Վինի Թուխը (մուլտֆիլմ, 2011)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Վինի Թուխը և իր ընկերները
անգլ.՝ Winnie the Pooh
The Many Adventures of Winnie the Pooh poster.jpg
Winnie the Pooh (2011 film) logo.svg
Տեսակ անիմացիոն մուլտֆիլմ
Ժանր մուլտֆիլմ,
կատակերգություն,
արկածային,
ընտանեկան
Կերպարներ Վիննի Թուխ[1], Christopher Robin[1], Eeyore[1], Owl[1], Tigger[1], Rabbit[1], Piglet[1], Kanga[1] և Roo[1]
Գործողության վայր Հարյուր հեկտարանոց անտառ
Հիմնված է Վինի Թուխ[1][1]
Շարքի մասն է Disney's Winnie-the-Pooh films և Walt Disney Animation Studios films
Ռեժիսոր Սթիվեն Անդերսոն,
Դոն Խոլ
Սցենարիստ Ա.Ա.Միլն
Հնչյունավորում Ջիմ Կամինգս,
Թոմ Կեննի,
Բադ Լակի,
Ջոն Կլիզ,
Կրեյգ Ֆերգյուսոն
Պատմող Ջոն Քլիզ[1]
Պրոդյուսեր Կլարկ Սփենսեր,
Ջոն Լեսեթեր,
Պիտեր դել Վեչո,
Կրեյնգ Սոստ
Գործադիր պրոդյուսեր Ջոն Լեսսետեր[1]
Բեմադրող նկարիչ Բեռնի Մաթիսոն
Երաժշտություն Հենրի Ջեկման,
Ռոբերտ Լոպես,
Քրիսթեն Անդերսոն-Լոպես
Օպերատոր Խուլիո Մակատ
Խմբագիր Lisa Linder[1]
Երկիր Ամերիկայի Միացյալ Նահանգներ ԱՄՆ
Լեզու անգլերեն
Ընկերություն Walt Disney Animation Studios
Դիստրիբյուտոր InterCom և Fórum Hungary
Տևողություն 64 րոպե
Շարք Disney's Winnie-the-Pooh films և Walt Disney Animation Studios films
Թվական 2011
Պարգևներ Էնի պարգև
movies.disney.com/winnie-the-pooh

«Վինի Թուխը և իր ընկերները» (անգլ.՝ Winnie the Pooh), «Ուոլթ Դիսնեյ ընկերության» հիսունմեկերորդ լիամետրաժ անիմացիոն մուլտֆիլմը։ Թողարկվել է 2011 թվականին ռեժիսորներ Սթիվեն Անդերսոնի և Դոն Խոլի կողմից։ Ֆիլմը արտադրվել է մի շարք պրոդյուսերների կողմից. Ջոն Լեսեթեր՝ պատասխանատու է «Փիքսար» ընկերության անիմացիոն ֆիլմերի համար և «Ուոլթ Դիսնեյ ընկերության» ղեկավարը, Կլարկ Սփենսեր՝ ավելի վաղ աշխատել է «Լիլո և Սթիչ» մուլտֆիլմի վրա և Բեռնի Մաթիսոնը՝ ավելի վաղ աշխատել է «Առյուծ արքան» մուլտֆիլմի վրա։

Սա երկրորդ անիմացիոն լիամետրաժ մուլտֆիլմն է (և տասերորդը թողարկված «Ուոլթ Դիսնեյ ընկերության» կողմից) Վինի Թուխի մասնակցությամբ։ Մուլտֆիլմը նկարահանվել է համանուն գրքի տասերկուերորդ գլխի հիման վրա «Գլուխ տասերկու, որտեղ նապաստակը շատ զբաղված է և մենք առաջին անգամ հանդիպում ենք բծավոր Շասվիրնուսի հետ»:

Սկզբից Ռուսաստանում պլանավորվում էր մուլտֆիլմը թողարկել 2011 թվականի հունիսին անմիջապես DVD տարբերակով, առանց կինոթատրոններում ցուցադրելու[2]: Բայց ավելի ուշ հայտարարեցին, որ 2011 թվականի օգոստոսի 25-ին այն կցուցադրեն կինոթատրոններում[3]:

Սյուժե[խմբագրել | խմբագրել կոդը]

Սկիզբ[խմբագրել | խմբագրել կոդը]

Մուլտֆիլմը սկսվում է նրանով, որ հեղինակը ասում է քնած Վինի Թուխին, որ ժամանակն է արթնանալ, քանի որ նրան սպասվում է շտապ-կարևոր մի գործ։ Երբ նա արթնանում է, պարզվում է, որ մեղրը վերջացել է և նա գնում է Իշուկի մոտ, որպեսզի մեղր խնդրի նրանից։ Բայց նա ոչ միայն մեղր չուներ, այլ նաև կորցրել էր իր պոչը։ Քրիստոփոր Ռոբինը հայտարարում է մրցույթ՝ «Լավագույն պոչափոխարինում» և բոլորը սկսում են առաջարկել տարբերակներ։ Մրցույթի մրցանակն է մեղրը՝ Վինիի առաջարկով։ Հաղթում է Ֆիլինը։

Իսկ Վինի Թուխը գնաց մեղր խնդրելու Քրիստոփոր Ռոբինից, բայց պարզվում է, որ նա տանը չէ, և այնտեղ կար միայն գրություն։ Վինին այն տանում է Ֆիլինի մոտ (ով միակն էր, որ կարողանում էր կարդալ) և պարզվում է, որ գրության շարադրանքը հետևյալն է. «Ես գնացել եմ Յասկորրի գործերով...Ք.Ռ.»: Փիլինը հայտարարում է տագնապ, քանի որ Քրիստոփոր Ռոբինին գոցացել էր մի սարսափելի հրեշ Յակսոր անունով։ Իսկ նապաստակը մշակել էր մի նախագիծ, թե ինչպես փրկել Քրիստոփորին։ Բոլորը սկսեցին զբաղվել դրանով բացի Վագրից, ով գնացել էր Յակսորին «հետախուզելու»: Բայց հրեշի փոխարեն նա գտավ Իշուկին, որին որոշեց դարձնել «Վագրիկ համար 2»: Վագրիկը (№ 1) փոխվեց և դարձավ Յակսոր և սկսեց փորձել Իշուկին, թե ինչ կաներ նա, եթե նրա վրա հարձակվեր հրեշ։ Իշուկը՝ չսպասելով Վագրիկի կողմից նման վերաբերմունք, թաքնվեց թփերի ետևում։ Իսկ Վագրիկը նկատեց իր իսկ հետքերը և որոշեց, որ նրան հետևում է հրեշը և մտածեց, որ Վագրիկ № 2-ին հրեշը արդեն կերել է։ Վագրը խախեցավ և այդ հանդերձանքով փախավ անտառ։

Միջին մաս[խմբագրել | խմբագրել կոդը]

Այդ պահին Դնչիկը փորում էր խոր փոս, իսկ Վինին «գլխավորում էր խումբը»: Երբ փորելը ավարտվեց, Դնչիկը փոսի վրա պիկնիկի գորգ փռեց և վրան մի դատարկ զամբյուխ դրեց մակագրությամբ. «Մեղր ». Այդ պահին Վինին շատ էր սովածացել, նա սկսեց զառանցել, օրինակ՝ նրա ստվերը նման էր մի աման մեղրի, իսկ Կենգույի և Ռուի մոտ սկսվեց հետևյալ երկխոսությունը.

« Մայրիկ, կարելի՞ է մի քիչ մեղր ուտել» — «Ո՛չ, սկզբից մեղրը, ապա նոր մեղրը». Զառանցանքերը հեղինակը նկարագրել է մի ամբողջ տող գրելով «Մեղր, Մեղր, Մեղր»…

Երբ արջուկը բացեց աչքերը, նա տեսավ որ ամեն ինչ պատրաստված էր մեղրից։ Վինին ուտում էր և ուտում էր մեղրը և մեկել հանկարծ պարզվում է, որ նա ուտում է ցեխը լճակի միջից։ Այդ ժամ նա գնաց փնտրելու իրական մեղր և գտավ զամբյուղը, որի վրա գրված էր «Մեղր»: Պարզվում է զամբյուղը դատարկ էր, իսկ Վինին՝ փոսի մեջ։ Այդ ընթացքում բոլորը փնտրում էին արջուկին և նրան գտան փոսի մեջ։

Հանկարծ նրանց մոտ եկավ Իշուկը նոր պոչով (մի մեծ խարիսխ երկար շղթայի վրա)։ Նապաստակի մոտ հայտնվեց ևս մի իդեալական գաղափար. պետք է վ, հանել նրան, հետո երցնել խարիսխը Իշուկի շղթայի վրայից, գցել այն Վինի մոտ փոսի մեջ, այնտեղից հանել նրան, դառնալ հայտնի, ստանալ մրցանակ և դառնալ բոլոր նապաստակների թագավորը։ Ընդհանուր հաշվով նապաստակը շողվել էր իրական հանձնարարությունից, բայց երբ վերադարձավ դրան, գաղաձարը կյանքի կոչեց։ Բայց ամեն ինչ չստացվեց այպես, ինչպես նա էր ուզում։ Շղթան կարճ էր, այդ իսկ պատճառով բոլորը հայտնվեցին փոսում, բացի Դնչիկից։

Ավարտ[խմբագրել | խմբագրել կոդը]

Նապաստակը սկսեց ցուցումներ տալ Դնչիկին, թե ինչ պետք է անել, որպեսղի կարողանան բոլորը դուրս գալ փոսից։ Դժբախտաբար,խոզուկը չափազանց հիմար էր իր ընկերներին դուրս հանելու համար, այս պատճառով նա կարծում էր, որ ծաղիկը բավական գեղեցիկ է իր ընկերներին դուրս հանելու համար, գիրքը բավական հաստ է, իսկ պարանը շատ կարճ է։ Վերջապես նապաստակը կարողացավ համոզել Դնչիկին, որ պետք է գնալ Քրիստոփոր Ռոբինի մոտ և այնտեղից բերել պարան։ Ֆիլինը դուրս թռավ փոսից, որ քաջալերի խոզուկին, բայց չգիտես ինչու կրկին ետ եկավ։

Դնչիկը երկար ժամանակ թափառում էր անտառում։ Ծառի ճյուղերի մեջ նա գտավ մի փուչիկ։ Հանկարծ նրան մոտեցավ Յասկոր հրեշի ուրվագիծը։ Դնչիկը նստեց փուչիկ վրա և թռավ վեր։ Յասկորը, իհարկե, Վագրիկն էր։ Բայց Դնչիկի գոռոցի վրա՝ «Յասկորն այնտեղ էր!!!» նա այնպիսի կերպ արձագանքեց, որ Վագրիկը կարծեց, որ հրեշը իր մեջքի ետևում է և այդ պատճառով վազեց Դնչիկի ետևից։ Այս մրցարշավի պատճառով երկուսնել հայտնվեցին փոսի մեջ։

Վինին տեսավ փոսում զամբյուղը մակագրությամբ «Մեղր» և կառուեց աստիճան։ Զամբյուղը, իհարկե, դատարկ էր։ Նապաստակը տեսավ, որ ելք հայտնվեց, և բոլորը դուրս եկան փոսից։ Այդ պահին թփերի միջից ձայն լսվեց և այնտեղից դուրս եկավ… Քրիստոփոր Ռուբինը, ողջ և առողջ, փուչիկով։ Ընկերները պատմեցին նրան Յասկորի մասին, իսս հետո պարզվեց, որ գրության մեջ գրված էր. «Ես գնացել եմ գորշերով, շուտով կվերադառնամ...Ք.Ռ. »

Արդեն մթնում էր, իսկ Վինին դեռ սոված էր։ Նա եկավ Ֆիլինի մոտ, որպեսզի նրանից մեղր խնդրեր և այնտեղ գտավ Իշուկի պոչը։ Վինին անմիջապես վերցրեց պոչը և վազեց Քրիստոփոր Ռոբինի մոտ։ Իշուկը կրկին ետ ամրացրեց իր պոչը, իսկ այդ արարքի համար Վինին ստացավ մի մեծ աման «Մեղր»:

Հենց այդ գիշեր մի ահավոր հրեշ, շատ նման Յասկորին, դուրս եկավ անտառից և ընկավ փոսի մեջ...

Հնչյունավորում[խմբագրել | խմբագրել կոդը]

  • Ջոն Կլիզ - Հեղինակ
  • Ջիմ Կամինգս - Վինի արջուկ
  • Թոմաս Կենի - Նապաստակ
  • Կրեյգ Ֆերգյուսոն - բու Ֆիլին
  • Թրեվիս Օութս - Դնչիկ
  • Բադ Լակի - Իշուկ
  • Քրիսթեն Անդերսոն-Լոպես - Կենգա
  • Թրեվիս Օութս - Փոքրիկ Ռու
  • Ջիմ Կամինգս - Վագր
  • Ջեկ Բոլտեր - Քրիստոփոր Ռոբին

Մրցանակներ և նոմինացիաներ[խմբագրել | խմբագրել կոդը]

Տարի Մրցանակ Կատեգորիա Թեկնածու Արդյունք
2012 Էննի Լավագույն լիամետրաժ անիմացիոն մուլտֆիլմ Ջերեմի Սպիրս Հաղթանակ

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]