ՄԱԿ-ի դրոշ

ՄԱԿ-ի դրոշ
Տեսակ	դրոշ
Իրավասության տարածք	Միավորված ազգերի կազմակերպություն
Նշան	🇺🇳
Հարաբերություն	3:2
Ընդունված է	դեկտեմբերի 7, 1946
Գույներ	կապույտ և սպիտակ
Պատկերված է	olive branch?, Զրոյական միջօրեականի ընտրություն, 180th meridian?, 90th meridian west?, 90th meridian east?, 45th meridian west?, 45th meridian east?, 135th meridian west?, 135th meridian east?, Հասարակած, 60-րդ հյուսիսային զուգահեռական, 30-րդ հյուսիսային զուգահեռական, 30-րդ հարավային զուգահեռական, 60-րդ հարավային զուգահեռական և Երկիր
Նախագծող	Donal McLaughlin?

Միավորված Ազգերի կազմակերպության դրոշ, Միավորված ազգերի կազմակերպության պաշտոնական խորհրդանիշի պատկերը, որը գտնվում է կապույտի՝ ՄԱԿ-ի գույնի կենտրոնում^[1]։ Սպիտակ զինանշանը պատկերվում է դրոշի երկու կողմում, եթե կանոններով այլ բան նախատեսված չէ։ Դրոշը պատրաստվում է այնպիսի չափերով, որոնք ժամանակ առ ժամանակ կարող են սահմանվել կանոններով։

Դրոշի պատմություն[խմբագրել | խմբագրել կոդը]

Միավորված ազգերի կազմակերպության դրոշի պատմությունը սկիզբ է առել 1945 թվականի ապրիլին ԱՄՆ Ռազմավարական ծառայությունների վարչության ներկայացուցիչների կողմից ստեղծված տարբերանշանից։ Այն պատրաստվել է ի պատասխան Սան Ֆրանցիսկոյի կոնֆերանսի համար խորհրդանիշ ուրվագծելու խնդրանքին, որի ժամանակ մշակվել և ընդունվել է ՄԱԿ-ի կանոնադրությունը։

Սան Ֆրանցիսկոյի կոնֆերանսի խորհրդանիշը աշխարհի քարտեզի շրջանաձև պատկերն էր՝ կենտրոնում գտնվող Հյուսիսային բևեռով^[2]։

Գլխավոր քարտուղարն ընդգծեց, որ ցանկալի է՝ Վեհաժողովը հաստատի նախագիծը՝ որպես ՄԱԿ-ի պաշտոնական կնիք և խորհրդանշան, և 1946 թվականի դեկտեմբերի 7-ին Վեհաժողովը հաստատեց Սան Ֆրանցիսկոյի ուրվագիծը։

Գլխավոր ասամբլեայի երկրորդ նստաշրջանում գլխավոր քարտուղարը ներկայացրեց հուշագիր, որում նշված էր, որ ՄԱԿ-ի դրոշի կարիքն արդեն զգացվում է և ապագայում անպայման կզգացվի ավելի շատ` ՄԱԿ-ի կոմիտեի և հանձնաժողովների կողմից աշխարհի տարբեր մասերում, ինչպես նաև ՄԱԿ-ի կենտրոնակայանում և տեղեկատվական կենտրոններում օգտագործելու համար։

1947 թվականի հոկտեմբերի 20-ին Վեհաժողովն առանց առարկությունների ընդունեց բանաձև, որով հայտարարեց, որ «ՄԱԿ-ի դրոշը Գլխավոր ասամբլեայի կողմից հաստատված պաշտոնական խորհրդանիշն է, որը տեղադրված է բաց կապույտ ֆոնի կենտրոնում»։ Որքանով հայտնի է, գույները հատուկ նշանակություն չունեն^[3]։

Դրոշի օգտագործում[խմբագրել | խմբագրել կոդը]

Չնայած դրոշը կարող է ազատորեն ցուցադրվել ՄԱԿ-ին և նրա աշխատանքին աջակցություն ցուցաբերելու համար, սակայն առևտրային նպատակներով ՄԱԿ-ի պատկերանշանի, անվանման կամ սկզբնատառերի օգտագործումը սահմանափակված է Գլխավոր ասամբլեայի 92(I) բանաձևի դրույթներով, որն ընդունվել է 1946 թվականին։ Այդ բանաձևում Վեհաժողովը վճռել է, որ ՄԱԿ-ի կնիքի և խորհրդանշանի օգտագործման չարաշահումը կանխարգելման նպատակով դրանք չեն կարող օգտագործվել առանց գլխավոր քարտուղարի թույլտվության։ Յուրաքանչյուրը, ով ցանկանում է օգտագործել ՄԱԿ-ի պատկերանշանը, պետք է պաշտոնական գրավոր հարցում ուղարկի ՄԱԿ-ի գործադիր քարտուղարին՝ Հրատարակչային խորհուրդ, Հասարակության տեղեկատվական վարչություն, Նյու Յորք, Նյու Յորք նահանգ 10017, ԱՄՆ։

Խորհուրդ[խմբագրել | խմբագրել կոդը]

Հին Հունաստանում ձիթենու ճյուղը համարվում էր խաղաղության խորհրդանիշ։ Աշխարհի քարտեզը խորհրդանշում է այն տարածքը, որտեղ կազմակերպությունը զբաղվում է իր հիմնական նպատակի իրականացմամբ՝ խաղաղության հաստատմամբ, իսկ կապույտը համարվում է ՄԱԿ-ի գույնը։