Մարթա Վաշինգտոն

Վիքիպեդիայից՝ ազատ հանրագիտարանից
Մարթա Վաշինգտոն
Martha Washington
Martha Washington.jpg
Ծնվել է հունիսի 2, 1731({{padleft:1731|4|0}}-{{padleft:6|2|0}}-{{padleft:2|2|0}})[1][2]
Ծննդավայր Չեսթնաթ-Գրով կամ Վիրջինիա
Մահացել է մայիսի 22, 1802({{padleft:1802|4|0}}-{{padleft:5|2|0}}-{{padleft:22|2|0}})[1][2] (70 տարեկանում)
Մահվան վայր Մաունթ Վերնոն
Քաղաքացիություն ԱՄՆ
Կրոն Անգլիկան եկեղեցի
Մասնագիտություն քաղաքական գործիչ
Ամուսին Ջորջ Վաշինգտոն և Դենիել Պարք Քասթիս
Ծնողներ հայր՝ Ջոն Դանդրիջ, մայր՝ Ֆրենսիս Ջոնս
Զբաղեցրած պաշտոններ Միացյալ Նահանգների առաջին տիկին
Երեխաներ Ջոն Պարք Քասթիս, Դանիել Պարք Քասթիս կրտսեր, Ֆրենսիս Կաստիս և Մարթա Պարկ Կաստիս
Ստորագրություն Martha Washingtons Signature.svg
Martha Washington Վիքիպահեստում
1886 թ.: 1 դոլլարանոցը Մարթա Վաշինգտոնի պատկերով

Մարթա Վաշինգտոն (ծնված Դանդրիջ, անգլ.՝ Martha Custis Washington, հունիսի 2, 1731[1][2], Չեսթնաթ-Գրով և Վիրջինիա - մայիսի 22, 1802[1][2], Մաունթ Վերնոն), եղել է ԱՄՆառաջին տիկինը և Ջորջ Վաշինգտոնի կինը։ Ջորջ Վաշինգտոնը և Մարթա Վաշինգտոնը սեփական երեխաներ չեն ունեցել, այլ մեծացրել են Մարթայի առաջին ամուսնությունից մնացած երկու երեխաներին։

Կենսագրություն[խմբագրել | խմբագրել կոդը]

Մարթա Վաշինգտոնը ծնվել է բապտիստի ընտանիքում 1731 թվականի հունիսի 2-ին[3] իր ծնողներին պատկանող պլանտացիայում: 18 տարեկանում ամուսնացել է հարուստ ամուրի Դենիել Պարկ Կաստիսի հետ, ով մեծ էր նրանից 20 տարով: Կաստիսից Մարթան ունենում է չորս երեխա, երկուսը մահացել են մանուկ ժամանակ: 1757 թվականին ամուսնու մահից հետո Մարթան դառնում է երիտասարդ հարուստ այրի:

1759 թվականին հունվարի 6-ին Մարթան ամուսնանում է բրիտանական բանակի գնդապետ Ջորջ Վաշինգտոնի հետ: Ամուսնությունից անմիջապես հետո Վաշինգտոնին հեռացնում են բրիտանական բանակից՝ շրջանում բրիտանական իշխանության քաղաքականության հետ անհամաձայնության պատճառով: Մարթան և Ջորջը սեփական երեխաներ չունեցան, նրանք մեծացնում էին Մարթայի առաջին ամուսնությունից ունեցած երկու երեխաներին:

Երբ Ջորջ Վաշինգտոնը գլխավորում է Ամերիկայի կամավորական բանակը Անկախության պատերազմում, Մարթան մշտապես հետևում էր ամուսնուն։ Դեմ էր, որպեսզի ամուսինը մասնակցի նոր ձևավորված Ամերիկայի Միացյալ Նահանգների նախագահական ընտրություններին։ Նաև 1789 թվականին ապրիլի 30-ին չի մասնակցում ամուսնու՝ որպես նախագահ երդման արարողությանը, բայց կատարում է բոլոր պաշտոնական պարտականությունները, որոնք կապված էին Առաջին տիկնոջ դերի հետ, չնայած Առաջին տիկին հասկացությունը հայտնվել է ավելի ուշ։

Հիշատակ[խմբագրել | խմբագրել կոդը]

Դեռևս Մարթա Վաշինգտոնի կենդանության օրոք նրա անունով կոչվեց իր ամուսին Ջորջ Վաշինգտոնի հրամանով կառուցված ամերիկյան ռազմական նավը:

1902 թվականին Միացյալ Նահանգների փոստը լույս ընծայեց Մարթա Վաշինգտոնի դիմանկարով փոստային նամականիշ, որի արժեքը 8 ցենտ էր: Մարթա Վաշինգտոնը եղել է առաջին ամերիկուհին, որի նկարը դարձել է փոստային նամականիշ: 1923 թվականին լույս ընծայվեց 4 ցենտանոց նամականիշ, իսկ 1938 թվականին՝ 1,5 ցենտանոց: Մարթա Վաշինգտոնը նաև եղել է առաջին ամերիկուհին, որի նկարը եղել է ամերիկյան թղթադրամի վրա:

Նախագահական մեկդոլարանոց դրամների ծրագրով (անգլ.՝ Presidential $1 Coin Program) Մարթա Վաշինգտոնի պատվին թողարկվեցին ոսկե հուշադրամներ կես ունցիայի համար 10 դոլլար արժեքով, ինչպես նաև բրոնզե մեդալներ:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Record #119191466 // Gemeinsame Normdatei Ստուգված է հոկտեմբերի 17-ին 2015:
  2. 2,0 2,1 2,2 2,3 2,4 data.bnf.fr Ստուգված է հոկտեմբերի 10-ին 2015:
  3. «Martha Washington - Early Life: Birth and Family of Origin»։ MarthaWashington.US(Center for History and New Media/The Mount Vernon Ladies' Association)։ Վերցված է June 2, 2012