Էդիթ Ռուզվելտ

Վիքիպեդիայից՝ ազատ հանրագիտարանից
Jump to navigation Jump to search
Էդիթ Ռուզվելտ
անգլ.՝ Edith Roosevelt
Edith Kermit Carow Roosevelt 1900-1910.jpg
 
Կուսակցություն՝ ԱՄՆ Հանրապետական կուսակցություն
Մասնագիտություն՝ քաղաքական գործիչ
Դավանանք Եպիսկոպոսյան եկեղեցի
Ծննդյան օր օգոստոսի 6, 1861(1861-08-06)[1][2][3][…]
Ծննդավայր Նյու Յորք, Նյու Յորք, ԱՄՆ
Վախճանի օր սեպտեմբերի 30, 1948(1948-09-30)[1][2][3][…] (87 տարեկան)
Վախճանի վայր Oyster Bay, Oyster Bay, Նասաու շրջան, Նյու Յորք, ԱՄՆ
Գերեզման Youngs Memorial Cemetery
Թաղված Youngs Memorial Cemetery
Դինաստիա Ռուզվելտ ընտանիք
Քաղաքացիություն Flag of the United States (1912-1959).svg ԱՄՆ
Ի ծնե անուն կատ.՝ Edith Kermit Carow
Հայր Charles Carow?[4]
Մայր Gertrude Elizabeth Tyler?[4]
Ամուսին Թեոդոր Ռուզվելտ[4]
Զավակներ Theodore Roosevelt Jr.?[4], Kermit Roosevelt?[4], Ethel Roosevelt Derby?[4], Archibald Roosevelt?[4] և Quentin Roosevelt?[4]
 
Ինքնագիր Edith Roosevelt Signature.svg

Էդիթ Կերմիտ Ռուզվելտ (ի ծնե՝ Քարոու,օգոստոսի 6, 1861(1861-08-06)[1][2][3][…], Նյու Յորք, Նյու Յորք, ԱՄՆ - սեպտեմբերի 30, 1948(1948-09-30)[1][2][3][…], Oyster Bay, Oyster Bay, Նասաու շրջան, Նյու Յորք, ԱՄՆ), ԱՄՆ-ի նահագահ Թեոդոր Ռուզվելտի երկրորդ կինը։

Վաղ կյանք[խմբագրել | խմբագրել կոդը]

Էդիթը ծնվել է Քոնեքթիքութ նահանգի Նորվիչ քաղաքում՝ վաճառական Չարլզ Քարոուի (1825-1883) և Գերտրուդա Էլիզաբեթ Թայլերի (1836-1895) ընտանիքում[5][6]։ Գերտրուդայի հայրը՝ Դանիել Թայլերը (1799-1882), ծառայել է որպես Միության գեներալ Ամերիկայի քաղաքացիական պատերազմում[5]։

Էդիթն ունեցել է կրտսեր քույր՝ Էմիլի Թայլեր Քարոուն (1865-1939)[7]։ Էդիթը նաև ունեցել է՝ Կերմիտ անունով (1860, փետրվար-1860, օգոստոս), որը մահացել է նրա ծնունդից մեկ տարի առաջ[8]։ «Կերմիտ» անունը, որը Էդիթի ծնողներն ընտրել են որպես իր եղբոր համար, եղել է մեծ քեռու՝ Ռոբերտ Կերմիտի ազգանունը[9]։ Իր մանկության տարիներին Էդիթը հայտնի է եղել որպես «Էդի»[10]։

Էդիթը մեծացել է Նյու Յորքի Յունիոն Սքվերում գտնվող առանձնատանը։ Հարևանությամբ ապրել է Թեոդոր «Թեդդի» Ռուզվելտը (1858-1919)։ Էդիթը նրա կրտսեր քրոջ՝ Կորինի լավագույն ընկերն էր (1861-1933)[11]։

Էդիթը, Կորինը, Թեդդին ևւ Էլիոթը միասին սովորել են Ռուզվելտի ընտանիքի տանը[12]։ Ավելի ուշ Էդիթը հաճախել է միսս Քոմսթոքի ավարտական դպրոց[13]։

Թեև Էդիթն ու Թեդին կարող էին պատանեկան սիրավեպ ունենալ, բայց հարաբերությունները խամրել են, երբ Թեդին գնացել է Հարվարդի համալսարան[14][15]։ Հարվարդում գտնվելու ժամանակ Թեդին հանդիպել է Ալիս Լիին[15]։ Թեդին և Ալիսը ամուսնացել են 1880 թվականին[15]։ Էդիթը նույնպես ներկա է եղել հարսանիքին։

Ամուսնություն[խմբագրել | խմբագրել կոդը]

Ալիս Լի Ռուզվելտը մահացել է 1884 թվականին՝ ունենալով Ալիս անունով մի աղջիկ։ Թեդին և Էդիթը վերականգնել են իրենց հարաբերությունները 1885 թվականին[16]։ Նրանք ամուսնացել են 1886 թվականի դեկտեմբերի 2-ին Լոնդոնի Հանովեր հրապարակում[17]։ Թեդիի խաչեղբայրը եղել է Սեսիլ Սպրինգ Ռայսը, որը հետագայում՝ Առաջին համաշխարհային պատերազմի տարիներին, ծառայել է ԱՄՆ-ում Բրիտանիայի դեսպան և սերտ բարեկամություն է պահպանել զույգի հետ ամբողջ կյանքի ընթացքում[18]։

Իրենց մեղրամիսից հետո զույգն ապրել է Նյու Յորք նահանգի Լոնգ Այլենդ կղզու Սագամոր բլուրում[19]։

Միասին զույգը դաստիարակել է Ալիսին (Թեդիի դուստրը նախորդ ամուսնությունից) և իրենց սեփական երեխաներին՝ Թեոդոր (1887), Կերմիտ (1889), Էթել (1891), Արչիբալդ (1894) և Քվենտին (1897)[20]։

1888 թվականին Թեոդորը նշանակվել է Միացյալ Նահանգների քաղաքացիական ծառայության հանձնաժողովում, որտեղ ծառայել է մինչև 1895 թվականը։ Չնայած, որ Էդիթն աջակցում էր այդ պաշտոնը ստանձնելու ամուսնու որոշմանը, նա տխրել է, քանի որ նա այդ ժամանակ հղի էր և ստիպված պետք է մնար Սագամոր Հիլում[21]։ Կերմիտ Ռուզվելտը ծնվել է 1889 թվականի հոկտեմբերի 10-ին, իսկ երեք ամիս անց Էդիթը երեխաների հետ տեղափոխվել է Վաշինգտոն[21]։ Այս ժամանակահատվածում Էդիթն ու Հենրի Ադամսը մտերիմ ընկերներ են դարձել[21]։

Էդիթի պնդմամբ Թեոդորը 1894 թվականին Նյու Յորքի քաղաքապետի պաշտոնում չի առաջադրվել, քանի որ Էդիթը նախընտրել է նրանց կյանքը Վաշինգտոնում և նրա աշխատանքը ԱՄՆ-ի քաղաքացիական ծառայության կոմիսարի պաշտոնում[22]։

Երբ 1895 թվականին Թեոդորը դարձել է Նյու Յորքի ոստիկանության կոմիսար, նրանք տեղափոխվել են Նյու Յորք[23]։ 1897 թվականին Թեդդին ընտրվել է ռազմածովային նավատորմի նախարարի օգնական, և ընտանիքը վերադարձել է Վաշինգտոն[23]։

1898 թվականին Էդիթը գնացքով ուղևորվել է Ֆլորիդա նահանգի Տամպա քաղաք՝ ամուսնուն իսպանա-ամերիկյան պատերազմ ճանապարհելու նպատակով[24]։

1898 թվականի հոկտեմբերին, երբ Ռուզվելտն առաջադրվել է նահանգապետի պաշտոնում, Էդիթն օգնել է պատասխանել նրա նամակներին, բայց չի մասնակցել նախընտրական քարոզարշավին[25]։

Նյու Յորքի առաջին տիկին[խմբագրել | խմբագրել կոդը]

Արդիականացրել է նահանգապետի առանձնատունը, միացրել տեղի կանանց ակումբին և շարունակել օգնել ամուսնու նամակագրությանը[26]։ Նյու Յորքի առաջին տիկնոջ՝ Էդիթի մոտ սովորություն է առաջացել, որը պահպանել է նաև Սպիտակ տանը, նա յուրաքանչյուր ձեռքին ծաղկեփունջ է պահել։ Էդիթը անծանոթի ձեռքը սեղմելու փոխարեն նախընտրել է գլուխ խոնարհել՝ ի նշան ողջույնի[27]։

Էդիթը կրկին տեղափոխվել է Վաշինգտոն 1900 թվականին, երբ Ռուզվելտը ստանձնել է փոխնախագահի պաշտոնը[28]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Encyclopædia Britannica
  2. 2,0 2,1 2,2 2,3 2,4 Lundy D. R. The Peerage
  3. 3,0 3,1 3,2 3,3 3,4 FemBio: Банк інформації про видатних жінок, Frauendatenbank, Банк данных о выдающихся женщинах
  4. 4,0 4,1 4,2 4,3 4,4 4,5 4,6 4,7 Kindred Britain
  5. 5,0 5,1 Morris Sylvia (2009-02-19)։ Edith Kermit Roosevelt: Portrait of a First Lady (անգլերեն)։ Random House Publishing Group։ ISBN 9780307522771 
  6. Sibley Katherine A. S. (2016-03-14)։ A Companion to First Ladies (անգլերեն)։ John Wiley & Sons։ ISBN 9781118732182 
  7. «TR Center - Emily Tyler Carow»։ www.theodorerooseveltcenter.org։ Վերցված է 2016-11-30 
  8. «Robert Kermit Carow b. 26 Feb 1860 Norwich, New London, Connecticut, United States d. 25 Aug 1860 Norwich, New London, Connecticut, United States: Our Family History»։ hughesfamilygenealogy.com։ Արխիվացված է օրիգինալից 30 November 2016-ին։ Վերցված է 2016-11-30 
  9. «National First Ladies' Library - First Lady Biography: Edith Roosevelt»։ www.firstladies.org։ Վերցված է 2018-02-16 
  10. Morris Sylvia (2009-02-19)։ Edith Kermit Roosevelt: Portrait of a First Lady (անգլերեն)։ Random House Publishing Group։ ISBN 9780307522771 
  11. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  12. Morris Sylvia (2009-02-19)։ Edith Kermit Roosevelt: Portrait of a First Lady (անգլերեն)։ Random House Publishing Group։ ISBN 9780307522771 
  13.  
  14. Sibley Katherine A. S. (2016-03-14)։ A Companion to First Ladies (անգլերեն)։ John Wiley & Sons։ ISBN 9781118732182 
  15. 15,0 15,1 15,2 «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  16. Sibley Katherine A. S. (2016-03-14)։ A Companion to First Ladies (անգլերեն)։ John Wiley & Sons։ ISBN 9781118732182 
  17. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  18. S. Gwynn, 'The Letters and Friendships of Sir Cecil Spring Rice' (Constable & Co Lt, London, 1929), 121.
  19. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  20. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  21. 21,0 21,1 21,2 Gould Lewis L. (2014-02-04)։ American First Ladies: Their Lives and Their Legacy (անգլերեն)։ Routledge։ ISBN 9781135311551 
  22. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  23. 23,0 23,1 Morris Sylvia (2009-02-19)։ Edith Kermit Roosevelt: Portrait of a First Lady (անգլերեն)։ Random House Publishing Group։ ISBN 9780307522771 
  24. Sibley Katherine A. S. (2016-03-14)։ A Companion to First Ladies (անգլերեն)։ John Wiley & Sons։ ISBN 9781118732182 
  25. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  26. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30 
  27. Sibley Katherine A. S. (2016-03-14)։ A Companion to First Ladies (անգլերեն)։ John Wiley & Sons։ ISBN 9781118732182 
  28. «TR Center - Edith Kermit Carow Roosevelt»։ www.theodorerooseveltcenter.org։ Վերցված է 2016-11-30