Անձրևի մարդը
| Անձրևի մարդը Rain Man |
|
 |
|
| Ժանր | դրամա |
|---|---|
| Երկիր |  ԱՄՆ |
| Թվական | 1988 |
| Պրեմիերա | դեկտեմբերի 16, 1988 |
| Լեզու | անգլերեն |
| Ռեժիսոր | Բարրի Լևինսոն |
| Պրոդյուսեր | Մարկ Ջոնսոն |
| Սցենարիստ(ներ) | Բերրի Մորրոու Ռոնալդ Բասս |
| Դերակատարներ | Դասթին Հոֆման Թոմ Քրուզ |
| Օպերատոր | Ջոն Սիլ |
| Երաժշտություն | Հանս Ցիմմեր |
| Մոնտաժ | Ստու Լինդեր |
| Ընկերություն | United Artists |
| Տևողություն | 133 րոպե |
| Բյուջե | 25,000,000 $ |
| Շահույթ | 354,825,43 $ |
| MPAA վարկանիշ |  |
| IMDb | ID 0095953 |
«Անձրևի մարդը» (անգլերեն՝ Rain Man), 1998 թվականին ռեժիսոր Բարրի Լևինսոնի նկարահանած հուզիչ դրամա, Դասթին Հոֆմանի և Թոմ Քրուզի դերակատարմամբ:
Ֆիլմը գլխավոր հերոս աուտիզմով հիվանդ Ռեյմոնդն է, ում փայլուն է մարմնավորել Դասթին Հոֆմանը: Կարելի է ասել, որ Հոֆմանի այս դերը կինոյի պատմության լավագույն դերակատարումներից մեկն է: Ֆիլմն արժանացել է 4 Օսկարի:
Ռեյմոնդի համար որպես նախատիպ սցենարիստները ունեցել են արտառոց հիշողություն ունեցող ամերիկացի Կիմ Պիկին:
Բովանդակություն |
[խմբագրել] Սյուժե
Եսասեր երիտասարդ Չառլի Բեբբիտը անսպասելի իմանում է, որ իր հանգուցյալ միլիոնատեր հայրը, ժառանգությունը թողել է ոչ թե իրեն, այլ աուտիզմով հիվանդ եղբորը` Ռեյմոնդին: Ռեյմոնդը ապրում է հոգեբուժանարում և նրա գոյության մասին Չառլին նույնիսկ չգիտեր: Զայրացած Չառլին որոշում է Ռեյմոնդին վերցնել հիվանդանոցից իր մոտ և բնակվել նրա հետ մինչև ժառանգության կեսը կհասնի իրեն:
Ռեյմոնդը, չնայած ֆենոմենալ հիշողությանը ու մտավոր արտակարգ կարողություններին, հոգեպես գրեթե երեխա է, որն ապրում է իր հորինած աշխարհում` խիստ սահմանված ռեժիմով: Սկզբում Չառլին և իր ընկերուհին` Սյուզաննան, չեն կարողանում հարմարվել Ռեյմոնդի տարօրինակ պահվածքին, սակայն երկու եղբայրները աստիճանաբար մտերմանում են և Չառլին Ռեյմոնդի օգնությամբ կարողանում է դուրս գալ իր ֆինանսական ծանր դրությունից:
Շուտով պարզվում է, որ նրանց ծնողները Ռեյմոնդին տեղափոխել են հիվանդանոց, այն բանից հետո, երբ նա Չառլիիին այրվածքներ էր հասցրել տաք ջրով: Նրանց խոսակցություններից մեկի ժամանակ, Չառլին ասում է, որ իր հիշողությունների մեջ տպավորվել է անձրևի մարդը, ով երգում էր իր համար և հանգստացնում իրեն, երբ ինքը դեռ շատ փոքր էր: Պարզվում է, որ այսպես ասած անձրևի մարդը հենց իր եղբայր Ռեյմոնդն էր (անգլերեն Raymond և Rain Man բառերը շատ նման են հնչում):
Խորհրդակցելով բժիշկ Չառլիի հետ` նա համաձայնում է Ռեյմոնդին տեղափոխել հիվանդանոց, որտեղ Ռեյմոնդի համար ավելի հանգիստ և հարմար կլինի, իսկ ինքը կայցելի հիվանդ եղբորը:
[խմբագրել] Դերերում
| Դերակատար | Դեր |
|---|---|
| Դասթին Հոֆման | Ռեյմոնդ Բեբբիտ |
| Թոմ Քրուզ | Չառլի Բեբբիտ |
| Վալերիա Գոլինո | Սյուզաննա |
| Ջերալդ Մոլեն | բժիշկ Բրյուներ |
| Բոննի Հանտ | մատուցողուհի Սալլի Դիբբս |
| Բարրի Լևինսոն | ավարտի տեսարանի բժիշկներից |
[խմբագրել] Մրցանակներ
Ընդհանուր թվով ֆիլմը ստացել է 21 կինոմրցանակ, ներկայացված է եղել ևս 14-ի:
[խմբագրել] Օսկար
Ներկայացվել է Օսկարի 8 անվանակարգում, ստացել 4-ը
- Օսկար լավագույն ֆիլմի համար
- Օսկար լավագույն ռեժիսորի համար - Բարրի Լևինսոն
- Օսկար լավագույն դերասանի համար - Դասթին Հոֆման
- Օսկար լավագույն օրիգինալ սցենարի համար - Բերրի Մորրոու, Ռոնալդ Բասս
[խմբագրել] Ոսկե Գլոբուս
Ներկայացվել է Ոսկե Գլոբուսի 4 անվանակարգերում ստացել 2-ը
- Լավագույն ֆիլմ (դրամա)
- Լավագույն դերասան (դրամա) - Դասթին Հոֆման
[խմբագրել] Այլ մրցանակներ
- ներկայացվել է 3 BAFTA-ի
- 2 Դավիթ դի Դոնատելլո
- ներկայացվել է Սեզարի
- Բեռլինի կինոփառատոնի 2 մրցանակ
- ԱՄՆ-ի ռեժիսորների գիլդիայի մրցանակ և այլն
Ամերիկյան բոլոր ժամանակների 100 լավագույն ոգեշնչող ֆիլմերի ցանկում 63-րդն է:
[խմբագրել] Արտաքին հղումներ
- Անձրևի մարդը(անգլ.) ֆիլմը Internet Movie Database կայքում:
- «Անձրևի մարդը»(ռուս.) ֆիլմը «kinopoisk» կայքում:
- «Անձրևի մարդը»(անգլ.) ֆիլմը allmovie կայքում:
- «Անձրևի մարդը»(անգլ.) ֆիլմը Box Office Mojo կայքում
- Անձրևի մարդը(անգլ.) ֆիլմը Rotten Tomatoesկայքում
