Գլենդելի հայ համայնք
Գլենդելի հայ համայնք (Կալիֆոռնիա, ԱՄՆ), Հայաստանի սահմաններից դուրս ամենամեծ քաղաքային հայ համայնքներից մեկը։ Հայերն այստեղ ապրում են 1920-ական թվականներից։ 1970-ական թվականներին հայկական ներգաղթը կտրուկ աճել էր, իսկ հայկական ծագում ունեցող բնակիչների մեծ մասը բնակություն էր հաստատել Գլենդելում 1990-ական թվականներից 2000-ական թվականներին։ Հայերը լավ ինտեգրված են տեղի հասարակությանը, տիրապետում են բազմաթիվ ձեռնարկությունների և չեն կորցնում իրենց լեզուն։ Քաղաքում գործում են մի քանի հայկական դպրոցներ (այդ թվում՝ Չամլյանի հայկական դպրոցը և Լարկ հայկական երաժշտական դպրոցը), էթնիկ և մշակութային կազմակերպություններ։ Կան բազմաթիվ ազգային ռեստորաններ և սրճարաններ, հայկական մամուլ։ Իրականացվում է հայկական գրքերի, աուդիո և վիդեո սկավառակների վաճառք։ Քաղաքում գործում է Հայաստանի Հանրապետության հյուպատոսությունը[1], որն ունի իր շենքը։
Գլենդելում իրենց կարիերան սկսել են System of a Down հայկական ռոք խմբի որոշ անդամներ[2]։
Բնակչություն[խմբագրել | խմբագրել կոդը]
Հայ ընտանիքներն ապրել են քաղաքում 1920 թվականից, հայերի ներգաղթը զգալիորեն աճել է 1970-ականներին։ ԱՄՆ-ի հայերը լավ ինտեգրված են քաղաքում և տիրապետում են բազմաթիվ ձեռնարկությունների, մի քանի հայկական դպրոցների, ինչպես նաև էթնիկ և մշակութային կազմակերպությունների։
Գլենդելն ունի ծագումով հայ բնակիչների ամենաբարձր տոկոսը, որոնց մեծ մասը քաղաք է ժամանել վերջին երկու տասնամյակների ընթացքում։ Գլենդել քաղաքն ամենամեծ հայկական քաղաքային համայնքներից մեկի տունն է։
ԱՄՆ-ի 2010 թվականի մարդահամարի համաձայն՝ Գլենդելը 65 343 հայերի տունն է[3], որոնք կազմում են բնակչության ընդհանուր թվի 34,1 տոկոսը. 1990 թվականից ի վեր ավելացել է, երբ քաղաքում հայերի թիվը եղել է 31 402[4]։
Քաղաքականություն[խմբագրել | խմբագրել կոդը]
Հայ համայնքը ներկայացված է Գլենդելի քաղաքային խորհրդում։ ԱՄՆ Կոնգրեսում քաղաքը ներկայացնում է Ադամ Շիֆը, ով հայտնի է իր հայամետ դիրքորոշմամբ. դա խոսում է քաղաքի հայ համայնքի մեծ ազդեցության մասին։ Նահանգի օրենսդիր ժողովում քաղաքը ներկայացված է Փոլ Գրիգորյանի (Դեմոկրատական կուսակցություն) կողմից։ Գլենդելը Կապանի քույր քաղաքն է Հայաստանում։
Հայերը՝ Գլենդելի քաղաքապետեր[խմբագրել | խմբագրել կոդը]
Գլենդելի հայտնի հայերը[խմբագրել | խմբագրել կոդը]
Քաղաքի բնակիչներ կամ այնտեղ բնակվողներ․
- Աբրահամյան Տաթև, շախմատիստուհի
- Տիգրան Առաքելյան, ֆլեյտահար / դիրիժոր
- Արմեն Չաքմաքյան, կոմպոզիտոր և երաժիշտ
- Տարոն Մալաքյան, կիթառահար, System of a Down
- Րաֆֆի Մանուկյան, քաղաքական գործիչ
- Վանես Մարտիրոսյան, բռնցքամարտիկ
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ сайт консульства
- ↑ «www.systemofadown.com». Արխիվացված է օրիգինալից 2018 թ․ հունվարի 1-ին. Վերցված է 2018 թ․ սեպտեմբերի 5-ին.
- ↑ U.S. Census Bureau — Ancestry:2010 — Glendale city, California
- ↑ «ARMENIAN POPULATION UP VALLEY, GLENDALE AND BURBANK SHOW BIG PERCENTAGE HIKES». Արխիվացված է օրիգինալից 2017 թ․ հուլիսի 16-ին. Վերցված է 2019 թ․ փետրվարի 26-ին.