Քասախ (Կոտայքի մարզ)
| Գյուղ | ||
|---|---|---|
| Քասախ | ||
| Երկիր |  Հայաստան | |
| Մարզ | Կոտայքի | |
| Այլ անվանումներ | № 40 սովխոզին կից | |
| ԲԾՄ | 1175 մ | |
| Պաշտոնական լեզու | Հայերեն | |
| Բնակչություն | 6148 մարդ (2016[1]) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Ժամային գոտի | UTC+4 | |
| ||
Քասախ, գյուղ Հայաստանի Կոտայքի մարզում, մարզկենտրոնից 58 կմ հարավ-արևմուտք։
Գյուղի համայնքը հիմնադրվել է 1965 թվականին՝ նախկին Ապարանի շրջանի Չամռլու գյուղի տեղահանման հաշվին։ Քասախ է վերանվանվել 1970 թվականի նոյեմբերի 11-ին։
Ավանդություն[խմբագրել | խմբագրել կոդը]
Երևանի սարդարի որդին որսի է գալիս այս կողմերը։ Վրան է խփում Քուչակ գյուղի ներքին հողամասում։ Լուսադեմին բաց անելով աչքերը, խանը եղնիկի մի մոլորված ձագ է տեսնում Քասաղի կողմը վազելիս։
Նստում է ձին, ընկնում նրա ետևից։ Եղնիկն իրեն գցում է մոտակա ճահճուտը։ Խանի ձին խրվում է ցեխի մեջ և ցած գցում տիրոջը։ Ծառաները ուշ երեկոյան գտնում են խանին և տանում մոտիկ գյուղը։ Երբ նրա ուշքը գլուխն է գալիս, բարկացած հրամայում է տունը մի սայլ լծել, հող ու քար լցնել ճահիճը, որ չորանա։ Շատ լծկան է խեղդվում, վար ու ցանքը մնում է, սուգ ու շիվանը երկինք է բարձրանում։ Դրանից հետո գյուղի անունը դնում են Չամռլու՝ Ցեխավան[2][3][4][5]։
Բնակչություն[խմբագրել | խմբագրել կոդը]
Նախնիները տեղափոխվել են Ապարանի Քասախ և Զովունի գյուղերից, ինչպես նաև Ախալքալաքից և Գանձակից։
Քասախի ազգաբնակչության փոփոխությունը.[6]
| Տարի | 1970 | 1979 | 1989 | 2001 | 2004 | 2011 | 2012 | 2016 |
|---|---|---|---|---|---|---|---|---|
| Բնակիչ | 2003 | 2384 | 4195 | 4755 | 5562 | 5186[7] | 5663 | 6148 |
Տնտեսություն[խմբագրել | խմբագրել կոդը]
Բնակչությունը զբաղվում է այգեգործությամբ, պտղաբուծությամբ, կերային կուլտուրաների մշակությամբ և անասնապահությամբ։
Հասարակական կառույցներ[խմբագրել | խմբագրել կոդը]
Գյուղում կան մեկ մանկապարտեզ, երկու միջնակարգ դպրոց, արվեստի դպրոց, սպորտդպրոց և մշակույթի տուն, ծանրամարտի մարզադպրոց։
Հղումներ[խմբագրել | խմբագրել կոդը]
- Քասախ գյուղի պաշտոնական կայքը։ Archived 2008-04-13 at the Wayback Machine.
Ծանոթագրություններ[խմբագրել | խմբագրել կոդը]
- ↑ Կոտայքի մարզի մարդահաշիվը (հայ.)
- ↑ Արամ Ղանալանյան (1969)։ Ավանդապատում։ Երևան: Հայկական ՍՍՀ ԳԱԱ Մանուկ Աբեղյանի անվան գրականության ինստիտուտ
- ↑ Մովսես Խորենացի։ Պատմութիւն Հայոց։ էջեր Գիրք Ա, Գլուխ Ի
- ↑ Մանուկ Աբեղյան (1899)։ Հայ ժողովրդական առասպելները Մովսես Խորենացու Հայոց պատմության մեջ։ Վաղարշապատ
- ↑ Г. Халатьянц (1896)։ Армянский эпос в Истории Армении Моисея Хоренского։ Москва
- ↑ «Հայաստանի հանրապետության բնակավայրերի բառարան, էջ 205»։ Արխիվացված է օրիգինալից 2014 թ․ սեպտեմբերի 12-ին։ Վերցված է 2014 Ապրիլի 16
- ↑ 2011 թ ՀՀ մարդահամարի արդյունքները
| |||||||||||||||||||||||||
