Նանա Պատեկար

Նանա Պատեկար անգլ.՝ Nana Patekar
Ծնվել է	հունվարի 1, 1951(1951-01-01) (73 տարեկան)
Ծննդավայր	Մուրուդ, Raigad district, Կոնկան, Բոմբեյ, Հնդկաստան
Կրթություն	Սըր Ջամսեթջի Ջիջիբոյ Արվեստի դպրոց
Քաղաքացիություն	Հնդկաստան
Կրոն	հինդուիզմ
Մասնագիտություն	դերասան և կինոռեժիսոր
Ծնողներ	հայր՝ Դանկար Պատեկար, մայր՝ Սանգանա Պատեկար
Ամուսին(ներ)	Neelakanti Patekar?
Երեխա(ներ)	Մալհար Պատեկար
Պարգևներ և մրցանակներ	Ազգային կինոմրցանակ տղամարդու լավագույն դերակատարման համար Filmfare Award տղամարդու լավագույն դերակատարման համար և Լավագույն արական երկրորդ պլանի դերասանի ազգային կինիմրցանակ

Նանա Պատեկար (մարաթհի` नाना पाटेकर, իրական անունը` Վիշվանաթհ Պատեկար, հունվարի 1, 1951(1951-01-01), Մուրուդ, Raigad district, Կոնկան, Բոմբեյ, Հնդկաստան), հնդիկ դերասան, ռեժիսոր, երգիչ և գրող։ Արժանացել է չորս Filmfare Awards և երեք Ազգային կինոմրցանակների։ 2013 թվականին արժանացել է Հնդկաստանի կառավարական Պադմա Շրի պարգևին։

Կենսագրություն

Նանա Պատեկարը ծնվել է տեքստիլային գործարարությամբ զբաղվող Դինկար Պատեկարի ընտանիքում, որտեղ մեծանում էին նաև նրա երկու եղբայրները։ Երբ սովորում էր դպրոցում, ընտանիքը տեղափոխվել է Մումբայ։ 1964 թվականին նրա հոր գործերը սկսեցին վատանալ և Նանա Պատեկարը ընտանիքին օգնելու նպատակով սկսեց աշխատել, միաժամանակ հասցնելով խաղալ դպրոցական թատրոնի ներկայացումներում։ Ավարտելով Մումբայի Sir J. J. Institute of Applied Art կիրառական արվեստների ինստիտուտը, նա սկսել է աշխատել գովազդային գործակալությունում։ Այդ ժամանակ էլ ծանոթացել էր իր ապագա կնոջ` Նիլկանթհիի հետ։ Նանա Պատեկարը աշխատանքից ազատ ժամերին խաղում էր թատրոնում։ Քանի որ կինն ավելի շատ էր վաստակում, ուստի նրա խորհրդով էլ Նանա Պատեկարը տեղափոխվեց թատրոն` մշտական աշխատանքի, որտեղ կարող էր դրսևորել իր տաղանդն ամբողջությամբ։

Կինոյում Նանա Պատեկարը սկսել է նկարահանվել 1970-ական թվականներից։ Սկզբում նկարահանվել է մարաթհի լեզվով ստեղծված ֆիլմերում։ Հետագայում նկարահանվել է նաև թամիլերեն և կաննադա լեզուներով ֆիլմերում։ 1991 թվականին, առաջին անգամ որպես ռեժիսոր նկարահանել է «Զինվորի ճակատագիրը» կինոնկարը։

Անձնական կյանքը

1978 թվականին ամուսնացել է Նիլկանթհի Պատեկարի հետ և ունեցել որդի։ Տարիներ անց նրանք ամուսնալուծվել են։

Ֆիլմագրության ընտրանին

Թվական	Անվանում	Բնօրինակ անվանում	Կերպար
1978	Մեկնում	Gaman	Վասու
1984	Իմ ձայնը	Aaj Ki Awaz	Ջագմոհանդաս
1986	Արդարադատություն իրականացնողը	Ankush	Ռավինդրա Կելկար «Ռավի»
1988	Սալամ, Բոմբեյ	Salaam Bombay!	Բաբա Գոլուբ
1988	Ռոբին Հուդի վերադարձը	Aaj Ka Robin Hood	Ռամդուլարե Ս. Ջադհավ
1989	Եղբայրները	Parinda	Աննա
1991	Զինվորի ճակատագիրը	Prahaar: The Final Attack	մայոր Չաուհան
1992	Ջենթլմենի երազանքները	Raju Ban Gaya Gentleman	Ջայ
1996	Երաժշտության աշխարհը	Khamoshi: The Musical	Ջոզեֆ
1997	Մուստաֆա	Ghulam—E—Musthafa	Մուստաֆա
1999	Հարազատ հոգիներ	Hu Tu Tu	Բհաու
2003	Ուրվական	Bhoot	տեսուչ Լիյաքատ Քուրեշի
2007	Բարի գալուստ	Welcome	Ուդայ Շանկար Շետտի
2007	Լողավազան	The Pool	Նանա
2010	Դպրոց	Get Educated: Paathshaala	Ադիտյա Սահայ
2012	Կյանք - Լցված գավաթ	Kamaal Dhamaal Malamaal	Սամ, Կալլու
2013	Գրոհներ 26/11	The Attacks of 26/11	Ռաքեշ Մարիա

Ծանոթագրություններ

Վիքիպահեստն ունի նյութեր, որոնք վերաբերում են «Նանա Պատեկար» հոդվածին։