Ալի Բաբայի և քառասուն ավազակների արկածները

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ալի Բաբայի և քառասուն ավազակների արկածները
अलीबाबा और चलीस चोर
Ալի Բաբան.jpg
«Ալի Բաբայի և քառասուն ավազակների արկածները» ֆիլմի պաստառը
ԵրկիրFlag of India.svg Հնդկաստան
Flag of the Soviet Union.svg ԽՍՀՄ
Ժանրդրամա[1], ֆիլմ-հեքիաթ, արկածային ֆիլմ, ընտանեկան ֆիլմ և մարտաֆիլմ
ՀիմքԱլի Բաբան և 40 ավազակները
Թվական1980 և մայիս 1980
Լեզուհինդի և ռուսերեն
ՌեժիսորUmesh Mehra?[2] և Latif Fayziyev?[3]
ԴերակատարներԴհարմենդրա[2], Հեմա Մալինի[2], Prem Chopra?[2], Ռոլան Բիկով[2], Սոֆիկո Ճիաուրելի[2], Զինատ Աման[2], Konstantin Voinov?[3] և Մհեր Մկրտչյան
ԵրաժշտությունRahul Dev Burman?
ԿինոընկերությունՈւզբեկֆիլմ
Տևողություն153 րոպե

«Ալի Բաբայի և քառասուն ավազակների արկածները» (հինդի՝ अलीबाबा और चलीस चोर, Alibaba Aur 40 Chor), գեղարվեստական ֆիլմ, որը 1979 թվականին համատեղ նկարահանվել է ԽՍՀՄ-ի և Հնդկաստանի կինեմատոգրաֆների կողմից։ Ֆիլմի հիմքում ընկած են արևելյան հեքիաթները։ Առաջին համատեղ աշխատանքն է ռեժիսորներ ազգությամբ ուզբեկ Լատիֆ Ֆեյզիևի և հնդիկ Ումեշ Մեխրայի (երկրորդ ֆիլմը 1984 թվականին նկարահանված «Լեգենդ սիրո մասին» ֆիլմն է)։

Սյուժե[խմբագրել | խմբագրել կոդը]

Ֆիլմ-հեքիաթը համեմված է մելոդրամայի, կատակերգության և մյուզիքլի տարրերով։ Այն նկարահանված է «1000 ու մի գիշեր» հեքիաթի մոտիվներով։ Լեգենդի հիմքում ընկած է աղքատ փայտահատ Ալի Բաբայի պատմությունը, որը գտավ աննկարագրելի մի հարստություն հեքիաթային անձավում, որտեղ բնակվում էին ավազակները։ Հեքիաթի գլխավոր թեման հարազատ եղբայրների միջև ծառացած կոնֆլիկտն է՝ անշահախնդիր ու ազնվաբարո Ալի Բաբայի և ընչաքաղց ու հիմար Քասիմի[4]:

Ֆիլմում գործողությունները կատարվում են մտացածին արևելյան Գուլաբադ քաղաքում, լեռներում, անապատներում[5]:

Ֆիլմի ստեղծում[խմբագրել | խմբագրել կոդը]

Ֆիլմը նկարահանվել է Հնդկաստանում և մի շարք խորհրդային երկրներում։ Բնապայման նկարահանությունները կատարվում են Սամարղանդում, Դուշանբեում և Տաշքենդում[6][7]: Գլխավոր դերերում ներառվեցին տարբեր ազգերի աստեղեր՝ հնդիկ, ռուս, հայ, ուզբեկ, վրացի, թուրքմեն, ղրղըզ:

Ձիերի հետ հնարքների տեսարանում նկարահանվեցին «Ղրղըզստանի ջիգիթներ» արտիստական խումբը, ղրղըզական կրկեսի դերասան Ուսեն Կուդայբերգենովը, մարզիկ Սուլթան Դիյկանբաևը և այլ կասկադյորներ Ղրղըզստանից[8][9]:

1980 թվականին ֆիլմը ԽՍՀՄ կինովարձույթում գլխավոր ֆիլմներից էր և զբաղեցնում էր 5-րդ տեղը. ֆիլմը այստեղ դիտեց շուրջ 52.8 միլիոն մարդ[10][11]: Հնդկաստանում ֆիլմը էկրաններին մնաց կես տարի անընդմեջ և մեծ բյուջե ապահովեց[12]: ԽՍՀՄ ամենամյա կինոփառատոնին Դուշանբեում ֆիլմն ստացավ մրցանակ՝ նկարչի աշխատանք անվանակարգում։

ՌԴ-ում DVD տարբերակով ֆիլմը թողարկվեց 2009 թվականի մարտին։

Հետաքրքիր փաստեր[խմբագրել | խմբագրել կոդը]

  • Դերասաններ Դհարմենդրան և Հեմա Մալինին, որոնք համապատասխանաբար խաղացին Ալի Բաբայի և Մարջինայի դերերը, իրական կյանքում ամուսիններ են[5][13]:
  • Դերասան Ռոլան Բիկովը, ով ավազակի կերպար էր խաղում, և դերասանուհի Ելենա Սանեևան, ով անձավի հոգի էր խաղում, կրկին ամուսիններ էին իրական կյանքում։
  • Չնայած ֆիլմը ընտանեկան է համարվում, սակայն նրանում առկա են սպանության և բռնության տեսարաններ։ Ի դեպ, ֆիլմում ոչ մի երեխա հանդես չի գալիս, միայն մի էպիզոդում նորածին է երևում ավազակներից մեկի ձեռքին։

Դերերում[խմբագրել | խմբագրել կոդը]

Դերասան Դերը
Դհարմենդրա Ալի Բաբա
Հեմա Մալինի Մարջինա
Ռոլան Բիկով Աբու Հասան
Զակիր Մուխամեջանով Յուսուֆ
Սոֆիկո Ճիաուրելի Զամիրա
Յակուբ Ախմեդով Քասիմ
Զինատ Աման Ֆատիմա
Խոջադուրդի Նարլիև Համիդ
Մհեր Մկրտչյան Քարավանապետ Մուստաֆա
Խամզա Ումարով Ահմեդ
Ջավլոն Խամրաև Մուհամեդ
Ելենա Սանեևա Անձավի հոգին
Մադան Պուրի Ֆատիմայի հայրը
Պրեմ Չոպրա Շամշիր
Պինչու Կապուր Մարջինայի հայրը
Ռ. Անանադ Բժիշկ
Ս. Դիվանով, Կ. Աբդուրեիմով Ալիի բարեկամները

Նկարահանող խումբ[խմբագրել | խմբագրել կոդը]

  • Սցենարիստներ՝ Շանտի Պրակաշ Բակշի, Բորիս Սաակով
  • Ռեժիսորներ՝ Լատիֆ Ֆայզիև, Ումեշ Մեխրա[6][7]
  • Օպերատորներ՝ Պիտեր Պերեյրա, Լեոնիդ Տրավիցկի
  • Կոմպոզիտորներ՝ Ռահուլ Դև Բուրման, Վլադիմիր Միլով
  • Նկարիչներ՝ Էմանուիլ Քալանթարով, Բաբուրաո Պոդար[14]
  • Պարերի բեմադրիչ՝ Պ. Լ. Ռաջ
  • Երգերի հեղինակ՝ Անանդ Բակշի
  • Կադրից դուրս երգերը կատարում են՝ Աշա Բհոսլե, Լատա Մանգեշկար

Սաունդթրեք[խմբագրել | խմբագրել կոդը]

# ԱնվանումԵրգիչներ Տևողություն
1. «Jadugar Jadoo Kar Jayega»  Կիշոր Կումար , Աշա Բհոսլե 5:25
2. «Khatouba»  Աշա Բհոսլե 6:29
3. «Sare Shahar Mein»  Լատա Մանգեշկար, Աշա Բհոսլե 4:45
4. «Aaja Sar-E-Bazar»  Լատա Մանգեշկար 5:04
5. «Qayamat»  Լատա Մանգեշկար 5:21

Տեխնիկական տվյալներ[խմբագրել | խմբագրել կոդը]

  • Գունավոր, լայնէկրան (հնդկական տարբերակ), սովորական ֆորմատ (խորհրդային տարբերակ), հնչյունային

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]