գշտադ	Գրունտ	Մենո Օստինգ	Սերխիո Կասալ Էմիլիո Սանչես	6-7, 4-6
7.	1995 փետրվարի 20	Eurocard Open, Շտուտգարտ, Գերմանիա	Գորգ	Ցիրիլ Սուկ	Պատրիկ Հելբրայթ Գրանտ Կոնել	2-6, 2-6
8.	1995 սեպտեմբերի 11	Ռումինիայի բաց առաջնություն, Բուխարեստ, Ռումինիա	Գրունտ	Ցիրիլ Սուկ	Մարկ Կեյլ Ջեֆ Տարանգո	4-6, 6-7
9.	1995 հոկտեմբերի 23	Eurocard Open, Էսսեն, Գերմանիա(2)	Գորգ	Ցիրիլ Սուկ	Պաուլ Հաարհյուս Յակկո Էլթինգ	5-7, 4-6
10.	1996 հունիսի 17	Gerry Weber Open, Հալլե, Գերմանիա	Խոտածածկ	Եվգենի Կաֆելնիկով	Բայրոն Բլեյք Գրանտ Կոնել	1-6, 5-7
11.	1996 հոկտեմբերի 28	Paris Open, Փարիզ, Ֆրանսիա	Գորգ	Եվգենի Կաֆելնիկով	Պաուլ Հաարհյուս Յակկո Էլթինգ	4-6, 6-4, 6-7
12.	1997 մարտի 17	Սանկտ Պետերբուրգի բաց առաջնություն, Սանկտ Պետերբուրգ, Ռուսաստան	Գորգ	Դավիդ Պրինոսիլ	Անդրեյ Օլխովսկի Բրետ Սթիվեն	4-6, 3-6
13.	1998 փետրվարի 23	Guardian Direct Cup, Լոնդոն, Մեծ Բրիտանիա	Գորգ	Եվգենի Կաֆելնիկով	Ջիմ Գրաբ Մարտին Դամ	4-6, 5-7
14.	1998 հուլիսի 27	Mercedes-Benz Cup, Լոս Անջելես, ԱՄՆ	Հարդ	Ջեֆ Տարանգո	Պատրիկ Ռաֆտեր Սենդոն Ստոլ	4-6, 4-6
15.	1998 նոյեմբերի 9	Կրեմլի գավաթ, Մոսկվա, Ռուսաստան	Գորգ	Եվգենի Կաֆելնիկով	Ջարեդ Պալմեր Ջեֆ Տարանգո	4-6, 7-6, 2-6

Զուգախաղի մրցաշարերի վիճակագրություն

Մրցաշար	1989	1990	1991	1992	1993	1994	1995	1996	1997	1998	1999	2000	2001	2002	2003	ՀՄ	Հ-Պ
Մեծ Սաղավարտ
Ավստրալիայի բաց առաջնություն	ՉՄ	ՉՄ	1 շրջան	2 շրջան	1 շրջան	2 շրջան	2 շրջան	3 շրջան	ՉՄ	1 շրջան	1/4	1 շրջան	ՉՄ	3 շրջան	ՉՄ	0 / 10	10–10
Ֆրանսիայի բաց առաջնություն	ՉՄ	ՉՄ	2 շրջան	1 շրջան	ՉՄ	ՉՄ	2 շրջան	Հ	Հ	2 շրջան	1/4	ՉՄ	ՉՄ	1 շրջան	1 շրջան	2 / 9	18–7
Ուիմբլդոնի մրցաշար	ՉՄ	ՉՄ	2 շրջան	2 շրջան	2 շրջան	1 շրջան	1 շրջան	1 շրջան	1 շրջան	3 շրջան	1 շրջան	ՉՄ	ՉՄ	1 շրջան	1 շրջան	0 / 11	5–11
ԱՄՆ բաց առաջնություն	ՉՄ	ՉՄ	1 շրջան	1 շրջան	1 շրջան	1 շրջան	2 շրջան	1 շրջան	Հ	2 շրջան	1 շրջան	ՉՄ	1 շրջան	ՉՄ	ՉՄ	1 / 10	8–9
Մեծ Սաղավարտի ՀՄ	0 / 0	0 / 0	0 / 4	0 / 4	0 / 3	0 / 3	0 / 4	1 / 4	2 / 3	0 / 4	0 / 4	0 / 1	0 / 1	0 / 3	0 / 2	3 / 40	N/A
Ընդամենկ Հ-Պ	0–0	0–0	2–4	2–4	1–3	1–3	3–4	8–3	12–1	4–4	6–4	0–1	0–1	2–3	0–2	N/A	41–37
Մասթերս շարք
Indian Wells Masters Ինդիան Ուելս	NME	ՉՄ	ՉՄ	ՉՄ	ՉՄ	ՉՄ	ՉՄ	ՉՄ	ՉՄ	1/4	1 շրջան	2 շրջան	ՉՄ	ՉՄ	ՉՄ	0 / 3	2–3
Miami Masters Մայամի	NME	ՉՄ	ՉՄ	ՉՄ	ՉՄ	1/2	2 շրջան	ՉՄ	ՉՄ	1/4	2 շրջան	3 շրջան	ՉՄ	1 շրջան	ՉՄ	0 / 6	7–6
Monte Carlo Masters Մոնտե Կարլո	NME	ՉՄ	ՉՄ	ՉՄ	ՉՄ	Ե	1 շրջան	1 շրջան	1/2	2 շրջան	1/4	1 շրջան	ՉՄ	ՉՄ	ՉՄ	0 / 7	8–7
Rome Masters Հռոմ	NME	ՉՄ	ՉՄ	ՉՄ	ՉՄ	2 շրջան	Հ	1 շրջան	2 շրջան	1/4	2 շրջան	1 շրջան	ՉՄ	2 շրջան	ՉՄ	1 / 8	11–7
Hamburg Masters Համբուրգ	NME	ՉՄ	ՉՄ	ՉՄ	ՉՄ	2 շրջան	1 շրջան	1/4	ՉՄ	ՉՄ	1/4	1 շրջան	ՉՄ	2 շրջան	ՉՄ	0 / 6	6–6
Canada Masters Կանադա	NME	ՉՄ	ՉՄ	ՉՄ	ՉՄ	ՉՄ	2 շրջան	1 շրջան	1/4	2 շրջան	1 շրջան	ՉՄ	1/4	1 շրջան	ՉՄ	0 / 7	4–7
Cincinnati Masters Ցինցինատի	NME	ՉՄ	ՉՄ	ՉՄ	ՉՄ	1/4	1 շրջան	2 շրջան	2 շրջան	1/2	2 շրջան	ՉՄ	ՉՄ	1 շրջան	ՉՄ	0 / 7	5–7
Madrid Open Մադրիդ/Շտուտգարտ	NME	ՉՄ	ՉՄ	ՉՄ	ՉՄ	2 շրջան	Ե	2 շրջան	2 շրջան	1/4	2 շրջան	ՉՄ	ՉՄ	ՉՄ	ՉՄ	0 / 6	5–6
Paris Masters Փարիզ	NME	ՉՄ	ՉՄ	ՉՄ	ՉՄ	1/4	2 շրջան	Ե	2 շրջան	2 շրջան	1/4	ՉՄ	ՉՄ	ՉՄ	ՉՄ	0 / 6	8–6
Մասթերս շարքի ՀՄ	N/A	0 / 0	0 / 0	0 / 0	0 / 0	0 / 7	1 / 8	0 / 7	0 / 6	0 / 8	0 / 9	0 / 5	0 / 1	0 / 5	0 / 0	1 / 56	N/A
Ընդամենը Հ-Պ	N/A	0–0	0–0	0–0	0–0	13–7	7–7	5–7	4–6	10–8	9–9	3–5	2–1	2–5	0–0	N/A	56–55
Տարվա ավարտի վարկանիշ	325	103	54	160	58	21	11	8	5	26	20	143	113	65	1204	N/A

Աղբյուրներ

• Դանիել Վացեկը ATP կայքում
• Դանիել Վացեկը ITF կայքում Արխիվացված 2016-03-24 Wayback Machine
• Դանիել Վացեկը Դևիսի Գավաթի մասնակցի կայքում