Լոուրենս Արաբացի (ֆիլմ)

Լոուրենս Արաբացի Lawrence Of Arabia
Ժանր	դրամա պատմական թրիլեր
Երկիր	ԱՄՆ Մեծ Բրիտանիա
Թվական	1962
Լեզու	անգլերեն
Ռեժիսոր	Դևիդ Լին
Պրոդյուսեր	Սեմ Սպիգել
Սցենարիստ(ներ)	Ռոբերտ Բոլտ Մայքլ Ուիլսոն
Դերակատարներ	Պիտեր Օ'Թուլ Օմար Շարիֆ Էնթոնի Քուին
Օպերատոր	Ֆրեդդի Յանգ
Երաժշտություն	Մորիս Ժար
Ընկերություն	Columbia Pictures
Տևողություն	222 րոպե
Բյուջե	15 000 000 դոլլար
Շահույթ	70 000 000 դոլլար
IMDb	ID 0056172
description

«Լոուրենս Արաբացի» (անգլերեն Lawrence of Arabia), 1963 թվականին անգլիացի ռեժիսոր Դևիդ Լինի նկարահանած պատմական ֆիլմ դրամա, արժանացել է 7 «Օսկարի» և 4 «Ոսկե Գլոբուսի»:

Սյուժեն

Ֆիլմը պատմում է բրիտանացի սպա, գրող և ճանապարհորդ Էդվարդ Թոմաս Լոուրենսի Առաջին համաշխարհային պատերազմի տարիների Արաբական թերակղզու երկրներում անցկացրած կյանքի մասին է, որտեղ նա փաստացի գլխավորել է արաբների պատիզանական բանակը, որը մարտնչում էր Օսմանյան Թուրքիայի դեմ հանուն ազատության, հենց Արաբական երկրներում ապրած տարիներին էլ նրան տվել են «Արաբացի» մականունը:

Սցենարի հիմքում հենց Լոուրենսի «Իմաստության յոթ սյուներ» գրվածքն է, ընգրկելով նաև այլ պատմական փաստեր նրա կենսագրությունից և Արաբիայի պատմությունից:

Երիտասարդ սպա Լոուրենսը (Պիտեր Օ'Թուլը), Արաբական բյուրոյի խնդրանքով ուղևորվում է անապատային ճանապարհորդության հանդիպելու և կապեր հաստատելու արքայազն Ֆեյսալի (Ալեք Գինես) հետ, ճանապարհին շերիֆ Ալին (Օմար Շարիֆ) սպանում է նրա ուղեկցորդներից մեկին, ով ցանկանում էր խմել նրա ջրհորից հայտարարելով, որ ուրիշ մարդ իրավունք չունի խմել իր ջրհորներից:

Հանդիպելով անգլիացի խորհրդականի, Լոուրենսը հասնում է Ֆեյսալի ճամբար և իր անկեղծությամբ ու շիտակ վարքով կարողանում է ստանալ արքայազնի կարգավիճակ ...

Դերերում

• Պիտեր Օ'Թուլ - Թոմաս Էդվարդ Լոուրենս
• Ալեք Գինես - արքայազն Ֆեյսալ
• Էնթոնի Քուին - Աուդա իբու Տայի
• Օմար Շարիֆ - շերիֆ Ալի-իբն-էլ-Հարիշ
• Խոսե Ֆերրեր - թուրք բեյ
• Ջեք Հոքինս - գեներալ Ալլենբի
• Էնթոն Քուեյլ - գնդապետ Հարրի Բրայթոն
• Կլոդ Ռեյնս - միստեր Դրայդեն
• Արթուր Քենեդի - Ջեքսոն Բենթլի
• Միշել Ռեյ - Ֆարրաջ

Մրցանակներ

Ընդհանուր թվով մոտ 20 տարբեր կինոմրցանակ է ստացել ամբողջ աշխարհում, ներկայացված է եղել ևս 12 մրցանակի, որոնց թվում

• 7 Օսկար
  • Օսկար լավագույն ֆիլմի համար
  • Օսկար լավագույն ռեժիսորի համար
  • Օսկար լավագույն օպերատորական աշխատանքի համար
  • Օսկար լավագույն մոնտաժի համար
  • Օսկար լավագույն բեմադրող նկարչի համար
  • Օսկար լավագույն երգի համար
  • Օսկար լավագույն երաժշտության համար

• 4 Ոսկե Գլոբուս
  • Ոսկե Գլոբուս լավագույն ֆիլմի համար (դրամա)
  • Ոսկե Գլոբուս լավագույն ռեժիսորի համար
  • Ոսկե Գլոբուս երկրորդ պլանի լավագույն դերասանի համար
  • Ոսկե Գլոբուս լավագույն օպերատորական աշխատանքի համար

Ամերիկյան կինոակադեմիայի կողմից հրապարակված տարբեր վարկանիշային ցանկերում հետևալ տեղերում է

• Ամերիկյան բոլոր ժամանակների 10 լավագույն ֆիլմեր ըստ 10 ժանրերի ցանկում 1-ին տեղում է որպես էպիկական ֆիլմ:
• Ամերիկյան բոլոր ժամանակների ֆիլմերի 100 լավագույն դրական և բացասական հերոսների ցանկում գլխավոր հերոս գնդապետ Լոուրենսը 10-րդ տեղում է որպես դրական հերոս:
• Ամերիկյան բոլոր ժամանակների 100 լավագույն ոգեշնչող ֆիլմերի ցանկում 30-րդն է:
• Ամերիկյան բոլոր ժամանակների 100 լավագույն թրիլեր ֆիլմեր - 23
• Ամերիկյան բոլոր ժամանակների ֆիլմերի 25 լավագույն երաժշտություններ - 3

• Empire ամսագրի հարցումներով գլխավորել է Բրիտանական բոլոր ժամանակների 100 լավագույն ֆիլմերի ցանկը:

Հետաքրքիր փաստեր

Պիտեր Օ'Թուլը Լոուրենսի դերում

• շերիֆ Ալիի դերը ըստ նախատեսվածի պետք է խաղար Ալեն Դելոնը, ով սակայն հրաժարվել է այն պատճառով, որ պետք է կրեր մոխրագույն լինզաներ, աչքերի կապույտ գույնը չերևալու համար
• ամբողջ ֆիլմում չհաշված մի փոքրիկ դրվագի, չկա կնոջ ոչ մի դեր
• ֆիլմը Պիտեր Օ'Թուլ-ի նորամուտն էր կինոյում, նաև Օմար Շարիֆի առաջին ֆիլմը, որը նկարահանվում էր Եգիպտոսում, եգիպտացի լինելով նա դեռ չէր նկարահանվել Եգիպտոսում: Ֆիլմը այս երկու դերասանների համար էլ դարձավ հաջող կարիերայի սկիզբ:

Գրականություն

• «ЛОУРЕНС АРАВИЙСКИЙ» // Мусский Игорь Анатольевич. «100 великих зарубежных фильмов». — Москва: Вече, 2008. — P. 74-75. — ISBN 978-5-9533-2750-3
• Brownlow, Kevin (1996). David Lean: A Biography. Richard Cohen Books. ISBN 978-1-86066-042-9.
• Turner, Adrian (1994). The Making of David Lean's Lawrence of Arabia. Dragon's World Ltd. ISBN 978-1-85028-211-2.
• Morris, L. Robert and Raskin, Lawrence (1992). Lawrence of Arabia: the 30th Anniversary Pictorial History. Doubleday & Anchor, New York. A book on the creation of the film, authorised by Sir David Lean.

Արտաքին հղումներ

• Լոուրենս Արաբացի(անգ.) ֆիլմը Internet Movie Database կայքում:
• «Լոուրենս Արաբացի»(ռուս.) ֆիլմը «KinoPoisk» կայքում:
• «Լոուրենս Արաբացի»(անգ.) ֆիլմը Allmovie կայքում:
• «Լոուրենս Արաբացի»(անգ.) ֆիլմը Box Office Mojo կայքում
• Լոուրենս Արաբացի(անգ.) ֆիլմը Rotten Tomatoesկայքում