Ակշայ Կումար

Ակշայ Կումար անգլ.՝ Akshay Kumar
Ծնվել է	սեպտեմբերի 9, 1967(1967-09-09) (55 տարեկան)
Ծննդավայր	Նյու Դելի, Հնդկաստան
Կրթություն	Don Bosco High School?
Քաղաքացիություն	Կանադա
Կրոն	սիկհիզմ
Մասնագիտություն	կինոդերասան, կինոպրոդյուսեր, հնչյունավորող, մարտարվեստի վարպետ և դերասան
Ընտրանի	Entertainment?, Khiladi?, Rustom?, Kesari?, Bell Bottom? և Rakta Bandhan?
Ամուսին(ներ)	Թուինքլ Կհաննա
Պարգևներ և մրցանակներ	Ազգային կինոմրցանակ տղամարդու լավագույն դերակատարման համար Filmfare Award for Best Performance in a Comic Role? և Filmfare Award for Best Performance in a Negative Role?
akshaykumarmovies.co.in

Ակշայ Կումար (հինդի` अक्षय कुमार, իրական անունը` Ռաջիվ Հարի Օմ Բհատիա, ծնվ. 1967 թ. սեպտեմբերի 9, Ամրիթսար, Հնդկաստան), հնդիկ դերասան և պրոդյուսեր։ Filmfare Awards-ի մրցանակակիր, պարգևատրվել է կառավարական Պադմա Շրի պարգևով։ Արժանացել է նաև այլ մրցանակների։

Կենսագրություն

Ակշայ Կումարը ծնվել է միջին դասի փենջաբյան ընտանիքում։ Ուսումն ստացել է Don Bosco School դպրոցում, իսկ այնուհետև Khalsa College քոլեջում, որտեղ հետաքրքրվել է սպորտով։ Որոշ ժամանակ նա մարտարվեստներ է դասավանդել Մումբայում։ Նրա ուսանողներից մեկը լուսանկարիչ էր և խորհուրդ է տվել նրան՝ հանդես գալ որպես մոդել։ Մասնակցելով գովազդային լուսանկարահանումների, Ակշայ Կումարը իր լուսանկարները ուղարկել է տարբեր պրոդյուսերական գրասենյակներ։

Իր դերասանական կարիերան նա սկսել է 1991 թվականին նկարահանված «Երդում» ֆիլմով։ Սակայն նրա առաջին հիթային ֆիլմը 1992 թվականին նկարահանված «Անհաջող առևանգում» կինոնկարն էր։ 1994 թվականին Ակշայ Կումարն ամրապնդեց իր հաջողությունը, հանդես գալով «Մի փորձիր ինձանից լավ խաղալ» և «Շնագայլը» («Խաղազինվորը») ֆիլմերում։ Նույն թվականին Յաշ Չոպրան նրա հետ պայմանագիր է ստորագրել «Սիրո հետ չեն կատակում» ռոմանտիկ ֆիլմի համար, որն հանդիսատեսի շրջանում ունեցավ հաջողություն։ 1995 թվականին Ակշայ Կումարը նկարահանվել է «Լավագույն խաղացողը» կինոնկարում, որը կրկին դարձավ հիթ, իսկ մեկ տարի անց՝ «Խաղացողների արքան» կինոնկարում, որը տարվա ամենաշահութաբեր ֆիլմերից էր։ 1997 թվականին «Խելագար սիրտը» ֆիլմում կատարած դերի համար Ակշայ Կումարը ներկայացվել է Filmfare Award-ի՝ տղամարդու երկրորդ պլանի լավագույն դերի համար։ 1999 թվականին նկարահանված նրա ֆիլմերից են «Կրիմինալ սիրավեպ» և «Գազանը» կինոնկարները։ 2000 թվականին նկարահանված «Սրտի տրոփյուն» ֆիլմում նա ցուցադրեց նաև իր ունակությունները կատակերգական դերում։

2001 թվականին Ակշայ Կումարը շահեց իր առաջին Filmfare Award մրցանակը՝ լավագույն բացասական դերի համար՝ նկարահանվելով «Դավադիր անծանոթը» ֆիլմում։ «Վայ շորթողները» (2000 թ.) ֆիլմի հաջողությունից հետո Ակշայ Կումարը նկարահանվել է կատակերգական մի քանի ֆիլմերի գլխավոր դերերում։ Այդպիսի ֆիլմերից են «Սերը գին չունի» (2002 թ.), «Ամուսնացիր ինձ հետ» (2004 թ.) և «Սիրո համեմունքները» (2005 թ.) կինոնկարները։ Վերջին ֆիլմի համար նա ստացել է իր երկրորդ Filmfare Award մրցանակը՝ լավագույն կատակերգական դերի համար։

Բացի մարտաֆիլմերից, կատակերգական և ռոմանտիկ դերերից, Ակշայ Կումարը խաղացել է նաև դրամատիկական դերերում։ Այդպիսի ֆիլմերից են «Սիրո կապանքները» (2001 թ.), «Վտանգավոր խաղ» (2002 թ.), «Անհավատարիմը» (2005 թ.) և այլն։ Նրա 2007 թվականի աշխատանքներից մի քանիսը՝ «Բարև Լոնդոն», «Ողջույն փոքրիկ», «Լաբիրինթոս» և «Բարի գալուստ» կինոնկարները դարձել են հիթեր։ Նույն բախտին է արժանացել նաև 2008 թվականին նկարված «Սինգհ արքան» կինոնկարը։

Կինոարդյունաբերությանը զուգահեռ, Ակշայ Կումարը հաջողություն է վայելում նաև հեռուստատեսությունում։ 2008 թվականին նա վարում էր «Վախի գործոն» հեռուստաշոուի հնդկական տարբերակը։ Ակշայ Կումարն ունի իր սեփական Hari Om Productions կինոարդյունաբերական կազմակերպությունը։

Անձնական կյանքը

2001 թվականին Ակշայ Կումարն ամուսնացել է հայտնի դերասան Ռաջեշ Կհաննայի և դերասանուհի Դիմփլ Կապադիայի դստեր՝ դերասանուհի Թվինկլ Կհաննայի հետ։ Նրանք ունեն երկու երեխա՝ մեկ որդի և մեկ դուստր։

Մասնակի ֆիլմագրությունը

Թվական	Անվանում	Բնօրինակ անվանում	Կերպար
1991	Երդում	Saugandh	Շիվա
1991	Պարողը	Dancer	Ռաջու
1992	Միսթր Բոնդ	Mr. Bond	միսթր Բոնդ
1992	Անհաջող առևանգում	Khiladi	Ռաջ Մալհոտրա
1992	Սիրո ջրվեժը	Deedar	Անանդ Մալհոտրա
1993	Խորթ եղբայրները	Dil Ki Baazi	Վիջայ
1993	Օրենք	Kayda Kanoon	տեսուչ Դավուդ Դուրանի
1993	Սիրո պատանդը	Waqt Hamara Hai	Վիկաս Կումար Սաբկուչվալա
1993	Կյանք կամ մահ	Sainik	Սուրաջ Դատ
1993	Անհանգիստը	Ashaant	Վիջայ
1994	Արյունահեղ պայքար	Elaan	Վիշալ Չոուդհարի
1994	Սիրո հետ կատակ չեն անում	Yeh Dillagi	Վիջայ Սայգալ
1994	Եղբոր հետ միասին	Jai Kishen	Ջայ Վերմա, Կիշեն
1994	Խաղազինվորը (Շնագայլը)	Mohra	Ամար Սաքսենա
1994	Մի փորձիր ինձանից լավ խաղալ	Main Khiladi Tu Anari	տեսուչ Կարան Ջոգլեկար
1994	Բարի սիրտ	Amaanat	Ամար
1994	Անհաջող ամուսնություն	Suhaag	Ռաջ Սինհա
1994	Անխիղճը	Zaalim	Ռավի
1994	Մենք բոլորից լավն ենք	Hum Hain Bemisaal	Վիջայ Սինհա
1995	Մարտադաշտ	Maidan-E-Jung	Կարան Սինգհ
1995	Կեղծ վկան	Nazar Ke Samne	Ջայ Կումար
1995	Լավագույն խաղացողը	Sabse Bada Khiladi	տեսուչ Վիջայ Կումար, Լալու
1996	Թեժ պայքար	Tu Chor Main Sipahi	Ամար Վարմա
1996	Խաղացողների արքան	Khiladiyon Ka Khiladi	Ակշայ Մալհոտրա
1996	Թունդ եղբայրները	Sapoot	Պրեմ
1997	Արյան երկու գույնը	Lahoo Ke Do Rang	Սիկանդար Դավաի
1997	Արդարություն. Վերջնական արդարադատություն	Insaaf: The Final Justice	տեսուչ Վիկրամ Սինգհ
1997	Կանչ	Daava	տեսուչ Արջուն
1997	Արդարադատություն	Tarazu	տեսուչ Ռամ Յադավ
1997	Խաղացողները	Mr. & Mrs. Khiladi	Ռաջա
1997	Խելագար սիրտը	Dil To Pagal Hai	Աջայ
1997	Խորամանկը	Aflatoon	Ռոկի, Ռաջա, Պարիմալ Չատուրվեդի
1998	Կյանքի գինը	Keemat: They Are Back	Դև
1998	Մի անգամ Հնդկաստանում	Angaaray	տեսուչ Ամար
1998	Որդու վրեժը	Barood	Ջայ Շարմա
1999	Ցանկություն	Aarzoo	Վիջայ Կհաննա
1999	Հրաշալի խաղացողը	International Khiladi	Ռահուլ
1999	Դաժանություն	Zulmi	Ռաջ
1999	Կրիմինալ սիրավեպ	Sangharsh	պրոֆեսոր Աման Վարմա
1999	Գազանը	Jaanwar	Բադշահ, Բապու Լոհար
2000	Վայ-շորթողները	Hera Pheri	Ռաջու
2000	Սրտի տրոփյուն	Dhadkan	Ռամ
2000	Խաղացող 420	Khiladi 420	Դև Կումար Մալհոտրա
2001	Սիրո կապանքները	Ek Rishtaa: The Bond of Love	Աջայ Կապուր
2001	Դավադիր անծանոթը	Ajnabee	Վիկրամ Բաջաջ
2002	Այո, ես էլ եմ քեզ սիրում	Haan Maine Bhi Pyaar Kiya	Ռաջ Մալհոտրա
2002	Վտանգավոր խաղ	Aankhen	Վիշվաս Պրաջապատի
2002	Սերն անգին է	Awara Paagal Deewana	Գուրու Գուլաբ Կհատրի
2002	Անիծվածները	Jaani Dushman: Ek Anokhi Kahani	Ատուլ
2003	Հատուցում փնտրելիս	Talaash: The Hunt Begins	Արջուն
2003	Սերն ամպերից վեր	Andaaz	Ռաջ Մալհոտրա
2004	Պարտքն ամեն ինչից վեր է	Khakee	տեսուչ Շեքհար Վերմա
2004	Ոստիկանական պատմություն	Police Force: An Inside Story	Վիջայ Սինգհ
2004	Հպարտություն	Aan: Men at Work	Հարի Օմ Պատնայկ
2004	Իմ անկրկնելի կինը	Meri Biwi Ka Jawab Nahin	տեսուչ Աջայ
2004	Ամուսնացիր ինձ հետ	Mujhse Shaadi Karogi	Սանի
2004	Սպանություն	Hatya: The Murder	Ռավի Լալ
2004	Դիմակայություն	Aitraaz	Ռաջ Մալհոտրա
2004	Հավատարմություն	Ab Tumhare Hawale Watan Saathiyo	մայոր Ռաջիվ Սինգհ
2005	Մարդկային հոգսեր	Insan	Ամջադ
2005	Անհավատարիմը	Bewafaa	Ռաջա
2005	Մրցավազք ժամանակի հետ	Waqt: The Race Against Time	Ադիտյա Թհակուր
2005	Սիրո համեմունքները	Garam Masala	Մակ
2005	Սիրել և չհանձնվել	Deewane Huye Paagal	Ռոկի Հիրանանդանի
2005	Ընդմիշտ ընկերներ	Dosti: Friends Forever	Ռաջ Մալհոտրա
2006	Ընտանիք. Արյունակցական կապեր	Family: Ties of Blood	Շեքհար Բհատիա
2006	Գժտություն	Mere Jeevan Saathi	Վիկի
2006	Սիրո նախազգացում	Humko Deewana Kar Gaye	Ադիտյա Մալհոտրա
2006	Ձախողակ գործարարները	Phir Hera Pheri	Ռաջու
2006	Իմ սիրելին	Jaan-E-Mann: Let's Fall in Love... Again	Ագաստյա Ռաո
2006	Փախուստի մեջ	Bhagam Bhag	Բունտի
2007	Բարև Լոնդոն	Namastey London	Արջուն Բալու Սինգհ
2007	Ողջույն, փոքրիկ	Heyy Babyy	Արուշ Մեհրա
2007	Լաբիրինթոս	Bhool Bhulaiyaa	դոկ. Ադիտյա Շրիվաստավ
2007	Բարի գալուստ	Welcome	Ռաջիվ Սաինի
2008	Հուսահատները	Tashan	Բաչչան Պանդեյ
2008	Սինգհ արքան	Singh Is Kinng	Սինգհ
2009	Չանդնի Չոուկից Չինաստան	Chandni Chowk to China	Սիդհու, Լյու Շեուն
2009	Լուսանկար 8 x 10	8 x 10 Tasveer	Ջայ Պուրի, Ջիտ Պուրի
2009	Անհավանական սեր	Kambakkht Ishq	Վիրաջ Շերգիլ
2009	Երկնագույն անդունդ	Blue	Աարավ Մալհոտրա
2009	Մեծ իրարանցում	De Dana Dan	Նիտին Բանկար
2010	Լեցուն տուն	Housefull	Աարուշ
2010	Ուզում ես ապրել` կարողացիր ջանք թափել	Khatta Meetha	Սաչին Տիչկուլե
2010	Գերազանցել ճակատագրին	Action Replayy	Կիշեն Չոպրա
2010	Խաբեության արքան	Tees Maar Khan	Թաբրեզ Միրզա Խան
2011	Շնորհակալ եմ քեզանից	Thank You	Կիշան
2011	Ուղևորություն դեպի Դելի	Chalo Dilli	Վիկրամ Սինգհ Ռանա
2011	Իսկական հնդկական տղաներ	Desi Boyz	Ջիգնեշ Պատել, Ջերի, Ռոկո
2012	Լեցուն տուն 2	Housefull 2	Ջոլլի 1, Սանի
2012	Համազգեստի պատիվը	Rowdy Rathore	Շիվա, Վիկրամ Սինգհ Ռաթհոր
2012	Ջոկեր	Joker	Ռաջկումար, Ագաստյա
2012	Անհավանական պատմություն	OMG: Oh My God!	Կրիշնա Վասուդև Յադավ
2012	Խաղացող 786	Khiladi 786	Բահատար Սինգհ
2013	26 կողոպտիչներ	Special Chabbis	Աջայ
2013	Մի անգամ Մումբայում	Once Upon a Time in Mumbai Dobaara!	Շոայբ Խան
2013	Մերժված որդին	Boss	Սուրյականտ Շաստրի
2014	Զինվորը	Holiday	կապիտան Վիրատ Բակշի
2014	Սա տոն է	It's Entertainment	Ախիլ Լոկհանդե
2015	Գտնել և վնասազերծել	Baby	Աջայ
2015	Վրեժ` օրենքից դուրս	Gabbar is Back	Ադիտյա, Գաբար
2015	Եղբայրները	Brothers	Դևիդ Ֆերնանդես
2015	Պայծառափայլ Սինգհը	Singh Is Bliing	Ռատֆար Սինգհ
2016	Օդային փոխադրում	Airlift	Ռանջիտ Կատյալ
2016	Կրակոց	Dishoom	Սամիր
2016	Ռուստոմ	Rustom	Ռուստոմ Պավրի