Զեյնաբ Խանլարովա
| Զեյնաբ Խանլարովա | |
|---|---|
 | |
| Բնօրինակ անուն | ադրբ.՝ Zeynəb Xanlarova |
| Նաև հայտնի է որպես | "Dünyanın Zeynəbi" |
| Ծնվել է | դեկտեմբերի 28, 1936 (87 տարեկան) Բաքու, Ադրբեջանական ԽՍՀ, ԽՍՀՄ |
| Երկիր |  ԽՍՀՄ և  Ադրբեջան |
| Ժանրեր | դասական երաժշտություն, ժամանակակից ժողովրդական երաժշտություն և օպերա |
| Մասնագիտություն | օպերային երգչուհի և քաղաքական գործիչ |
| Երգչաձայն | սոպրանո |
| Գործիքներ | վոկալ |
| Կրթություն | Բաքվի երաժշտական քոլեջ |
| Պարգևներ |           և  |
| Ստորագրություն | |
 | |
 Zeinab Khanlarova Վիքիպահեստում | |
Զեյնաբ Խանլարովա, ամբողջական անուն՝ Զեյնաբ Յահյա գըզը Խանլարովա (ադրբ.՝ Zeynəb Yəhya qızı Xanlarova, դեկտեմբերի 28, 1936, Բաքու, Ադրբեջանական ԽՍՀ, ԽՍՀՄ), խորհրդային ադրբեջանական սոպրանո երգչուհի, ԽՍՀՄ ժողովրդական արտիստուհի (1980), Ադրբեջանական ԽՍՀ-ի (1975), Հայաստանի ԽՍՀ-ի ժողովրդական արտիստուհի (1978)։
Կենսագրություն
[խմբագրել | խմբագրել կոդը]Զեյնաբ Խանլարովան ծնվել է 1936 թվականի դեկտեմբերի 28-ին Բաքու քաղաքում։ Նա ընտանիքում ամենակրտսերն էր[1]։
1956 թվականին ավարտել է Մ.Սաբիրի անվան Բաքվի մանկավարժական դպրոցը, 1961 թվականին՝ Ա.Զեյնալլիի անվան Բաքվի երաժշտական ուսումնարանը (մուղամի բաժին, Սեիդ Շուշինսկիի լսարան)։ Նույն տարում նաև դարձել է Ախունդովի անվան Ադրբեջանի օպերայի և բալետի թատրոնի մենակատարուհի[1].
Ստեղծագործություն
[խմբագրել | խմբագրել կոդը]Մասնակցություն է ունեցել Լեյլի և Ասլի դերերում՝ համապատասխանաբար «Լեյլա և Մեջնուն» և «Ասլի և Քյարամ» օպերաներում (կոմպոզիտոր Ուզեյր Հաջիբեկով), Արաբզանգի՝ «Շահ Իսմայիլ» օպերայում (կոմպոզիտոր՝ Մուսլիմ Մագոմաև ավագ), Սանեմ՝ («Հարսերի ժայռ» օպերայում (կոմպոզիտոր՝ Շաֆիգա Ախունդովա) և այլ կատարումներում։ Հայտնի է հատկապես մուղամի կատարումներով (Բայաթի Շիրազ, Չահարգահ, Շահնազ և այլն)։
Էստրադային ժանրում ևս Զեյնաբ Խանլարովան հասել է մեծ հաջողությունների։ Հատկապես մեծ ճանաչում են ձեռք բերել կոմպոզիտորներ Թոֆիք Ղուլիևի, Արիֆ Մելիքովի, Ֆիքրեթ Ամիրովի և այլոց ստեղծագործությունների կատարումները։ Խանլարովան երգել է ռուսերեն, հայերեն, ուկրաիներեն, մոլդավերեն, վրացերեն, պարսկերեն, արաբերեն, չինարեն, հնդկերեն, թուրքերեն և այլ լեզուներով։
50 տարի տևած երաժշտական կյանքի ընթացքում Զեյնաբ Խանլարովան ճամփորդել է համերգներով ու հյուրախաղերով՝ Ռուսաստան, Ուկրաինա, Լատվիա, Մոլդավիա, Բելառուս, Ղազախստան, Ուզբեկստան, Թուրքմենստան, Հնդկաստան, Չինաստան, Իրան, Իրաք, Եգիպտոս, Իսրայել, Թուրքիա, Վրաստան, Հայաստան, Բուլղարիա, Գերմանիա, Լեհաստան, Հունգարիա, Ավստրիա, Ֆինլանդիա, Շվեդիա, Չեխիա, Եմեն, Աֆղանստան, ԱՄՆ, Ֆրանսիա, Դանիա, Ավստրալիա և այլուր։
Ադրբեջանում հանդես է եկել Բաքու, Գանձակ, Շաքի, Նախիջևան, Լենքորան և այլ բնակավայրերում։ Երկար ընդմիջումից հետո ելույթ է ունեցել 2008 թվականի նոյեմբերին՝ Բաքվում։ 2012 թվականի ապրիլինի երկօրյա համերգով հանդես է եկել Նյու Յորքում[2]
Հասարակական գործունեություն
[խմբագրել | խմբագրել կոդը]Զեյնաբ Խանլարովան եղել է 11-12-րդ ժողովների Ադրբեջանի Գերագույն խորհրդի, և 1-4-րդ ժողովների Ադրբեջանի Միլլի մեջլիսի պատգամավոր։
2010 թվականին ընտրվել է պատգամավոր, խորհրդարանի Մշակույթի հարցերով կոմիտեի անդամ[3]։
Ֆիլմագրություն
[խմբագրել | խմբագրել կոդը]- 1970 - «Ритмы Апшерона» (ֆիլմ-կոնցերտ)
- 1970 - «Встреча на свадьбе» (ֆիլմ-կոնցերտ)
- 1971 - «Концертная программа» (ֆիլմ-կոնցերտ)
- 1979 - «Чудак» (վոկալ)
- 1981 - «Поющая земля»
- 1981 - «Аккорды долгой жизни» («Ուզեյրի կյանք»)
- 1982 - «Привет, Зейнаб!» (ֆիլմ-կոնցերտ)
- 1971 - «Шарт» (վոկալ)
- 2000 - «Поэзия xəzrisi».
Պարգևներ և կոչումներ
[խմբագրել | խմբագրել կոդը]- Ադրբեջանական ԽՍՀ ժողովրդական արտիստուհի (1975)
- Հայկական ԽՍՀ ժողովրդական արտիստուհի (1978)
- ԽՍՀՄ ժողովրդական արտիստուհի (1980)
- Պարգև՝ «Золотой диск»
- Ժողովուրդների բարեկամության շքանշան
- Օրդեն «Փառք» (1998)
- Օրդեն «Անկախություն» (2006)
- Ադրբեջանի նախագահի պատվավոր դիպլոմ (2011)
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 «Zövqlə geyinməyə, səhnədə, elə həyatda da gözəl görünməyə çalışıram». Արխիվացված է օրիգինալից 2016 թ․ հոկտեմբերի 6-ին. Վերցված է 2015 թ․ մարտի 3-ին.
- ↑ Зейнаб Ханларова покорила Нью-Йорк – ФОТО : Культура, 6 апреля 2012
- ↑ «Сегодня день рождения народной артистки СССР Зейнаб Ханларовой». Արխիվացված է օրիգինալից 2014 թ․ նոյեմբերի 8-ին. Վերցված է 2015 թ․ մարտի 3-ին.
Արտաքին հղումներ
[խմբագրել | խմբագրել կոդը]Վիդեո
[խմբագրել | խմբագրել կոդը]- Էջեր, որոնք օգտագործում են JsonConfig
- Դեկտեմբերի 28 ծնունդներ
- 1936 ծնունդներ
- Ապրող անձինք
- Բաքու քաղաքում ծնվածներ
- Սոպրանոներ
- Ժողովուրդների բարեկամության շքանշանի դափնեկիրներ
- Պատվո շքանշանի ասպետներ (ԽՍՀՄ)
- Պատվո շքանշանի ասպետներ (Ադրբեջան)
- ԽՍՀՄ ժողովրդական արտիստներ
- ՀԽՍՀ ժողովրդական արտիստներ
- Ադրբեջանական ԽՍՀ ժողովրդական արտիստներ
- Ադրբեջանական ԽՍՀ վաստակավոր արտիստներ
- Անձինք այբբենական կարգով
- Երաժիշտներ այբբենական կարգով
- 20-րդ դարի օպերային երգիչներ
- 21-րդ դարի երգչուհիներ
- Ադրբեջանի Ազգային ժողովի 5-րդ գումարման պատգամավորներ
- Ադրբեջանի կին քաղաքական գործիչներ
- Ադրբեջանցի երգչուհիներ
- Խորհրդային օպերային երգիչներ և երգչուհիներ