Կառլա Բրունի

Վիքիպեդիայից՝ ազատ հանրագիտարանից
Կառլա Բրունի
իտալ.՝ Carla Bruni և ֆր.՝ Carla Bruni
Carla Bruni-Sarkozy (3).jpg
Ծնվել է դեկտեմբերի 23, 1967({{padleft:1967|4|0}}-{{padleft:12|2|0}}-{{padleft:23|2|0}})[1] (49 տարեկան)
Ծննդավայր Թուրին, Իտալիա[1]
Քաղաքացիություն Flag of Italy.svg Իտալիա
Flag of France.svg Ֆրանսիա
Մայրենի լեզու իտալերեն
Կրթություն Ժանսոն-դը-Սայի լիցեյ և Փարիզ 1 Պանթեոն-Սորբոն համալսարան
Մասնագիտություն հեղինակ-կատարող, մոդել, դերասան, երգիչ և կոմպոզիտոր
Ամուսին Նիկոլա Սարկոզի
Ծնողներ հայր՝ Alberto Bruni Tedeschi, մայր՝ Մարիսա Բորինի
Զբաղեցրած պաշտոններ Spouse of the President of France
Պարգևներ և
մրցանակներ
Երեխաներ Ջուլիա Սարկոզի և Aurélien Enthoven
Կայք carlabrunisarkozy.org/en/
Carla Bruni Վիքիպահեստում

Կառլա Բրունի (անգլ.՝ Carla Bruni, ծնվ.՝ դեկտեմբերի 23, 1967 Թուրին, Իտալիա), իտալա-ֆրանսիական ֆոտոմոդել, երգչուհի, երգահան, դերասանուհի, կոմպոզիտոր, Ֆրանսիայի 23-րդ նախագահ Նիկոլա Սարկոզիի երրորդ կինը։

Կենսագրություն[խմբագրել | խմբագրել կոդը]

Կառլա Բրունին ծնվել է 1967 թվականի դեկտեմբերի 23-ին Իտալիայի Թուրին քաղաքում։ Մայրը՝ Մարիզա Բորինին եղել է դաշնակահարուհի, իսկ հայրը՝ Ալբերտո Բրունին օպերային երգահան, CEAT ընկերության տնօրեն։ Կառլայի քույրը՝ Վալերիա Բրունին, դերասան և կինոռեժիսոր է։ Եղբայրը՝ Վիրջինիո Բրունին, մահացել է 2006 թվականին ՁԻԱՀ-ից։ Ընտանիքն Իտալիայից Ֆրանսիա է տեղափոխվել, երբ Կառլան հինգ տարեկան էր, չնայած մինչև 2008 թվականը նա միայն Իտալիայի քաղաքացի էր։ Տեղափոխման պատճառն այն էր, որ այդ ժամանակ Թուրինում շրջելիս է եղել «Կարմիր խմբավորումներ» ահաբեկչական կազմակերպությունը, որն առևանգում էր հարուստ ընտանիքների երեխաներին և գումար պահանջում[2]: Ալբերտո Բրունիի մահից հետո պարզվել է, որ Կառլան նրա հարազատ աղջիկը չէ։ Կառլան ծնվել է բիզնեսմեն Մոուրիցիո Ռեմերտի և Մարիզայի սիրային հարաբերություններից[3]:

Կարիերա և տղամարդիկ[խմբագրել | խմբագրել կոդը]

Ծնողները Կառլային երաժշտական կրթության են տալիս շվեյցարական մի դպրոցում, որտեղ նա սովորել է դաշնամուր և կիթառ նվագել[4][5][6]: Կրթությանը զուգահեռ նա զբաղվել է մոդելային գործունեությամբ։ Երաժշտական դպրոցն ավարտելուց հետո ընդունվել է Սորբոնի համալսարանի արվեստի պատմության ֆակուլտետը, սակայն կիսատ է թողել ուսումն ու ամբողջովին տրվել մոդելային կարիերային[6]: Կառլան որպես մոդել շատ արագ հաջողությունների է հասնում, մի քանի տարում դառնում Guess-ի ու Versace-ի դեմքը և մտնում աշխարհի 10 ամենահայտնի մոդելների շարքը[7]:Նա աշխատել է այնպիսի թոփ-մոդելների հետ, ինչպիսիք են Կլաուդիա Շիֆերը, Նաոմի Քեմփբելը, Սինդի Քրոուֆորդը, Լինդա Եվանգելիստան և «Վալենտինո», «Լակրուա», «Շանել» և այլ հայտնի նորաձևության տներում[8]: 1994-1995 թվականներին նա ընդհանուր առմամբ, որպես մոդել 7, 5 միլիոն դոլար հոնորար է ստանում։Նա հետևում էր իր կազմվածքին, ապրում առողջ ապրելակերպով և օրվա ընթացքում վազում երեք կիլոմետր[3]: Այդ տարիներին նա հանդիպել է բազմաթիվ տղամարդկանց հետ։ Նրանցից էին երգիչներ Միկ Ջագտերը, Էրիկ Կլեպտոնը, միլիոնատեր Դոնալդ Թրամփը, դերասաններ Քևին Քոսթներ, Վենսան Պերեսը, Չարլզ Բարլինգը, Ֆրանսիայի նախկին վարչապետ Լորան Ֆաբիուսը[5]:

Կառլա Բրունին Վենսան Պերեսի հետ: 1994 թվական, հունվարի 1

1996 թվականին արդեն կայացած մոդելը հասկանալով, որ մոդելային բիզնեսում մանեկենուհու կարիերան երկար չի տևում, թողնում է մոդելային աշխարհը և սկսում զբաղվել երգարվեստով ու նկարահանվել կինոյում:1998 թվականին նա նկարահանվեց Ալեն Բերբերյանի «Պապարացցի» ֆիլմում։ Կառլան ձայնագրեց բազմաթիվ բլյուզ և դանդաղ ռոք երգեր իր հեղինակությամբ, թողարկեց ալբոմներ։ Նա սկսեց ապրել ֆրանսիացի գրող Ժան-Պոլ Էնթովենի և միաժամանակ գաղտնի սիրավեպ սկսեց Էնթովենի որդու՝ սկսնակ փիլիսոփա Ռաֆայելի հետ, որը տաս տարով փոքր էր Կառլայից։ Ռաֆայելն այդ ժամանակ ուներ օրինավոր կին։ Շուտով Կառլան քայքայում է նրանց ընտանիքը, 2001 թվականին երեխա ունենում Ռաֆայելից։ Որդուն անվանում են Օրելյան։2003 թվականին թողարկվում է նրա «Ինչ-որ մեկն ինձ ասաց» («Quelqu'un m'a dit») ալբոմը, որը երգարվեստի մեջ նրան հռչակավոր դարձրեց[3]:

Ֆրանսիայի առաջին տիկին[խմբագրել | խմբագրել կոդը]

2007 թվականին Կառլան լքում է Ռաֆայելին և նույն թվականին մամուլը սկսում է խոսել Կառլայի և Ֆրանսիայի նախագահ Նիկոլա Սարկոզիի սիրավեպի մասին։ Նրանք ծանոթացել են 2007 թվականի նոյեմբերի 13-ին ֆրանսիացի հայտնի իմիջմեյքեր Ժակ Սեգելի տանը։ Սարկոզին նույն օրը Կառլային ամուսնության առաջարկություն է անում, ինչին ի պատասխան Կառլան հայտնում է, որ կամուսնանա միայն այն տղամարդու հետ, որից կցանկանա երեխա ունենալ։ Սեգելը նշել է, որ ամբողջ երեկոյի ընթացքում Կառլան և Սարկոզին փոխադարձաբար սրամտում էին, և նրանց զրույցը նման էր երկու վայրի գազանների միջև գայթակղիչ սիրախաղի։ Երեկոյի ավարտին նախագահն ասաց, որ կժամանի Կառլայի համերգին և նրանք նման կլինեն Ջոն Քենեդի և Մերիլին Մոնրո զույգին։ Ֆրանսիայում միաժամանակ լույս տեսավ երկու գիրք նրանց սիրավեպի մասին[9]: Ծանոթությունից մեկ ամիս անց՝ դեկտեմբերի վերջին Կարլա Բրունին Նիկոլա Սարկոզիին ուղեկցում է Եգիպտոս, իսկ հունվարի 4-ին՝ Հորդանան: Հորդանանից վերադառնալուց հետո Ելիսեյան պալատում մոտ վեց հարյուր լրագրողների մասնակցությամբ անցկացված ասուլիսի ժամանակ նախագահ Նիկոլա Սարկոզին ասում է, որ նախագահը նույնքան իրավունք ունի երջանկության, որքան մյուսները, ոչ ավել, ոչ պակաս, և որ Կառլա Բրունիի հետ իր հարաբերությունները լուրջ են, և նրանք պատրաստվում են ամուսնանալ[10]: 53-ամյա նախագահը նոր էր ավարտել իր երկրորդ ամուսնալուծման գործընթացը։ 2008 թվականի փետրվարի 2-ին նրանք ամուսնացան։

Aquote1.png «Իմ հարսանեկան ճանապարհորդությունը 20 րոպե տևողությամբ զբոսանքն էր Վերսալյան պալատի շրջակայքում, և դա լավագույն ուղևորությունն էր, որ կարելի է պատկերացնել: Ես երբեք չեմ խառնվի նախագահի կառավարական գործերին: Դա նույնքան ծիծաղելի կլինի, եթե նա խորհուրդ տա ինձ գրել երգ այս կամ այն ոճում: Մենք տարբեր մասնագիտություններ ունենք և չպետք է խանգարենք իրար»: Aquote2.png
Նիկոլա Սարկոզիի հետ, 2009 թվական, հոկտեմբերի 10:

Չնայած Կառլան ամուսնությունից հետո այսպիսի հայտարարություն էր արել, բայց պատահում էր այնպես, որ նա պարբերաբար քաղաքական հայտարարություններ էր անում։

Մի անգամ նույնիսկ հրապարակավ թույլ տվեց իրեն վատ արտահայտվել Իտալիայի վարչապետ Սիլվիո Բերլուսկոնիի հասցեին։ Կառլա Բրունիի անվան հետ կապված մեկ այլ պատմություն էլ 2010 թվականին հանգեցրեց միջազգային սկանդալի։ Դա իրանցի Սակինե Աշտիանիի պաշտպանության կոչն էր, որը դատապարտվել էր քարկոծման այն պատճառով, որ նա 2006 թվականին քարկոծման եղանակով մահապատժի էր դատապարտվել ամուսնական անհավատարմության և ամուսնու սպանության մեղադրանքով։ Կառլան բաց նամակով դիմել էր Աշտիանիին՝ արտահայտելով իր ցավակցությունն ու օգնությունը։ «Կայխան» իրանական թերթը Ֆրանսիայի առաջին տիկնոջն անվանեց մարմնավաճառ՝ շեշտելով, որ նրա անցյալն ապացուցում է նրա անբարոյականությունը։ Փարիզը պաշտոնական բացարկ ուղարկեց իրանական իշխանություններին՝ անընդունելի համարելով նմանատիպ հայտարարությունները։ Ֆրանսիայի մի շարք քաղաքներում անցկացվեցին երթեր՝ ի պաշտպանություն Աշտիանիի, իսկ Ֆրանսիայի կառավարությունը Եվրոմիությանը կոչ արեց Իրանին սպառնալ նոր սանկցիաներով։ Բրազիլիայի նախագահ Լուլա դե Սիլվան Աշտիանիին պաշտոնապես քաղաքական ապաստան առաջարկեց։ Միաժամանակ ֆրանսիացի հայտնի կինոդերասանուհի Կատրին Դենյովը, ամբողջությամբ պաշտպանելով իրանուհուն, զգուշությամբ նշել է, որ Կառլան իր այդպիսի անցյալով պետք է զգույշ լիներ[11]: Նույն թվականին Ֆրանսիայում լույս է տեսնում «Կառլա. գաղտնի կյանք» վերնագրով գիրքը: Հեղինակը գրքի մեջ խոսում է Ֆրանսիայի առաջին տիկնոջ բարքի ու նախկին կյանքի, պատմում Կառլայի սիրավեպերի մասին։ «Անտի-Լեդի Դի» կամ «շրջազգեստով Դոն Ժուան», այսպես էր ներկայացնում հեղինակը Կառլային գրքի մեջ։ Գիրքը մեծ աղմուկ հանեց Ֆրանսիայում:Աղմուկը փոքր ինչ լռեցնելու համար կառավարական ընտանիքը մեկ այլ գիրք հրատարակեց՝ «Կառլան ու կարիերիստները», որտեղ խոսվում էր Կառլա Բրունիի կենսագրության մասին, ըստ իր հիշողությունների[12] : 2011 թվականի հոկտեմբերի 19-ին Փարիզի ««Լա Մյուետ» հիվանդանոցում Կառլա Բրունի-Սարկոզին երեխա է ունենում։ Երեխային անվանում են Ջուլիա։ Սարկոզին երեխայի ծնվելու պահին գտնվել է Ֆրանկֆուրտում, որտեղ բանակցություններ է վարել կանցլեր Անգելա Մերկելի հետ։ Բանակցություններից հետո ուղևորվել է Փարիզ` ուղիղ դեպի հիվանդանոց: Ջուլիան Սարկոզիի առաջին դուստրն է: Սարկոզին երեք որդի ունի նախկին ամուսնություններից[13]:

Կառլան նախագահական ընտրություններից հետո[խմբագրել | խմբագրել կոդը]

2012 թվականին նախագահական ընտրություններից առաջ Կառլա Բրունին հայտարարել է, որ չի ցանկանա ամուսինը նորից նախագահ ընտրվի:Նա նշել է, որ վախենում է Սարկոզիի առողջության համար, նա աշխատում է օրը 20 ժամ և չի մտածում իր մասին: Կառլան անհանգստացել է, որ ամուսինը կարող է հանկարծամահ լինել[14]:Նախագահական քարոզարշավների ժամանակ, որին մասնակցում էր նաև Կառլան կորցրել էր իր տեսքը:Կառլայի անհանգստությունն ու ուժեղ սթրեսը բերել են նրան, որ նա ստիպված կաթից կտրել է իր

2016 թվական:

փոքրիկին[15]: Ընտրությունների արդյունքում մայիսի 15-ից Կառլա Բրունին զիջեց իր տեղը Ֆրանսուա Օլանդի զուգընկերուհուն՝ 47-ամյա Վալերի Տրիերվեյլերին[16]:

Ելիսեյան պալատ, 2012 թվական, մայիսի 15:Նիկոլա Սարկոզին և Կառլա Բրունին շնորհավորում են Ֆրանսուա Օլանդին և Վալերի Տրիերվեյլերին

[17]:

Նախագահական ընտրություններում Սարկոզիի պարտությունից հետո Կառլան սկսեց նորից ակտիվ կյանք վարել: Ընտրություններից չորս ամիս անց նա մասնակցեց և երգեց Շառլ Ազնավուրին նվիրված “Դեռ երեկ” (Hier encore) խորագրով միջոցառմանը։ Նա նորից իրեն դրսևորեց երգարվեստի և մոդայի աշխարհում։ 2013 թվականին նա դառնում է իտալական Bvlgari ապրանքանիշի առաջավոր դեմքը։ Նա ցուցադրել է ընկերության նոր հավաքածուի մատանիները, ժամացույցները, վզնոցները, ապարանջանները[18]: Շուտով թողարկվեց նրա չորրորդ ալբոմը «Փոքրիկ ֆրանսիական երգեր» անվանումով։ 2014 թվականի հունիսի 2-ին Կառլա Բրունին առաջին անգամ մենահամերգով ելույթ է ունեցել Մոսկվայի երաժշտության տան Սվետլանովյան սրահում։ Համերգի ժամանակ նա երգ է նվիրել Նիկոլա Սարկոզիին[19]: Երկու օր անց նա երգել է Սանկտ Պետերբուրգի Միխայլովյան թատրոնում[20]: 2014 թվականից նա ղեկավարել է Band Aid բարեգործական նախագծի ֆրանսիական տարբերակը։ Նախագծի շրջանակներում ձայնագրված երգից ստացված հասույթը փոխանցվել է Աֆրիկայում տարածված Էբոլա տենդի պայքարին։ Կառլան իր համաձայնությունն է տվել Նիկոլա Սարկոզիին, որ նա մասնակցի 2017 թվականին Ֆրանսիայում կայանալիք նախագահական ընտրություններին[21]:

Ալբոմներ[խմբագրել | խմբագրել կոդը]

  • 2003:«Ինչ-որ մեկն ինձ ասաց», (Quelqu'un m'a dit)[22]։
  • 2006:«Ոչ մի խոստում», (No Promises)[23]:
  • 2008:«Կարծես ոչինչ չէր պատահել», (Comme si de rien n'était)[24]:
  • 2012:««Փոքրիկ ֆրանսիական երգեր», (Little French Songs)[25]:

Տես նաև[խմբագրել | խմբագրել կոդը]

  • [1] Կառլա Բրունիի, ֆոտոշարք
  • [2] «Ինչ-որ մեկն ինձ ասաց», ալբոմ։
  • [3], «Ոչ մի խոստում», ալբոմ
  • [4]«Կարծես ոչինչ չէր պատահել» ալբոմ
  • [5] «Կառլա. գաղտնի կյանք», գիրք
  • [6] Կառլա Բրունիի պաշտոնական կայք

Ծանոթագրություններ[խմբագրել | խմբագրել կոդը]

  1. 1,0 1,1 German National Library, Berlin State Library, Bavarian State Library et al. Record #134138813 // Gemeinsame Normdatei — 2012—2016.
  2. http://www.vokrug.tv/person/show/carla_bruni/
  3. 3,0 3,1 3,2 http://www.uznayvse.ru/znamenitosti/biografiya-karla-bruni.html
  4. https://lenta.ru/lib/14186598/
  5. 5,0 5,1 http://starwives.ru/zhena-sarkozi.html
  6. 6,0 6,1 http://www.1tvnet.ru/content/show/karla-bruni-biografiya_04290.html
  7. http://www.vanityfair.com/news/2013/05/carla-bruni-memorable-fashion
  8. http://vev.ru/blogs/supermodeli-za-kadrom-backstage-legend-podiuma.html
  9. http://www.tatar-inform.ru/news/2008/02/08/96507/
  10. http://www.superstyle.ru/22dec2011/ulybka_terminatora?print=1
  11. http://www.bbc.com/russian/international/2010/08/100830_iran_bruni_prostitute.shtml
  12. http://www.caravan.kz/art/sarkozi-pytaetsya-spasti-svojj-rejjting-posle-vykhoda-skandalnojj-biografii-zheny-3497/
  13. https://www.gazeta.ru/social/2011/10/12/3799366.shtml
  14. http://www.alt.kp.ru/online/news/1142759
  15. http://www.dni.ru/showbiz/2012/5/2/232572.html
  16. http://armlur.am/24232/
  17. https://commons.wikimedia.org/wiki/Category:Val%C3%A9rie_Trierweiler#/media/File:PR-2012-05-15_IMG_1715.jpg
  18. http://www.euromag.ru/lifestyle/41335.html
  19. http://blognews.am/arm/news/163330/karla-brunin-moskovyan-hamergi-zhamanak-erg-e-nvirel-amusnun-nikola-sarkoziin.html
  20. http://www.sobaka.ru/photo/photo/23928
  21. http://www.kp.ru/daily/26226/3109353/
  22. https://en.wikipedia.org/wiki/Quelqu%27un_m%27a_dit
  23. https://en.wikipedia.org/wiki/No_Promises_(Carla_Bruni_album)
  24. https://en.wikipedia.org/wiki/Comme_si_de_rien_n%27%C3%A9tait
  25. https://en.wikipedia.org/wiki/Little_French_Songs