Միքայել VIII Պալեոլոգոս

Միքայել VIII Պալեոլոգոս հուն․՝ Μιχαήλ Η΄ Παλαιολόγος
Ծնվել է	1224
Ծննդավայր	Նիկիայի կայսրություն
Մահացել է	դեկտեմբերի 11, 1282
Մահվան վայր	Թրակիա, Բուլղարիա
Քաղաքացիություն	Բյուզանդական կայսրություն և Նիկիայի կայսրություն
Կրոն	ուղղափառություն
Մասնագիտություն	քաղաքական գործիչ
Ամուսին	Theodora Palaiologina?
Ծնողներ	հայր՝ Andronikos Palaiologos?, մայր՝ Theodora Angelina Palaiologina?
Զբաղեցրած պաշտոններ	Բյուզանդիայի կայսր
Երեխաներ	Manuel Palaiologos?, Անդրոնիկոս II Ավագ, Konstantinos Palaiologos?, Irene Palaiologina?, Anna Palaiologina?, Eudokia Palaiologina?, Theodorus Palaiologos?, Euphrosyne Palaiologina? և Մարիա Պալեոլոգինա
Michael VIII Palaiologos Վիքիպահեստում

Միքայել VIII Պալեոլոգոս (1224, Նիկիայի կայսրություն - դեկտեմբերի 11, 1282, Թրակիա, Բուլղարիա), կայսր 1261 թվականից։ Պալեոլոգոսների դինաստիայի հիմնադիրը։

Նիկիայի Լասկարիդների կայսրության զորավարներից էր։ 1258 թվականին ընտրվել է Նիկիայի անչափահաս կայսր Հովհաննես IV Լասկարիսի (1258-1261) կայսերակից, իսկ 1259 թվականի սկզբին՝ կայսր։ 1261 թվականին Միքայել VIII-ի զորքերը գրավել են Կ․ Պոլիսը, վերացրել խաչակիրների հիմնած Լատինական կայսրությունը։ Միքայել VIII հռչակվել է Բյուզանդիայի կայսր՝ վերականգնելով 1204 թվականից ընդհատված Բյուզանդական կայսրությունը։ Երկրի ներքին և արտաքին ծանր վիճակից դուրս գալու ելքը համարել է դաշինքը Արևմուտքի հետ՝ դրա անհրաժեշտ պայման դիտելով եկեղեցիների միությունը, որն իրագործվել է 1274 թվականին (պապի գերիշխանությամբ)։ Սակայն միությունը ձևական բնույթ էր կրում, պապը չէր իրագործում իր պարտավորությունները Բյուզանդիայի հանդեպ, իսկ կայսրության տարբեր խավերի ներկայացուցիչները չէին ընդունում միությունը։ Հ. Բարթիկյան

Վիքիպահեստն ունի նյութեր, որոնք վերաբերում են «Միքայել VIII Պալեոլոգոս» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 624)։