Կատրինա Կաիֆ
Կատրինա Կաիֆ անգլ.՝ Katrina Kaif | |
|---|---|
 | |
| Ծնվել է | հուլիսի 16, 1983 (34 տարեկան) |
| Ծննդավայր | Բրիտանական Հոնկոնգ |
| Քաղաքացիություն |  Մեծ Բրիտանիա |
| Այլ անուն(ներ) | Կատրինա Ռոզմարի Տյուրքոտ |
| Մասնագիտություն | դերասանուհի, մոդել |
| Ակտիվ շրջան | 2003-ից մինչ օրս |
| IMDb | ID http://www.imdb.com/name/nm1229940/ |
| ԿինոՊոիսկ | ID https://www.kinopoisk.ru/name/225060/ |
Կատրինա Կաիֆ (անգլ.` Katrina Kaif, իրական անունը` Կատրինա Տյուրքոտ (Katrina Turquotte)[1], ծնվ. 1983 թ. հուլիսի 16, Հոնկոնգ), հնդկական կինոյի դերասանուհի և բրիտանական մոդել։ Համարվում է Հնդկաստանի ամենաբարձր վարձատրվող դերասնուհիներից մեկը։ 2009 թվականին, արժանացել է Filmfare Awards մրցանակի` «Նյու-Յորք» ֆիլմում կանացի լավագույն դերի համար։ Զբաղվում է բարեգործությամբ և հանդես գալիս զանազան շոու-բեմադրություններում։
Կենսագրությունը[խմբագրել | խմբագրել կոդը]
Կատրինա Կաիֆը ծնվել է Բրիտանական Հոնկոնգում։ Հայրը գործարար էր, մուսուլման, ծնունդով Քաշմիրից, իսկ մայրը` անգլիական իրավաբան և բարեգործ, քրիստոնյա[2]։ Կատրինան ունի երեք ավագ և երեք կրտսեր քույրեր, ինչպես նաև մեկ ավագ եղբայր։ Քույրերից Իզաբելը նույնպես դերասանուհի է և մոդել։ Ծնողներն ամուսնալուծվել են, երբ Կատրինան դեռ փոքր էր, որից հետո հայրը մեկնել է ԱՄՆ։ Երեխաներին մեծացրել ու դաստիարակել է մայրը։ Մոր աշխատանքային բնույթի հետ կապված, նրանց ընտանիքն ստիպված էր ապրել տարբեր երկրներում` Չինաստան, Ճապոնիա, Ֆրանսիա, Շվեյցարիա, Լեհաստան, Բելգիա, Մեծ Բրիտանիա և այլն։ Հաճախակի տեղափոխումների պատճառով Կատրինան իր քույրերի և եղբոր հետ միասին կրթություն էին ստանում տնային պայմաններում[3]։
14 տարեկանում Կատրինան հաղթել է Հավայիում անցկացվող գեղեցկության մրցույթում և որպես մոդել, աշխատանքի անցել ոսկերչական ընկերությունում։ Մոդելի իր աշխատանքը շարունակել է Լոնդոնում, որտեղ մշտապես ելույթներ է ունեցել Լոնդոնի նորաձևության շաբաթում։ Այնտեղ նա գրավել է ռեժիսոր Կայզադ Գուստադի ուշադրությունը, ով նրան հրավիրել է նկարահանվելու անգլո-հնդկական «Բում» (2003 թ.) էրոտիկ ֆիլմում, որտեղ նկարահանվել էին նաև Ամիթաբհ Բաչչանը, Գուլշան Գրովերը, Ջեքի Շրոֆը և Զինատ Ամանը[4][5][6]։ Հնդկաստանում նկարահանումների ժամանակ Կատրինան բազմաթիվ այլ առաջարկներ ստացավ և որոշեց մնալ այնտեղ։ 2003 թվականին նա Հնդկաստանում սկսեց մոդելային գործունեություն և ներկայացնում էր այնպիսի բրենդներ, ինչպիսիք էին Կոկա-Կոլան, LG Group-ը և Սամսունգը։
2004 թվականին նա նկարահանվել է տելուգու լեզվով «Արքայադուստր Մալիսվարին» կինոնկարում։ Նրա հոնորարը կազմել է 120 000 ԱՄՆ դոլար, որը հարավհնդկական դերասանուհու համար այն ժամանակ ամենաբարձրն էր։ Չնայած նրա դերասանական խաղը ընդունվեց բացասական արձագանքներով, այնուամենայնիվ ֆիլմը շահութաբեր էր[7][8]։ 2005 թվականին Կատրինան նկարահանվեց «Ինչպես ես սիրեցի» կինոնկարում` Սալման Խանի և Սուշմիտա Սենի հետ միասին։ Ըստ Կատրինայի, դա Բոլիվուդում իր առաջին իրական քայլն էր։ Ֆիլմը հաջողված էր, որի շնորհիվ նա ստացավ Stardust Award մրցանակը։ 2006 թվականին Ակշայ Կումարի հետ միասին նա հանդես է եկել «Սիրո նախազգացում» կինոնկարում, որը սակայն տապալվեց կինովարձույթում։ Այնուհետև նա նկարահանվել է ևս մեկ տելուգու և մալայալամ լեզուներով ֆիլմերում[9]։
2007 թվականին Կատրինան նկարահանվել է չորս բոլիվուդյան հիթերում. «Նամաստե Լոնդոն»` Ակշայ Կումարի հետ, «Հարազատ մարդիկ»` Դհարմենդրայի, Սաննի Դեոլի և Բոբբի Դեոլի հետ միասին, «Գործընկերը»` Սալման Խանի, Լարա Դատտայի և Գովինդայի հետ, ինչպես նաև «Բարի գալուստ» ֆիլմը` Ակշայ Կումարի, Նանա Պատեկարի, Մալիկա Շերավաթի և Անիլ Կապուրի հետ միասին։
Կատրինայի հաջորդ հաջողված ֆիլմերից էին «Մրցավազք» (2008 թ.) և «Սինգհ արքան» (2008 թ.) կինոնկարները։ «Ժառանգորդները» (2008 թ.) կինոնկարը հաջողություն չունեցավ։ 2009 թվականին Կատրինան մասնակցեց «Նյու-Յորք» կինոնկարի նկարահանումներին, որտեղ նրա խաղընկերներն էին Ջոն Աբրահամը և Նիլ Նիտին Մուկեշը։ Ֆիլմը դրական արձագանքների արժանացավ և դերասանուհին ստացավ Filmfare Awards մրցանակ` կանացի լավագույն դերի համար։
2010 թվականին Կատրինան նկարահանվել է «Քաղաքագետները» կինոնկարում, որտեղ նրա հետ նկարահանվել էին Աջայ Դևգանը, Արջուն Ռամպալը և Նանա Պատեկարը։ Ֆիլմի սյուժեն ներշնչված էր Մահաբհարաթայով և Մարիո Պյուզոյի «Կնքահայրը» վեպով։ 2011 թվականին, Հրիթիկ Ռոշանի հետ միասին նկարահանվել է «Կյանքը ձանձրալի չի կարող լինել» կինոնկարում, որն արդյունքում արժանացավ բազմաթիվ մրցանակների, իսկ «Իմ եղբոր հարսնացուն» կինոնկարի համար Կատրինան երկրորդ անգամ ներկայացվեց Filmfare մրցանակին։
2012 թվականին նկարահանված «Կար-չկար մի վագր» ֆիլմը վաստակեց 48 միլիոն դոլար, որտեղ Կատրինան հանդես էր եկել պակիստանյան հետախուզության գործակալի դերով։ Շահութաբեր էր նաև Յաշ Չոպրայի «Քանի դեռ ողջ եմ» կինոնկարը, որտեղ Կատրինան նկարահանվել էր Անուշկա Շարմայի և Շահրուխ Խանի հետ։
Անձնական կյանքը[խմբագրել | խմբագրել կոդը]
2003 թվականից Կատրինա Կաիֆը հանդիպում էր Սալման Խանի հետ, իսկ 2010 թվականին նրանք բաժանվեցին որպես ընկերներ[10][11]։
2009 թվականին նկարահանված «Տարօրինակ սիրո զարմանալի պատմությունը» կինոնկարի նկարահանումների ժամանակ Կատրինան մտերմացել էր Ռանբիր Կապուրի հետ, սակայն 2016 թվականին նրանք արդեն բաժանվել են[12]։
Մասնակի ֆիլմագրությունը[խմբագրել | խմբագրել կոդը]
| Թվական | Անվանում | Բնօրինակ անվանում | Կերպար |
|---|---|---|---|
| 2003 | Բում | Boom | Ռինա Կաիֆ, Պոպդի |
| 2004 | Արքայադուստր Մալիսվարին | Malliswari | Մալիսվարի |
| 2005 | Հոր հետքերով | Sarkar | Պուջա |
| 2005 | Ինչպես ես սիրեցի | Maine Pyaar Kyun Kiya | Սոնյա |
| 2005 | Կայծակի հարված | Allari Pidugu | Շվետա |
| 2006 | Սիրո նախազգացում | Humko Deewana Kar Gaye | Ջիյա Յաշվարդհան |
| 2006 | Մատանի դերասանուհու համար | Balram vs. Tharadas | Սուփրիյա |
| 2007 | Նամաստե Լոնդոն | Namastey London | Ջասմիթ Մալհոթրա |
| 2007 | Հարազատ մարդիկ | Apne | Նանդինի Սարաբհայ |
| 2007 | Գործընկերը | Partner | Պրիա Ջայսինգհ |
| 2007 | Բարի գալուստ | Welcome | Սանջանա Շետտի |
| 2008 | Մրցավազք | Race | Սոֆյա |
| 2008 | Սինգհ արքան | Singh Is Kinng | Սոնյա |
| 2008 | Ալո, կոլ-կենտրոնը լսում է | Hello | պատմող |
| 2008 | Ժառանգորդները | Yuvvraaj | Անուշկա |
| 2009 | Նյու-Յորք | New York | Մայա Շեյխ |
| 2009 | Երկնագույն անդունդ | Blue | Նիկի |
| 2009 | Տարօրինակ սիրո զարմանալի պատմությունը | Ajab Prem Ki Ghazab Kahani | Ջեննի Պինտո |
| 2009 | Մեծ իրարանցում | De Dana Dan | Անջալի Կակադ |
| 2010 | Քաղաքագետներ | Raajneeti | Ինդու Սաքսենա, Ինդու Պրատապ |
| 2010 | Խաբեության արքան | Tees Maar Khan | Անիյա Խան |
| 2011 | Կյանքը ձանձրալի չի կարող լինել | Zindagi Na Milegi Dobara | Լայլա |
| 2011 | Իմ եղբոր հարսնացուն | Mere Brother Ki Dulhan | Դիմփլ Դիքսիտ |
| 2012 | Բոցավառ ուղի | Agneepath | կամեո |
| 2012 | Կար-չկար մի վագր | Ek Tha Tiger | Զոյա |
| 2012 | Քանի դեռ ողջ եմ | Jab Tak Hai Jaan | Միրա Թհապար |
| 2013 | Բայքերներ 3 | Dhoom:3 | Ալիյա |
| 2014 | Այդ նույն օրը (Պիֆ-Պաֆ) | Bang Bang | Հարլին Սահանի |
| 2015 | Ուրվականը | Phantom | Նավազ |
| 2016 | Մոլեգնություն | Fitoor | Ֆիրդուս |
| 2016 | Նայեք կրկին ու կրկին | Baar Baar Dekho | Դիյա |
| 2017 | Խուզարկու Ջագան | Jagga Jasoos | Շրութի |
Ծանոթագրություններ[խմբագրել | խմբագրել կոդը]
- ↑ Jane Mathews։ «‘Tax dodge’ raid on British-born Bollywood star»։ Daily Express (անգլերեն)։ Վերցված է 2015-08-30
- ↑ «Katrina Kaif turns 30!»։ The Times of India (անգլերեն)։ 2014-07-16։ Վերցված է 2015-08-30
- ↑ Chaturvedi Anshul (դեկտեմբերի 26, 2010)։ «I'm not dumb: Katrina»։ The Times of India։ Արխիվացված օրիգինալից 2014-05-05-ին
- ↑ [1]
- ↑ [2]
- ↑ [3]
- ↑ [4]
- ↑ [5]
- ↑ [6]
- ↑ Singh Prashant (օգոստոսի 19, 2011)։ «I am Katrina’s bodyguard: Salman Khan»։ Hindustan Times։ Արխիվացված օրիգինալից 2014-07-14-ին
- ↑ «Salman believed in me: Katrina»։ India Today։ ապրիլի 27, 2010։ Արխիվացված օրիգինալից 2014-07-14-ին
- ↑ «Did the break-up with Ranbir Kapoor cost Katrina Kaif an endorsement deal?»։ Daily News and Analysis։ փետրվարի 28, 2016։ Արխիվացված օրիգինալից 2016-10-27-ին
| ||||||||||||||||||||||||
