Հանս Ցիմեր

Հանս Ցիմեր
ԱԱՀ՝	Հանս Ցիմեր
Ծննդյան օր՝	սեպտեմբերի 12, 1957 (1957-09-12)
Ծննդավայր՝	Ֆրանկֆուրտ, Գերմանիա
Քաղաքացիություն՝	ԱՄՆ
Ազգություն	գերմանացի
Կայք՝	hanszimmer.com

Հանս Ֆլորիան Ցիմերը (գերմ.՝  Hans Florian Zimmer) գերմանացի կոմպոզիտոր է, որը գրել է բազմաթիվ երաժշտություններ ֆիլմերի և համակարգչային խաղերի համար: «Օսկար» մրցանակի դափնեկիր է, «Ոսկե Գլոբուս» մրցանակի երկակի դափնեկիր և «Գրեմի» մրցանակի եռակի դափնեկիր:

Կենսագրություն

Ցիմերը ծնվել է Ֆրանկֆուրտում, բայց պատանի հասակում տեղափոխվել է ապրելու Մեծ Բրիտանիա, որտեղ ավարտել է մասնավոր «Hurtwood House» դպրոցը: Բացատրելով Բրիտանիա տեղափոխվելու պատճառները՝ Ցիմերը ասել է. «Իմ հայրը մահացել է, երբ ես շատ փոքր էի, և ես կամաց-կամաց գնում էի դեպի երաժշտությունը, որը ժամանակի ընթացքում դարձավ իմ լավագույն ընկերը»: Երաժշտական կարիերան սկսել է «Ultravox» և «The Buggles» խմբերում, որտեղ նվագում էր ստեղնաշարային գործիքների վրա: 1980-ականներին նա աշխատում էր կոմպոզիտոր Ստենլի Մայերսի հետ: Ցիմերի առաջին խոշորագույն նվաճումը համարվում է «Անձրևի մարդը» ֆիլմի երաժշտական թեման, որի համար առաջադրվում է «Օսկար» մրցանակի՝ լավագույն երաժշտության համար: Նման հաջողությունից հետո Ցիմերը սկսում է աշխատել մեծ բյուջե ունեցող ֆիլմերում, որոնցից են՝ «Գլադիատորը», «Եգիպտոսի արքայազնը», «Առյուծ արքան», որի համար արժանանում է «Օսկար» մրցանակի, «Բարակ կարմիր գիծը», «Սկիզբ»: Իր ստուդիայում՝ «Remote Control Productions», (ավելի վաղ հայտնի «Media Ventures» անունով), աշխատում են Սթիվ Յաբլոնսկին, Ջեյմս Դուլին և Ջեֆ Զանելին: Ստուդիայի առավել հայտնի կոմպոզիտորներից են Հարի Գրեգսոն-Ուիլյամսը, Մարք Մանչինին և Կլաուս Բադելթը: 2010 թվականի դեկտեմբերի 8-ին Հանս Ցիմերը արժանանում է աստղի՝ «Հոլիվուդյան փառքի ծառուղում»: The Daily Telegraph թերթի կազմած «100 ժամանակակից տաղանդները» ցուցակում Ցիմերը զբաղեցնում է 72-րդ տեղը: 2011 թվականին Քյոլն քաղաքում Ցիմերը արժանանում է «Լավագույն սաունդթրեք» մրցանակի «Սկիզբ» ֆիլմի համար: Ներկա պահին Ցիմերը ապրում է Լոս Անջելեսում իր կնոջ Սյուզանի և չորս երեխաների հետ:

Ֆիլմագրություն

• 2012 - Մռայլ ասպետը: Առասպելի վերածնունդը \ The Dark Knight Rises
• 2012 - Մադագասկար 3 \ Madagascar 3: Europe's Most Wanted
• 2011 - Շերլոկ Հոլմս: Ստվերների խաղը \ Sherlock Holmes: A Game of Shadows
• 2011 - Թռչունների խանդը \ Jealous of the Birds
• 2011 - Հետաքրքրություն (սերիալ) \ Curiosity
• 2011 - Քունգ Ֆու պանդա 2 \ Kung Fu Panda 2
• 2011 - Կարիբյան ծովի ծովահենները: Օտար ափերին \ Pirates of the Caribbean: On Stranger Tides
• 2011 - Ռանգո \ Rango
• 2010 - Մեգաուղեղ \ Megamind
• 2010 - Սկիզբ \ Inception
• 2009 - Շերլոկ Հոլմս \ Sherlock Holmes
• 2009 - Սովորական դժվարություններ \ It's Complicated
• 2009 - Angels & Demons
• 2008 - Մադագասկար 2 \ Madagascar: Escape 2 Africa
• 2008 - Ֆրոսթ/Նիքսոն \ Frost/Nixon
• 2008 - Մռայլ ասպետը \ The Dark Knight
• 2008 - Քունգ Ֆու պանդա \ Kung Fu Panda
• 2007 - Կարիբյան ծովի ծովահենները: Աշխարհի ծայրին \ Pirates of the Caribbean: At World's End
• 2006 - Արձակուրդներ \ The Holiday
• 2006 - Կարիբյան ծովի ծովահենները: Մեռյալի սնդուկը \ Pirates of the Caribbean: Dead Man's Chest
• 2006 - The Da Vinci Code
• 2005 - Բեթմեն: Սկիզբ \ Batman Begins
• 2005 - Մադագասկար \ Madagascar
• 2004 - Իսպանական անգլերեն \ Spanglish
• 2004 - Արթուր թագավորը \ King Arthur
• 2003 - Վերջին սամուրայը \ The Last Samurai
• 2001 - Սև արծվի ընկնելը \ Black Hawk Down
• 2001 - Հանիբալ \ Hannibal
• 2000 - Mission: Impossible II
• 2000 - Գլադիատոր \ Gladiator
• 1998 - Բարակ կարմիր գիծ \ The Thin Red Line
• 1998 - Եգիպտոսի արքայազնը \ The Prince of Egypt
• 1996 - Ժայռը \ The Rock
• 1995 - Կարմիր մակնթացություն \ Crimson Tide
• 1994 - Առյուծ արքան \ The Lion King
• 1991 - Թելման և Լուիզը \ Thelma & Louise
• 1989 - Միսս Դեյզիի վարորդը \ Driving Miss Daisy
• 1988 - Անձրևի մարդը \ Rain Man
• 1987 - Քամի \ The Wind
• 1984 - Հաջողությունը ամենալավ վրեժն է \ Success Is the Best Revenge

Մրցանակներ և առաջադրումներ

• «Օսկար»
  • 2011 - առաջադրում - «Սկիզբ» ֆիլմի համար
  • 2010 - առաջադրում - «Շերլոկ Հոլմս» ֆիլմի համար
  • 2001 - առաջադրում - «Գլադիատոր» ֆիլմի համար
  • 1999 - առաջադրում - «Բարակ կարմիր գիծ» և «Եգիպտոսի արքայազնը» ֆիլմերի համար
  • 1998 - առաջադրում - «As Good as It Gets» ֆիլմի համար
  • 1997 - առաջադրում - «The Preacher's Wife» ֆիլմի համար
  • 1995 - մրցանակ - «Առյուծ արքան» ֆիլմի համար
  • 1989 - առաջադրում - «Անձրևի մարդը» ֆիլմի համար

• «Ոսկե Գլոբուս» (8 առաջադրում և 2 մրցանակ)
  • 2011 - «Սկիզբ»
  • 2009 - «Ֆրոսթն ընդդեմ Նիքսոնի»
  • 2007 - «Դա Վինչիի ծածկագիրը»
  • 2005 - «Իսպանական անգլերեն»
  • 2004 - «Վերջին սամուրայը»
  • 2003 - «Սփիրիթ: Հովատակերի հոգին»
  • 2002 - «Փերլ Հարբեր»
  • 2001 - մրցանակ - «Գլադիատոր» ֆիլմի համար
  • 1999 - «Եգիպտոսի արքայազնը»
  • 1995 - մրցանակ - «Առյուծ արքան» ֆիլմի համար

• «BAFTA» (5 առաջադրում)
  • 2011 - «Սկիզբ»
  • 2009 - «Մութ ասպետը» Ջեյմս Նյութան Հովարդի հետ համատեղ
  • 2001 - «Գլադիատոր»
  • 1995 - «Առյուծ արքան»
  • 1992 - «Թելման և Լուիզը»

• «Գրեմի» (5 առաջադրում և 2 մրցանակ)
  • 2011 - «Սկիզբ» և «Շերլոկ Հոլմս»
  • 2009 - մրցանակ - «Մութ ասպետը» Ջեյմս Նյութան Հովարդի հետ համատեղ
  • 2007 - «Դա Վինչիի ծածկագիրը» և «Կարիբյան ծովի ծովահենները: Մեռյալի սնդուկը»
  • 2001 - «Գլադիատոր»
  • 1996 - մրցանակ - «Կարմիր մակնթացություն»
  • 1995 - «Առյուծ արքան»
  • 1991 - «Միսս Դեյզիի վարորդը»

Հղումներ

• Պաշտոնական կայք
• IMDb-ում
• Hans Zimmer at the SoundtrackINFO project
• Hans Zimmer Fan Site
• Hans Zimmer at SoundtrackNet
• Twitter