Հրիթիկ Ռոշան

Հրիթիկ Ռոշան անգլ.՝ Hrithik Roshan հինդի՝ ऋतिक रोशन
Ծնվել է	հունվարի 10, 1974(1974-01-10) (52 տարեկան)
Ծննդավայր	Մումբայ, Հնդկաստան
Կրթություն	Սիդենհամ քոլեջ
Քաղաքացիություն	Հնդկաստան
Կրոն	հինդուիզմ
Մասնագիտություն	կինոդերասան, պարող և դերասան
Ծնողներ	հայր՝ Ռակեշ Ռոշան, մայր՝ Pinky Roshan?
Ամուսին(ներ)	Sussanne Khan?
Երեխա(ներ)	Hridhaan Roshan? և Hrehaan Roshan?
Պարգևներ և մրցանակներ	Filmfare Award տղամարդու լավագույն դերակատարման համար և Filmfare Award տղամարդու լավագույն դերակատարման համար
hrithik.net

Հրիթիկ Ռոշան (հինդի` हृथिक रोशन, ամբողջ անունը` Հրիթիկ Նագրաթհ Ռոշան, հունվարի 10, 1974(1974-01-10), Մումբայ, Հնդկաստան), հնդիկ կինոդերասան։ Բազմիցս արժանացել է Filmfare Awards մրցանակի՝ տղամարդու լավագույն դերի համար։ Հնդկական կինոյի սեքս-խորհրդանիշ համարվող դերասաններից մեկն է։

Կենսագրություն

Հրիթիկ Ռոշանը ծնվել է հինդուիստական ընտանիքում։ Նրա հայրը դերասան և ռեժիսոր Ռաքեշ Ռոշանն է, իսկ հորեղբայրը՝ կոմպոզիտոր Ռաջեշ Ռոշանը։ Մայրական կողմից նրա պապը ռեժիսոր Ջ. Օմ Պրակաշն է։

Մանկության տարիներին Հրիթիկ Ռոշանը մեծանում էր բարդույթներով՝ կակազելու և իր արտաքին տեսքի համար, քանի որ նրա աջ ձեռքն ունի երկու բթամատ (պոլիդակտիլիա)։ 14 տարեկանում հատուկ բուժում անցնելուց հետո՝ խոսքի հետ կապված խնդիրները լուծվեցին։ Նա ավարտել է Բոմբեյի շոտլանդական դպրոցը։

Առաջին անգամ ֆիլմում նկարահանվել է 1980 թվականին, երբ դեռ երեխա էր։ Նրա մեծահասակ տարիների կինոդեբյուտը կայացել է 2000 թվականին՝ իր հոր «Ասա, որ սիրում ես» ֆիլմում։ Այդ ֆիլմում նկարահանվելու համար Հրիթիկ Ռոշանն ստացել է Filmfare Award մրցանակ՝ լավագույն դեբյուտի և տղամարդու լավագույն դերի համար։ Հետագայում նկարահանվել է «Եվ թախծի, և ուրախության մեջ» (2001 թ.), «Դու մենակ չես» (2003 թ.), «Երբ մեկ կյանքը քիչ է» (2007 թ.), «Կյանքը ձանձրալի չի կարող լինել» (2011 թ.) և այլ ֆիլմերում։

Անձնական կյանքը

Հրիթիկ Ռոշանը 2000 թվականին ամուսնացել էր դերասան և ռեժիսոր Սանջայ Խանի դստեր՝ Սյուզաննա Խանի հետ։ Այդ ամուսնությունից ունեցել է երկու որդի, սակայն շուրջ 13 տարի տևողությամբ համատեղ կյանքից հետո, 2014 թվականին նրանք ամուսնալուծվել են։

Ֆիլմագրության ընտրանին

Թվական	Անվանում	Բնօրինակ անվանում	Կերպար
1986	Աստվածային հայրիկը	Bhagwaan Dada	Գովինդա
2000	Ասա, որ սիրում ես	Kaho Naa... Pyaar Hai	Ռոհիտ, Ռաջ Չոպրա
2000	Եղբորը որոնելիս	Fiza	Աման
2000	Առաքելություն «Քաշմիր»	Mission Kashmir	Ալտաֆ Խան
2001	Հաճելի հիշողություններ	Yaadein	Ռոհիտ Մալհոտրա
2001	Եվ թախծի, և ուրախության մեջ	Kabhi Khushi Kabhie Gham	Ռոհան Ռայչանդ
2002	Դու ինձ շատ ես դուր գալիս	Aap Mujhe Achche Lagne Lage	Ռոհիտ
2002	Ոչ դու գիտես, ոչ ես	Na Tum Jaano Na Hum	Ռահուլ Շարմա
2002	Ինձ հետ ընկերություն կանե ՞ս	Mujhse Dosti Karoge!	Ռաջ Կհաննա
2003	Ես խենթանում եմ սիրուց	Main Prem Ki Diwani Hoon	Պրեմ Կիշեն Մաթհուր
2003	Դու մենակ չես	Koi... Mil Gaya	Ռոհիտ Մեհրա
2004	Կյանքի նպատակը	Lakshya	Կարան Շերգիլ
2006	Բայքերներ 2. Իսկական զգացմունքներ	Dhoom:2	Արիան Սինգհ, միսթր «Ա»
2006	Կրրիշ	Krrish	Կրիշնա Մեհրա, Կրրիշ, Ռոհիտ Մեհրա
2008	Ջոդհան և Աքբարը	Jodhaa Akbar	Ջալալուդդին Մուհամմադ Աքբար
2009	Հաջողության հնարավորություն	Luck by Chance	Զաֆար Խան
2010	Օդային օձեր	Kites	Ջայ Ռայ
2010	Թախանձանք	Guzaarish	Իթան Մասկարենհաս
2011	Կյանքը ձանձրալի չի կարող լինել	Zindagi Na Milegi Dobara	Արջուն Սալուջա
2011	Դոն. Մաֆիայի պարագլուխը 2	Don 2	Դոն
2012	Բոցավառ ուղի	Agneepath	Վիջայ Դինանաթհ Չոուհան
2013	Կրրիշ 3	Krrish 3	Կրիշնա Մեհրա, Կրրիշ, Ռոհիտ Մեհրա
2014	Այդ նույն օրը (Պիֆ-Պաֆ)	Bang Bang	Ռաջվիր Նանդա
2016	Մոհենջո Դարո	Mohenjo Daro	Սարման

Ծանոթագրություններ

Վիքիպահեստն ունի նյութեր, որոնք վերաբերում են «Հրիթիկ Ռոշան» հոդվածին։