Աղավնաձոր (Կոտայքի մարզ)

Անվան այլ կիրառումների համար տե՛ս՝ Աղավնաձոր (այլ կիրառումներ)

Գյուղ
Աղավնաձոր
Երկիր	Հայաստան
Մարզ	Կոտայքի մարզԿոտայքի մարզ
ԲԾՄ	1640 մետր
Պաշտոնական լեզու	հայերեն
Բնակչություն	▼1232 մարդ (2011)
Կրոնական կազմ	Հայ Առաքելական եկեղեցի
Ժամային գոտի	UTC+4
Աղավնաձոր (Կոտայքի մարզ) (Հայաստան) Աղավնաձոր (Կոտայքի մարզ) (Կոտայքի մարզ)

Աղավնաձոր, գյուղ Հայաստանի Կոտայքի մարզում, մարզկենտրոնից 11 կմ հյուսիս-արևմուտք։ Գտնվում է Մարմարիկ գետի ստորին հոսանքի ձախափնյա դարավանդի վրա։

Գյուղում զարգացած է զբոսաշրջությունը, քանի որ այն ունի գեղատեսիլ վայրեր և գործող բազմաթիվ հանգստյան տներ։

Պատմություն

1829 թվականին Աղավնաձորը վերաբնակեցվել է Ալաշկերտի Ղազի գյուղից եկած 28 մարդկանցով, որոնք գաղթել էին ռուս-թուրքական պատերազմից հետո։

Երկրորդ համաշխարհային պատերազմին համայնքից մասնակցել են 300 հոգի, որից 76-ը հետ չեն վերադարձել։ Արցախյան պատերազմի առաջին իսկ օրվանից գյուղի երիտասարդներից կազմավորվել է «Ալաշկերտ» ջոկատը, որի հրամանատարն էր Զարզանդ Դանիելյանը, ով 1991 թվականին Գետաշենի պաշտպանության մարտերում հերոսաբար զոհվեց։

Բնակչություն

Նախնիները 1829 թ.-ին գաղթել են Ալաշկերտից։

Աղավնաձորի ազգաբնակչության փոփոխությունը.

Տարի	Բնակիչ
1897	709
1926	868
1939	1182
1959	736
1979	1041
1989	971
2001	1366
2011	1232

Տնտեսություն

Բնակչությունը զբաղվում է անասնաբուծությամբ, թռչնաբուծությամբ, հացահատիկի և կարտոֆիլի մշակությամբ։

Պատմամշակութային կառույցներ

Աղավնաձորն ունի Սուրբ Հովհաննես եկեղեցի (XVII դար)։

Տես նաև

• Աղավնաձորի պատմության և մշակույթի անշարժ հուշարձանների ցանկ (Կոտայքի մարզ)

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 247)։