Զինատ Աման

Զինատ Աման անգլ.՝ Zeenat Aman
Ծնվել է	նոյեմբերի 19, 1951(1951-11-19) (74 տարեկան)
Ծննդավայր	Մումբայ, Հնդկաստան
Կրթություն	Հարավային Կալիֆոռնիայի համալսարան, Սենտ Խավիեր Քոլեջ և Սիդենհամ քոլեջ
Քաղաքացիություն	Հնդկաստան
Կրոն	իսլամ
Մասնագիտություն	դերասանուհի, մոդել, գեղեցկության մրցույթի մասնակից և կինոդերասանուհի
Ընտրանի	Hare Rama Hare Krishna?, Yaadon Ki Baaraat?, Shalimar?, Satyam Shivam Sundaram?, Don?, The Great Gambler? և Qurbani?
Ամուսին(ներ)	Sanjay Khan? և Մաժար Խան
Պարգևներ և մրցանակներ	Filmfare Awards և IIFA Lifetime Achievement Award?

Զինատ Աման (հինդի` ज़ीनत अमान, նոյեմբերի 19, 1951(1951-11-19), Մումբայ, Հնդկաստան, Հնդկաստան), հնդիկ դերասանուհի և մոդել, երկրորդ պլանի կանացի լավագույն դերի համար ստացել է Filmfare Awards մրցանակ։ «Միս Հնդկաստան» գեղեցկության մրցույթում գրավել է երկրորդ տեղը (1966 թ.), իսկ «Միս Խաղաղօվկիանոսյան Ասիա» մրցույթում ճանաչվել է հաղթող (1970 թ.)։ Իր ողջ ստեղծագործական կյանքի ընթացքում համարվել է հնդկական կինոյի սեքս-խորհրդանիշներից մեկը։

Կենսագրություն

Հայրը մուսուլման էր, իսկ մայրը՝ հինդուիստ։ Ծնողները ամուսնալուծվել են անմիջապես նրա աշխարհ գալուց հետո։ Բոմբեյում ավարտելով դպրոցը՝ նա սովորելու նպատակով մեկնել է Լոս Անջելես։ Վերադառնալուց հետո աշխատել է որպես լրագրող, իսկ այնուհետև՝ մոդել։ Կինոդեբյուտը կայացել է 1971 թվականին նկարահանված «Իրարանցում» ֆիլմում, սակայն այն հաջողություն չի ունեցել։ Զինատ Ամանը ճանաչում է ստացել 1972 թվականին Դև Անանդի կողմից նկարահանված «Եղբայր և քույր» ֆիլմով։

1978 թվականին նկարահանվել է Ռաջ Կապուրի «Ճշմարտություն, սեր և գեղեցկություն» ֆիլմում։ Ֆիլմի սցենարով նախատեսված էր, որ գլխավոր հերոսուհու հոգու գեղեցկությունը առավել կարևոր է, քան արտաքին գեղեցկությունը։ Սակայն ռեժիսորը հիմնական շեշտը դրել էր դերասանուհու սեքսուալ հմայքի վրա։ Ֆիլմն անհաջողության մատնվեց։ 1980-ական թվականներին նկարահանված ֆիլմերում Զինատ Ամանն հիմնականում ցուցադրում էր իր գրավիչ տեսքը։ Բացառություն էին «Արդարադատության նժարը» և «Հավատարիմ ընկերները» ֆիլմերը։ Այնուամենայնիվ հանդիսատեսը նրան հիշում է «Սեր որոնելիս» (1973 թ.), «Զվարճանքներ որոնելիս» (1974 թ.), «Անծանոթուհին» (1974 թ.), «Սիրո հավերժական հեքիաթը» (1977 թ.), «Մաֆիայի պարագլուխը» (1978 թ.), «Ալի Բաբայի և քառասուն ավազակների արկածները» (1979 թ.), «Աբդուլա» (1980 թ.), «Սամրատ» (1982 թ.), «Լեգենդ սիրո մասին» (1984 թ.) և այլ ֆիլմերից։

Անձնական կյանք

Զինատ Ամանի առաջին ամուսինը դերասան և ռեժիսոր Սանջայ Խանն էր, չնայած այն հանգամանքին, որ վերջինս արդեն իսկ ամուսնացած էր և ուներ երեխաներ։ Զինատ Ամանն այնքան էր հրապուրված, որ ընկել էր նրանից կախվածության մեջ և համաձայն էր դառնալ նրա երկրորդ կինը։ Ամեն ինչ վերջացավ այն ժամանակ, երբ Սանջայ Խանի առաջին կինը աշխարհիկ միջոցառումներից մեկի ժամանակ ապտակեց Զինատ Ամանին։ Սանջայ Խանը նույնպես մի քանի ուժեղ հարված է հասցրել Զինատ Ամանի դեմքին, որից հետո դերասանուհու աջ աչքը լրջորեն վնասվել է և մի քանի անգամ կատարված վիրահատությունները ամբողջովին չկարողացան վերականգնել աչքի արատը։ Այն նկատելի է մինչ օրս։ Չորս օր անց Սանջայ Խանը հայտարարեց, որ բացահայտել էր Զինատ Ամանի կապը այլ տղամարդու հետ, որի պատճառով էլ լքում է նրան։

1985 թվականին Զինատ Ամանն ամուսնացել է դերասան Մաժար Խանի հետ։ Ամուսնության ընթացքում նրանք ունեցել են երկու որդի։ Երկրորդ ամուսինը նույնպես ձեռք էր բարձրացնում դերասանուհու վրա։ 1998 թվականին Մաժար Խանը մահացավ երիկամների անբավարարությունից։ Ամուսնու հարազատները մեղադրում էին Զինատ Ամանին՝ նրա մահվան համար։ Նույնիսկ եղել է դեպք, երբ նրանք գնացել են դերասանուհու տուն և ծեծի ենթարկել նրան։ Ի դեպ Զինատ Ամանի 11-ամյա որդին նույնպես միացել է իր մորը ծեծողներին։

Այժմ Զինատ Ամանն ապրում է իր որդիների հետ և ծավալում հասարակական գործունեություն։

Մասնակի ֆիլմագրություն

Թվական	Անվանում	Բնօրինակ անվանում	Կերպար
1971	Իրարանցում	Hulchul	Լինա
1971	Եղբայր և քույր	Haré Raama Haré Krishna	Ջասբիր Ջայսվալ, Ջանիս
1973	Մառախուղ	Dhund	Ռանի Ռանջիտ Սինգհ
1973	Գտնել միմյանց	Yaadon Ki Baaraat	Սունիտա
1973	Սեր որոնելիս	Heera Panna	Պաննա
1974	Զվարճանքներ որոնելիս	Manoranjan	Նիշա
1974	Անծանոթուհին	Ajanabee	Ռեշմի Սաքսենա
1974	Հաց հանապազօրյա	Roti Kapada Aur Makaan	Շիտալ
1974	Սիրո մեղեդին	Ishq Ishq Ishq	Պուջա Պահար
1975	Ձերբակալման հրամանագիր	Warrant	Ռիտա Վերմա
1975	Գողությունն իմ աշխատանքն է	Chori Mera Kaam	Շարմիլա
1976	Գայթակղություն	Deewaangee	Կանչան
1977	Թունդ տղան	Chhailla Babu	Ռիտա Վերմա
1977	Գարնան սիրահարը	Aashiq Hoon Baharon Ka	Վիրա Ռայ
1977	Սիրո հավերժական հեքիաթը	Dharam Veer	արքայադուստր Պալլավի
1977	Մեղսագործը	Paapi	Ռանո, Վանիտա Կապուր, Ռանի
1977	Կրկեսի գմբեթի ներքո	Kalabaaz	Լիզա, Ռադհա Սապրու, Տինա
1978	Ճշմարտություն, սեր և գեղեցկություն	Satyam Shivam Sundaram: Love Sublime	Ռուպա
1978	Մաֆիայի պարագլուխը	Don	Ռոմա
1978	Հինավուրց անեծք	Chor Ke Ghar Chor	Մինա, Մաինա
1978	Շալիմար	Shalimar	Շեյլա Էնդերս
1978	Հիրալալ և Պաննալալ	Heeralal Pannalal	Ռուբի
1979	Մեծ խաղ	The Great Gambler	Շաբնամ
1979	Ալի Բաբայի և քառասուն ավազակների արկածները	Alibaba Aur 40 Chor	Ֆաթիմա
1980	Հավերժ ընկերներ	Qurbani	Շիլա
1980	Հավատարիմ ընկերներ	Dostana	Շիտալ Սահնի
1980	Արդարադատության նժարներ	Insaf Ka Tarazu	Բհարտի Սաքսենա
1980	Ռամ և Բալռամ	Ram Balram	Մադհու
1980	Աբդուլա	Abdullah	Զեյնաբ
1980	405 մղոն` մինչև Բոմբեյ	Bombay 405 Miles	Ռադհա
1981	Մարդասպանը	Krodhi	Նիրա Կումար Սահնի
1981	Որբը	Laawaris	Մոհինի
1981	Աստծո մարտակառքը	Katilon Ke Kaatil	Ջամիլա Բանու
1981	Պրոֆեսոր Պյարելալը	Professor Pyarelal	Սոնիա Սինգհ, Աշա Ռայ
1982	Մասնավոր խուզարկու	Gopichand Jasoos	Բելա, Լաչո, Շանո Ռանի
1982	Բարին և չարը	Teesri Aankh	Բարկհա
1982	Անհանգստություն	Ashanti	Սոնիա
1982	Հինավուրց տաճարի գանձերը	Taqdeer	Նիշա
1982	Հարստություն	Daulat	Գիտա
1982	Սամրատ	Samraat	Սուման, Գուրբաչան Սինգհ, Սանդհյա Չավլա
1983	Զարմանալին	Mahaan	Ռիտա
1983	Արյունակցական ազգակցություն	Bandhan Kuchchey Dhaagon Ka	Սնեհա
1983	Ազատության կանչը	Pukar	Ջուլիա
1983	Ողջ աշխարհը մեր կողմն է	Hum Se Hai Zamana	Նիշա Թհակուր
1984	Ինչպես երեք հրացանակիրներ	Jagir	Սիմա
1984	Լեգենդ սիրո մասին	Sohni Mahiwal	Զարինա
1984	Երեսպաշտները	Pakhandi	-
1985	Հավատարմության երդում	Yaadon Ki Kasam	Չանդնի, Գիտա Կհաննա
1986	Ճակատագրի խաղալիքները	Haathon Ki Lakeeren	Գիտա Սինգհ
1986	Գոնե ստացվեր	Baat Ban Jaye	Նիշա Սինգհ
1988	Անհնարինը	Namumkin	-
1999	Ճեպընթաց դեպի Բհոպալ	Bhopal Express	Զոհրաբա
2003	Բում	Boom	Ալիսա Ռոդրիգես դե Ֆոնտեսկա
2007	Խաչմերուկ	Chaurahen	կին
2008	Տարօրինակ զույգը	Ugly Aur Pagli	Սանդհիյա
2010	Չգիտեմ ինչու	Dunno Y Na Jaane Kyun	Ռեբեկա
2014	Կրքի հերթագայությունը	Strings of Passion	Ռոմա
2015	Կյանքը պահ է	Dunno Y 2... Life Is a Moment	-
2016	Խելագար սիրտը	Dil Toh Deewana Hai	-

Ծանոթագրություններ

Վիքիպահեստն ունի նյութեր, որոնք վերաբերում են «Զինատ Աման» հոդվածին։