Արմեն Մուրադյան

Վիքիպեդիայից՝ ազատ հանրագիտարանից
Jump to navigation Jump to search
Արմեն Աբգարի Մուրադյան
 
Կրթություն՝ Երևանի Մխիթար Հերացու անվան Պետական Բժշկական Համալսարան
Մասնագիտություն՝ բժիշկ
Ազգություն հայ
Ծննդյան օր հուլիսի 10, 1972(1972-07-10) (47 տարեկան)
Ծննդավայր Երևան, Հայկական ԽՍՀ, ԽՍՀՄ
Քաղաքացիություն Flag of Armenia.svg Հայաստան
Հայր Աբգար Մուրադյան

Արմեն Աբգարի Մուրադյան (հուլիսի 10, 1972(1972-07-10), Երևան, Հայկական ԽՍՀ, ԽՍՀՄ), հայ բժիշկ։ ՀՀ առողջապահության նախարար (ապրիլի 23, 2014 - սեպտեմբերի 27, 2016

Կենսագրություն[խմբագրել | խմբագրել կոդը]

1989-1995 թթ. սովորել է Երևանի պետական բժշկական ինստիտուտի բուժական ֆակուլտետում, 1995 - 1998 թթ. Երևանի Մխիթար Հերացու անվան պետական բժշկական համալսարանի վիրաբուժության N2 ամբիոնում ուրոլոգիա մասնագիտությամբ։ 1998-2000 թթ. եղել է Երևանի Մխիթար Հերացու անվան պետական բժշկական համալսարանի ուռուցքաբանության և ճառագայթային թերապիայի ամբիոնի ասպիրանտ, 2003 թվականին մասնակցել է Առողջապահության կառավարման դպրոցի և Հայաստանի ամերիկյան համալսարանի «Առողջապահության կառավարման (մենջմենթ) և կազմակերպում» ծրագրի «Առողջապահության տնտեսագիտության, ֆինանսական կառավարման և մարքեթինգի հիմունքներ» դասընթացներին, 2004 թվականին՝ Շվեդիայի Ստոկհոլմ քաղաքում InDevelop Uppsala AB Առողջապահության համակարգի զարգացման բարձրագույն միջազգային ուսուցողական ծրագրին։

1987-1993 թթ. եղել է սանիտար, ֆելդշեր ՀԽՍՀ Վիրաբուժության համամիութենական գիտական կենտրոնի վերակենդանացման բաժանմունքում և վիրահատարանում։ 2000 թվականին պաշտպանել է թեկնածուական թեզ «Շագանակագեղձի նախաքաղցկեղային վիճակի և քաղցկեղի կլինիկական ընթացքի կանխորոշման մոդելի հարցեր» թեմայով։ 2001 - 2002 թթ.եղել է «Արմենիա» հանրապետական բժշկական կենտրոնի ուրոլոգիական բաժանմունքի հերթապահող բժիշկ, 2002-2003 թթ.` «Արմենիա» հանրապետական բժշկական կենտրոնի ուրոլոգիական բաժանմունքի բժիշկ-ուրոլոգ, 2003 - 2011 թթ. Երևանի Մխիթար Հերացու անվան պետական բժշկական համալսարանում հիմնադրել է ուրոլոգիայի ամբիոն և ստանձնել ամբիոնի վարիչի պարտականությունները, 2003 -2008 թթ.` «Արմենիա» հանրապետական բժշկական կենտրոնի ուրոլոգիական կլինիկայի ղեկավար։ 2005 թվականին պաշտպանել է դոկտորական թեզ «Շագանակագեղձի տարածված քաղցկեղի համալիր բուժման բարելավման կլինիկա-կենսաբանական հիմունքներ» թեմայով։ 2004 - 2006 թթ. եղել է ՀՀ առողջապահության նախարարի խորհրդական, 2005 - 2011 թթ.` Երևանի Մ. Հերացու անվան պետական բժշկական համալսարանի պրոֆեսոր, 2006 թվականից` ՀՀ ԱՆ գլխավոր ուրոլոգ, 2008-2012 թթ.` ՀՀ ԱՆ Վ.Ա.Ֆանարջյանի անվան Ուռուցքաբանության ազգային կենտրոնի տնօրենի առաջին (բուժական գծով) տեղակալ, 2009 -2013 թթ.` Հայկական ուրոլոգիական ասոցիացիայի նախագահ, 2012 -2014 թթ. `«Իզմիրլյան» բժշկական կենտրոնի գործադիր տնօրեն։ ՀՀ Նախագահի հրամանագրով 2014 թվականի ապրիլի 23-ին նշանակվել է ՀՀ առողջապահության նախարար[1]։

Երկու մենագրության և ավելի քան 70 գիտական աշխատանքի հեղինակ է[2]։

Պարգևներ[խմբագրել | խմբագրել կոդը]

  • ԵՊԲՀ «Ոսկե մեդալ»
  • ՀՀ վարչապետի շնորհակալագիր
Նախորդող
Դերենիկ Դումանյան
ՀՀ Առողջապահության նախարար
Արմեն Մուրադյան

23 ապրիլի 2014 թ.- 27 սեպտեմբերի 2016 թ.
Հաջորդող
Լևոն Ալթունյան


Ծանոթագրություններ[խմբագրել | խմբագրել կոդը]