Ջեյսոն Սթեթհեմ

Ջեյսոն Սթեթհեմ անգլ.՝ Jason Statham
Հասակը	175 սմ
Ծնվել է	հուլիսի 26, 1967 (58 տարեկան)
Ծննդավայր	Լոնդոն, Անգլիա,  Մեծ Բրիտանիա
Քաղաքացիություն	Միացյալ Թագավորություն
Ազգություն	Մեծ Բրիտանիա
Մասնագիտություն	Դերասան
Ակտիվ շրջան	1998–այժմ
Ժանրեր	Թրիլեր, Քրեական, Մարտական
Ընտրանի	"Փոխադրողը", "Փոխադրողը 2", "Պահապանը"
Ծնողներ	հայր՝ Barry Statham?, մայր՝ Eileen Yates?
Համատեղ ապրող(ներ)	Ռոզի Հանթինգթոն Վայթլի և Քելլի Բրուք

Ջեյսոն Սթեթհեմ (անգլ.՝ Jason Statham, հուլիսի 26, 1967(1967-07-26), Shirebrook, Բոլսովեր, Դերբիշիր, Դերբիշիր, Անգլիա, Միացյալ Թագավորություն), անգլիացի դերասան։

Կենսագրություն

Ջեյսոն Սթեթհեմը ծնվել է 1967 թվականի հուլիսի 26-ին, Անգլիայի Չեստերֆիլդ քաղաքում։ Նրա հայրը բռնցքամարտիկ էր, իսկ մայրը՝ երգչուհի և պարուհի։ Տեղափոխվել է Գրեյթ-Յարմութ, որտեղ ձեռք է բերում թատրոնի դերասանի մասնագիտություն։ Նաև տեղի միջնակարգ դպրոցում ընդգրկվում է ֆուտբոլի թիմի կազմում՝ խաղալով 1978-1983 թվականներին։ Սակայն նրա իսկական հետաքրքրությունը ջրացատկն էր։ Մոտ 12 տարի նա Մեծ Բրիտանիայի ջրացատկի ազգային թիմի անդամ էր, իսկ 1992 թվականին աշխարհի առաջնությունում գրավել է 12-րդ տեղը։ Մի առիթով Ջեյսոն Սթեթհեմը պատմել է, որ սպորտը նրա հոբբին էր, իսկ գումար նա վաստակում էր փողոցներում զարդեր և օծանելիքներ վաճառելով։

Նրա հայրը բռնցքամարտիկ և գիմնաստ էր։ Նա որդիների հետ պարապմունքներ էր անցկացնում։ Մեծ եղբայրը սիրում էր մարտարվեստներ և հաճախ փոքրիկ Ջեյսոնի հետ պարապմունքներ էր անցկացնում։ Մեծանալով Ջեյսոնը նույնպես դառնում է մարտարվեստների մասնագետ և ապագա ռեժիսոր Գայ Ռիչի հետ միասին զբաղվում էր ջիու-ջիցուով

Մոդելի կարիերան

90-ականների վերջին մի գովազդային գործակալ, ով աշխատում էր մարզիկների հետ, հրավիրում է Սթեթհեմին մասնակցելու Tommy Hilfiger ընկերության գովազդներին։ Սթեթհեմը նկարահանվում է ջինսերի գովազդում և դրանից հետո դառնում այդ ընկերության գովազդային դեմքը։ Դրանով սկսում է Ջեյսոնի մոդելային կարիերան։

Կինոկարիերան

Այդ ընկերության տնօրենը դառնում է Գայ Ռիչիի դեբյուտային «Խաղաթղթեր, փող, երկու հրացան» ֆիլմի պրոդյուսերը և առաջարկում է Սթեթհեմին նկարահանել գլխավոր դերերից մեկում։ Ռիչին հետաքրքրում է այդ առաջարկը, ում հետաքրքրել էր Ջեյսոն Սթեթհեմի փողոցային առևտրի փորձը և մոդելի կարիերան։ Նա Ջեյսոնին հրավիրում է փորձերի և որպես դրվագ առաջարկում է նրան փողոցային առևտրականի դեր, ով պետք է համոզեր իրեն գնել կեղծ թանկարժեք իրերի հավաքածու։ «Գայ Ռիչին պետք էր իսկական կերպար, իսկ այդ կերպարը ես էի, քանի որ այդպիսի բաներ դրամատիկական դպրոցներում չեն սովորեցնում», -հետագայում պատմել է այդ մասին Ջեյսոն Սթեթհեմը։ Ջեյսոնը շատ հաջող է անցնում այդ փորձարկումը և Ռիչին նրան միանգամից դեր է տալիս ֆիլմում։ Ֆիլմը մեծ հաջողություն է ունենում և ճանաչում է բերում Գայ Ռիչին և դերասաններին։

Գայ Ռիչիի հաջորդ «Մեծ խաղագումար» քրեական կատակերգությունում Սթեթհեմը խաղում է բռնցքամարտերի կազմակերպիչի դեր։ Սկզբում նրա դերը փոքր էր նախատեսված ֆիլմում, սակայն նկարահանումների ընթացքում դերը մեծանում է, արդյունքում Սթեթհեմը դառնում է ֆիլմի պատմողը։

2000 թթ. սկսած Ջեյսոնի դերասանական կարիերան վերելք է ապրում։ 2001 թվականին նա դեր է ստանում Ջոն Կարպենտերի գիտաֆանտաստիկ «Մարսի ուրվականները» ֆիլմում, Ջեթ Լիի խաղընկերն է դառնում «Հակամարտություն» ֆանտաստիկ ֆիլմում, այնուհետև մասնակցում է «Գողություն իտալական ձևով» ֆիլմին (2003)։

Ամենամեծ ճանաչում նրան բերեց ու իսկական աստղ Ջեյսոն Սթեթհեմին դարձրեց «Փոխադրողը» ֆիլմը։ Նրա հոնորարը այդ ֆիլմից կազմեց մոտ մեկ միլիոն դոլլար։ Մյուս դերերը նույնպես հաջողություն ունեցան, որոնցից կարելի է առանձնացնել «Փոխադրողը 2», «Փոխադրողը 3», «Ռևոլվեր», «Ադրենալին», «Ադրենալին 2՝ Գերլարում», «Տասներեք», «Անզուսպները» ֆիլմերը։

Անձնական կյանք

Մինչև 2004 թվականը Ջեյսոն Սթեթհեմը հանդիպում էր մոդել Քելլի Բրուքի հետ, քանի դեռ վերջինս չհանդիպեց Բիլլի Զեյնին։ Ավելի ուշ նա սկսեց հանդիպել երգչուհի Սոֆի Մոնկի հետ։ Սկսած 2010 թվականի ապրիլից ապրում է մոդել Ռոզի Հանթինգթոն Վայթլիի հետ։

Ֆիլմագրություն

Դերակատարումներ

Թիվ	Ֆիլմի անուն	Բնօրինակի անվանումը	Դերը	Ժանր	Ռեժիսոր	Խաղընկերներ
1998	Քարտեր, գումար, երկու փող	Lock, Stock and Two Smoking Barrels	Բեքոն	Թրիլեր, Քրեական	Գայ Ռիչի	Նիկ Մորան, Ջեյսոն Ֆլեմինգ, Դեքսթեր Ֆլետչեր, Վիննի Ջոնս
2000	Մեծ խաղագումար	Snatch.	թուրք	Թրիլեր, Քրեական	Գայ Ռիչի	Բրեդ Փիթ, Բենիսիո Դել Տորո, Սթիվեն Գրեմ, Ալան Ֆորդ
2000	Ուժեղացրու	Turn It Up	Միստր Բի	Մարտական, Դրամա, Քրեական, Երաժշտական	Ռոբերտ Էյդիտայ	Պրաս, Ջա Ռուլ, Վոնդի Կուրտիս-Հոլ, Տամալա Ջոնս
2001	Մարսի ուրվականները	Ghosts of Mars	սերժանտ Ջերիկո Բատլեր	Սարսափ, Ֆանտաստիկ, Մարտական	Ջոն Կարպենտեր	Նատաշա Հենսթրիջ, Այս Կյուբ, Կլեա Դյուվալ, Պեմ Գրիեր
2001	Դիմակայություն	The One	MVA գործակալ Էվան Ֆանչ	Ֆանտաստիկ, Մարտական, Թրիլեր	Ջեյմս Վոնգ	Ջեթ Լի, Կարլա Գուջինո, Դելրոյ Լինդո, Ջեյմս Մորիսոն
2001	Ոսկոր փշրողը	Mean Machine	վանական	Դրամա, Կատակերգություն, Սպորտային	Բարի Սկոլնիկ	Վիննի Ջոնս, Ջեյսոն Ֆլեմինգ, Դևիդ Կելի, Դևիդ Հեմինգս
2002	Փոխադրողը	The Transporter	Ֆրենկ Մարտին	Մարտական, Թրիլեր, Քրեական	Լուի Լետերե Կորի Յուեն	Շու Ցի, Մեթ Շուլցե, Ֆրանսուա Բերլեան, Ռիկ Յանգ
2003	Գողություն իտալական ձևով	The Italian Job	բարետես Ռոբ	Մարտական, Թրիլեր, Քրեական	Ֆ. Գերի Գրեյ	Մարկ Ուոլբերգ, Շարլիզ Տերոն, Էդվարդ Նորտոն, Սետ Գրին
2004	Հանցակիցը	Collateral	մարդ օդանավակայարանում	Թրիլեր, Դրամա, Քրեական	Մայքլ Մանն	Թոմ Կրուզ, Ջեյմի Ֆոքս, Ջադա Պինկեթ Սմիթ, Մարկ Ռուֆալո, Փիթեր Բերգ
2004	Բջջային հեռախոս	Cellular	Էթհան	Մարտական, Թրիլեր, Դրամա, Քրեական	Դևիդ Ռ. Էլիս	Կիմ Բեյսինգեր, Քրիս Էվանս, Ուիլյամ Խ. Մեյսի, Նոա Էմերիկ
2005	Փոխադրողը 2	Le Transporteur II	Ֆրենկ Մարտին	Մարտական, Թրիլեր, Քրեական	Լուի Լետերե	Ալեսանդրո Գասման, Էմբեր Վալետա, Քեյթ Նաուտա, Մետյու Մոդայն
2005	Լոնդոն	London	Bateman	Դրամա, Մելոդրամա	Հանտեր Ռիչարդս	Քրիս Էվանս, Ջեսիկա Բիլ, Ջոյ Բրայանտ, Կելի Գարներ
2005	Ատրճանակ	Revolver	Ջեյք Գրին	Թրիլեր, Դրամա, Քրեական, Դետեկտիվ	Գայ Ռիչի	Ռեյ Լիոտա, Վինսենտ Պաստորե, Անդրե Բենջամին, Տերենս Մեյնարդ
2005	Քաոս	Chaos	Քվենտին Քոներս	Մարտական, Թրիլեր, Դրամա, Քրեական	Թոնի Գիգլիո	Ռայան Ֆիլիպ, Ուեսլի Սնայփս, Գենրի Չերնի, Ջասթին Ուոդել
2006	Ադրենալին	Crank	Չև Չելիոս	Մարտական, Թրիլեր, Քրեական	Մարկ Նևելդայն Բրայան Տեյլոր	Էմի Սմարտ, Հոսե Պաբլո Կանտիլո, Էֆրեն Ռամիրեզ, Դուայտ Յոակամ
2006	Հանուն թագավորի։ Ստորերկրի պաշարման պատմությունը	In the Name of the King: A Dungeon Siege Tale	ֆերմեր	Ֆենտեզի, Մարտական, Դրամա, Արկածային	Ուվե Բոլ	Լիլի Սոբեսկի, Ջոն Ռիս-Դևիս, Ռոն Պերլման, Մեթյու Լիլարդ
2007	Պատերազմ	War	Կրավֆորդ	Մարտական, Թրիլեր, Քրեական	Ֆիլիպ Ջ. Էտվել	Ջեթ Լի, Ջոն Լոուն, Դևոն Աոկի, Լուիս Գուզման
2008	Կողոպուտ Բեյքեր Սթրթում	The Bank Job	Տերրի Լիթեր	Թրիլեր, Դրամա, Քրեական	Ռոջեր Դոնալդսոն	Սաֆրոն Բերոուզ, Սթիվեն Քեմփբել Մուր, Դենիել Մեյս, Ջեյմս Ֆոլկներ
2008	Մահացու մրցարշավ	Death Race	Ջենսեն Ամես	Ֆանտաստիկ, Մարտական, Թրիլեր	Պոլ Ու. Ս. Անդերսոն	Ջոան Ալեն, Յեն ՄակՇեյն, Տայրիզ Գիբսոն, Նատալի Մարտինեզ
2008	Փոխադրողը 3	Transporter 3	Ֆրենկ Մարտին	Մարտական, Թրիլեր, Քրեական, Արկածային	Օլիվե Մեգատոն	Նատալյա Ռուդակովա, Ֆրանսուա Բերլեան, Ռոբերտ Նեփեր, Երուն Կրաբբե
2009	Փոխադրողը 3՝ շտապ առաքում։ Փոխադրողներն իրական կյանքում	Transporter 3 Special Delivery: Transporters in the Real World	Ֆրենկ Մարտին	Կարճամետրաժ
2009	Ադրենալին։ Գերլարում	Crank: High Voltage	Chev Chelios	Ֆենտեզի, Մարտական, Դրամա, Կատակերգություն, Քրեական	Մարկ Նևելդայն Բրայան Տեյլոր	Էմմի Սմարտ, Դուայտ Յոակամ, Էֆրեն Ռամիրեզ, Ջուլանն Չիդի Հիլ
2010	13	13	Ջասպեր	Թրիլեր, Դրամա	Գելա Բաբլուանի	Միքի Ռուրկ, Սեմ Ռայլի, Ռեյ Ուինսթոն, Մայքլ Շեննոն
2010	Անզուսպները	The Expendables	Լի Քրիսթմաս	Մարտական, Թրիլեր, Արկածային	Սիլվեսթր Ստալոնե	Սիլվեսթր Ստալոնե, Ջեթ Լի, Ժիզել Իտե, Ռենդի Կուտյուր
2010	Մեխանիկ	The Mechanic	Արթուր Բիշոպ	Մարտական, Թրիլեր, Քրեական	Սայմոն Ուեսթ	Բեն Ֆոսթեր, Թոնի Գոլդուին, Դոնալդ Սազերլենդ, Ջեֆ Չեյզ
2011	Գնոմեո և Ջուլիետա	Gnomeo & Juliet	Տիբալտ (հնչյունավորում)	Մուլտֆիլմ, Մելոդրամա, Կատակերգություն, Ընտանեկան	Կելի Էսբյորի	Ջեյմս ՄակԷվոյ, Էմիլի Բլանտ, Էշլի Ջենսեն, Մայքլ Կեյն, Մեթ Լուկաս
2011	Առանց կոմպրոմիսների	Blitz	Բրանտ	Թրիլեր, Քրեական	Էլիոթտ Լեսթեր	Պեդի Կոնսիդայն, Էյդեն Գիլեն, Զեյվ Էշտոն, Դևիդ Մորիսի
2011	Պրոֆեսիոնալ	Killer Elite	Դեննի	Մարտական, Թրիլեր, Քրեական	Գերի ՄակՔենդրի	Կլայվ Օուեն, Ռոբերտ Դե Նիրո, Դոմինիկ Պյորսել, Ադեն Յանգ
2012	Պահապանը	Safe	Լյուկ Ռայթ	Մարտական, Թրիլեր, Քրեական	Բոազ Յակին	Կատրին Չան, Ռոբերտ Ջոն Բյորկ, Ջեյմս Հոնգ, Էնսոն Մաունտ
2012		Truth in 24 II: Every Second Counts	պատմող (հնչյունավորում)	Փաստագրական	Ռոբ Գեհրինգ
2012	Անզուսպները 2	The Expendables 2	Լի Քրիստմաս	Մարտական, Թրիլեր, Արկածային	Սայմոն Ուեսթ	Սիլվեսթր Ստալոնե, Դոլֆ Լունդգրեն, Ժան-Կլոդ Վան Դամ, Տերի Կրյուս
2013	Պարկեր	Parker	Պարկեր	Թրիլեր, Քրեական	Տեյլոր Հեկֆորդ	Ջենիֆեր Լոպեզ, Նիկ Նոլտի, Մայքլ Չիկլիս, Սալա Բեյկեր
2013	Կոլիբրիի էֆեկտը	Hummingbird		Թրիլեր	Սթիվեն Նայտ	Լի Ասկվիտ-Կոու, Վիկի ՄակԿլյուր, Սենեմ Տեմիզ, Բենեդիկտ Վոնգ
2013	Ներքին ճակատ	Homefront	Ֆիլ Բրոքեր	Մարտական	Գերի Ֆլեդեր	Ջեյմս Ֆրանկո, Վայնոնա Ռայդեր, Քեյթ Բոսվորտ, Ֆրենկ Գրիլո
2014	Անզուսպները 3	The Expendables 3	Լի Քրիստմաս	Մարտական, Թրիլեր, Արկածային	Պատրիկ Խյուզ	Սիլվեսթր Ստալոնե, Ջեթ Լի
2014	Խելագար քարտ	Wild Card	Նիկ Ուաիլդ (Էսկալանտե)	Մարտական, Թրիլեր, Դրամա, Քրեական	Սայմոն Ուեսթ	Մայքլ Անգարանո, Մայլո Վենտիմիլյա
2015	Լրտես	Spy		Մարտական, Կատակերգություն, Քրեական	Պոլ Ֆիգ	Մելիսսա Մակկարտի, Ջուդ Լոու, Ռոուզ Բիրն
2015	Ֆորսաժ 7	Furious Seven		Մարտական, Թրիլեր, Քրեական	Ջեյմս Վան	Վին Դիզել, Փոլ Ուոկեր, Դուեյն Ջոնսոն
2016	Մեխանիկ։ Վերածնունդ	Mechanic: Resurrection	Արթութ Բիշոպ	Մարտական, Թրիլեր, Քրեական	Դենիս Գանզել	Ջեսիկա Ալբա, Տոմմի լի Ջոնս

Ծանոթագրություններ

Վիքիպահեստն ունի նյութեր, որոնք վերաբերում են «Ջեյսոն Սթեթհեմ» հոդվածին։