Ռալֆ Բանչի զբոսայգի

Վիքիպեդիայից՝ ազատ հանրագիտարանից
Jump to navigation Jump to search
Picto infobox plant.png
Ռալֆ Բանչի զբոսայգի
Տեսակքաղաքային զբոսայգի
ԵրկիրFlag of the United States.svg ԱՄՆ
ՎարչատարածքՆյու Յորք շրջան
Հիմնվել է1948
Անվանված էՌալֆ Բանչ
Կոորդինատներ: 40°44′57.500000101597″ հս․ լ. 73°58′11.000000099212″ ամ. ե. / 40.74930555558377421° հս․. լ. 73.96972222224978566° ավ. ե. / 40.74930555558377421; 73.96972222224978566
Ռալֆ Բանչի զբոսայգիը գտնվում է ԱՄՆում
Ռալֆ Բանչի զբոսայգի

Ռալֆ Բանչի զբոսայգի (անգլ.՝ Ralph Bunche Park), Նյու Յորքի Turtle Bay թաղամասում գտնվող փոքրիկ քաղաքային հանրային պուրակ, որը գտնվում է Առաջին պողոտայում՝ 42-րդ և 43-րդ փողոցների միջև: 1979 թվականին այն կոչվել է Խաղաղության Նոբելյան մրցանակի առաջին աֆրոամերիկացի դափբեկիր Ռալֆ Բանչի անվամբ[1]:

Այգին գտնվում է ՄԱԿ-ի գլխավոր գրասենյակից դեպի Առաջին պողոտա ընկած երկայնքում (Առաջին պողոտայի այս հատվածը հայտնի է նաև որպես «Միավորված ազգերի կազմակերպության հրապարակ»): Պուրակի հյուսիսարևմտյան անկյունում գտնվող գրանիտե սանդուղքը տանում է դեպի 43-րդ փողոցի և Թյուդոր սիթիի բնակարաններ: Այն կառուցվել և բացվել է 1948 թվականին՝ ՄԱԿ-ի շտաբի կառուցման ընթացքում: Պուրակի պատին փորագրված է Եսայի մարգարեից հայտնի մեջբերումը՝ 2:4: «Նրանք իրենց սուսերներից խոփեր պիտի ձուլեն, և իրենց սուիններից՝ մանգաղներ. ազգ ազգի վրա սուր չպիտի բարձրացնի, և նրանք այլևս չեն սովորելու պատերազմել»: Եսայու պատ անվանումով հայտնի այս պատը վերափոխվել է 1975 թվականին և վերջին բառի տակ ավելացվել է «Եսայի» բառը[2]: 1981 թվականին պուրակի սանդուղքը, ի պատիվ խորհրդային այլախոհ Նատան Շարանսկու, կոչվել է Շարանսկու սանդուղք[1]:

Եսայու պատի առջև գտնվող հարթակում 1980 թվականին տեղադրվել է 15 մետր բարձրությամբ «Խաղաղության ձև մեկ» չժանգոտվող պողպատե կոթողը: Կոթողի քանդակագործը՝ Դանիել Լառու Ջոնսոնը (ծն. 1938 թ.), Բանչի մտերիմ ընկերն էր և քանդակը նվիրել է Բանչին, ով 1950 թվականին արժանացել է Խաղաղության Նոբելյան մրցանակի[3]:

Այգու հարավային ծայրում 1990 թվականին բացվել է հուշատախտակ՝ նվիրված քաղաքացիական իրավունքի պաշտպան Բայարդ Ռասթինին[1]:

Քանի որ «Եսայու պատը», «Խաղաղության ձև մեկ» կոթողը, Բանչի խաղաղարար գործունեությունն արծարարծում են խաղաղության թեման և գտնվում են ՄԱԿ-ի հարևանությամբ, այգին հանրաճանաչ վայր է ցույցերի և հանրահավաքների համար, որոնք վերաբերվում են խաղաղությանը և միջազգային այլ հարցերի[4]: 1985 թվականին այգին համարվել է Նյու Յորքի առաջին խաղաղության պուրակը[1]: Այգին զբաղեցնում է քառորդ ակրից (1000 մ²) պակաս տարածք, ուստի այստեղ խոշոր հավաքույթներ չեն կազմակերպվում:

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 «Ralph Bunche Park – Historical Sign»։ New York City Department of Parks and Recreation։ Վերցված է 2010-07-01 
  2. «Ralph Bunche Park»։ New York City Department of Parks and Recreation։ Վերցված է 2012-08-17 
  3. Urquhart Brian (1993)։ Ralph Bunche: An American Odyssey։ New York: W.W. Norton & Company, Inc.։ էջ 458։ ISBN 0-393-03527-1։ Վերցված է 2010-07-02 
  4. Lambert Bruce (May 22, 1994)։ «From Tudor City, Protests Against Noisy Protesters»։ The New York Times։ Վերցված է 2010-07-02