Կովենտրի

Վիքիպեդիայից՝ ազատ հանրագիտարանից
Քաղաք
Կովենտրի
(անգլ.՝ Coventry)
Զինանշան
Coat of arms of Coventry City Council.png

Broadgate and Precincts - geograph.org.uk - 554599.jpg
Կոորդինատներ: 52°25′0″ հս․ լ. 1°31′0″ ամ. ե. / 52.41667° հս․. լ. 1.51667° ավ. ե. / 52.41667; 1.51667
Երկիր Մեծ Բրիտանիա Մեծ Բրիտանիա
Շրջան Վեսթ-Միդլենդս
Հիմնադրված է 1043 թ.
Տվյալ կարգավիճակում 1345 թվականից
Մակերես 98.64 կմ²
Կլիմայի տեսակ օվկիանոսային
Խոսվող լեզուներ անգլերեն
Բնակչություն 337.428 մարդ (2014)
Խտություն 3,108 մարդ/կմ²
Ժամային գոտի UTC0
Հեռախոսային կոդ 024
Փոստային ինդեքս CV
Պաշտոնական կայք coventry.gov.uk
##Կովենտրի (Մեծ Բրիտանիա)
Red pog.png
Կովենտրի քաղաքի կենտրոնը: Հետին պլանում երևում է ավիրված տաճարի ծայրաձողը:

Կովենտրի (անգլ.՝ Coventry), քաղաք անգլիական Վեսթ-Միդլենդս կոմսության արևելքում, ձևավորում է սիթի կարգավիճակ ունեցող Սիթի-օֆ-Կովենտրի հատուկ շրջանը:

Հայտնի է իր գործարանային արդյունաբերությամբ: Այստեղ են գտնվում գլխարկների, ժամացույցների, հեծանիվների, կարի մեքենաների, գորգերի, ժապավենների, ժանյակների և այլ գործարաններ: Կովենտրի քաղաքում է գտնվում «Յագուար» և «Լենդ Ռովեր» ավտոմեքենաներ արտադրող Jaguar Land Rover Ltd. («Յագուար Լենդ Ռովեր») ընկերության շտաբ-կայանը:

Կովենտրին նախկինում շրջապատված է եղել տասներկու դարպաս ունեցող բարձր պարսպով, աչքի էր ընկնում իր հանդիսավոր շքերթներով: Հիշատակվել է Ալֆրեդ Թենիսոնի «Լեդի Գովիդա» պոեմում, որի պատվին տարվա մեջ 3 անգամ անցկացվում են տոնակատարություններ: Քաղաքում է գտնվում թեթև գոթիկական ոճով կառուցված Սուրբ Միքայելի տաճարը, որն ավիրվել է Երկրորդ համաշխարհային պատերազմի ժամանակ և կրկին վերակառուցվել: Քաղաքում է գտնվում նաև Հենրի VI-ի օրոք կառուցված Սուրբ Մարիայի տաճարը[1]:

Պատմություն[խմբագրել | խմբագրել կոդը]

Կովենտրին, ըստ երևույթին, կազմավորվել է բրոնզի դարի բնակավայրի տեղում, որը գտնվում էր այժմյան քաղաքի կենտրոնական հատվածում, որտեղ մեծ գետը, լճերը, մեղմ կլիման և անտառները սնունդ էին ապահովում և լավ ապաստարան ծառայում բնակիչների համար:

14-րդ դարում Կովենտրին դառնում է կտորի առևտրի կենտրոն: Այդ ժամանակ այն արդեն Անգլիայի խոշորագույն և կարևորագույն քաղաքներից մեկն էր: 1345 թվականին Կովենտրին ստանում է քաղաքի կարգավիճակ, 1451 թվականին դառնում է կոմսության կենտրոնը:

18-րդ և 19-րդ դարերում Կովենտրին դարձել է Մեծ Բրիտանիայի ժամացույցների արտադրությամբ զբաղվող երեք կենտրոններից մեկը: Արտադրության անկման հետ մեկտեղ, ինչը պայմանավորված էր շվեյցարական արտադրողների մրցակցության և գործարանային արտադրության հետ, քաղաքում ստեղծվում էր հեծանվային, ավտոմոբիլային և ավիացիոն արդյունաբերություն:

19-րդ դարի վերջում Կովենտրին դարձել է հեծանվային արդյունաբերության խոշորագույն կենտրոնը: 20-րդ դարի սկզբին հեծանվային գործարանն անցել է ավտոմոբիլաշինության, և Կովենտրին դարձել է անգլիական ավտոմոբիլաշինության կարևոր կենտրոն: Չնայած նրան, որ այդ ոլորտում զբաղված են եղել հարյուրից ավելի բազմաթիվ ընկերություններ, 2006 թվականին վերջին ավտոմոբիլաշինական արդյունաբերությունը քաղաքում փակվել է:

1940 թվականի նոյեմբերի 14-ին Բրիտանիայի ճակատամարտի ընթացքում գերմանական ավիացիան ռմբակոծել է քաղաքը, ինչի արդյունքում ուժգին հրդեհներ են բռնկվել: Կովենտրիի պատմական կենտրոնը զգալի ավիրածությունների է ենթարկվել, սակայն հրե պտտահողմից հաջողվել է խուսափել:

Կովենտրի քաղաքը ռմբակոծվել է ևս 40 անգամ, որոնցից ամենաուժգինը 1941 թվականի ապրիլի 8-ի և 9-ի ռմբակոծություններն էին: Վերջինը տեղի է ունեցել 1942 թվականի օգոստոսին: Պատերազմի վերջին ռմբակոծությունների արդյունքում մահացել է 1236 մարդ, նրանցից 808-ը թաղված են Լոնդոն Ռոուդ գերեզմանատան եղբայրական գերեզմանոցում:

Այդքան հզոր ռմբակոծությունների պատճառը քաղաքում զինագործական և ավիացիոն գործարանների մեծ կենտրոնացումն էր:

Պատերազմից հետո քաղաքը հիմնականում վերակառուցվել է: 1962 թվականին օծվել է նոր Սուրբ Միքայելի տաճարը:

Տեսարժան վայրեր[խմբագրել | խմբագրել կոդը]

Սուրբ Միքայել տաճարի ավերակները Կովենտրի քաղաքում

Քաղաքի գլխավոր տեսարժան վայրն է հանդիսանում Երկրորդ համաշխարհային պատերազմի ժամանակ ավիրված Սուրբ Միքայելի տաճարը: Տաճարից մնացել էին միայն արտաքին պատերը և ծայրաձողը (ռմբակոծության պահին այն Բրիտանիայում երրորդն էր իր բարձրությամբ): Բեզիլ Սփենսի կողմից կառուցված նոր տաճարը բացվել է 1962 թվականին հին տաճարի ավերակներից ոչ հեռու:

Տրանսպորտի թանգարանում է գտնվում անգլիական ավտոմեքենաների մեծ հավաքածու: Ամենահետաքրքիր նմուշների թվում են նաև իրենց արագությամբ երկու ռեկորդակիր ավտոմեքենաներ: 1997 թվականին ThrustSSC ավտոմեքենան առաջինն էր, որը գերազանցել է ձայնի արագությունը[2]: Թանգարանը զգալիորեն թարմացվել է 2004 թվականին: Նրա մուտքն ազատ է:

Քաղաքում է գտնվում նաև ավիացիայի թանգարանը և գեղարվեստական պատկերասրահը: Կենտրոնից 6 կմ հեռավորության վրա գտնվում է հռոմեական Ֆորտ Լանտ ամրոցի վերականգնվածքը:

Ոստիկանության թանգարանը կազմված է պատմական հատվածից և անսովոր պատահարների և դեպքերի հավաքածուից:

Քաղաքի հետ է կապված Լեդի Գոդիվայի առասպելը, որին այնտեղ հուշարձան է կանգնեցվել:

Բնակչություն[խմբագրել | խմբագրել կոդը]

Ստորև ներկայացված է Կովենտրի քաղաքի բնակչության աճի դինամիկան 19-րդ դարի սկզբից[3].

  • 1801 - 21 853
  • 1851 - 48 120
  • 1901 - 88 107
  • 1911 - 117 958
  • 1921 - 144 197
  • 1931 - 176 303
  • 1941 - 214 380
  • 1951 - 260 685
  • 1961 - 296 016
  • 1971 - 336 136
  • 1981 - 310 223
  • 1991 - 305 342
  • 2001 - 300 844
  • 2007 - 306 700
  • 2009 - 309 800
  • 2010 - 310 500
  • 2011 - 316 960[4]
  • 2013 - 329 810[5]
  • 2014 - 337 428[6]

Կլիմա[խմբագրել | խմբագրել կոդը]

Ինչպես բոլոր Բրիտանական կղզիները և Միդլենդսը, Կովենտրին գտնվում է օվկիանոսային կլիմայական գոտում: Այդ կլիմայական գոտուն բնորոշ են ցուրտ ամառները և մեղմ ձմեռները: Կովենտրի քաղաքի պատմության մեջ ամենացածր ջերմաստիճանը գրանցվել է 1947 թվականի փետրվարին (-10,8 ˚C), իսկ ամենաբարձր ջերմաստիճանը՝ 1990 թվականի օգոստոսին (35,1 ˚C)[7]:

Կովենտրիի կլիմայական տվյալները
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ Տարի
Ռեկորդային բարձր °C (°F) 18.4
(65.1)
18.1
(64.6)
24.0
(75.2)
26.7
(80.1)
30.9
(87.6)
32.4
(90.3)
34.4
(93.9)
35.1
(95.2)
34.2
(93.6)
28.2
(82.8)
20.6
(69.1)
18.9
(66)
35.1
(95.2)
Միջին բարձր °C (°F) 6.9
(44.4)
7.2
(45)
9.9
(49.8)
12.4
(54.3)
16.2
(61.2)
19.1
(66.4)
21.8
(71.2)
21.4
(70.5)
18.1
(64.6)
13.9
(57)
9.7
(49.5)
7.6
(45.7)
13.7
(56.7)
Միջին ցածր °C (°F) 1.4
(34.5)
1.0
(33.8)
2.9
(37.2)
4.0
(39.2)
7.0
(44.6)
9.9
(49.8)
12.2
(54)
11.8
(53.2)
9.7
(49.5)
6.7
(44.1)
3.7
(38.7)
2.3
(36.1)
6.1
(43)
Ռեկորդային ցածր °C (°F) −16.7
(1.9)
−18.2
(−0.8)
−15.6
(3.9)
−6.1
(21)
−5.0
(23)
−0.6
(30.9)
3.4
(38.1)
0.8
(33.4)
−1.1
(30)
−4.9
(23.2)
−8.9
(16)
−16.1
(3)
−18.2
(−0.8)
Տեղումներ մմ (դյույմ) 61.2
(2.409)
44.3
(1.744)
50.6
(1.992)
49.3
(1.941)
50.8
(2)
56.9
(2.24)
49.5
(1.949)
66.3
(2.61)
59.0
(2.323)
59.4
(2.339)
58.0
(2.283)
62.3
(2.453)
667.6
(26.283)
Միջին ամսական արևային ժամ 55.1 68.2 100.3 138.1 193.6 176.5 200.1 186.6 135.9 103.7 66.9 48.2 1 473,2
աղբյուր: Bablake weather station[8]

Քույր-քաղաքներ[խմբագրել | խմբագրել կոդը]

  1. Ռուսաստան Վոլգոգրադ, Ռուսաստան (1944 [9]
  2. Գերմանիա Քիլ, Գերմանիա (1947)
  3. Չեխիա Լիդիցե, Չեխիա (1947)
  4. Ֆրանսիա Սենտ Էտիեն, Ֆրանսիա (1955)
  5. Ավստրալիա Փարքս (անգլ.՝ Parkes), Նոր Հարավային Ուելս, Ավստրալիա (1956)
  6. Ավստրիա Գրաց, Ավստրիա (1957)
  7. Բոսնիա և Հերցեգովինա Սարաևո, Բոսնիա և Հերցեգովինա (1957)
  8. Սերբիա Բելգրադ, Սերբիա (1957)
  9. Լեհաստան Վարշավա, Լեհաստան (1957)
  10. Ֆրանսիա Կան, Ֆրանսիա (1957)
  11. Իռլանդիա Կորկ, Իռլանդիա (1958)
  12. Նիդերլանդներ Արնհեմ, Նիդերլանդներ (1958)
  13. Գերմանիա Դրեզդեն, Գերմանիա (1959)
  14. Չեխիա Օստրավա, Չեխիա (1959)
  15. Իտալիա Բոլոնյա, Իտալիա (1960)
  16. Հունգարիա Դունաույվարոշ, Հունգարիա (1962)
  17. Ռումինիա Գալաց, Ռումինիա (1962)
  18. Հունգարիա Կեչկեմետ, Հունգարիա (1962)
  19. Ճամայկա Քինգստոն, Ճամայկա (1962),
  20. Ամերիկայի Միացյալ Նահանգներ Կովենտրի, Կոնեկտիկուտ, ԱՄՆ (1962)
  21. Կանադա Վինձոր, Օնտարիո, Կանադա (1963)
  22. Կանադա Գրանբի, Քվեբեկ, Կանադա (1963)
  23. Ամերիկայի Միացյալ Նահանգներ Կովենտրի, Ռոդ Այլենդ, ԱՄՆ (1971)
  24. Ամերիկայի Միացյալ Նահանգներ Կովենտրի, Նյու Յորք, ԱՄՆ (1972)
  25. Կանադա Կորնուոլ, Օնտարիո, Կանադա (1972)
  26. Չինաստանի Ժողովրդական Հանրապետություն Ցզինան, Չինաստան (1983)

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. The history of Coventry Cathedral on the cathedral's website Retrieved on 28 September 2008
  2. .http://www.transport-museum.com/visiting/biffa_award_land_speed_record_exhibition.aspx
  3. Coventry District: Total Population
  4. «Subnational Population Projections, Interim 2011-based»։ Office for National Statistics։ 28 September 2012։ Վերցված է 17 July 2013 
  5. «UK Population Estimates – 2013 Mid Year Estimates»։ Office for National Statistics։ Վերցված է 27 June 2014 
  6. 2014 mid-year estimates from the Office for National Statistics "UK Population Estimates", Office for National Statistics
  7. «extremes of temperature»։ Bablake Weather 
  8. «Coventry Climate»։ Bablake Weather Station։ Արխիվացված օրիգինալից-ից 13 August 2011-ին։ Վերցված է 11 November 2011 
  9. Coventry Telegraph

Արտաքին հղումներ[խմբագրել | խմբագրել կոդը]