Վերա Պավլովնայի իններորդ երազը

Վիքիպեդիայից՝ ազատ հանրագիտարանից
Jump to navigation Jump to search
Վերա Պավլովնայի իններորդ երազը
ռուս.՝ Девятый сон Веры Павловны
Ժանրպատմվածք
ՀեղինակՎիկտոր Պելևին
Բնագիր լեզուռուսերեն
Հրատարակություն1991

«Վերա Պավլովնայի իններորդ երազը» (ռուս.՝ «Девятый сон Веры Павловны»), ռուս ժամանակակից գրող Վիկտոր Պելևինի պատմվածքը, որն առաջին անգամ հրապարակվել է 1991 թվականին «Կապույտ լապտեր» հեղինակային առաջին ժողովածուում[1]։

Բովանդակություն[խմբագրել | խմբագրել կոդը]

Պելևինի վաղ պատմվածքի գործողությունը տեղի է ունենում վերակառուցման ֆոնին և նույնիսկ առաջարկում է դրա պատճառների ֆանտաստիկ բացատրությունը։

Պատմվածքի գլխավոր հերոսուհին տղամարդկանց հասարակական զուգարանի հավաքարար Վերան է։ Նա տարված է սոլիպսիզմի փիլիսոփայական համակարգով և վարում է մի կյանք, որն աննկատ կառավարում է ընկերուհին հարևան զուգարանից։ Ինչ-որ պահի ընկերուհին Վերային բացահայտում է կյանքի գաղտնիքը, թեպետ չի կարողանում բացահայտել նրա իմաստը։ Գաղտնիքը լինում է շատ պարզ, և ամբողջ պատմվածքի ընթացքում այն բավական արագ պարզվում է. ամեն ինչ ընթանում է այնպես, ինչպես կցանկանանք մենք։ Վերան ցանկանում է, որ զուգարանում լինեն նկարներ ու երաժշտություն[1][2]։

Հենց դա է լինում իրադարձությունների զսպանակը. սկսվում են ցույցեր, զուգարանում մոռացվում է «Վերակառուցման պարադիգմն այլընտրանք չունի» կարգախոսը, որից հետո հաստատությունը սեփականաշնորհվում է։ Նոր սեփականատերը նկարներ է կախում, Վերան այժմ նաև երաժշտություն է միացնում, այնպես որ առաջին հուզված այցելուները զուգարանից օգտվում են Բախի երաժշտության ներքո։ Վերայի ցանկությունն արդեն իրականացել է, բայց վերակառուցումը շարունակվում է, և ահա այժմ արդեն զուգարանի փոխարեն շքեղ խանութ է[2]։

Միակ բանը, որ Վերան չի հասկանում, թե ինչու մարդիկ և իրերը այնպիսի տեսք ունեն, կարծես կղանքի մեջ են, իսկ պատի հետևից լսվում է շիթի ձայնը։ Պատմվածքի ապոթեոզում շքեղ պատրանքը փլուզվում է, կեղտի հոսքը հեղեղում է ամեն ինչ և Վերային տանում դեպի Ահեղ դատաստան։ Սոլիպսիզմի համար նրան դատապարտում են խորհրդային ռեալիստական արձակում հավերժ բնակության, բայց այնտեղ ամեն ինչ արդեն զբաղված է: «Ի՞նչ անել»,- հարցնում է Դատավորը։ Արդյունքում Վերային որպես Վերա Պավլովնա տեղավորում են խորհրդային դպրոցական շրջանում ուսումնասիրված գրքում՝ Նիկոլայ Չեռնիշևսկու «Ի՞նչ անել» վեպում։ Եվ պարզվում է, որ տեղի ունեցածը Վերա Պավլովնայի հերթական՝ իններորդ երազն է, որը դեռևս դպրոցից ձանձրացրել էր ընթերցողին[2]։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]