Ինքնասպանությունների կանխարգելման միջազգային ասոցիացիա
| Ինքնասպանությունների կանխարգելման միջազգային ասոցիացիա | |
|---|---|
| Տեսակ | Միջազգային կազմակերպություն |
| Հապավում | ԻԿՄԱ (անգլ.՝ IASP) |
| Հիմնադրված | 1960 |
| Նպատակներ | Ինքնասպանությունների կանխարգելում |
| Տարածաշրջան | Ամբողջ աշխարհ |
| Պաշտ. լեզու(ներ) | Անգլերեն |
| Կայք | Պաշտոնական կայքէջ |
Ինքնասպանությունների կանխարգելման միջազգային ասոցիացիա կամ ԻԿՄԱ (անգլ.՝ International Association for Suicide Prevention; IASP), ինքնասպանությունների կանխարգելման միջազգային կազմակերպություն։ 1960 թվականին Էրվին Ռինգելի և Նորման Ֆարբերոուի կողմից հիմնադրված ԻԿՄԱ-ն[1], որը պաշտոնական հարաբերությունների մեջ է Առողջապահության համաշխարհային կազմակերպության հետ, զբաղվում է ինքնասպանական վարքագծի կանխարգելմամբ և ֆորում է տրամադրում հոգեկան առողջության մասնագետների, ճգնաժամային աշխատողների, ինքնասպանության փորձեր վերապրածների և այլ մարդկանց համար, որոնք այսպես թե այնպես տուժել են ինքնասպանական վարքագծից։ Ներկայումս կազմակերպությունը բաղկացած է ավելի քան 50 երկրներում բնակվող մասնագետներից և կամավորներից։
Բացի այդ, ԻԿՄԱ-ն՝ Առողջապահության համաշխարհային կազմակերպության հետ համատեղ ամեն տարի սեպտեմբերի 10-ին անցկացնում է Ինքնասպանությունների կանխարգելման համաշխարհային օրը[2]։
ԻԿՄԱ-ի համաժողովներ[խմբագրել | խմբագրել կոդը]
Ինքնասպանությունների կանխարգելման միջազգային ասոցիացիան միջազգային համաժողովներ է անցկացնում յուրաքանչյուր երկու տարին մեկ։ Դրա 29-րդ համաշխարհային համաժողովը Քուչինգում (Մալայզիա) կազմակերպվել է 2017 թվականին[3]։
Նախորդ համաժողովներ[խմբագրել | խմբագրել կոդը]
- 2015՝
Կանադա (Մոնրեալ) - 2013՝
Նորվեգիա (Օսլո)[4] - 2011՝
Չինաստան (Պեկին)[5] - 2009՝
Ուրուգվայ (Մոնտեվիդեո) - 2007՝
Իռլանդիա (Կիլլարնի) - 2005՝
Հարավային Աֆրիկա (Դուրբան) - 2003՝
Շվեդիա (Ստոկհոլմ) - 2001՝
Հնդկաստան (Չեննայ) - 1999՝
Հունաստան (Աթենք) - 1997՝
Ավստրալիա (Ադելաիդա) - 1995՝
Իտալիա (Վենետիկ) - 1993՝ Կանադա (Մոնրեալ)
- 1991՝
Գերմանիա (Համբուրգ) - 1989՝
Բելգիա (Բրյուսել) - 1987՝
ԱՄՆ (Սան Ֆրանցիսկո) - 1985՝
Ավստրիա (Վիեննա) - 1983՝
Վենեսուելա (Կարակաս) - 1981՝
Ֆրանսիա (Փարիզ) - 1979՝ Կանադա (Օտտավա)
- 1977՝
Ֆինլանդիա (Հելսինկի) - 1975՝
Իսրայել (Երուսաղեմ) - 1973՝
Նիդերլանդներ (Ամստերդամ) - 1971՝
Մեքսիկա (Մեխիկո) - 1969՝
Մեծ Բրիտանիա (Լոնդոն) - 1967՝ ԱՄՆ (Լոս Անջելես)
- 1965՝
Շվեյցարիա (Բազել) - 1963՝
Դանիա (Կոպենհագեն) - 1960՝ Ավստրիա (Վիեննա)
.svg){kind=small}
.svg){kind=small}
Պարգևներ[խմբագրել | խմբագրել կոդը]
Ինքնասպանությունների կանխարգելման միջազգային ասոցիացիան (ԻԿՄԱ) պարգևներ է շնորհում այն անձանց, որոնք զգալի ներդրում են ունեցել ասոցիացիայի նպատակներին հասնելու գործում[6]․
Stengel Research Award (անգլ. թարգմանաբար՝ «Շթենգելի հետազոտական մրցանակ») մրցանակը շնորհվում է 1977 թվականից և անվանվել է պրոֆեսոր Էրվին Շթենգելի՝ ինքնասպանությունների կանխարգելման միջազգային ասոցիացիայի հիմնադիրներից մեկի պատվին։ Այս մրցանակը շնորհվում է սուիցիդոլոգիայի ոլորտում ականավոր հետազոտությունների համար, և առաջադրում կարող է կատարել ԻԿՄԱ-ի ցանկացած անդամ։
Ringel Service Award (անգլ. թարգմանաբար՝ «Ռինգելի ծառայութան մրցանակ») մրցանակը հիմնվել է 1995 թվականին և անվանվել է պրոֆեսոր Էրվին Ռինգելի՝ ասոցիացիայի հիմնադրի և նախագահի պատվին։ Այս մրցանակը շնորհվում է սուիցիդոլոգիայի ոլորտում ակնառու ծառայությունների համար, և առաջադրում կարող է կատարել ԻԿՄԱ-ի ցանկացած ներկայացուցիչ։
Farberow Award (անգլ. թարգմանաբար՝ «Ֆարբերոուի մրցանակ») մրցանակը սահմանվել է 1997 թվականին՝ ի նշան պրոֆեսոր Նորման Ֆարբերոուի՝ ԻԿՄԱ-ի հիմնադիրներից և շարժիչ ուժերից մեկի ճանաչման։ Այս մրցանակը շնորհվում է այն անձին, որը զգալի ներդրում է ունեցել ինքնասպանություն վերապրածների հետ աշխատանքում, և առաջադրում կարող է կատարել ԻԿՄԱ-ի ցանկացած անդամ։
De Leo Fund Award (անգլ. թարգմանաբար՝ «Դե Լեոյի հիմնադրամի մրցանակ») մրցանակը հարգանքի տուրք է մատուցում Նիկոլային և Վիտորիոյին՝ ԻԿՄԱ-ի նախկին նախագահ պրոֆեսոր Դիեգո դե Լեոյի երեխաների հիշատակին։ Այս մրցանակը շնորհվում է ականավոր գիտնականների ճանաչման իրենց ականավոր հետազոտությունների ինքնասպանության վարքագծի անցկացված զարգացող երկրներում։
Ամսագիր[խմբագրել | խմբագրել կոդը]
Ասոցիացիայի՝ «Crisis - The Journal of Crisis Intervention and Suicide Prevention» (անգլ. թարգմանաբար՝ «Ճգնաժամ՝ ճգնաժամային միջամտության և ինքնասպանությունների կանխարգելման մատյանը») անվանբ ամսագիրը հրատարակվում է 1980 թվականից ի վեր[7]։
Ծանոթագրություններ[խմբագրել | խմբագրել կոդը]
- ↑ Mehlum Lars։ The International Association for Suicide Prevention (en-US)։ Oxford University Press։ ISBN 978-0-19-964046-1։ doi:10.1093/med/9780198570059.001.0001/med-9780198570059-chapter-98
- ↑ «WHO | World Suicide Prevention Day (WSPD)»։ WHO։ Վերցված է 2020-08-13
- ↑ «International Association for Suicide Prevention - Congresses - IASP»։ www.iasp.info։ Արխիվացված է օրիգինալից 2020-08-25-ին։ Վերցված է 2020-08-13
- ↑ «IASP 2013 Oslo | The XXVII world Conference of THE INTERNATIONAL ASSOCIATION FOR SUICIDE PREVENTION»։ Iasp2013.org։ Վերցված է 2019-06-01
- ↑ «International Association for Suicide Prevention»։ Արխիվացված է օրիգինալից 2019-01-27-ին։ Վերցված է 2020-08-13
- ↑ «International Association for Suicide Prevention - Awards - IASP»։ www.iasp.info։ Արխիվացված է օրիգինալից 2020-08-25-ին։ Վերցված է 2020-08-13
- ↑ +1 866 8234726, +1 617 3546875, Customerservice@hogrefe.com։ «The Journal of Crisis Intervention and Suicide Prevention»։ us.hogrefe.com։ Արխիվացված է օրիգինալից 2017-05-28-ին։ Վերցված է 2020-08-13
Արտաքին հղումներ[խմբագրել | խմբագրել կոդը]
|
