Հայկո

Հայկո; Հայկ Հակոբյան
Ծնվել է	օգոստոսի 25, 1973
Ծննդավայր	Երևան, Հայկական ԽՍՀ
Մահացել է	սեպտեմբերի 29, 2021 (48 տարեկան)
Մահվան վայր	Երևան, Հայաստան
Քաղաքացիություն	Հայաստան
Մասնագիտություն	հեղինակ-կատարող, երաժիշտ, երգիչ և կոմպոզիտոր
Ամուսին	Անահիտ Սիմոնյան
Պարգևներ և ; մրցանակներ
	Hayko Վիքիպահեստում

Անվան այլ կիրառումների համար տե՛ս՝ Հայկ Հակոբյան (այլ կիրառումներ)

Վիքիպեդիայում կան հոդվածներ Հակոբյան ազգանունով այլ մարդկանց մասին։

Հայկ Բորիսի Հակոբյան (օգոստոսի 25, 1973(1973-08-25), Երևան, Հայկական ԽՍՀ - սեպտեմբերի 29, 2021(2021-09-29)^[1], Երևան, Հայաստան^[2]), առավել հայտնի Հայկո բեմական կեղծանվամբ, հայ փոփ երգիչ և երգահան։

Կենսագրություն

Հայկ Հակոբյանը սովորել է Երևանի թիվ 170, ապա՝ Թումանյանի անվան թիվ 32 միջնակարգ դպրոցներում։ 1987 թվականին ավարտել է Երևանի Չուխաջյանի անվան երաժշտական դպրոցը և ընդունվել Ռ. Մելիքյանի անվան երաժշտական ուսումնարան։

1996 թվականին «Մոսկվա 96» երգի փառատոնի ժամանակ արժանացել է 1-ին մրցանակին։ 1997 թվականին մասնակցել է Նյու Յորքի «Big Apple» երգի փառատոնին և դարձել հաղթող։ 1998 թվականին հայկական «Այո» երգի մրցույթի ժամանակ արժանացել է «Լավագույն հեղինակ-կատարող» մրցանակին։

1999 թվականին ավարտել է Երևանի Կոմիտասի անվան պետական կոնսերվատորիան։ 1998, 1999, 2002, 2003 և 2006 թվականներին Հայկական երաժշտական ամենամյա մրցանակաբաշխության ժամանակ արժանացել է «Տարվա լավագույն երգիչ» մրցանակին, 2002 թվականին՝ «Տարվա լավագույն նախագիծ», «Տարվա լավագույն ալբոմ», 2003 թվականին՝ «Տարվա լավագույն տեսասկավառակ» մրցանակներին։ 2003 թվականի առաջին մենահամերգով հանդես է եկել ԱՄՆ-ի Լոս Անջելես քաղաքում։

2006 թվականին Հայաստանի հանրապերության Նախագահի հրամանագրով նրան շնորհվել է Հայաստանի Հանրապետության վաստակավոր արտիստի կոչում։

2007 թվականին ներկայացրել է Հայաստանը «Եվրատեսիլ» երգի միջազգային մրցույթի ժամանակ և զբաղեցրել 8-րդ տեղը։ 2007, 2010 և 2011 թվականներին արժանացել է «Տարվա լավագույն կոմպոզիտոր» մրցանակին՝ «Մի վախեցիր», «Սպանված աղավնի», «Խաչագողի հիշատակարանը» ֆիլմերի երաժշտության համար։

Հայկոն գրել է նաև «Ոչինչ չի մնա», «Հոբելյանական հաճախորդ», «Վանա ծովուն արշալույսը», «Գարեգին Նժդեհ» ֆիլմերի երաժշտությունները։ 2011 թվականին Մոսկվայի հայկական երաժշտական «Արմենիա» ամենամյա մրցանակաբաշխության ժամանակ արժանացել է «Տասնամյակի երգիչ» մրցանակին։ 2012 թվականին «Արմենիա» հեռուստաընկերությամբ հանդես է եկել՝ որպես «Հայաստանի ձայնը» հեռուստանախագծի երաժշտական պրոդյուսեր։

2021 թվականի սեպտեմբերի 21-ին կորոնավիրուսային հիվանդության պատճառով՝ ծանր վիճակում, տեղափոխվել է հիվանդանոց։ Մահացել է սեպտեմբերի 29-ին կորոնավիրուսից՝ թոքերի 80% ախտահարմամբ։

Սկավառակագրություն

2000 - Romance
2004 - Նորից
2004 - Live Concert
2007 - Մի խոսքով
2008 - Live Concert 2008
2014 - Ես քեզ սիրահարվել եմ
2018 - Hayko Live Concert
2020 - Ամենա

Սինգլներ

1995 — «Սեր»
2007 — «Աշխարումս իմն դուն ես» (с Արամե)
2007 — «Մի վախեցիր»
2007 — «Anytime You Need» (Եվրատեսիլ 2007 երգի մրցույթ)
2007 — «Քեզ» (DJ Serjo - ի հետ)
2011 — «Ես կամ նա» (Ռազմիկ Ամյան հետ)
2012 — «Բարև երջանկության»
2013 — «Քեզ սիրում եմ սեր» (Քրիստինե Պեպելյան հետ)
2015 — «Հիշիր» (Դիանա Առուստամյանի հետ)
2015 — «Ինձ խոստացիր»
2016 — «Քո սերը մի ուրիշ աշխարհ է» (Հռիփսիմե Հակոբյանի հետ)
2017 — «Սիրո հավերժ քաղաք»
2020 — «Սերն է սա» (Անահիտ Սիմոնյանի հետ)

Ծանոթագրություններ

↑ ^1,0 ^1,1 ^1,2 Մահացել է երգիչ Հայկոն
↑ ^2,0 ^2,1 ^2,2 Մահացել է երգիչ Հայկոն

Արտաքին հղումներ

Հայկո Արխիվացված 2021-12-05 Wayback Machine

Վիքիպահեստն ունի նյութեր, որոնք վերաբերում են «Հայկո» հոդվածին։

[_3a0b26740cb3b882-1] 1,0 ^1,1 ^1,2 Մահացել է երգիչ Հայկոն

[_433fd8fb687ede91-2] 2,0 ^2,1 ^2,2 Մահացել է երգիչ Հայկոն

[1]

[2]