Արսեն Թորոսյան
Արսեն Գևորգի Թորոսյան (հունիսի 21, 1982, Երևան, Հայկական ԽՍՀ, ԽՍՀՄ), հայ առողջապահության կազմակերպիչ և պետական գործիչ, 2018 թվականի մայիսի 12-ից մինչև 2021 թվականի հունվարի 18-ը[4] ՝ ՀՀ առողջապահության նախարար, ՀՀ վարչապետի աշխատակազմի նախկին ղեկավար[1]։ ՀՀ ԱԺ 8-րդ գումարման պատգամավոր (2021-2025), «Քաղաքացիական պայմանագիր» խմբակցության անդամ։ ԱԺ առողջապահության հարցերի մշտական հանձնաժողովի նախկին նախագահ (2025 հունվար-2025 օգոստոս)։ ՀՀ աշխատանքի և սոցիալական հարցերի նախարար։
Կենսագրություն
[խմբագրել | խմբագրել կոդը]Ծնվել է 1982 թվականի հունիսի 21-ին, Երևանում։ 2004 թվականին ավարտել է Երևանի Մխիթար Հերացու անվան պետական բժշկական համալսարանի բուժական ֆակուլտետը՝ բուժական գործ մասնագիտությամբ։ 2006 թվականին ավարտել է ՀՀ ԱՆ Առողջապահության ազգային ինստիտուտը` սոցիալական հիգիենա եւ առողջապահության կազմակերպում մասնագիտությամբ, որտեղ էլ 2006-2009 թվականներին ուսումը շարունակել է ասպիրանտուրայում` հանրային առողջություն և առողջապահության կազմակերպում մասնագիտությամբ։ 2015-2016 թվականներին ծառայել է ՀՀ Զինված ուժերում որպես բուժծառայության լեյտենանտ, այդ թվում՝ ապրիլյան պատերազմի ժամանակահատվածում (զինվորական ծառայությունը տասը ամիս ծառայելուց հետո դադարել է հիվանդության կապակցությամբ)։
Մասնակցել է Առողջապահության կառավարման Միջին Արևելքի ծրագրին (INSEAD, Աբու Դաբի, ԱՄԷ 2010, 1 շաբաթ), հանրային առողջապահության դասընթացի (Վիեննայի բժշկական համալսարան, Վիեննա, Ավստրիա 2008, 1 շաբաթ), Առողջապահության կառավարման եվրոպական ծրագրին (INSEAD, Ֆոնտենբլո, Ֆրանսիա 2007, 1 շաբաթ), Բանակցությունների վարման եւ կոնֆլիկտների հանգուցալուծման դասընթացին (Հարվարդի Համալսարանի Քենեդու անվան դպրոց, Քեմբրիջ, Մասաչուսեթս, ԱՄՆ 2005-2006 թվականներ, 1 շաբաթ), 2004-2005 թվականներին ղեկավարել է «Իրական աշխարհ, իրական մարդիկ» հասարակական կազմակերպությունը։
2010-2011 թվականներին հանդիսացել է ՀՀ ԱՆ տուբերկուլոզի դեմ պայքարի ազգային կենտրոնի մոնիտորինգի և գնահատման բաժնի վարիչ և տնօրենի պաշտոնակատար։ 2011-2015 և 2016-2018 թվականներին եղել է ՄԻԲՍ բժշկական ախտորոշիչ կենտրոնի տնօրեն՝ կենտրոնը կարճ ժամկետում դարձնելով տոմոգրաֆիայի ոլորտում առաջատար[5]։
Քաղաքական գործունեություն
[խմբագրել | խմբագրել կոդը]Հայաստանի Հանրապետական կուսակցության իշխանության ժամանակահատվածում ունեցել է ընդդիմադիր կեցվածք։ Հանդիսացել է «ՀԻՄԱ» քաղաքացիական նախաձեռնության անդամ։ 2018 թվականի Հայաստանում թավշյա հեղափոխության ժամանակ մասնակցել է քաղաքացիական անհնազանդության պայքարին։
2018 թվականի օգոստոսից հանդիսանում է «Քաղաքացիական պայմանագիր» կուսակցության անդամ[6][7]։ 2018 թվականի մայիսի 12-ին ՀՀ նախագահի հրամանագրով նշանակվել է ՀՀ առողջապահության նախարար[8]։ 2019 թվականի հունիսի 16-ին տեղի ունեցած «Քաղաքացիական պայմանագիր» կուսակցության 5-րդ համագումարի ժամանակ ընտրվել է ՔՊ վարչության անդամ[9][10][11][12]։ 2021 թվականի հունվարի 18-ին ՀՀ Նախագահի հրամանագրով Թորոսյանն ազատվել է առողջապահության նախարարի պաշտոնից[4] և նշանակվել ՀՀ վարչապետի աշխատակազմի ղեկավար[13]։ 2021 թվականի հունիսի 20-ին կայացած արտահերթ խորհրդարանական ընտրությունների արդյունքով ընտրվել է ՀՀ Ազգային ժողովի 8-րդ գումարման պատգամավոր «Քաղաքացիական պայմանագիր» կուսակցության ցուցակով։ ԱԺ եվրոպական ինտեգրման հարցերի մշտական հանձնաժողովի անդամ։ 2025 թվականի հունվարի 22-ին ընտրվել է ՀՀ ԱԺ առողջապահության հարցերի մշտական հանձնաժողովի նախագահ։ 2025 թվականի օգոստոսի 20-ին վայր է դրել պատգամավորական մանդատը և առողջապահության հարցերի մշտական հանձնաժողովի նախագահի պարտականությունները։ 2025 թվականի օգոստոսի 27-ին նշանակվել է ՀՀ աշխատանքի և սոցիալական հարցերի նախարար։
Հասարակական կերպար
[խմբագրել | խմբագրել կոդը]Արսեն Թորոսյանը հայտնի է բանավիճային ակումբներին ակտիվ մասնակցությամբ, զանգվածային կանխարգելիչ պատվաստման[14], հակածխախոտային պայքարի[15] և պարտադիր ապահովագրության[16][17] կողմնակից լինելով, ճանապարհային ոստիկանության աշխատանքի բարելավմանն ուղղված առաջարկներով։
Աթեիստ լինելով[18][19], Թորոսյանը բազմիցս խոսել է եկեղեցու, պետության և կրթության տարանջատման կարևորության մասին, դեմ արտահայտվել հանրակրթական հաստատություններում «Հայոց եկեղեցու պատմություն» առարկայի դասավանդմանը, քրիստոնեական օրացույցի համաձայն շաբաթվա օրերը ոչ աշխատանքային հայտարարելուն[18]։
Ընտանիք
[խմբագրել | խմբագրել կոդը]Ամուսնացած է Հայկական բժշկական ասոցիացիայի նախկին ադմինիստրատիվ քարտուղար Վարդուհի Թևանյանի հետ, ունի երկու զավակ՝ դուստր և որդի։
Ծանոթագրություններ
[խմբագրել | խմբագրել կոդը]- ↑ 1,0 1,1 «Էդուարդ Աղաջանյանն ազատվեց վարչապետի աշխատակազմի ղեկավարի պաշտոնից, նոր ղեկավար նշանակվեց Արսեն Թորոսյանը». Ազատ Եվրոպա/Ազատություն ռադիոկայան. 2021 թ․ հունվարի 18. Արխիվացված է օրիգինալից 2021 թ․ հունվարի 18-ին. Վերցված է 2021 թ․ հունվարի 21-ին.
- ↑ https://www.gov.am/am/gov-members/795/
- ↑ https://armenpress.am/eng/news/1040544.html
- ↑ 4,0 4,1 «Անահիտ Ավանեսյանը նշանակվեց առողջապահության նախարար». «Ազատ Եվրոպա/Ազատություն» ռադիոկայան. Վերցված է 2021 թ․ հունվարի 18-ին.
- ↑ «Հաջողության չորս տարիներ ՄՌՏ ծառայությունների մատուցման ոլորտում. Արսեն Թորոսյան | NEWS.am Medicine - Ամենը առողջության եւ բժշկության մասին». med.news.am. Վերցված է 2018 թ․ մայիսի 24-ին.
- ↑ «Արսեն Թորոսյանն անդամագրվել է Քաղաքացիական պայմանագիր կուսակցությանը», (արխիվացված)։
- ↑ «Արսեն Թորոսյանը Քաղաքացիական պայմանագիր կուսակցության անդամ է դարձել», (արխիվացված)։
- ↑ «Արսեն Թորոսյանը նշանակվեց առողջապահության նախարար». Վերցված է 2018 թ․ մայիսի 24-ին.
- ↑ Ովքե՞ր են ՔՊ-ի վարչության նոր կազմի անդամները. նրանք նիստ են հրավիրել, վարչության նախագահ են ընտրում
- ↑ ՔՊ վարչության նոր կազմը հայտնի է. անուններ
- ↑ «Ընտրության արդյունքները.ՔՊ վարչության նորընտիր անդամներն են․». Արխիվացված է օրիգինալից 2019 թ․ հունիսի 16-ին. Վերցված է 2019 թ․ հունիսի 16-ին.
- ↑ ««Քաղաքացիական պայմանագիր» կուսակցության 3-րդ վարչության կազմը․». Արխիվացված է օրիգինալից 2019 թ․ հունիսի 17-ին. Վերցված է 2019 թ․ հունիսի 17-ին.
- ↑ «Էդուարդ Աղաջանյանն ազատվեց վարչապետի աշխատակազմի ղեկավարի պաշտոնից, նոր ղեկավար նշանակվեց Արսեն Թորոսյանը». Ազատություն Ռադիոկայան. 2021 թ․ հունվարի 18. Արխիվացված է օրիգինալից 2021 թ․ հունվարի 18-ին. Վերցված է 2021 թ․ հունվարի 21-ին.
- ↑ Aravot Daily (2017 թ․ նոյեմբերի 8), Արսեն Թորոսյան. «Պապիլոմա վիրուսի դեմ պատվաստումից հաշմանդամություն կամ չբերություն չի գրանցվել», Վերցված է 2018 թ․ մայիսի 24-ին
- ↑ «Ծխելու արգելք հանրային վայրերում, ծխախոտի վաճառքի սահմանափակում». armenpress.am. Վերցված է 2018 թ․ մայիսի 24-ին.
- ↑ Ես առողջ եմ 27.10.2017 (անգլերեն), Վերցված է 2018 թ․ մայիսի 24-ին
- ↑ «Շատ ցածր ապահովագրավճարը նշանակում է բժշկական ծառայությունների ցածր որակ. Արսեն Թորոսյան». ՄԱՄՈՒԼ.am. Վերցված է 2018 թ․ մայիսի 24-ին.
- ↑ 18,0 18,1 «Բաց նամակ ՀՀ վարչապետին | Atheist.am». atheist.am. Արխիվացված է օրիգինալից 2018 թ․ նոյեմբերի 6-ին. Վերցված է 2018 թ․ հոկտեմբերի 22-ին.
- ↑ «Հոսանքին հակառակ՝ աթեիստները Հայաստանում», (արխիվացված)։
| Նախորդող Լևոն Ալթունյան |
ՀՀ առողջապահության նախարար Արսեն Թորոսյան մայիսի 12, 2018 - հունվար 18, 2021 |
Հաջորդող Անահիտ Ավանեսյան |
| ||||||||||||||
.svg)
.svg)
.svg)
.svg)
.svg)
| ||||||||||||||||||||||||||||||||
- Հունիսի 21 ծնունդներ
- 1982 ծնունդներ
- Ապրող անձինք
- Երևան քաղաքում ծնվածներ
- Անձինք այբբենական կարգով
- Հայաստանի առողջապահության նախարարներ
- Հայաստանի քաղաքականության կաղապարներ
- Երևանի պետական բժշկական համալսարանի շրջանավարտներ
- ՀՀ ԱԺ 8-րդ գումարման պատգամավորներ
- Հայ աթեիստներ
- Հայ բժիշկներ
- Հայ պետական գործիչներ
- Քաղաքացիական պայմանագիր կուսակցության անդամներ
- ՀՀ գործող նախարարներ