Բուղաշեն գյուղի տարածքում առկա են բազմաթիվ հուշարձաններ։ Այստեղ է գտնվում 1830-ական թվականներին կառուցված Սուրբ Հարություն եկեղեցին[1][5], հին հայկական գերեզմանոց և այլ պատմամշակութային հուշարձաններ[1]։
2019 թվականի հունվարի 20-ին գյուղում բացվեց Արցախյան պատերազմում զոհված ազատամարտիկ Միքայել Ավագյանի կիսանդրին[6]։ Հուշարձանի բացման կապակցությամբ Ադրբեջանի Հանրապետության դեսպանը Վրաստանում բողոքի նոտա է հանձնել Վրաստանի Արտաքին գործերի նախարարությանը, իսկ Ադրբեջանում Վրաստանի դեսպանը կանչվել է Ադրբեջանի Արտաքին գործերի նախարարություն[7]։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 606)։