Զիգմունդը սրճարանում

Վիքիպեդիայից՝ ազատ հանրագիտարանից
Jump to navigation Jump to search
Զիգմունդը սրճարանում
Ժանրպատմվածք
ՀեղինակՎիկտոր Պելևին
Բնագիր լեզուռուսերեն
Հրատարակություն1993

«Զիգմունդը սրճարանում» (ռուս.՝ «Зигмунд в кафе»), ռուս ժամանակակից գրող Վիկտոր Պելևինի պատմվածքը, որում հեղինակը հերթական անգամ հեգնանքով ծաղրում է ընթերցողին[1]։

Բովանդակություն[խմբագրել | խմբագրել կոդը]

Վիկտոր Պելևինի վաղ շրջանի պատմվածքում օգտագործված է Պելևինին բնորոշ հնարք, որը հանդիպում է նաև նրա այլ ստեղծագործություններում՝ «Միջատների կյանքը», «Մենակյացը և Վեցմատնյան», «Նիկա»[2]։

Զիգմունդը նստած է Վիեննայի սրճարանում և շուրջը տեղի ունեցող մանր իրադարձություններին միատեսակ արձագանքում է. «Ըհը»։ Տիկինը նախատում է պարոնին, որ իր պայուսակի մեջ ձյուն է լցվել: «Ըհը»,- ցածրաձայն ասում է Զիգմունդը։ Մատուցողը, տիրուհու ցուցումներով, բացում է հատակի մտոցը և մտնում ներս։ Տիրուհին բարձրանում է մատուցողի դրած աստիճանով։ «Ըհը՜, Ըհը՜»,- բարձրաձայն ասում է Զիգմունդը[2]։

Նմանատիպ մի քանի կրկնումներից հետո միայն «ամենաանարատ» ընթերցողը, որը երբեք չի լսել դոկտոր Զիգմունդ Ֆրոյդի և նրա տեսությունների մասին, կարող է չհասկանալ, որ խոսքն առօրյա դրվագների ֆրոյդյան մեկնաբանությունների մասին է[2]։

Բայց պատմվածքի ավարտին պարզվում է, որ այս Զիգմունդը պարզապես թութակ է վանդակում, որը տեղադրված է սրճարանում։ Պատմվածքը ներծծված է Ֆրոյդի և նրա ամենաթափանց սեռականության տեսության հանդեպ նաբոկովյան հեգնանքով[2]։

Ծանոթագրություններ[խմբագրել | խմբագրել կոդը]

  1. «Зигмунд в кафе»։ Libs.ru - поиск лучших книг и авторов (ռուսերեն)։ Վերցված է 2021-02-09 
  2. 2,0 2,1 2,2 2,3 «Пелевин Виктор - Зигмунд в кафе»։ Аудиокниги Клуб - Слушаем Онлайн!։ 2019-08-12։ Վերցված է 2021-02-09 

Արտաքին հղումներ[խմբագրել | խմբագրել կոդը]